اولا لي شرف الرد على موضوعك اخوي نواف
كلامك سليم من ناحية انه العاطفه دائما تكون داخله في كل مايخص مجتمعنا وحتى قرارات الفرد
انت قلتها بنفسك امتنا امه الرحمه والتسامح والعفو
هي ايجابيه مافيه شك
لكنها تختلف من حاله الى حاله .
يعني المسامح هنا هو الامير سلطان بن فهد رئيس الاتحاد السعودي واللي تحت مسؤوليته
جميع الانديه والمنتخبات وكل مايخص الرياضه السعوديه .
في حالة مثل حالة خالد عزيز مي مشكله انه الامير سلطان يسامحه لانه هو المسؤول عن المنتخب
كون انه عزيز اخطأ في حق المنتخب والامير سلطان جزاه الله خير سامحه من باب العفو عند المقدره .
لكن في حالة مثل حالة وليد عبدربه والكل يعرف وش سوا في مباراة الحزم يوم يضرب اللاعب مناور,
في هالحاله المفروض مايتم السماح والعفو عن اللاعب الا اذا تنازل صاحب الحق واللي هو مناور
اللاعب وليد اخطأ في حق زميله وتعاقب على اساس خطأه .
كيف يتم العفو عنه المفروض انه يكمل عقوبته كامله والا راح يكرر اللي سواه
لانه خطأ وليد عبدالربه اولا على زميله وثانيا على النظام والعقوبه اتت على اساس حفظ النظام اولا
ورد جزء من حق مناور على اللاعب وليد .
هنا الحالتين تختلف تماما لكن ربعنا عفو عن الجميع من باب لا يزعل احد ,
مشكلتنا ياعزيزي مافيه نظام وقوانين محدده لكل من يتجاوز حده
دائما قرارات الايقاف تجي متباينه مره سنه ومره ست شهور والمفروض يسن قانون ويكون الجميع مطلع عليه وعلى جميع فقراته ولا يكون فيه عفو نهائيا حتى اللي يفكر يخطييتذكر انه القانون مايرحم .
عموما المسامح كريم
واتمنى من اللاعبين اللي جاهم عفو يقدرون موقف الامير سلطان
ويكون اللاعب عند حسن الظن وقد العفو اللي تم .
عوافي اخوي نواف وموفق ان شاء الله