سفراء النوايا الحسنة - نادي الهلال السعودي - شبكة الزعيم

عريب عبدالله · #1 20/12/2007, 04:42 AM

" ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
واناااااااااااااااام" ..

لما جيت أكتب أحس اني نسيت شي أسمة كتابة
أطالع الحروف وكأني أول مرة أشوفها
نسيت وضيفتها ما الومني من زماااااااااااان ماكتبت

"اعذروني لو نسيت الشاي
وآداب الضيافة
وانطلقت من القيود
اللي يسموها لطافة
الوحيد اللي بوضعي عادته رفع الكلافة"

بصراااااااااحة ما الومكم لو نسيتوني
والا أنا ما نسيتكم وانتوا ببالي على طوووووووول
والله والله اشتقت للمنتدى ولكل حتة فية"قلبت على المصري"

"نرجع للسعودي"
أتوقع بتتسائلون ويييييين كنت غاطسة

طبعاً الى الآن ما بعد مت ولله الحمد

لكن .......

تذكرت.......

كل عام وانتو بخير

وأنا بخير وصحة وسلامة وعافية

بعد ما عايدت علي وعليكم

نرجع لموضوعنا...

أي موضوع ؟؟؟!!!!!!

ما الومني لو ضيعت والله من اللي شفتة اليوم..

اتوقع عمي موسى بيحلم بالستة عشر خروفاً اللي ماتت على يدية الكريمتين

الله يرحم عمي فهد كان هذا دورة لكن تسلم الراية من بعدة احد السفاحين بالعايلة

احلى واحد فيهم بابا الله يحفظة كالعادة جالس على الكرسي ولابس ثوب وكاشخ

ويتولى الإشراف من بعيد ويتولى التعليق على منظرهم المخضب بالدماء

رغم أن الكل ضاربة فيوزاته وحس الكاهه في اهلي وراثي فكانت كارثة

اما انا شفت شوي وكل ماتذكرت ارتجفت رعباً ما احب الدم والموت

أنا أسمي هذي الأيام ايام الجوع بالنسبة لي حيث اللحم بأنواعة ومشتقاتة

اللي ما أحبها فتنشاء علاقة حميمة بيني وبين عشقي الأبدي

الجبنة أقاطع أي منتج ولا أقاطعها خصوصاً هذه الأيام العصيبة

الناس تفطر كبدة وكمونيه ومقلقل وأشياء أخرى وانا آكل نواشف

على ماقالت أمي انتي محرومة والا احد يعاف هالنعمة

"نفس تعاف ماتسمن"<<وأنا ما شية على الموضة ليه اسمن؟؟؟

ما علينا من المجزرة السنوية اللي حضرتها وماسلمت من آثارها

أنا الى الآن مانمت خايفة أحلم فيه مسكين شفته وهي تطلع روحة

كفى بالموت واعظاَ المصيبة ما احد تأثر الا أنا ويزوني والبقية ماعندك احد

اكثر شغلة ترفع ضغطي سفراء النوايا الحسنة
واللي يعلقون سخافتهم في شماعة حسن النية دائماً يستمتعون بالصواريخ السخيفة
واللي من باب المزاح ثقيل الدم "مثل دم خروف ماذبح على الطريقة الاسلامية"

مشكلتنا في الحياة مانفرق بين اللي يضحك لنا واللي يضحك علينا
للمزح حدود مثل ما لكل شي حدود حلو أن الإنسان يكون مرح يمزح مع أهله
لكن ما يمون على خلق الله بعض الناس لبذائة لسانه الكل يتجنبة ويخاف يقرب منه
طبعا سلاطة اللسان نوعان<<آثار التدريس مازالت من ذاكرتي
الناس نوعين نوع وقح من باب الميانة على اللي يعرفه واللي مايعرفه
وشخص وقح من باب الكراهيه ويجاهرك بكرهه <<وهذا اهون الأثنين
على الأقل ما بتحتك فيه لكن المصيبه باللي يدعي الطيبة وهو
يعطيك من طرف اللسان حلاوة
ويروغ منك كما يروغ الثعلبِ

لحد الآن أهذي بكلام غير مفهوم
بالعربي أنا أتكلم عن أي شخص يعلق على شخص بكل وقاحة
عشان يضحك الباقين وهم منتشرين بكثرة
وكل واحد يضحك يخاف يجية الدور

مع الأسف بعضنا يدور الدعابة بأشكالها الرخيصة
مثل الأفلام المقصود بها أهم شريحة بحياتنا الأطفال
يروجون للخلاعة وسؤ الأخلاق من باب الإضحاك
مثل المسرحيات الخليجية يروجون لأي هدف من باب الإسفاف
بعقل المشاهد وترويج مفردات سوقية لإيصال رسالة مشوهه
مسلسلات كوميدية مزعجة لأن الفن رسالة
إعلامنا يتصيد سقطات الآخرين ليبداء منها
من باب الصراحة والمكاشفة المتعدية للوقاحة أحيان كثيرة

ملينا من سفراء النوايا الحسنة
كونهم معول هدم للمجتمع
وأنا مليت من الفلسفة والكلام الزايد

أوجة تحية حب وإحترام للشاعر الكبيييييير
خلف بن هذال على قصيدته الرائعة اللي القاها اليوم بين يدي خادم الحرمين
لو كان أمامي لقبلت رأسة على جمال قصيدته له مني كل حب وإحترام

بعض مني وضعته هنا...
اليوم عيدك يا حبيبي وعيدي
اليوم نبعد عن خلايق وعن ناس

اليوم مايكتب لغيرك قصيدي
اليوم انا لك روح وجدان واحساس

كل عام يالغالي اشوفك سعيدي
ويشع نور الحب للعام نبراس

هذي سارونة حبيبتي
ما شاء الله عليها وعلى شقاوتها
الله يخليها لي أنا وبس

بالحب والإشراق