الغالين اللي ماعندي اغلى منهم اعضاء منتديات شبكة الزعيم
السلام عليكم ورحمة الله وبركاته
اول شي ارجو انكم تعذرونن على هالغيبة الطويلة عنكم لكن يعلم الله انها غصبن علي وابشروا بالحق ومايلحق وابشروا بالرضاوة بعد
انا غبت عنكم لمدة شهر ونصف تقريبا لكن يعلم الله انها بسبب الظروف اول شي تعرفون ان الله رزقني ببنية وسميتها طيف وثاني شي اخوكم الحبحر الحار منّ الله عليه واكرمه وشرى له فلة جديدة وكل المدة هذي كان يشيل ويحط بالبيت الجديد وغير هذي البيت الجديد مابه تلفون وتوه ركب التلفون بالبيت الجديد وغير هذا كله ابشركم اخوكم والعضو المميز لديك وهو شقيقي الغالي ((الاسير الهلالي)) ابشركم انه تزوج يوم الخميس الماضي لموافق 2/12/1422هـ ولهذا السبب قمنا بشراء فلة جديدة لي وله وسكن كل واحد منا بدور ولله الحمد والمنة والفضل يعني بالعربي افتكيت من الاسير وغثاه اربع سنين وهو ناشبن بحلقي وساكنن عندي هالحين لقينا له بنت الحلال اللي تضفه عنا ولا عاد يبلشنا على جهاز الكمبيوتر
لكن الحمدلله ابشركم الامور زينة والاخبار تسركم يالله لك الحمد واتمنى ان غيبتي ماكانت ثقيلة عليكم لكن المسؤلين عندهم خبر عن غيابي انا وشقيقي الغالي الاسير الهلالي
واتمنى انكم كلكم بخير وعافية وبالنسبة للاسير الهلالي الان يقضي شهر العسل في ماليزيا وسوف يعود انشاءالله بعد اسبوعين وبتلقونه يبحر معكم بابداعاته ومواضيعه الزينه المزركشة وانا انشاء الله معاد انقطع عنكم وكيف الحال