30/11/2007, 09:08 PM
|
| زعيــم مميــز | | تاريخ التسجيل: 23/03/2005 المكان: ..
مشاركات: 2,640
| |
|
عالم ساحر !!
هــلا و الغــلا
أعضاء منتدى المجلس العام
عالم ساحر
وقت السعة يا الغلا يا زين الأقرابي
والناس وقت الرخا يا زين معدنها
المشكلة يا الغلا لا صرت منصابي
أعرف مساوي البشر و أعرف محاسنها
أشق وجه السما و أستشرف كتابي
يا قلب لا تضمن الدنيا و تامنها
أكتم دموعي و تحرجني مع أهدابي
ما هي قريبة و لاني مبتعد عنها
قالت و هي ترتجف و تعاتب أصحابي
صحيح يا ما اجمل الوحدة و ما احسنها
أفداك يا حظي الواقف على بابي
أفداك يا درة الدنيا و سوسنها
أنت الغلا و أنت لي عن كل الأحبابي
في عينك أرمي هموم الوقت و أدفنها
بس إني أخاف يا ياسر تــقــفـّــا بي
و أعيش لحظة فراقك قبل تعلنها
طوّل غيابك و لا وضحت الأسبابي
وش لون تنسى غلاتك و أنت فاتنها
قلت الزمن ما يجمّع بين الأغرابي
و لا لنا ديرةٍ بالطيب نسكنها
قامت و في عينها دمعات و عتابي
بغت تكلم ... و تصرخ .. بس ما امكنها
قرّبت منها و قالت في زعل : مابي ..
ضحكت رغم اني أنا كنت محزنها
قلت أعشقك / لوتـقـفـّـل كل الأبوابي
و أنا الذي أنظم الأبيات و أوزنها
صحيح يمكن تطوّل فترة غيابي
أما إني أحب غيرك كثّري منها ..
و شكراً |
