السلام عليكم
انا افكر بهوندا سيفيك 2007 فل كامل .. هل فعلا سعرها 66الف؟
انا طالب وودي السياره تعيش معي 6 سنين
وانا الحمدلله من المحافظين على السيارات اللي في يدي ومو من الناس المتهورين
لكن مثل ما هو معروف ان قطع غيار هوندا غاليه جدا
لكن ما شاء الله اشوف الاكوردات منتشرة في الشوارع
ما توقف عن اشارة الا وتشوف اكورد

على العموم خلونا في السيفيك
اللي اعرفه وماني متأكد منه ان الصيانه وقطع الغيار للسيفيك غاليه
يعني لما اوديها الوكاله يسوون عليها صيانه ياخذون مبالغ خياليه ... هي هذا شي صحيح او لا؟؟
ثاني شي قطع الغيار
بالنسبة للقطع الإستهلاكية انا سمعت من اكثر من واحد يقوللي ان الهوندا والمازدا والنيسان حط القطعه وانساها مررره ولا تزيد تفكر فيها لانك ما بتغيرها الا بعد سنين .. هل هذا الكلام صحيح والا لا ؟
يعني بالمختصر انا خايف من قطع الغيار

والسؤال المهم الهم وهاذي اللي ودي تجاوبون عليه
ليش دائما لما اقرا المواضيع في الإنترنت او اسمع من الناس في نقاشاتهم عن العيوب عن الاكورد او السيفيك او غيرها من اكثر السيارات اليابانية
ما يجيبون طاري غلاء قطع الغيار ؟؟