مبـــــــــروك زيادة الرواتب ... المصدر بالداخل هالمرة - صفحة رقم 3 - نادي الهلال السعودي - شبكة الزعيم

ابو طـــــلال · #31 02/12/2007, 09:57 PM

إقتباس

الرسالة الأصلية كتبت بواسطة خالي من الهم


	أبو طلال مدري ليه تذكرني بالقناه الأولى وإستقبل ودع وماجد الشبل وغالب كامل وياقلب لا تحزن. ياخي الله يوفقكم ياموظفين الحكومه بس الله أعلم بتم الفرحه ولا لا. على العموم يا أبو طلال العيسى نبي الإستراحه عليك اذا صارت الزياده ماشاء الله راتبك 26 ألف وبيزيد 30% يعني ضربه بس ما نبي كباب دجاج الله يديم النعمه خاصه إن عليك عشاء خوينا عماد. ثانيا لا تتدخل بيني وبين أبو مقبل أمك سوت في أبو مقلب ليه ما تصلح بينها وبين أبوك بعدين تعال كلمني. أحبك في الله يارجال تدري إني أرد عليك وأنا براس العمل

هوبا .......... حاسدنا على الوظيفة .... يالشيفة .... <<<< قصيدة

تقوم الصبح مثلي ....... وتقابل مراجعين زلايب مثلك انت والغدير الازرق .. اللى الواحد منهم يفقع مرارتك .. وهو مابعد فهم وش تبي

( مفهين )

وانت ورى ماتشتغل !! اقولك دور لك وظيفة تقولي مستقلبك مو بالوظايف .. انا احس اني فنان !!!

منتب عاقل يابشير غنيم او توم كروز على غفلة

كل يوم بديرة ........ اركد وتسبب وشف لك شغل ... مره بالرياض يقدم على شغالة ... يروح للشرقية يقدم على سواق .. يدق سلف للكويت يسوي عملية لحمية( عوكل )

ويرجع لمكة يجدد بطاقة الاحوال .. ويطلع جواز سفر من ابها !!

اركد .. اركد ( وقر )

========================================

واذا زادونا ....... ابشر والله بالذبيحة ...... بحالة ماارتفعت قيمة الذبيحة .. نقلب دجاج

بعدين ورى اسامي ربعك كذا .. واحد عماد .. والثاني ماجد !!!

===============================

الفضاوه وخطرها ... صرت ماغير تطلق من هالشائعات المغرضه .. مره تقول لقينا السياره والموضوع مقلب !! اي مقلب يازكيا زكريا .. بخ ببخخخخ .. قشقشها ماتعرضهااااش

ومره تقول ماجد مقبل عقد قرانه .... ويطلع الموضوع فالصووا ... هذي البطاله وعمايلها ...

ومرة تقول المشاغب كان واحد من السبعة المجرمين في قضية ( فتاة القطيف )

ومرة ترسل لي صورة واحد شيفة عور ....... لابس فانيله علاقي وراسه كشه .. وتقولي .. تصدق عاد ان هذا طلال ( الغدير الازرق )

من المستفيد من كل هالتهم والشائعات حسبي الله على عدوينك

زي ماقلت لك في الرساله .. قل الحمد الله الحمد الله .. اربعمية وسبعين مره وطف الجهاز وشغلة .. وارجع قل بسم الله بسم الله سبعمائه مره .. وانبطح .. وسو نفسك تسبح بالفرشه .. وبعدين قوم واقف وخذ نفس عميق ... وسو نفسك مروحة وانت تقول هيييييييه هيييييييه اربعين مره ... بعدين افتح جوالك وادخل الرقم السري ....... واقلب جوالك ...... ثم بوس الجوال ... ثم بوس يدك وجه وقفى .. وردد الحمد الله الحمد الله .. وبأذن الله ستجد جميع من حولك يقولو الحمد الله على نعمة العقل

فيه ناس جربوها ونفعت ...... اسأل ماجد مقبل .. ومواصل

تحياتي لمن دمر حياتي ..... هوبا

اني احبك في الله

كن بالجوار ...... ياحلو

الغدير الازرق · #32 02/12/2007, 11:11 PM

إقتباس


	تقوم الصبح مثلي ....... وتقابل مراجعين زلايب مثلك انت والغدير الازرق .. اللى الواحد منهم يفقع مرارتك .. وهو مابعد فهم وش تبي ( مفهين )

انا مادري لمتى وأنت مستحقرني يعني بالله عليك وش سويت لك يعني وش ذنبي
إذا ربي خلقني حلوو و صرت أحسن منك يالشيفة ياخليفة محمد الكنهل

ابوطلال انا كنت أحبك سابقاً ومازالت أحبك << بالله عليييك ماانغرف قلبك يوم قلت سابقاً

ابوطلال مشكلتك مانت فاهمني يعني سميت ولدك بأسمي وقعدت تتمنن علينا خلاص ابغير
اسمي من طلال إلى شليويح وإياني وإياك تسمي ولدك الجاااي بالطريق شليويح

قسم بالله لأقطع بطاقة الأحوال وأصير بدوون

إقتباس


	ومرة ترسل لي صورة واحد شيفة عور ....... لابس فانيله علاقي وراسه كشه .. وتقولي .. تصدق عاد ان هذا طلال ( الغدير الازرق )

بخخخخخخخخخخخخخخخخخخخخخخخخخخ

ابو طلال مشكلتك تغااااار مع إني متواضع حتى بشكلي اقعد اسبوعين مااحلق

ومع ذلك صاير شكلي احسن منك

على فكرة ترى بجهازي كومه صور لك وانت جالسن على الهاف مون أيام ماكنت
مسجل بالمركز الصيفي وكان معكم الأستاذ / عبدالكريم ولد حارتكم حتى ملبسينكم شورتات
وفوقها هيلا هوبه انا مدري داااامكم مخربينها تسذا لييه مافصختوا من اوول

هاااااااااااه ابو طلو تبيني انزلها وإلا احرق اعصابك وانشرها عااد
ألزم ماعليك سمعتك ياظلال عبلة كامل

================================

ياخووي ماصار شي بخصوص الزيادة تلعب علينا ابو طلو من اليوم وأنا جالسن
على تلفزيون النيل استنى هالزيادة

أبو طلال اعذرني على هالكلام اللي فووق لكن حبيت أدلي بدلوي

وترااااك كبييييييييييير يا كبيييييييير وأحبك في الله يامروح

وترى محبتك انت والأعضاء في القلب ومايعلم فيها غير الله

هلالي في مانع · #33 02/12/2007, 11:14 PM

الله يبشركــ بالخير.!!

Bnt alzaeem · #34 02/12/2007, 11:35 PM

الله يسلمكم يقولكم الديوان الملكي

راقبوا حج هذي السنه اذا شفتوا بقر تحج على قرونها

جتكم الزياده

نـــــــ15ــــــمر · #35 03/12/2007, 12:18 AM

إقتباس


	واحد قريب من الملك مستشار يقول ان ابومتعب يقول ان الله اعطان عمر ابخلي اي خليجي يتمنى انه سعـودي يبي يرغد الشعب .!! اه يابومتعب لو تحقق الامنيه .. تعطي كل مواطن مسكن تسان اليوم أعرس واحصـن نفسي ونفك المجتمع من شرنـأ

الله امده بالعمر وارزقنا بالسكن على اربع شوارع

تشــــــــــــــــــــــــــــاو

سـمـو الـمـجـد · #36 03/12/2007, 12:42 AM

الله يبارك فيك بس مدري عن الزياده اللي ما يندرى وش وراها

الجليد الازرق · #37 03/12/2007, 02:42 AM

يعطيك العافيه ابو طلال

الـذهـبـي · #38 03/12/2007, 09:49 AM

يعطيك العافيه

ابو طـــــلال · #39 05/12/2007, 01:25 AM

الزيادة قربت .......

قطر زيادة 100 %

الإمارات 70 %

الكويت 40 - 50 %

البحرين ؟؟

عمان ؟؟

مجلس التعاون الخليجي راح ينتهي بااخبار حلوه لكل خليجي ان شالله

وان شاء الله خير