][:][ الذكــريات ][:][

هـل أنت إلا أيام..بما فيها من مواقف..
يوم يفرحنا .. ويوم يحزنا
ويوم يغلبنا..ويوم نغلبه
سعادة وفرح..ودموع وترح..







جلست مع نفسي في مسـاء يوم كئيب جدا..
فبطبيعة الإنســان عندما يجلس مع نفسه تتساقط عليه الذكريات
بعضها في زمن قريب
وبعضها في زمن بعيد
إلا ان إحســاسكـ أنها حدثت الآن حتى لو كانت قبل سنوات ..
فقط لقرب تلكـ الأحداث من قلبكـ..
مرت في بالي ذكرى صديقاتي بعضهن الذي لم أعد أعلم ماذا جرى لهم من بعد
تخرجنا وبعضه الذي لازال وفاء الصداقه باقيا في ذاكرته حتى الآن ..
مع بقاء علاقتنا القويــه بإذن الله..
تذكرت ماكان يحدث بيننا من مواقف
فيسبب الضحك
وربما البكاء..
تذكرت رسائلنا اللتي لازالت محفوظةً عندي ازورها عند الإشتياق
لأطمئن عليها
وأحيي الذكرى بين حين وآخر ..




تذكرت وتذكرت.....
ولم تثمر الذكرى علي سوى دموع الإشتياق والحنين..
فتمنيت لو يعيد الزمن **الـماضي**
لأعود إلى المكان اللذي لطالما ضمنا وجمعنا
وعلمنا منذ الطفوله ..
وحتى كبرنا وتخرجنا ..























دقيــقه من دقايق هالمكان
تسـوى مية عـام ..
هنـا ساعاتنا ما تلحـق ثوانيـنا ....
هنـا ياما تعاهدنا ..
هنــا ياما غدينا / اخصـام ..
هنـاياما تعاتبنـا ..
هنا ياما تراضيـنا ...
هنا كنـا .. نصيـح ..
وتحتوي صيحـاتنا الانسـام..
لطيــفه ..
كنها لامن تجــادلنا .. تهديـنا







مرحباااااا الساااع
من بعد التخرج
والاجتهاد
نجحت طبعا
ومن بعد النجاح

جت جلسة البيت

مرت علي الأيـام الأولى من بداية السنه الدراسيه استغفر الله كنها سم .. كرهت نفسي

بجد كانت ايام ممله وكئيبه .. يعني متعوده اجازه 3 شهور بعدين ارجع للدراسه

لكن هالمره عطلتي طولت ولأن الشي جديد علي بالبدايه ماكنت متعوده فكنت اطفش كثير

وكان نظامي اليومي يعني نظام نومي كان خربان من بداية الصيف اتعبني مرره صرت احاول
اصلح نومي بس مافي فايده خاربه خاربه مثل مايقولون

احط المنبه الساعه 9 الصباح او 9 ونص علشان اصحى بكير وبالليل انام بكير واحط الجوال

بعيد شوي على الكمدينه علشان اذا حسيت فيه يكون بعيد عني شوي واذا قمت اسكره يطير

النوم بس نفس الشي اقوم من النوم العصر او المغرب القى الجوال تحت المخده من جابه تحت

المخده هذا السؤال اللي مالقيت اجابته بس اظن اظن انها يدي يعني مو انا الحمد لله بريئه ,,

بعدين قلت خلاص اذا جا موعد دراستي يتضبط كل شي خلها خاربه خاربه خلونا نعميها

لكن الصدق الصدق ان جلسة البيت فنتاستك لها طعم خاص ومذاق خاص

يعني نوم طول النهار

بعدين اذا قمت ع الـTV اليوم مااحس فيه ابد مع الايام بديت اتعود على جلسة البيت وحبيتها

حب بدون حدود وصارت شي اعتيادي بالنسبه لي حتى اني كنت بهون عن الدراسه بسببها

لكن يالله هذا المستقبل ان شالله اتخرج وارتاح <<يالييل ..

اقترحت علي وحده قالت ياهيا تعلمي الطبخ قلت ليش قايلين لك بتزوج

قالت ليش بس اللي يتزوجون يتعلمون .. قلت امي مو محتاجه لي اطبخ بعدين وش ناويه اسمم

اهلي .. خليني كذا احسن بلا طبخ بلا هم ..علشان ماخذ ذنب فيهم ياحرااام

وقالوا لي بعد ادخلي معهد قلت مدام اني جالسه بالبيت خلني اخليها راحه واستجمام ومتابعة مباريات واستعداد للترم الثاني
ليش ادرس ووراي دراسه ثانيه ان شالله ..<<كسوله

المهم ايام عطلتي احس اغلب الساعات قضيتها نوم ونت وصديقاتي لما يكلموني يحسبوني

طفشانه

مادروا ان عندي ناس عاطله مثلي ((ومع ريري ومنار مش حتطفش خالص ))

عاد حنا دايم كذا وعندنا عامل مشترك اللي هو حب هالمملوح المسمى بالببسي

وفي ناس انواع الحسد لما نسهر عاد مو قاله من هم


حتى صديقاتي مدري وش جاني عليهم جتني فتره ماصرت اكلمهم ابد وكل مره تدق علي وحده تهاوشني تقولي

يالقاطقه وليش ماتدقين عاد انا مسويه بريئه اقول مابي اشغلكم عن دراستكم <<بكاشه

والله الصدق الصدق كرهت المكالمات الهاتفيه حتى جوالي مرمي بالصاله او بالغرفه ماادري

عنه الا اذا دق وسمعته رحت رديت ..

يعني صارت حياتي حياه بدون هدف بس فله وونـــاسه




علشان تجربون اللي جربته احذفوا الترم الجاي وفالكم التوفيق


قبل النهاية :
اهدااااء للي يختبرون ..

ونيت ونـات من كثر الإمتحانات ,, وشكلي بفطس من كثر وناتي ^_~ ..



اهداء خاص من رعبوبة



ايه على طاري اسم رعبوبة امس تفاجئت بوحده اسمها رعبوبة العيناوي صعقت بهذا الخبر المشين

طيب كان حورفتي في اسم رعبوبة ماتدرين ان جميع الحقوق محفوظه لي ياربي المشاهير دائما يقلدونهم

بس ماااش سامحتك حتى مابيك تعتذرين مني برساله خاصه <<طسي

العوض ولا القطيعه <<خاشه غلط






يالله خلصت

ثانكيوووو جميعا..



كانت معكم ..
من خلف المايكروفون ..

رورو..ورده ورده
(( ر ع ب سويسرا 999 ))

روووعه تسلمي ياقمر
ـــــــــــــــــــــــــــــــــــ

وعليكم السلام ورحمه الله وبركاته

إقتباس مرت في بالي ذكرى صديقاتي بعضهن الذي لم أعد أعلم ماذا جرى لهم من بعد تخرجنا وبعضه الذي لازال وفاء الصداقه باقيا في ذاكرته حتى الآن .. مع بقاء علاقتنا القويــه بإذن الله.. تذكرت ماكان يحدث بيننا من مواقف فيسبب الضحك وربما البكاء..

عند قراتي لهاذه الكلمات رجعت بي الذاكرة الى الوراء

تذكرت صديقاتي ومعلماتي ومدرستي

باختصار تذكرت اجمل الايام

اااااااااااه قلبتي المواجع بس

إقتباس لكن الصدق الصدق ان جلسة البيت فنتاستك لها طعم خاص ومذاق خاص يعني نوم طول النهار

هذا احلى شي النووووم

إقتباس لكن يالله هذا المستقبل ان شالله اتخرج وارتاح <<يالييل ..

ان شاء الله تعدي السنين بسرعه وماتلاقي نفسك الاتخرجتي
>>>تشجعك وتشجع نفسها

إقتباس قالت ليش بس اللي يتزوجون يتعلمون .. قلت امي مو محتاجه لي اطبخ بعدين وش ناويه اسمم اهلي .. خليني كذا احسن بلا طبخ بلا هم ..علشان ماخذ ذنب فيهم ياحرااام

ايش وراكي تعلمي الطبخ مأجزة وفااااضيه وهي قالت تعلمي يعني خطوه خطوه وان شاء الله مابتسمميهم

واذا الكتب ماعلمتك انا اعلمكورده

إقتباس وقالوا لي بعد ادخلي معهد قلت مدام اني جالسه بالبيت خلني اخليها راحه واستجمام ومتابعة مباريات واستعداد للترم الثاني ليش ادرس ووراي دراسه ثانيه ان شالله ..<<كسوله

ايوة صح لا تدرسي الحين عشان تبدأي عالدراسه وانتي نشيييطه مو طالعه من دراسه

إقتباس وفي ناس انواع الحسد لما نسهر عاد مو قاله من هم

بدون ماتقولي انعرفوا وانا منهم

إقتباس يالله خلصت ثانكيوووو جميعا.. كانت معكم .. من خلف المايكروفون .. رورو.. (( ر ع ب سويسرا 999 ))

تسلمي يالغلا عالموضوع الي اعاد لي ذكريات حلوة وحببني بالاجازة



دمتي بود

عاشقة الزعيم15

آآآآآآآآآآآآآآآآآآآآآهـ
الاليت الزمن يرجع ورى والاالليالي تدور <<<<<<<<<<<<لاتبكيني انا اخر سنه لي في مدرستي وبعدها بنقل
بس الدراسه صحيح غثى بس فيها ذكريااااااااات جونااااااااااان وماتنسي

يا هلا رورو

والله انا كل ما أحس بحالة ملل أو حزن آسترجع ذكرياتي زمان مع الأصدقاء ..
كانت أيام ماتنمل كلها ضحك وطهبلة ووناسة وما في شي يكدر مزاجنا
حتى ممكن قبل ما نتعلم ( لا أكلمك ولا تكلمني )
يوم تعلموها البقية خلاص تغير الحال ..!! ممكن عشان الوقت مر ! أو عشان شفنا جديد
.
كنا قمة البساطة
.
ما أنسى لما كنت بأولى ابتدائي وأنا وصديقي بعد الدوام
نشتري آيس كريم بريالين واذا ما كان عندي يشتريلي هو
صح انه هالريالين تافهة ممكن بس لما نشتري لبعض أحس بشعور ثاني ما أقدر أوصفه
أكيد جربتِ هالشعور
.
.
أحلى شي اني لما شفت بداية الموضوع قلت يوووه خاطرة جوّها هالبنت
بس لما نزلت وكملت انبسط ولقيت الوضع فلة
.
بس ما عرفت يعني أقولك انك أكبر وحدة فاضية بالدنيا عاطلة و لا عندك شغل
الله فلة
.
.

<<== اعترفي شكلك سارقة السميلز من الحارة

ابوك يا الفضاوه....

موضوع تحفه على قولة ابو طلال شايب المجلس العام ...

تسلمين على هالموضوع وياليت تكثرين من هالمواضيع الفه ... ورده






رعبوبه .... ورده

.

.

يآ مرحبآ برورو
وش هالقطيعه باللهي شوفي آخر موضوع لك متى كآن
هذآ وأنتي عآطله اجل لو كنتي مثلنآ كل يوم والثآني امتحآن وش بتسوين


تبين نصيحتي لا تلتفتين لـ الذكريآت أكره مآعندي الذكريآت تجيب الكئآبه








الله كل هالرسآيل من المعجبآت الله يزيدك
تبين الصراحه بعد سنه سنتين بالكثير بترمينهآ


مثلي يوم نقلت من المتوسط لـ مدرسه جديده
كنت بين فتره وفتره اطل عليها بس الحين والله مدري وينهآ شكلي رميتهآ













الله وش هالخرآبه شكلكم مصورين الفصل يوم النتآيج بس شي لفت انتبآهي
كرتون الدونآت





أمآ حآلتك بعد الدرآسه يرثى لهآ رحمتكم يالعاطلات
شسمه ذا والله انكم احسن منآ اقول احمدوآ ربكم وانثبروآ [ ماتلاحظين شآنت الأخلاق ]


يختي وش تبون بالدرآسه والقلق وربي ما ورآهآ الا الغثى والتعب


كل يوم اختبآر لعنبوآ هالترآكمي ماريحنآوالله لو كنآ ندرس درآسه دكتورآه حشآ



واذا ع الصديقآت لا تقطعينهم قابليهم بين فتره وفتره
بس انتي شكلك من النوع القطووووووووووع

إقتباس ونيت ونـات من كثر الإمتحانات ,, وشكلي بفطس من كثر وناتي ^_~ ..

هآنت هآنت مابقى الا بكره وترآ علينآ انقلش مره مره مره سهل <~باللهي
شسمه ذا ترا مافيه احلى وامتع وألطف من الأمتحآنآت [ بدون نفس ]
ولا تتكلمين عن اللي يمتحنون تراي المتحدث الرسمي للطلاب ما اسمـ ح لأحد
يتكلم عليهم<~ ناويه شر



يالله احس اني طولت اقول رعبوبه ترا عطينآك وجه








مع التـ ح ــيه

موضوع جميل جداً

الله يعطيك العافيه

ــــــــــــــــــــــــــــــ

بااااااااك

هيا وقسم بالله ضااق صدري تذكرت اياام الثانوي واياام الهبال

يازينها والله اياام فله وضحك ولا هم غير هم الاختبارات <== شعنده الشايب



اووف كل هذي رسايل صرااحه حركات يالبنات

بس يمديك تقرينها كلها صرااحه مايمديني ولا فيه امل



الف الف مبروووك <=== دايخ توه ينتبه بس ماشاءالله حركات الشهاده



يقطع ام الحوووسه ايه مانلوومكم بناات همج يا همج



بالله هذا فصل ولا مستودع ويقلوون انا يالسعوديات مؤدبات وش حليلنا ونعومات بعد

،،،،،،،،،،،،،،،،،،،،

طبعاً انا مريت بهالي مااره فيه قبلك قسم بالله كل ماذكر الايام هذيك يضيق صدري فله

بس تحس انك عااله يا عااله يعني قاعد ماعندك شغل ولا هدف نوم وقلة دبره بس

فله يعني فليها ولا تخلين شي يردك ترى كلها ايام وتداومين بالحر والخيااس والطفش

،،،،،،،،،،،،،،،،،

رعبوبه الله يعطيك العافيه صرااحه موضوع رهيب اكوس ابو شي

واغبطك على التنسيق

تحياتي ..،

انا جاي داخل الموضوع قلت يالييييل البنات اكيد خاطره
لكن الحمد لله يوم نزلت شوي وشفت الفيسات الي بخياااااش حاطتها ارتحت
ايام الدراسه الي تتكلمون عنها انا اشوفها عادي جدا
يمكن لان وضع البنت غير !! فانتم تشتاقون لها لان فيها حريه شوي وطلعه من البيت وكذا
اما الشاب ما فرقت معه بالعكس تو ما تحلى الطلعات والبحرين الا في الجامعه


رعبوبة الزعيم ,,,ابداع خلف هذا اليوزر لا تحرمينا منه



هههههههههههههههههههههههههه
للحين فيه ناس تستعمل رسايل هههههههههههههههه
في احد يرسل رسايل غير فواتير الجوالات
ياحليلكم متخلفين
بعدين كل ذي اوراق ماشاء الله
الظاهر ساعية البريد انتي عندهم --> رجعهم مية سنه ورا





وآآآآآآآآآآآآآآآآآآآهـ يادانكن دونات
والله ما توقعت البنات يسوون كذا
اذكر مره بآخر الايام رحت المدرسه انا وكم واحد عشان الفله بس
فرشنا سجادات ورا ونادينا المدرسين الي نمون عليهم وانواع الفله والسواليف
الكلام هذا في المتوسط
الحين ثاني ثانوي وتراكمي والله حتى استهبال ما نقدر نستهبل على المدرسين


**

إقتباس دقيــقه من دقايق هالمكان تسـوى مية عـام .. هنـا ساعاتنا ما تلحـق ثوانيـنا .... هنـا ياما تعاهدنا .. هنــا ياما غدينا / اخصـام .. هنـاياما تعاتبنـا .. هنا ياما تراضيـنا ... هنا كنـا .. نصيـح .. وتحتوي صيحـاتنا الانسـام.. لطيــفه .. كنها لامن تجــادلنا .. تهديـنا

اهنيك على هذا الجزء صراحه

إقتباس وفي ناس انواع الحسد لما نسهر عاد مو قاله من هم

عاد انتي ونور الشمس السهر لعبتكم

بس خلصت لا تصيرين طماعه

هلا رعبوبه

الظاهر مكالمتنا لك امس جابت نتيجه اشوفك منزله موضوع ,,




ياقدمكم الحين ماعاد في مثل هالكراسي


[QUOTE] [وفي ناس انواع الحسد لما نسهر عاد مو قاله من هم /QUOTE]

لاتفرحون السنه الجايه وانا عندكم



رعبوبه يعطيك الف عافيه على الموضوع