عالم ساحر !! - نادي الهلال السعودي - شبكة الزعيم

الهلالي الثقفي · #1 30/11/2007, 09:08 PM

هــلا و الغــلا

أعضاء منتدى المجلس العام

عالم ساحر

وقت السعة يا الغلا يا زين الأقرابي
والناس وقت الرخا يا زين معدنها

المشكلة يا الغلا لا صرت منصابي
أعرف مساوي البشر و أعرف محاسنها

أشق وجه السما و أستشرف كتابي
يا قلب لا تضمن الدنيا و تامنها

أكتم دموعي و تحرجني مع أهدابي
ما هي قريبة و لاني مبتعد عنها

قالت و هي ترتجف و تعاتب أصحابي
صحيح يا ما اجمل الوحدة و ما احسنها

أفداك يا حظي الواقف على بابي
أفداك يا درة الدنيا و سوسنها

أنت الغلا و أنت لي عن كل الأحبابي
في عينك أرمي هموم الوقت و أدفنها

بس إني أخاف يا ياسر تــقــفـّــا بي
و أعيش لحظة فراقك قبل تعلنها

طوّل غيابك و لا وضحت الأسبابي
وش لون تنسى غلاتك و أنت فاتنها

قلت الزمن ما يجمّع بين الأغرابي
و لا لنا ديرةٍ بالطيب نسكنها

قامت و في عينها دمعات و عتابي
بغت تكلم ... و تصرخ .. بس ما امكنها

قرّبت منها و قالت في زعل : مابي ..
ضحكت رغم اني أنا كنت محزنها

قلت أعشقك / لوتـقـفـّـل كل الأبوابي
و أنا الذي أنظم الأبيات و أوزنها

صحيح يمكن تطوّل فترة غيابي
أما إني أحب غيرك كثّري منها ..

و شكراً