_+)_ إتهام لجماهير الرياض +()_+ عطونا أسبابكم وأعذاركم هنا - نادي الهلال السعودي - شبكة الزعيم

شرقاوي هلالي · #1 02/12/2007, 01:53 PM

بسم الله
السلام عليكم ياشباب
وهاردلك التعادل ونأسف على تضييع الجزائيه من النجم الكبير ياسر القحطاني ولكن هذا قضاء وقدر

موضوعنا
جمهووووووووووووووووووور الرياض وييييييييييييييينكم
والله امس يعني خجلان من نفسي ومن جميع من تكلم وقال على جمهور امس الناس والاستديو حق ارت والمحللين كلهم استغربو هذا الحضور الغريب
طيب ياجمهور الرياض أقنعونا عطونا أعذاركم
واحد يقولي ظروف طيب ظروف واحد اثنين ثلاثه ميه بس موب كل الجمهور
أتمنى إنكم تقنعوني وتفهموني أنا وكل جماهير الهلال في الكرة الارضية
وهل جمهور الرياض مايحضر الا اذا كانت المباراة مجانيه
وان شاء الله نستفيد من هذا الحوار في مايخدم الكيان الهلالي

أخوكم العاشق للكيان الهلالي أولا وأخيرا وللفانيلة الزرقاء
شرقاوي هلالي

يـ! ,,,ــر 20 · #2 02/12/2007, 01:54 PM

انا اعتبر من الرياض

صراحة امس حصل لي ظرف

الجوهرة · #3 02/12/2007, 01:58 PM

من جد مجهور الرياض عجزززززززز .. عاد مع البرد حلم يحضرون >> بليييييس

لا هم في المواقف الصعبة ازهلهم .. يحضرون ..

تبي الصدق كلن كان متوقع الهلال ينهزم امس ..

وكدنا نفوز .. لكن قدر الله ماشاء فعل ..

وين قاهر نور بس ابو عزيز >> خشت موضوع ثاني

شكرا

الملكيه الهلاليه · #4 02/12/2007, 01:58 PM

والله لو محطين حضور بنات كان اول من حضر انا بس وش نقول الشكوى لله

اي والله ليش مافي جمهور امس وش اعذارهم

شهــــاب11 · #5 02/12/2007, 02:05 PM

بالنسبه لي حضرت ... ولاكن الغايب حجته معه يمكن ضروف الدراسه والدوام

عموما جمهور الهلال الحاضر كان ضعف جمهور الاتحاد

والمباريات القادمه اتمنى الحضور يملى الملعب

ومشكور

تفاريس 5 · #6 02/12/2007, 02:07 PM

انا امس حضرت وكانت الاجواء في الرياض جدا رائعه وفعلا غريب انه لم يمتلي الملعب

قاهرهم 9 · #7 02/12/2007, 02:07 PM

اذا على الحضور اللي امس........ونقول محد حضر بصراحه........هذا شي ممتاز...........ولاتنسى ظروف المباراه
الكل خايف من الهزيمه

blueice · #8 02/12/2007, 02:09 PM

اللي حضروا فيهم البركة

عز الرياض هلالها · #9 02/12/2007, 02:15 PM

ترا كبرتو الموضوع وكأن غياب الجمهور سبب الهزيمه وصدقني لو الملعب ملياان كان قلت من جمهور الشرقيه امس كان الحظور جيد بالنسبه ليوم السبت والهلال طالع من بطوله وفيه غياباات

الافضل · #10 02/12/2007, 02:17 PM

ابلشتونا كل سنة تعيدون هالاسطوانه

ياخي الملعب للجميع اللي يبي يحضر حياه الله

واللي مايبي الله يحفظه

انا من الرياض ولا حضرت مالي مزاج احضر ودخان وازعاجات وتلعين وحركات مالها داعي

وتفتيش وبلاوي واذا بغيت مويه اشربها برا بعدين ادخل والا ببسي وعصير عشرين الف واحد على دريشه تقول مدارس في فسحه يتطاقون على المقصف لا وبعد هذا كله اشربه مره وحده لانه ممنوع يدخل الملعب

البيت لا دخان واعادات وبراد شاهي ويالله من فضلك

بندرونا · #11 02/12/2007, 02:26 PM

انا كان عندي اختبار رياضيات

وش اسوي

بس يالله بالتوفيق

حبايب انا والهلال · #12 02/12/2007, 02:31 PM

جميعنا نستغرب هذا الحضور كنا نأمل بعدد اكثر في مباراه البارحه

لكن نتمنى أن نرى الرد سريعاً لجمهورالهلال في كل المناطق الاخرى بالحضور

ودعم الفريق في المباريات المقبلة ،،

blue jewal · #13 02/12/2007, 02:33 PM

والله يا اخي انا رديت على كثير من المواضيع التي تتحدث عن تدني مستوى الحضور الجماهيري لمباريات الهلال ولا نعلم الى الآن ما هو السبب ؟ وتبغى الصراحه اصبح موقفنا محرج فعندما يأتيك مشجع لنادي منافس ويقول لك نحن نحضر بكثافه ونادينا يصارع من اجل البقاء بالدوري وانتم اين جمهوركم ؟؟؟؟ فباالله قلي كيف سترد عليه .... تكفون يا جماهير الزعيم بيضوا وجيهنا واحضروا لنخرس هذه الافواه ( للمعلوميه السؤال وجه لي فعلآ من احد اقاربي من مشجعي النصر , واصبحت اتخبط يمينآ وشمالآ لا اعلم ماذا اقول )......... هلالي من جده

هلالي للابد ! · #14 02/12/2007, 02:33 PM

كنت اتمنى احضر

لكن اختبارات الجامعه الله يهديهم عاد كننا بنفلح فيها خخخخخخخخ

يالله العوض بالمباريات الجايه

احـلـى هـلالـي · #15 02/12/2007, 02:37 PM

انا معي خمس اشخاص رحنا بس يا ناس والله زحمة وفيه ناس تسكر عليك وتقعد فتره طويله عشان يجي احد يطلع موتره

وان شاء الله الجايات اكثر