آآآآه كم أكرهك ياثالث ثانوي , , - صفحة رقم 4 - نادي الهلال السعودي - شبكة الزعيم

مهويه لاني هلاليه · #1 13/12/2007, 11:23 PM

حرااااااااااااام عليك يا ولييييييييييييد

لا تكرهني فيها وانا لسه ما دخلت الثنوي <<<<<<<<<<<<<<<<<<<عاد انا خلقه اكره الدراسه من يوم ما

عرفة نفسي

BLUE-STAR · #2 14/12/2007, 12:27 AM

الله يعينك الصرااحه حاااسه بالشعووور ما أمداي طلعت منه..

بس بعدين إذا تذكرت الذكريااات تقووول يازين ذيك الاياام << بس عا ماودك ترجع له

بعدين ترا الكيمياء الترم الثاني مو صعب بس كثير شوي ودسم إذا فهمته خلاااص تستانس وانت تحله.. أذكر كنت رايحه الامتحان وأنا ماخلصته من كثره << الله من الدجه

وليد القحطاني · #3 14/12/2007, 12:41 AM

أشكركم ع المرور , ,

قرقاص · #4 14/12/2007, 09:15 AM

إقتباس

الرسالة الأصلية كتبت بواسطة وليد القحطاني


	السلام عليكم , , الطفل يبدأ مرحلته الدراسية من التمهيدي او الروضة , , ويكمل دراسته إذا الله وفقه . . وتمر عليه سنة ورا سنة , , ويدخل المتوسطة وتبدأ الصعوبة , , ويدخل الثانوية ويكره الدراسة , , ويجي ثالث ويكره حياته << :: آآآه كم أكرهك ياثالث ثانوي :: والله كرهتها وما عاد صرت اذاكر , , الله لايوفق اللي اخترع المدارس , , الحين ودي اعرف شئ :- ليش ندرس الرياضيات .. وش بنستفيد , , خلاص اعرف اضرب واجمع واطرح واقسم ليش ندرس الفيزياء . . وش دخلنا في الظغط والتاريمو متر والزهقمتر ليش ندرس الكيمياء ,, وش دخلنا في الملح والصوديوم والخرابيط , , وش نستفيد فيها من حياتنا ,,,, مواد الدين مافيها كلام , , والرياضة والوطنية والأحياء والعربية مافيها كلام بس أنا أقترح ان من السنة الجاية ان من بعد صف ثالث متوسط يتخرجون الطلاب ويروحون للجامعات , , الله يعيني ويعين طلاب الصف ثالث ثانوي , , وييسر لهم المحنة اللي هم فيها , , تحياتي ورده

مرحبا اخوي وليد

شوي شوي على ثالث ثانوي

ياخوي صحتك اهم وثالث ثانوي مرحلة وتمر بحلوها ومرها وصدقني بتتمنى ترجع ايام الثانوي لما تتخرج من الجامعة وتتوظف

صدقني رغم مرور 14 سنة على تخرجي من الثانوي >>> مافضح عمره ابد

الا انني احن لأيام الثانوية وايام المراهقة !!! صدقني الأختبارات والمذاكرة راح تحصد نتيجتها وتفرح بأذن الله وتسى كل الهم ويبقى لك الذكريات الحلوة

^ العنود ^ · #5 14/12/2007, 10:54 AM

آآآه كم أكرهك ياثالث ثانوي

جبتها على الجرح

اجل ثالث ثانوي حلوه وش الحلا فيها بالله

الا التعب والمرض

يلا هانت باقي لنا ترم

عوافي وليد ع الموضوع

Hictar · #6 14/12/2007, 01:27 PM

إقتباس

الرسالة الأصلية كتبت بواسطة قرقاص


	مرحبا اخوي وليد شوي شوي على ثالث ثانوي ياخوي صحتك اهم وثالث ثانوي مرحلة وتمر بحلوها ومرها وصدقني بتتمنى ترجع ايام الثانوي لما تتخرج من الجامعة وتتوظف صدقني رغم مرور 14 سنة على تخرجي من الثانوي >>> مافضح عمره ابد الا انني احن لأيام الثانوية وايام المراهقة !!! صدقني الأختبارات والمذاكرة راح تحصد نتيجتها وتفرح بأذن الله وتسى كل الهم ويبقى لك الذكريات الحلوة

صادق قرقاص

بتشتاق للدراسة بالثانوي يا وليـــــــــــــــــــــــــــــــــــد

شد حيلك والله يوفقك

وليد القحطاني · #7 14/12/2007, 11:31 AM

قرقاص : أشكرك ع الكلام الرائع ,,

العنود : الله يعيني ويعينك ومشكورة ع المرور

ورده

$ابوسعدالهلالي$ · #8 14/12/2007, 01:17 PM

الله يعينك ياوليد
الصراحه كرهتني بالثانوي وانا توني ماجيتها<<<< ثالث متوسط

وماينفع للنظام الجديد حق الاختبارات القصيرة الا برشم...برشم

الحمد لله عندنا المدرسين اكثرهم شيبان وسبايك

يعني ماخذين راحتنا بالغش

وارجوا انك ماتتنرفز من كلامي هذا ياوليد

بس بغيت اوسع صدرك شوي

والله يوفقك ويعدي ثالث ثانوي على خير وتجيب نسبه زينه

فمان الله

وليد القحطاني · #9 14/12/2007, 01:49 PM

ابو سعد : تسلم ع المرور والله يعينكـ , , ورده

مواصل : لاهنت ع المرور , , ورده

القيصر رهيب · #10 14/12/2007, 11:23 PM

ما صرنا من شعوب الصفر إلا من هالكلام

ليش ندرس وليش ماندرس

الله يرضى عليك أبو صقر

Rossi 999 · #11 14/12/2007, 11:35 PM

***

أهلا وليــد

.. // ..

.. بالنسبة لـ " حضرة جنابي " .. أكرهـ المـدرسة لين بالنخــاع

يآ حيف بس المدرســة الـقـهر الذي [ لآبد ] منـه ..

و ترى ثآلث ثآنوي عندي أحسـن مرحلة درآسية .. [ فلة ] تدري ليش .. ؟
.. لأني [ Shr3y ]

.. كلنـا 15 طالب و أمورنا مآشية زي الفل

بالتوفــيق خيوهـ و الله يعين الجمـيع على بيتـنا الثآنـي

[ المطرسة ]

و مقـدر لكـ فضفضتـك التي انبعـثت من عآطفـة صآدقة و قوية

تحيــآتـي خيوهـ .. // .. ورده ..

A S D · #12 15/12/2007, 12:11 AM

هلا أخوي " وليد " ..

صراحه كلامك هذا شكله طالع من قلب ..

يا خوي ما يصلح خوفتوا الي بعدهم ما دخلوا الثانوي <<< منهم

والله يا شيخ كرهتني في المدرسه مع اني كنت كارهها من زمان لاكن أنت زرعت الكره في قلوبنا <<< يسمع بـ الزراعه

ع ـالعموم الله يوفقك , ويوفق طلاب الثانويه كلهم ..

تقبل مروري .. ورده

سـ لا ـمـ
::

وليد القحطاني · #13 15/12/2007, 05:38 AM

أشكركم ع المرور , , ورده

بريماكس · #14 15/12/2007, 10:12 AM

هلا فيك اخوي وليد ..

ثالث ثانوي ماحد يششك باهميته وصعوبته بنفس الوقت .. لكن بعد التوكل على الله
سبحانه كل شئ يهون باذن الله

..

ثالث ثانوي .. والله هم وبنفس الوقت فرح ( بدينا بالفلسفه )

.. كيف ؟!!

يعني هم لانه هي مقياس لمحصولك العلمي لكل ماسبق ؟
وفرح لانه آخر مرحله لك في الثانويه ..

والثانويه صدقني والله العظيم انها لها طعم خاص .. وما تعرف هالشئ الا لما
تتخرج وتدخل الجامعه

..

وليد والله ماقول الا الله يوفقك ان شاء الله ..
وعقبال ماتتجاوز هالصخره ونفرح بتخرجك يارب والجميع

ورده

وليد القحطاني · #15 15/12/2007, 12:03 PM

^

كلام رائع من عضو أروع

تسلم ع المرور يالغلا , , ورده

تحياتي