| المحور الاول :
ماهي رؤيتك للخطة والتشكيلة التي بدا بها المدرب الشوط الاول ؟ وهل كان المدرب موفق في اختيار التشكيل المناسب ؟؟
أنا أشوف أنه كان مناسبـ تماما ,, فياسر كعادته متحركـ ومبدع في جميعـ الخاناتـ ,, ليلو في المكانـ المناسب وقد ظهر بمستوى راقي جدا على طريقة العمالقة الكبار العالميينـ ,, الشلهوب ما كان في مستواهـ ,, كان في النص في القلب يتعمقـ ,, مع ان الشلهوب المكان الأمثل له في الأطرافـوليس في العمق مثل ليلو وياسر ,,
المحور الثاني : هل كانت الغيابات مؤثرة على مستوى الفريق مثل غياب الزوري والتايب و عزيز والكلثم؟
الهلالـ فريق كله نجوم ولا يتأثر بغيابـ احد ( جملة تنقالـ دائما ) لكن الحق حقـ ,, انا ما أقلل من اللاعبين المتواجدين في الهلال والذين لعبوا في هذه المباراة ,, ولكن غياب لاعب او لاعبين لا يؤثر كثيرا اما غياب 4 لاعبين فهو مؤثر ,, الزوري ماله بديل في مستواهـ ,, قد يكون له بديل لكن ماهوب مثله أبدا أبدا ,, نحتاج لصانع لعب محل التايب وليس وسط يناور ويحاول ويعديـ ,, عزيز والله خانته شبه فاضية وهي نقطة ضعف الهلال في نظرنا ونحن بحاجة للاعب يسد محلهـ لو إعارة لموسم اذا لم يتم العفو عنهـ ,, الكلثم لاعب جيد ولكن فيه أكثر من بديل له وهم لا يقلون عن مستواهـ ,, ولكن يبقا نجم كبير ,, الآخرين قد لا يأثرون أكثر من هذول اللاعبينـ ,, وهذه وجهة نظري أنا ,, !!
المحور الثالث : هل تعتقد أن الشد العصبي كان له تأثير على مستوى المباراة؟
نعمـ كان له تأثير بس بالنسبة للاتفاقيينـ ,, الهلاليين لعبوا بروح معنوية عالية وابتعدو عن الشد العصبي تماما وهذا اللي خلا الهلاليين يظهرون بمستوى رائعـ ,, الاتفاقيين داخلين في نشوة الفوز على الهلال في الخليجية وبمحاولة اثبات الوجود في الدوري السعودي علشان كذا داخلين بشد عصبي وخاصة بعد ما ضاع البلنتي حقهم ضاع فريقهمـ ,, الهلال لما لعب بوثوقـ تااااامـ وابتعد عن الشد حقق اللي يبغاهـ ,, تمنيت ان الاتفاقـ يلعب علشان يمتع وليس علشان 3 نقاط تنزل من مستوى المباراة ,,
المحور الرابع : هل ترى أن هناك نقاط ضعف في الإتفاق لم يحسن الهلال استغلالها؟ أو أن هناك نقاط قوة هلاليه لم نستثمرها ونستغلها الاستغلال الأمثل ؟
نقاط ضعف في الاتفاقـ ,, انا اشوفها في العمق ,, ياسر مناور بارعـ ,, وليلو نجم جديد ومناور بارع وسريعـ ,, لو انهم لعبوا من النص وتعمقوا وسددوا كان اشوف في نظري اكثر خطورة ,, بدل من الاعتماد على العرضياتـ ,, لان من العمق محور الاتفاق ما سوا شئ في المباراه فكان بالإمكان احسن مما كانـ ,, وأيضا بطئ دفاع الاتفاقـ يساعد الهلالـ ,, لكننا اعتمدنا على العرضيات والتسديد من بعيد بدون تركيز ,, !! وقوة الهلال تكمن في الخثران في نظريـ ,, لو لعب محور وتقدم عن الهدف مثل مباراة الهلال والنصر لكان سبب خطورة اكثر من اللي نتوقعه ,, لأنه خبير في هذا المحل فيزيد الضغط بجانب هجومنا ,, وايضا قوة الوسط لو تتقدم وتساند الهجوم مثل الشلهوب ,, والغامدي صاحب قدم قوية احرز على الاتحاد والنادي الاوزبكي ناسي وش اسمه وعلى السودان في الدورة العربية ,, كان بامكان استغلال الوسط أفضل من كذا بكثير ,, !!
المحور الخامس : ما رأيك في الحضور الجماهيري؟ وماهي كلمتك التي توجهها لجمهور الزعيم خصوصاً في الرياض؟
والله بصراحة حضور جماهيري باهتـ ,, ماهوب هذا جمهور الهلال اللي نعرفهـ ,, اتمنى اشوف الجمهور اللي حضر في كأس آسيا ضد الكويت الكويتي والنادي الاوزبكي والله عبو استاد الملك فهد فكيف ملعب الملز ,, !!؟
والله جمهور الاتفاق صار يخوف في الرياضـ ,, وصرنا نلعب كأننا في أرضهمـ ,, فياليتـ نرفع راس الهلال في الرياضـ ,, ماهوب معقولة في الشرقية جمهور الهلال اكثر من الاتفاق وفي الرياض الاتفاقـ أكثر ؟؟؟ وتبوك ايضا اكثر من الرياضـ ,, !! ياليت لو نشوف الجمهور المعهود اللي عرفناهـ دايما ,, ما نبي نشوف لون المدرجات البرتقالية ,, نبي نشوفها زرقاء ,, !!
المحور السادس: ماهي رؤيتك الخاصه عن المباراه (( مساحه حره للعضو ))
المباراة الكلام عنها طوييييلـ ,, بس كشفت هالمباراة عن أشياء كثيرة
1 - الحكم جلال ماهوب هلالي ولا صار في عمرهـ هلاليـ ,, والهلال ليس فريق حكام
2 - ان الهلال بطل للخليجية وان طلع منها ,, لأنه طلع بالظلمـ ,, الكل شاف هدف الاتفاق والمفرج طايح وماحد تكلمـ ,, والاتفاقيين في مباراتهم التالية مع النصر اعترضوا على هدفهم الثالث بحجة ان صالح بشير طايحـ ,, !!؟
3 - ظهرت حقيقة الاتفاق بدون حكم والهلال بدون حكم ,, والهلال أيضا ناقصـ نجوم كبار ,, فمهما فاز الاتفاقـ ,, يعود الأسد لعرينه مهما طال الزمنـ ,, !!
4 - أخيرا الهلال رسا على محترف ناجح بإذن اللهـ من الوهلة الأولى ,, وننتظر القادم منهـ ,, !!
5 - اصبروا الجرايد بكرة ,, راح تطلع فيها بلبلة كثيرة ,, !!
وتحياتيـ ,, لكل اتفاقي قبل الهلاليينـ ,, واقولـ لهم هاردلكم ,, الهلالـ ,, مهما طاح مهما خسر ,, ما راح يبقا طايح طول الدهر ,, !! هذا هلال المجد ,, وأقواله أفعاااااااالـ ,, !!
وخليت انا التحية للهلاليين في النهاية علشان يكون ختامها مسكـ ,, وعقبالـ ما يرفع القحطانيـ أول كأس له وهو كابتنـ ,, !!
تحياتيـ ,, !! |
التشكيله رائعه بكل المقاييس
لاكن نتغاضى عنها
لالالا للتعصيب
مستواء المباراه جيد جدا ولاكن أبهرني اللاعب ليلو بمهاراته وحركاته التي تتعب الخصم 
وبالتوفيق للزعيم
الف الف مبروك 
الوضع العادي
