السلام عليكم ورحمة الله وبركاته ،،،
وربي يازعماء ما أدري من وين أبدأ من القهر اللي فينيي
بس أبشرحلكم وش اللي صاير معي مع هالشركة المحتالة موبايلي ( كنا نقول الإتصالات حرامية طلعت موبايلي ألعن)
أولا أنا من الناس اللي يرسلون رسايل بمعدل 200 أو 300 رسالة يومياً وقبل شهر جاتني رسالة من موبايلي تقول فيما معناه ياتلحق ياتروح عليك ( 450- رسالة ب 150 ريال فقط ) وطبعاً هم ماحددوا نوع الرسائل داخلية أو دولية مخليين الموضوع بشكل عام ! أنا طبعاً أول ماجات الرسالة
وقلت ألحق ياولد قبل لايخلص العرض هذا بحكم أني ما أدقق في تفاصيل الفاتورة وقيمة كل رسالة أصلا ( وهذا حال الكثير منا بس يدفع وهو وربي مو عارف حق ايش يدفع!!) وبعد ما اشتركت وأنا مبسوط
جاني واحد من الشباب وقالي هذول نصابين لأن سعر الرسالة العادية الداخلية 25 هللة يعني 4 رسائل بريال وأنت كذا صرت تدفع ريال لكل 3 رسائل فقط!!....طبعا أنا
و بنفس الوقت اتصلت عليهم و
وفهموني بما معناه انك خلاص اشتركت وتم حساب المبلغ عليك!!!
طيب قلت معليش منها نتعلم ... أروح أتفاجأ بعد يومين انهم فاصلين الخط علي!! اتصل عليهم ليش ياجماعة الخير يقولي انت واصل حد إئتماني! قلت مو مشكله ورحت سددت مبلغ (( الفاتورة المستحقة)) واشتغل الخط معي وجاتني رسالة شكر على السداد ! وأتفاجأ اليوم الثاني انهم فاصلين الجوال مرة ثانية !!! اتصلت على موبايلي وكلمني واحد منهم واللي وربي ماعندهم ماعند جدتي .. قلتله حلو طيب ممكن أعرف كم المبلغ اللي علي ؟ هذا الكلام كان الساعة 8 الصباح قالي والله النظام فيه تحديث وياليت تتصل في الفترة المسائية!!! طيب يعني أيش!! قال فيما معناه يعني تنطق الله لايهينك وتنتظر تحديث النظام عشان يخلص وبعدها نقولك كم عليك عشان تسدد!!! طيب أتصلت الفترة المسائية وأنا متفائل اني بطلع بنتيجة تخيلو وش قالي الموظف! قالي اتصل بعد الساعة 12 الصبح يكون النظام أنهى تحديثة و(أبشر بسعدك)!! وأنتظر لين الساعة 1 الصبح وأرجع اتصل عليهم ويقولي الأخ والله ( أعتذر منك يا أستاذي النظام الآن تحت التحديث ولو سمحت تتصل الصبح عشان نبلغك بالمبلغ اللي عليك!!!!!!!!!!!!!!!!!!!!!!!! وربي كرهتهم
لدرجة اني رحت وسددت كامل الحد الإئتماني اللي علي وقلت لهم أبغى أقدم شكوى! قالي عن طريق الموقع الإلكتروني ودخلت الموقع وكتبت شكوى وجيت أبي ارسلها يقولي لن نتمكن من خدمتك!!! أكثر من مرة يعني حتى طلبات شكاوى مايبون يستقبلون!! وقبل اسبوع انفصل الجوال كالعادة حد ائتماني وتخيلوا تركته اسبوع كامل لين طلعت الفاتورة عشان ابي اطابقها هي والمبلغ الإجمالي اللي علي عشان اصير ماشي معاهم وصرت اذا اتصل يقولي فاتورتك 747 والمبلغ الإجمالي اللي عليك747 ...قلت أبشوفهم هالنصابين ورجت سددت مبلغ 300 ريال بدون ما أكلم واتصلت على 1100 وقالي فاتورتك 747 بس المبلغ الإجمالي اللي عليك 447 قلت هذا كلام حلو وتطمنت ....تخيلوا اليوم الثاني فاصلين الجوال!!!!!!!! واتصل يقولي المبلغ الإجمالي 593 ريال!!!! يعني في زيادة حوالي 146 ريال وأنا وربي ما كلمت يمكن الا 40 دقيقة بس ولو افترضنا الدقيقة بريال كان صار المبلغ 487 ريال بس!!! واتصلت ابي استفسر عن الزيادة من وين جات ... وش تتوقعون رد علي الموظف (((((((((((((((( اتصل بعد 12 الصبح عشان النظام عندنا في مرحلة التحديث)))))))))!!!!!!!!!!!
واتصلت 10 وربي يقولي الموظف المبلغ اللي عليك 606 ريا!!!! تصوروا حتى وجوالي مفصول يحسبون علي!!! وطلع الموظف متفاهم معي وربي وحسبناها أنا وياه حبه حبه وراسكم حتى هو استغرب يقول في مبلغ طلع عندي الحين ب157 ريال مكالمات غير مفوترة مع العلم ان جوالك كان مفصول له اسبوع!!!!! وتخيلوا إن التحديث عندهم ((على مدار الساعة)) أجل وين كان هالمبلغ متخبي!!! ومو باين عنده أي مكالمات بس مبلغ!!! وربي قالي انا ارفعلك شكوى عشان يردون عليك حتى هو احسه استغرب!!
الوضع العادي
