مشكورين على الردود

يا عيني عليك... كلامك عين الصواب

الهلال يبي له مدرب جري وقوي الشخصية داخل الملعب وخارجه... بمعنى ما يكون هناك تدخلات ادارية في تشكيلة الهلال

فهل يعقل بان تشاهد المرشدي اللي اساسي في المباراتين الاخيرتين برا التشكيلة (وكنافارو المفرج) يلعب... لا بعد يسبب ضربة جزاء !!!!

لا وازيدك من الشعر بيت... المدرب عنده نية يظهر نامي ويلعب العنقري!!!!! .... اسف قصدي كافو العنقري...

يا رجال وسع صدرك.... وسلطان البرقان معروفه((( يعيد تاريخ عبدالله البرقان)) اللي الان المسؤول عن الاحتراف...

باختصار التاريخ يعيد نفسه فعندما كنا نعاني عام 1411 و 1412 عندما اعتزال صالح النعيمة وحسين البيشي من دفاع الهلال في ذلك الوقت بقيادة منصور الاحمد وخالد ابو نيان ((اللي الان مسؤولين في ادارة الهلال)) الان التاريخ يعيد نفسه...

يا اخي عندنا مجموعة فقط تريد الفرصة مثل حسن خيرات والمرشدي والعبدالسلام والغنام احمد وخالد شراحيلي((حرام يتم تنسيق هذا اللاعب)) وعبدالعزيز الدوسري واحمد الفريدي وصالح الدوسري....

ما اقول الله يصبر قلوبنا...

فتخيل معي لو تشكيلة الهلال مكونه من ((خالد شراحيلي بديل للدعيع - محمد نامي وبديله عبدالسلام - تفاريس والمرشدي وبديلهما حسن خيرات - عبدالله الزوري وفي نفس الخانة الخثران- في الوسط هناك عبدالعزيز الدوسري - احمد الفريدي وعبداللطيف الغنام مع الاستفادة من خبرة الشلهوب والتايب واتمنى من نواف يراجع حساباته ومعه الغامدي - فهد سرور ومشعل الموري وسعد الذياب- في الهجوم هناك المظلوم بدر الخراشي وياسر والصويلح والسلطان والعنبر واتمنى من الاثنين الاخيرين يعيدون حساباتهم او الله يخلي الاعارة))

هذي هي المجموعة المناسبة لتشكيلة الهلال - ولا انسى صالح الدوسري وبدر الدوسري...

هؤلاء هم عماد الهلال وليس بعض اشباه اللاعبين...

عزيزي وعماوي متعصب ...
انا اختلف معاك بكل ما قلت
عزيزي ... المدرب كوزمين من افضل المدربين اللي مرو على الهلال(من وجه نظري) ولا تتحمس وتطلب كل شي مره واحده .
اولا : كوزمين الان يجهز لك الفريق وانه يعتمد على اكثر من 30 لاعب ليس كا المدربين السابقين اللي يعتمدون على 11 لاعب فقط .
ثانيا : انت تقول انه ما يهتم بالصغار والمواهب هو يعتمد عليهم الان بس شوي شوي وهذا هو الصح علشان يكتسب اللاعب الشاب الثقه في نفسه . وارى انه الان يعتمد على الشباب وهو اللي اظهر لك الكلثم اعتمد على الزوري واعتد على النامي وبداء يعتمد على الصويلح و اعتد على سعد الذياب وانتضر بالايام القادمه سوف ترا كل من الفريدي والدوسري ولكن بشروط فهو مدرب محترف لا يريد من الاعب الغياب عن التمرين والاعتماد عليه .
فمهما كان الاعب ملتزم بالتمرين سوف يرى ما يسره .

شكلك ماشفت المباراه ياحبيبي المدرب ماقصر لعب الكلثم ولعب الزوري ولعب الذياب مباريات كثيره بعدين البرقان والله ماقصر وكان من نجوم المباراه

إقتباس الرسالة الأصلية كتبت بواسطة ون تو شكلك ماشفت المباراه ياحبيبي المدرب ماقصر لعب الكلثم ولعب الزوري ولعب الذياب مباريات كثيره بعدين البرقان والله ماقصر وكان من نجوم المباراه

شاكر مرورك... بس انا ما شفت المباره... وتقولي البرقان من نجوم المبارة...