وجهة نظر خاصه ارى والله اعلم ان خالد عزيز لاعب دفاعي اكثر من انه هجومي .... وفي وجهة نظر عميقه شوي سامحوني فيها ...اني ارى انه لابد ان يكون المحور الدفاعي يجيد النواحي الهجومية ..من تمرير متقن ،،ومهارات ،، وتوزيع جيد لللعب .. لأنهم هم الوصله الهجومية الاولى الموصله للهجمات الخطره ..يعني هم الي يعدون اول خطه للهجوم .. فأذا كانت بداية الاعداد للهجمه صحيح.. على الأرجح بيكون آخرها مثمر وصحيح ... كما انهم اذا تقدموا مع الهجمة كان تقدمهم بمثابة صانع اللعب الخطر جدا ....!! فيكونواشلهوب آخر او تائب آخر .. (( لانهم يعرفون يصنعون الاهداف ))وهذا اقوى للفريق وانكى على الخصوم ....! ملاحظة : اني مؤمن بصحة \هذه النظرية ...ولذلك ارى ان فائدة الغنام افضل بكثير من خالد عزيز خصوصاً لو يحسن الغنام من اسلوبه الدفاعي


ونرى الآن الهلال بوجود الغنام والنجم الكبير جدا الخثران افضل بكثير واكثر فوزا من ايام خالد عزيز
هذا رئيي والله اعلم
ارجوا ان ارى رئيكم ..!!

صادق والله.

إقتباس الرسالة الأصلية كتبت بواسطة لا تزعلونه صادق والله.

شكرا على المرور اخوي الكريم ..

لاعب المحور لا بد ان يجيد في الجانب الاهم الجانب الدفاعي ومن ثم يتفرغ للعب الهجومي
وعزيز لاعب ممتاز يجيد هذا الجانب ودائما يما يذكرني باللاعب الايطالي جينارو قاتوزو المشابه له الى حد كبير في طريقة لعبه
اما الغنام فانه يتميز في الجانب الهجومي اكثر من تميزه في الجانب الدفاعي
والف شكر اخوي على طرح الموضوع
وتقبل خالص تحياتي : سمفونية الزعيم

انا معاك في كل شيء بس عندي ملاحظتين للخثران وللغنام ولعزيز الخثران هالايام تمريراته الخاطئه ياكثرها ليته يركز شوي
والغنام يبيله يحسن التغطيه والدفاع وعزيز قوي دفاعيا وصعب انك تتجاوزه لكن يجب عليه تحسن ناحيه التمريرات حنا مانطلب منهم انهم يكونون صانعين العاب ولكن ان شاءلله يتفوقون على انفسهم ويتطور مستواهم اكثر واكثر وصراحه الهلال عيني عليه بارده ماشاءالله عنده احسن محاور بالمملكه هالايام خاصة مع تطور مستوى (الغنام والبرقان ) هالموسم صحيح مالعبو كثير بس المباريات اللي لعبوها قدموا فيها كورة صح (الغامدي وعزيز ) مايحتاج ماشاءالله اقوى غطاء للدفاع الخثران كويس بس شوي يركز بالتمريرات ويبطل الكعوب والله يوفق الهلال فوق كل ارض وتحت كل سماء

انا ضد ما تقوله جدا
عزيز يرح الجهه الخلفيه مره
عن محورين ماشاءالله عليه

تدري كنت بكتب موضوع بالخصوص هذا من زمان ما شفنا الهلال يهجم من كل جهة والسبة ان الوسط شبه مشلول بوجود محورين دفاعين يعني عزيز والغامدي عزيز على مستوى الدفاع عال العال ولكن هجومي صفر ولا يجيد توزيع الكور بين زملائه بالوسط
اما الغامدي فيه برود عجيب ما ان يستلم الكوره حتى يرتد مهاجم الخصم في خط السته يعني بالعربي تموت الكورة برجليه بوجود الخثران اضافة للوسط والمحور ومساندة الظهير الايسر
واصبح هناك تنويع بالهجمات والدليل مستوى الهلال المتطور مع كوزمين وخصوصا في منطقه الوسط واكبر دليل حينما خرج الغامدي امام الاتفاق واصبح الخثران يلعب كمحور خصوصا في ظل وجود الشلهوب بالجهة اليسرى الجميع يعلم ان الشلهوب من فترة ليس بمستواه المعهود بمجرد الاشتراك مع لاعب تنقطع الكورة ويواجه الزوري خطرا ولكن بحمد الله بوجود الخثران ربك ستار كمساند للزوري بالمعنى الاصح ان الشلهوب والتمياط ليس لهم دور دفاعي يلعبون على الواقف وهو ليس بالمفيد الوقت الحالي على الشلهوب مراجعه نفسه

نقطه احب اوضحها اللي ما خلاني اكتب الموضوع نظرا لوجود بعض المطهبلين واللي كل ما شافو شيء ما يعجبهم قالوا مندس واكبر دليل مستوى التمياط له سنتين على نفس الحال ولن يتغير
ولكن لا حياة لمن تنادي وانما ما زال قتل المواهب التي هي احق بالخانه في الوقت الحالي

كلامك منطقي جداً

ولكن ليس على كل

حال مطلوب من المحاور

قوة هجوميه

لان المحاور يلعبواً اكثر من

الناحية الدفاعية وهذا هو المطلوب

من المحور وليس القوة الهجوميه

إقتباس الرسالة الأصلية كتبت بواسطة سمفونية الزعيم لاعب المحور لا بد ان يجيد في الجانب الاهم الجانب الدفاعي ومن ثم يتفرغ للعب الهجومي وعزيز لاعب ممتاز يجيد هذا الجانب ودائما يما يذكرني باللاعب الايطالي جينارو قاتوزو المشابه له الى حد كبير في طريقة لعبه اما الغنام فانه يتميز في الجانب الهجومي اكثر من تميزه في الجانب الدفاعي والف شكر اخوي على طرح الموضوع وتقبل خالص تحياتي : سمفونية الزعيم

لكن اخوي مارئيك بالمهمه الثانيه للمحور .. غير الدفاعيه التي ذكرتها ... واعني مهمة اعداد بداية الهجمة ...!! الا ترى ان ذلك مهم لكل فريق ...؟؟!!!

اخوي المجهر جبتها فعلا عزيز دوره دفاعي بحت لكن الخثران ماشاءالله عليه تلقاه بكل محل (تصلح مدرب)

أخااااااااااااالفك
اليوم علينا محاور يخافون يضغطون على اللاعب الي معه الكورة مخلينه على راحته

بعدين
عزيز : دفاعي
الغمدي : هجومي

مافي احسن من ابو عزيز وابو غامد

الغامدي افضل في الهجوم اكثر وعزيز افضل في الدفاع اكثر من الغامدي

تحيااااتي

الي عزيز يابو اشباب حاول في خانه ثانيه تتكتب معليش فكرك كله هجوم ههههههههههه ماعندك كوره يبو

انا اقولك بمباراه الامس كانت خطوطنا مميزه من دون استثناء
لكن شفنا هجوم اكثر من كل مكان من الاطراف من العمق من كل مكان صرنا نهاجم
بالامس اكد الغنام غياب عزيز غير مؤثر
فلعب بامتياز بمركزه ومنظم اللعب مع بقيه اللاعبين
بس المحور امس ماشفنا اي اختراق اي كووره تدخل العمق ياخذها الغنام او الخثران
يعني مجملا نقوول عزيز صحيح انه لاعب كبير وله فقده بوسط الملعب بس الغنام امس سوا اللي عليه واكثر
نطلع من كل الموضوع ان عزيز لاعب دفاعي بحت والغنام عنده نزعه هجوميه نوعا ما
وبصراحه موضوع ك حلوو ومفيد للكل
الله يعطيك العافيه