قاموس اللهجه القصمنجيه - نادي الهلال السعودي - شبكة الزعيم

البرفسور · #1 19/02/2002, 07:15 AM

لا احد يزعل ترا انا فصمنجي بعد
لكن الدردشه ما تمنع ..

مير:أختلف المترجمون في تفسير هذه الكلمه وأتفقو ان هذا المسطلح مال امه داعي ولا له موقع من الاعراب يوضع لتزيين الجمله
مثال:الله مير يسلمتس)(الله مير ياخذك)....خربته

غديه :كوده(وفسر الماء بعد الجهد بالماءي)

يوووووه:وش تناظرون أنادي أمي

ومصع:دعوه مأثوره عند القصمان وتاتي بعدة أوزان(مصع_يمصع_ممصوعا)

مثال:جرن مير يمصعن

ياهملالي:منتشره عند النحوتين والنظولين (مثلي )

مثال:مزنه:مادريتي نوره توظفت
حصه:ياهملالي عنده واسطه... منقهرررررررره

من تلالتنا :من جمبنا

وخزياه:مسطلح ينتشر دائما عند العجز يقالهم مستحيات وهم وجيه بن فهره(وجه بن فهره هو الوجه المغسول بمرق )

أويق:هذه الكلمه تنتشر عند البلوغين (الملاقيف) معناها اناظر

مثال:حصه :خير وش عنتس رازتن خشتس من الشباك
مزنه:لا بس أويق على الي يفحطون
ملاحظه: مزنه وحصه أبطال المشاهد التصويريه عندي

أعبطه:أعجنه وسويبه فطاير

قوه:كلمه من اصل انقليزي(والله محنب سهلين )معناها تخاويني

مثال:حصه:قوه معي للسوق
مزنه:مشينا...كلش ولا السوق تخاويه وهي مغمظه

حول: وراكم طيرتو عيونكم بي مانب بالنجده والله بس حول يعني انزل

شنق:جهه

هماه:مب كذا_ وتجي بمعنى(مو)

نيم:نايم

تهقى:تعني تظنين

مثال:حصه:تهقين تجي
مزنه:ماظن من يشوف خشتس بيرجعلوه ثانيه
حصه:وجع
مزنه:يوجع حنكتس....خربوه بالاخير وقامو يتهاوشون

بوه:اهم مسطلح عند القصمان يحطو بأخر الكلمه(وشبوه _جيتوه_مادريتبوه_وينهوبوه)تقول هالجمله وانت ماط بوزك

تهوجس:مسرحه يقالي افكر

وعشان أتأكد انكم استوعبتو الدرس باعطيكم تمرين

ترجم الجمله الاتيه(بوه مير نيم )

ما يمنع اني اقولكم ان الموضوع من ايميلي

alhawey · #2 19/02/2002, 08:05 AM

هههههههههه

عاد ابجاوب على الترجمه والله الله بالدرجات ـــــــــــــــــــــــ>> مصدق

بوه مير نيم : موجود بس نايم = فيذا بس راقد ( حرام ما آخذ العلامة الكامله

)

وحبيت أضيف أن الجمله " بوه مير نيم " تستخدم غالبا للنصب

والجحد , يعني أن الرجال يمكن يصير

صاحي بس ماله خلق

ويصرف...

السلطانة · #3 19/02/2002, 08:58 AM

قال تعالى ( وجعلناكم شعوبا وقبائل لتعارفوا ان اكرمكم عند الله اتقاكم) الايه
وقال سبحانه ( لا يسخر قوم من قوم )الايه

الهلاليAMJ · #4 19/02/2002, 05:24 PM

السلام عليكم
هلا اخوي البرفسور
* مير : هو مصطلح يقابل(is) كفعل مساعد في الانجليزي
* غديه : عســـاه
والله يعطيك العافية

ابويوسف · #5 19/02/2002, 08:33 PM

الله يعطيك العافيه

اسمح لي يا احلى بروفسور

الشباك............يولد القصمنجي ويموت ماقاله

اطالبك بالجديد لان

الفكره من بنات افكار الجمجمه

ومنتب بحل بالفكره لانك برو فسور واحلى بروفسور

استر ما واجهت (لااحد يقراه الا انت)

الله يرعاك...........

بدون معرف · #6 20/02/2002, 12:36 AM

هيه هيه .......... هيه ........
وراكم على القصمان .......

ياحول قطعتوا جلودهم ...

ترانا ( بوه بهذا )ترجم من القاموس اللي فوق .......

راعي المحبة · #7 20/02/2002, 12:46 AM

سير سي كود اندس==>يتقن لهجة القصمان لانه قصمنجي

ميلاد · #8 20/02/2002, 06:58 PM

إقتباس


	مثال:حصه :خير وش عنتس رازتن خشتس من الشباك

اما عاد قصمنجيه تقول شباك

تحياتي للقصمان

اخوك:يوسف

البرفسور · #9 21/02/2002, 02:02 AM

هههههههههههههههههههههههههههه يالله هاه الدريشه هههههههههه
ههههههههههههههههههههههههههههههههههههههههههههههههههه

ولا تزعلون

اقهرهم ياثنيان · #10 21/02/2002, 02:11 AM

هاهاهاهاهاهاهاهاهاهاها

البرفسور · #11 21/02/2002, 02:14 AM

عسى ما تكلفت بالضحكه ههههههههه

الهلالية · #12 21/02/2002, 03:11 AM

اناشفت الجمال الي يقولونه مع القصمان
جمالن لويشوفه قيس حلف ليلى قصيمية

اصصصصصصصصصصصص

ولاتقولون شئ على القصمان

الصـدقي · #13 21/02/2002, 03:31 AM

يابعدي أنت

خلك سذاتا

ماعليك من ذولا العالم اللي يحسون

ويقالهم عارفين السالفه

ياهملالي بس اي والله

ذواق الفن السامي · #14 21/02/2002, 07:27 PM

أهلين

بس ما قلت لنا وش منى ( أويلالالالاه ) .

البرفسور · #15 21/02/2002, 07:55 PM

اويلاه تجي مع تجملة الترجي

يعني تبي تترجى واحد او تطلب منه اي شي
تقوووووله مثلا اويلاه يا فلان عطني كذا وكذا

فهمت اخوي ؟؟

ومشكووووووووورين على ردودكم جميعا ..