جدتي وبلنتي النصر .... وافضيحتاااااااااااااااه - نادي الهلال السعودي - شبكة الزعيم

العالم ازرق · #1 15/12/2007, 03:06 PM

السلام عليكم ورحمة الله وبركاته

وانا مار ابروح للمباره

لقيت الوقت بدري

قلت امر اسلم ع جدتي ثم اروح للملعب

جلست مع جدتي ويوم جيت بطلع حصلت سيارتي بنشره

والله ورطه

قالت جدتي ياوليدي اجلس عندي ونسني وسولف معي

وشف المباراه بالتلفزيون
المهم احلفت اني اجلس واتعشى بعد معها

والله حن قلبي الجدتي قلت يالله خلني اجلس معها واشوف المباره

المهم ياشباب

كانت جدتي جالسه في الحوش
ع زوليه كحلي مكبوب عليها لبن وحليب
والمساند مصفوفه حمر
الله يجزاها الجنه فرشت لي (دوشق )جديد عشان اجلس فوقه
جلست اتابع المباره مع جدتي

وكانت تشوف حماسي مع كل هجمه زرقا

وتضحك علي يوم بغيت اكسر فناجيلها وبيالاتها من زود الحماس

وكانت تعلق علي

وقالت يالوليدي هالفريق الازرق من عرفت الكوره وهالناس تحبه مدري ليه

قلت لها ياجدتي هذا الزعيم مايحبه الا الي يحبون الفوز والزعامه وبس

وجا البلنتي

وصرخت حرااااااااااااااااااااااام ياحكم حراااااااااااااااااااام تظلم الزعيم مو بلنتي موبلنتي

فجاه صرخت جدتي صرخه خلتني اترك التلفزيون واناظر يمها

واتفاجا بان جدتي تقول

ول ول حسبي الله عليه من حكم

هذا مايشوف حتى الأحول يشوف انها مو بلنتي

ول عليه عزالله انه ظلمكم ياوليلدي

هو فيه بلنتي من دون مايلمسه الرجال طاح بروحه محد لمسه

هالاعب الاصفر طااح من الهوى يمكن

يمكن جتهم هبت ريحن قويه طيحت الاعب الاصفر واصفرت عيون الحكم وحطه بلنتي

والا يمكن انه هالحكم ارتاع من صيحة احدن زعق وراه من هالي جالسين وراه وارتاع وحط بلنتي

ياوليدي لاتحرق اعصابك يمكنه هالحكم خاف منهم ومن صيحاهم وقال ابفتك بس منهم وبحط بلنتي والهلال يمديه يفوز بعدين

فشيله هالحكم

مايخاف من ربه

لوني من مشجعين هالفريق الاصفر ماقبلت بهالهدف الانه جا عن طريق الغش

اشوني ماحب الكوره ياوليدي والا لوني من هالصفران كان اتبرا من هالهدف ومن هالفريق الي يفوز بالغش

بصراحه يشباب يوم سمعت تعليقات جدتي على الهدف النصراوي وفشيلتها من هالفريق الاصفر على حد قولها الي يفشل لانهم فرحو بهدف غش خخخخخخخ

مت من الضحك

وقلت الله يفشلكم يالنصراويه
حتى الجدات انتقدنكم وتفشلن من البلنتي الظالم وتبرو منكم وتفشلو من مجاملة الحكام لكم طول هالسنين

والحمد الله اني هلالي

وخلو التحكيم معكم يالنصراويه

وينرحم حالكم الي تفرحون بهدف جا من ظلم تحكيمي

حتى الجدات ينتقدنه

رساوي برساوي · #2 15/12/2007, 03:15 PM

ماشاء الله على جدتك

شكلهم شاتو البلنتي وعادوه وسجلو الهدف وهي تهرج خخخخ

لو اني منك الكفر اللي بنشر أحرقه خخخ

هارد لك على التعادل وسلم لي على جدتك

الزsamiعيم · #3 15/12/2007, 03:31 PM

خخخخخخخخخخخخخخخخخخخخخخخخخخخ

والله ذيب يا سامي · #4 15/12/2007, 03:42 PM

خلهم يسمعون

أجل هدف نامي ما قالت إنه لمس يد ياسر

أصحاب العقول في نعمة يا جماهير الحالمي

هلاليه كووووووول · #5 15/12/2007, 03:42 PM

هههههههههه ياحليلهاا سلملي عليها

9هلالي قصيمي9 · #6 15/12/2007, 03:42 PM

خخخخخخخخخخخخخخخخخخخخخخخخخخخخخخ

ولهانه للهلال · #7 15/12/2007, 03:56 PM

إقتباس

الرسالة الأصلية كتبت بواسطة رساوي برساوي


	ماشاء الله على جدتك شكلهم شاتو البلنتي وعادوه وسجلو الهدف وهي تهرج خخخخ لو اني منك الكفر اللي بنشر أحرقه خخخ هارد لك على التعادل وسلم لي على جدتك