مطافي مطافي شبة حريقة في بيت منيره (((هجوله طااااااااااااازه)) - نادي الهلال السعودي - شبكة الزعيم

الــفــارس 9 · #1 12/12/2007, 11:57 AM

السلام عليكم

يالله حيهم جميعهم كبيرهم وصغيرهم عاقلهم وهبيلهم

اليوم الاربعاءاول يوم اجاازه
طلعنا الصبحيه انا واثنين من العيال ندور ندور ندور وخلص البنزين وحنا ندور

وفجأه وبدون سابق انذار شفنا الدخان يتصاعد من شارع الملاعب شفنا دخان يتصاعد من جهة صناعية العاصمه
طبعن زي اي شاب سعودي ملقوف رحنا لها

يوم قربنا
اترككم مع الصور ::

هذا الحريق في النخل <<<زين انه عشب يبو الهوايل

هذولي ابو كروش

4 ساعات وهم يتفرجون <<<وربي ان هذا الي صاير !!

ولكن لاجديد

وطبعن يوم جينا نروح قلت يولد خلني اصور المطافي

مادريت الا جاني ذاك العسكري وسحب الجوال من يدي...!!!!!!(((لاتعليق))))

وراح سلمه للنقيب ويوم خذه النقيب الي كان تااكي مع الجماهير يتفرج ...!!!

رحت للنقيب وعطاني اياه

ومن زين الطبايع يقول لا تصور ....!!!

يخافون سمعتهم تطيح وهي طايحه من زمان

وهذا الي جا ياخذ الجوال لقطت له صوره

تم تصغير الصور لعيوونكم

محبكم:::: ابراااهيم
اتمنى ان يحوز الموضوع على رضاكم

........................1-0

القيصر رهيب · #2 12/12/2007, 12:13 PM

طيب هو نفس الحريق اللبيي شفته

لا لا لا الظاهر موب نفسه

بعدين ترى إسمها تضليل موب تحديد ؟

(((أخلاق سامي))) · #3 12/12/2007, 12:14 PM

هلا ,,

والله انك ملقوف

سؤال الحين ليه اذا صار حادث ولا اي شيء قمنا نناظر بلا فائئده,,

بس حلوه انها طايحه سكعتهم من اول

وعلى فكره كثر الحرييق ذي الايام وش السبب ؟

الــفــارس 9 · #4 12/12/2007, 12:28 PM

إقتباس


	بعدين ترى إسمها تضليل موب تحديد ؟

يرجال لاتدقق

ولا عشانك انجريتا ؟

إقتباس


	سؤال الحين ليه اذا صار حادث ولا اي شيء قمنا نناظر بلا فائئده,,

الفضاوه

!!هلالي الرس!! · #5 12/12/2007, 12:38 PM

هههههههههههههههه

والله يأنت فاضي

سؤال كيف تعرف أن الي قدامك سعودي؟
ج\لازم تصير له كرشه
تشااااااااااااااااااااااااااو

هلالي مدريدي 10 · #6 12/12/2007, 12:47 PM

مااش شعب سعودي متخلف

>>>>واحد يسب نفسة

ڪـيــف الـζــآل ؟ · #7 12/12/2007, 01:38 PM

الله يستر من كثرة الحرايق ,
ويشباب الي يقول الشعب السعودي متخلف ,
ترى فيه ناس خليجيين بدخول المنتدى ,
ماهي زينة تسب ديركـ قدامهم ..

يعطيك العافية

الازوري الأسيوي · #8 12/12/2007, 01:45 PM

تصدق نفس السالفه صارت معي امس ..
كان فيه حريق باحد المخططات .. بمحافظة الخرج .. تشوف الدخان الاسود مغطي المحافظه كلها .. منظر رهيب
عاد العالم كلها راحت تشوف "بو طبيع مايجوز عن طبعه " وانا اولهم ولقينا المطافي ماشاءلله عليهم
انواع التطور والوسائل الحديثه .. تدرون وش يسون ؟؟
صافطين على جنب ومجلسين كلهم بالسياره ولا واحد نازل يفكرون شلون يوصلون للحريق ؟
لان الحريق كان بمكان صعب الوصول له بالسياره يبيله طائرة مطافي .. وبالاخير طلع الحريق عباره عن كفرات محترقه
بس المنظر رهيييييب والدخان كان كثيف ..
الله يكافينا شر الحرايق ..
اسف ع الاطاله ..

@الالماسه الهلاليه@ · #9 12/12/2007, 05:20 PM

مبيين انكم فااضيين

وملاقييف بنفس الوقت ولا حريق وش دخلكم فييه ما تخافوون تنحرقوون

والي يزيدكم لقافه التصويير

مشكوور والله يكوون بعوون الي انحرق نخله

السـ9ـام · #10 12/12/2007, 09:06 PM

ياكثرهم الملاقيف ==> طالع منها ترى

//

شوكراً ابوخليل

$ميامي$ · #11 13/12/2007, 02:00 AM

ياحبك للقافة <<<<< الحين انا الي ماني ملقوف الله لا يوريكم وش كثر انا ملقوف
واصلا عشان تعرف ان الشخص سعودي من القافة طبعا
خخخخخخخخخخ

الفيروسه الزرقاء · #12 13/12/2007, 02:25 AM

شبت حريقه ، في بيت منيرة ، جت المطافي قالت يـ كافي

^
^
^
خشت جو مع السبجكت ، بس انت لايطوفك قالت يـ كافي ماكلفت عمره تطفي النار هههههههههههههههههههه اكيد وكـ العاده وصلوا متأخرين وحصلو النار طافيه

وعليكم السلام ورحمة الله وبركاته .

هلا بـ الــفــارس 9 ---->> توها تدخل فـ الموضوع

إقتباس


	طلعنا الصبحيه انا واثنين من العيال ندور ندور ندور وخلص البنزين وحنا ندور

واكيد فطرتوا وسعتوا صدركم

، يـ بختكم يـ العيال تطلعون وتجتمعون الصبحيه ، اما حنا يـ البنات نادراً تلاقي وحده صاحيه الصبحيه ولها خلق تفطر

---->> تحب تطلع الصبح وتدور وتفطر

لو جت بـ رآسي ومشتهيه اطلع طلعت لـ حالي وسويتها موب لازم احد معي

.

إقتباس


	وفجأه وبدون سابق انذار شفنا الدخان يتصاعد من شارع الملاعب شفنا دخان يتصاعد من جهة صناعية العاصمه طبعن زي اي شاب سعودي ملقوف رحنا لها

لأ هذي تسمى فزعه

، البيت اللي يحترق لازم تروحون له قبل المطافي وتطفونه ، احياناً يوصلون المطافي متأخر فـ بيحترق البيت كله وهم ماوصلوا

.

إقتباس


	4 ساعات وهم يتفرجون <<<وربي ان هذا الي صاير !!

منهم اللي يتفرجون ! لا يكون رجال المطافي

!

إقتباس


	ومن زين الطبايع يقول لا تصور ....!!! يخافون سمعتهم تطيح وهي طايحه من زمان

لووووووووووووووووووو

وووووووووووووووووووول

الله يرحم حالهم

.

إقتباس


	انواع التطور والوسائل الحديثه .. تدرون وش يسون ؟؟ صافطين على جنب ومجلسين كلهم بالسياره ولا واحد نازل يفكرون شلون يوصلون للحريق ؟ لان الحريق كان بمكان صعب الوصول له بالسياره يبيله طائرة مطافي .. وبالاخير طلع الحريق عباره عن كفرات محترقه

طب وين التخطيط السريع ! وين راحت تدريباتهم ! لأزم يخترقون الحريق ويدخلون فيه

ثانكس ع الموضوع الخفيف

، والله يكفينا شر الحرائق .

الفيروسه الزرقاء

ابو طـــــلال · #13 13/12/2007, 03:34 AM

اقول بحريقة الحريقة

إلا مافيه اخبار عن زيادة الرواتب مير ؟!

رعبوبة الزعيم · #14 13/12/2007, 04:30 AM

هلا والله خيو..
هذا حال الشعب السعودي

فزعـات بالمواقف الصعبه

حتى احيان ماتفرق بينهم وبين سوبر مان وطقته

والا المطافي مالنا الا نقول لهم بسم الله ماشاء الله عن الحسد

يذكروني بحقين امريكا

الله يعطيك العافيه خيو ..

الــفــارس 9 · #15 15/12/2007, 07:07 AM

إقتباس

الرسالة الأصلية كتبت بواسطة الفيروسه الزرقاء


	شبت حريقه ، في بيت منيرة ، جت المطافي قالت يـ كافي ^ ^ ^ خشت جو مع السبجكت ، بس انت لايطوفك قالت يـ كافي ماكلفت عمره تطفي النار هههههههههههههههههههه اكيد وكـ العاده وصلوا متأخرين وحصلو النار طافيه وعليكم السلام ورحمة الله وبركاته . هلا بـ الــفــارس 9 ---->> توها تدخل فـ الموضوع واكيد فطرتوا وسعتوا صدركم ، يـ بختكم يـ العيال تطلعون وتجتمعون الصبحيه ، اما حنا يـ البنات نادراً تلاقي وحده صاحيه الصبحيه ولها خلق تفطر ---->> تحب تطلع الصبح وتدور وتفطر لو جت بـ رآسي ومشتهيه اطلع طلعت لـ حالي وسويتها موب لازم احد معي . لأ هذي تسمى فزعه ، البيت اللي يحترق لازم تروحون له قبل المطافي وتطفونه ، احياناً يوصلون المطافي متأخر فـ بيحترق البيت كله وهم ماوصلوا . منهم اللي يتفرجون ! لا يكون رجال المطافي ! طب وين التخطيط السريع ! وين راحت تدريباتهم ! لأزم يخترقون الحريق ويدخلون فيه ثانكس ع الموضوع الخفيف ، والله يكفينا شر الحرائق . الفيروسه الزرقاء

يس آف كورس افطرنا الحمدلله اني ولد

للاسف ان الي يتفرجون رجال المطافي خخخ

اوووما تدريبات والله لو الواحد منهم بيركض شوي كان طاح من التعب

يوو ولكوم

واشكر كل من مر

رعبوبة الزعيم @ ابوطلال@ميامي@الالماسه الهلاليه @ الـسـ9ـام@الازوري الاسيوي@ ذا بيست @هلالي مدريدي@ !!هلالي الرس!! @اخلاق سامي @ القيصر الرهيب....

يعطيكم العافيه جميعن عالردود الجميله