#1  
قديم 20/12/2007, 03:50 PM
زعيــم فعــال
تاريخ التسجيل: 30/03/2007
المكان: الريـاض 年誘&
مشاركات: 365
&& خسارهــ الهلال من احتراف ياسر &&




اهلين بالزعماء ومشجعي افضل فريق في اسيا .

هاليومين مالنا الا سالفه احتراف ياسر في مانشستر ستي ما بين مؤيد لها و رافضين لها .

هذا الموسمــ خسرنا الذيب سامي الجابر ولا نبي نخسر مهاجمنا الاول ياسر القحطاني على حساب احترافه الخارجي .

كلنا يعرف وش مكانه ياسر بالفريق وكيف الفريق يتأثر بغيابه .

اللي يحب الهلال من قلب المفروض يرفض احترافه لان مصلحه الفريق فوق كل شي .

مهاجمي الفريق اللي ممكن يفيدونا هم احمد الصويلح وليلو بس ... العنبر والخراشي مو في المستوى .

اغلبنا يعرف ميدو ومسيرته الاحترافه بداية من فريق جنك البلجيكي واجاكس وروما وتتونهام ومدلسبرهــ وش استفاد المنتخب المصري من احترافه ؟ ولا شي .... والمنتخب المصري من بعد كاس العالم 1990 في ايطاليا ما شارك بعدها ... وشاهدوا منتخبات المغرب والجزائر وتونس و ايران وش استفادت من احتراف لاعبيها خارجياً .... صفر على الشمال .



خالد عزيز وخلال فترهــ ايقافه تأثر الفريق بشكل كبير ولا قدر احد يغطي مكانة على الرغم من وجود عدد كافي من لاعبي المحور بالفريق بس خالد عزيز في الاخير له بصمته بالفريق ... والشي هذا بيصير اذا رحل ياسر عن الفريق .

كلنا يعرف ان رحيل ياسر بيأثر على الفريق هل هذا الشي يرضيكم ... وما الحل ؟؟؟

لحد يقول الفريق مايعتمد على ياسر ..... يكفي اللي صار له بعد عودته من استراليا بعد رحله متعبه واستقباله في المطار ومنها على النادي على طووووول عشان مباراهــ الزعيم مع الاتحاد ومشاركته في المباراة كاملة

بعطيكمــ نبذهــ بسيطة عن فريق مانشستر ستي هذا الموسمـــ



8 مهاجمين في الفريق وزيادهــ عليهمــ لاعب تاسع تعاقدوا معه بتاريخ 18 \ 12 \ 2007

وهو



الموهوب المكسيكي Nery Castillo

وهذا خبر التعاقد معه من موقع النادي

http://www.mcfc.co.uk/default.sps?pagegid={DBD12D53-8346-431D-A04F-5D0F8664DE80}&newsid=515342

صورهــ من موقع الانتقالات للاعبين وموضح انتقال اللاعب كاستيلو



يعني 9 مهاجمين ولو جاء ياسر بيصير العاشر !!! يعني مكانه الاحتياط .

وبصراحه احلى مافي خبر الانتقال يقولون قيمة الانتقال 20 مليون دولار ميدو بكبرهــ وبعرضه قيمة انتقاله 13 مليون من تتونهام لمديلسبرهــ . شوي شوي علينا يا ناس .

اذا انتقل ياسر وبنهاية الموسم بينتهي عقد طارق التائب وعقد تفاريس وراحوا الثلاثة من بيقى في الفريق ؟؟؟؟؟؟

لحد يقول هذا مندس والا من هالكلام لان اللي يحب الهلال ما يتمنى انتقال اي لاعب مهما كان .... ولو اني مندس كان قلت اتمنى انتقال اغلب اللاعبين عشان يضعف الزعيمــ .

وكل عامــ وانتم بخير .

اضافة رد مع اقتباس
  #2  
قديم 20/12/2007, 03:58 PM
موقوف
تاريخ التسجيل: 13/11/2006
المكان: السعودية
مشاركات: 4,533
اهم شي يحترف
اضافة رد مع اقتباس
  #3  
قديم 20/12/2007, 04:08 PM
زعيــم متواصــل
تاريخ التسجيل: 30/06/2005
المكان: الرياض
مشاركات: 72
انا أأيد احترافه اذا فيه بديل له
اضافة رد مع اقتباس
  #4  
قديم 20/12/2007, 04:09 PM
الصورة الرمزية الخاصة بـ ولد الزعيم البار
زعيــم مميــز
تاريخ التسجيل: 29/07/2005
المكان: ToRiNo
مشاركات: 6,168
ياناس كبروا عقولكم

لين متى وتفكيرنا محلي خلاص متى بنحترف كيف تبون نتايج في كاس العالم من دون احتراف

اي عرض لياسر يروح والله يوفقه وخصوصا اذا كان العرض مادي حلو للهلال وياسر

وترى اعتزل الثنيان والنعيمه وراح الغشيان والتيماوي والهلال زعيم ببطولاته ماراح نوقف على ياسر الله يوفقه
اضافة رد مع اقتباس
  #5  
قديم 20/12/2007, 04:09 PM
زعيــم مميــز
تاريخ التسجيل: 31/10/2007
المكان: حيثـَ أريد أنـ أكونـ ...!
مشاركات: 1,509
بالتوفيق لياسر وياسر حلمه الاحترااف لييه نوقف بطريقه ،،
اضافة رد مع اقتباس
  #6  
قديم 20/12/2007, 04:29 PM
زعيــم متألــق
تاريخ التسجيل: 30/08/2007
المكان: مع الزعيم قلب ً وغالباا ..
مشاركات: 1,240
ياااااااااااااااااسر لازم يحترف
وصدقوني انا متضااااااااايق لانه راااااااااح يترك الهلال
بس مصلحته فوق كل شي ولاتنسون انه راح يرفع اسم السعوديه فووووووووق
وهذا اللي نتمناه
ياناس ادعوله ان الله يوفقه
وانشوفه احسن لاعب بالعالم بالعالم
اضافة رد مع اقتباس
  #7  
قديم 20/12/2007, 04:41 PM
الصورة الرمزية الخاصة بـ bad boy584
زعيــم متألــق
تاريخ التسجيل: 30/10/2006
المكان: كندا
مشاركات: 1,035
انا اقول حلم ياسر الاحتراف خارجيا وحرام نوقف في حلمه
اضافة رد مع اقتباس
  #8  
قديم 20/12/2007, 04:57 PM
زعيــم فعــال
تاريخ التسجيل: 30/03/2007
المكان: الريـاض 年誘&
مشاركات: 365

مشكورين على الردود ... بس استغربت شي ؟؟؟؟

وشلون الهلال ما يوقف على لاعب وهذا حنا دفعنا ملايين على تفاريس عشان يجلس معنا 6 شهور اضافية !!!!!!
وهذا طارق التايب راتبه 50 الف دولار شهرياً .... ليه نعطيه هالراتب الا عشانه لاعب مهم في الزعيمـــ ونحتاجه .

ياسر لاعب نادر وحرام نفرطــ فيه لانه بين يدينا ومافي بديل له .

صدقوني بعد اي خسارهــ للزعيمــ لا قدر الله بنقول وينكــ يا ياسر فقدناكـــ
اضافة رد مع اقتباس
  #9  
قديم 20/12/2007, 05:07 PM
زعيــم فعــال
تاريخ التسجيل: 30/03/2007
المكان: الريـاض 年誘&
مشاركات: 365
إقتباس
الرسالة الأصلية كتبت بواسطة ولد الزعيم البار
ياناس كبروا عقولكم

لين متى وتفكيرنا محلي خلاص متى بنحترف كيف تبون نتايج في كاس العالم من دون احتراف

اي عرض لياسر يروح والله يوفقه وخصوصا اذا كان العرض مادي حلو للهلال وياسر

وترى اعتزل الثنيان والنعيمه وراح الغشيان والتيماوي والهلال زعيم ببطولاته ماراح نوقف على ياسر الله يوفقه

هلا اخوي ..... اي نتائج تتكلم عنها في كاس العالم مصر وتونس والمغرب والجزائر وش صار لها في كاس العالمــ ؟؟؟؟ خروج مبكر من الدور الاول .

المنتخب المغربي اللي اغلب لاعبيه محترفين وش سوينا فيهم في كاس العالم 1994 في امريكا هزمناهم شر هزيمة 2 \ 1 وهم محترفين وحنا بدون احتراف في هذا الوقت .

الجماهير اللي تحضر للملعب تبي المتعه مع الفن والنتائج وهذي الاشياء بتغيب مع غياب ياسر عن الزعيمــ .
اضافة رد مع اقتباس
  #10  
قديم 20/12/2007, 05:21 PM
زعيــم متواصــل
تاريخ التسجيل: 26/04/2007
مشاركات: 178
مدام هو مفتنع خلوه يروح

خلاص اتمنى التفكير بالهلال فقط

وترك ياسر في حاله
اضافة رد مع اقتباس
  #11  
قديم 20/12/2007, 06:28 PM
الصورة الرمزية الخاصة بـ عالي الشان
زعيــم مميــز
تاريخ التسجيل: 06/08/2001
المكان: الرياض
مشاركات: 4,553
تسلم يمينك في كل كلمه كتبتها

اذا ياسر راح فقول على الهجوم السلام .. لحد يقول اللي جابه يجيب غيره لأن لاعب مثل ياسر صعب يتعوض

نفرض ياسر راح بذمتكم وش بنتسفيد ؟
الموارد الماليه الحمد لله متوفره خاصه بعد عقد موبايلي

حنا صحيح نحب ياسر لكننا نحب الزعيم اكثر ولا نتمنى نخسر لاعب مهم مهما كان

برجعة عزيز ووجود باقي النجوم تفاريس ومعاهم التايب وياسر وغيرهم باذن الله فريقنا بيستمر بالمقدمه وبنفرح مع بعض بالبطولات


محمد بن فيصل ( انا عن نفسي ) لن اغفر لك غلطة التفريط بياسر مهما حتى لو عوضنا بكنوز الدنيا


الهــalhilalــلال
شكرا لك على الموضوع الرائع وبداية موفقه لك بمنتدى الزعيم
اضافة رد مع اقتباس
  #12  
قديم 20/12/2007, 06:41 PM
زعيــم فعــال
تاريخ التسجيل: 30/03/2007
المكان: الريـاض 年誘&
مشاركات: 365
إقتباس
الرسالة الأصلية كتبت بواسطة turky18
اهم شي يحترف

طيب واحترف وبعدين ؟؟؟؟ ذيبنا سامي الجابر يوم احترف في ولفر هامبتون بعقد مدته 6 شهور ما شارك الا في 80 دقيقة مجموع مشاركاته مع الفريق .

فهد الغشيان احترف في فريق اي زد الكمار والظاهر ما شارك الا في مباراة وحدهــ وفي الشوط الثاني بعد وقناة الاوربيت ESPN نقلت المباراة .

الفرق الكبيرهــ من الصعب تستغنى عن لاعبيها الا اذا كان محتاج لمبلغ معين او فيه لاعب بديل .

واتوقع ياسر مافي بديل له في الوقت الحالي .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:46 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube