#1  
قديم 27/11/2007, 04:15 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
واخيـــــــــــــــــــــــــــــراً اسدل الستـــار عن التوقيـــــــع





شوي شوي لاتدافعون عند بابي <<< ابوك يالثقه





عارفه أني غثيتكم بتوقيعي وقريبا قريبا ولا شفتوا شي

بس ابشركم نزل علي الوحي وهذاني جيت ونزلته <<< بعد ايش



أول شي السلام عليكم ورحمة الله وبركاته



حياكم الله في مويضيعي المتواضع ...
ان شاء الله يكون رجعه قويه لي عقب الأنقطاع الطويل
عن كتابة المواضيع



طبعاً لازم نقول لكم التنبيهات كالعادة ...
لأن فيه ناس من تقراهن بتقضب الباب

1- بالاول كنت متحمسه وأنواع التصاميم وشفت أني ماش
يبيلي وقت ومانيب قد المهمه
قلت بلاها اهم شي الموضوع ينزل >>> صح ولا لا

2- الغرض من التنبيه الأول عشان لاتدققون واجد بالتنسيق وبالصور
تراني الحين اكتبه لكم وحرارتي مرتفعه وراسي أنواع الصداع
وحلقي ملتهب <<<داخله مستشفى على كل هالوصف


5- تنبيه ثالث لاتدققون >>> خلاص ابلشتيهم


7- الموضوع بيكون 3 أجزاء لأنه طويييييييييييييييييييييييييييييييييل
ومليان صور تقريبا بكل جزء حول خمسين صورة
الله يعينكم على التحميل

10- أصحاب الديل أب يعذروني على كثر الصور بس والله أني مختصرة واجد
ولا لوه علي أنا معبيه ذاكره حجمها 4 قيقا

15- الموضوع كل أجزائه جاهزة الحمد لله
بس عشان ماتقولون أني بتغلى عليكم
تقسيمي بيكون لصالحكم عشان التحميل مايثقل عليكم



انتهينا من التنبهات >>> كني أشوف الأغلبيه هجت من الحين







بسم الله وعلى بركة الله ...




طبعاً الموضوع ماتدرون وشو للحين


هذا الله يسلمكم تقرير لسفرتنا حقت الصيف الماضي ...
يالله اقنعت أهلي بالديرة
وعقبها
طبعاً قعدنا لنا اربع شهور نحوس بالنت عنها


كل من سمعنا بنروح لها يقولون وععععع وش لاقين فيها
مادروا أنها تهبل وخقينا عليها


تصدقون أني رحمتكم ماتدرون للحين أي دولة




خلاص بقولكم




إنها





سيريلانكا الحبيبه





888
88
8

كني أسمع ناس قامت توعوع



والله هالسنه واجد رايحين لها ...
والدليل شفنا ناس نعرفهم هناك بس أنهم شباب





طبعاً حنا اتفقنا مع شركه سيرلانكيه
كل اتفاقاتنا كانت بالإيميل <<<< أحد توصيات النت


معنا رقمه ودقينا عليه من الرياض قبل لا نروح
والحمد لله يوم وصلنا بالمطار ولا ذا اللي رازن اسمنا يستقبلنا

وواحد بعد ثاني راز اسمنا كنا مراسلينه بالإيميل بس مااتفقنا معه ...

مشكلتنا ماندري منهو اللي اتفقنا معه


بس عرفناه يوم قال اسم الشركه آسين وينق


الشركه ماعليها كلام لو بنغير الفندق عشانه ماجاز لنا عادي مايخالفون
بس يعني لازم يلاقون حجز
واسعارهم كانت أحسن شركه من بين شركات واجد



قبل لانطب سيريلانكا ...
في الطيارة كل اللي يركبون شغالات وسواويق
فيه يمكن ثلاث عوايل سعوديه وشلتين شباب
حنا راكبين اول الناس مرت من عندنا شغاله وهي مطيرة عيونها
تقول بتروحون سيريلانكا
قلت ايه ياذكيك ... أجل وشوله راكبين

جمبنا سيرلانكي هو وزوجته كاشخين على الآخر
من قدهم قاعدين بالأفق
أنا أحسبهم كشخات
بس في الأخير اكتشفنا أنهم سواق وشغاله عند ناس


الفشيله أننا يوم قربنا نوصل واشوف الخضرة
أقوّم أهلي وأقولهم قوموا شوفوا الخضار اللي مب حنا
فشلتني ذا الشغاله وقالت هذي مب سيريلانكا



تقول والعهده عليها أنها بنقلاديش بس أنا مادخلت مزاجي


ممدانا نقعد دقيقتين إلا ونشوفها










مطارهم ماعليه جديد

طبعاً من اول مادخلنا بدلنا العمله اللي معنا من دولار إلى روبيات
الظاهر الدولار الواحد كان 109 روبيات كاني مانيب واهمه
طبعا أحسن شي يصرفون لك بالمطار أفضل سعر
بس حنا ماصرفنا واجد وصرنا نصرف بالمدن
وحتى سواقنا يصرف لنا



رحنا لفندقنا في كولومبو اللي هو الهيلتون





الملعب تبعهم بس لازم تعبر جسر تحته شارع عام كله سيارات
الملعب والمسبح ومطعم كلهن هناك ...



طبعا استقبلونا بالعصير ومناشف بارده تبرد على وجهك
فيها موية ورد
وعلى طول سلمونا غرفنا .....


هذا مطل غرفتنا ...








نزل أبوي ووقع العقد مع الشركه ...
وماعطيناهم كل المبلغ ...


وحنا داخلين عليهم كان فيه عرس
العروس مغير تصور
صورت العروس بالفيديو
الغريب أن عروسهم تبدى من صباح الله خير

وهذولي يجيبونهم يطقون الظاهر




ريحنا شوي وصلينا وعقب خذنا لنا لفه بكولومبو
وعلى طول غابت شمسهم وأنواع الخرمس
رحنا بنطلب عشا وطبعا نصينا كنتاكي يمدحونه عندهم
وحلال اكلهم هذا الأهم<<< صارت سالفه قويه وحنا ندور على الحلال

خالاتي يوم قلنا لهم وجهتنا قالوا حرام تروحون بلاد الكفار
وزياده أنهم بوذيين بعد
وبتتعبون لان أكلهم كله مب حلال مب زي النصاري واليهود
يجوز على الأقل أكلهم
أنا يوم اختارها ماجا على بالي أبد هالشي ...
لأننا ماقد واجهناه ... عشان كذا مافكرت فيه





المهم
وحنا واقفين نطلب... فيه جمبهم ناس يسوون رز بالشارع
أنواع القرف
قلنا لسواقنا عسى ذولي مب تبع كنتاكي
قعد يضحك علينا وقال وش دعوى





أنتم شوفوا اللي يشتغل بس واغسلوا ايدينكم منه



من بكرة ورانا روحه لدنبولا تعشينا ونمنا

اصبحنا وافطرنا وضفينا عفشنا ومشينا

قابلنا بوذا لهم وقفنا نبي نصور ... نزلت أنا وخالو بس
وقف تحته وأنا جالسه اصورة مادريت إلا وهم يزاعقون علينا
السواق ومساعده
يقولون فصخوا جزمكم
مابقى إلا هي نمشي حافين عشان بوذاهم
أبوي يقول لازم تحترمون انظمتهم ترضونهم يدخلون للمسجد بجزمهم
قلت لا بس هذا مكان وصخ مب زي مساجدنا




ومرينا على مدرسه بتستقبل الوزير كاشخين وصافين طابور





وقفنا نشتري مانقستون <<< ينباع هناك برخص التراب عكس هنا
على كلام خالو يقول أنه فرق بالسعر مش طبيعي



وشرينا بعد موز وأبو كشه مدري وش اسمه




هذي خضرة بالطريق لدنبولا
طبعا صار شي عادي نشوفه في كل مكان ....
وحنا في السيارة كل ماشفنا شي قلنا
أبد كننا في الرياض ياسبحان الله
احس سواقنا يقول وش جايبهم دام ديرتهم نفس الشي



هذا بوذا يسوون له ترميم الظاهر




وقفنا عقب بمكان زي المقهى
ولقينا فيه بعد عرس <<< ياكثر عروسهم



بزراينهم وهم كاشخين من قدهم معهم مربيه بعد
ترانا ماصورنا معهم أبد

وهذي سيارة معرسهم




خذنا منه ايسكريم بس






في الطريق مرينا على منظر غريب عجيب أول مرة نشوفه



ناس يتسبحون بالنهر
فيه صورة قريبه مرة بس حسيت مالها داعي


وصلنا لدنبولا وأخيرا
وأول مااستقبلنا هو معبدهم






كل المنطقه الناس يمشون فيها بدون جزم ...
نزل خالي بجزمته يصور وحسيت الأنظار كلها عليه

كنا حاجزين بمنتجع عندهم اسمه امايا ليك
غرف متناثرة بغابه
وقدامه بحيرة وش كبرها



استقبلونا بشاهي بارد مدري وش يصير




المنتجع كله سناجب وبراصي




مدخل غرفتنا ولاحظوا الرسمه اللي على الباب



العجيب فيه كل الغرفه صور
حتى باب الحمام الله يكرمكم








قدموا لنا المفتاح بحركه جديده
حاطين لنا ورده طبيعيه على ظرف فيه المفتاح
مايحتاج أشرح شوفوها





وهذا المسبح ,,
لاجينا نفطر نطل عليه




طلبنا منهم أكل يمشي الحال أحسن مافيه تقديمه









من بكرة رحنا لصخرة سيقيريا مادخلنا فيها
لأنها تعب على الفاضي
أجل 1200 درجه تقريباً عشان ترقاها
صورناها من بعيد بس
تصلح للشباب





والحين عاد جينا للمغامرة
ركوبنا للفيل



هنا يجهزونه لنا



وهنا أول الصاعدين

غالي الله يخسهم الشخص الواحد بسبعين ريال
على أنهم مشهورين فيه
المفروض أقل زي عندنا ركوب الجمل بالعزيزيه
بخمسه ريال ويركبون ثلاثه عادي الله يديم الرخص
مع أننا ركبنا اربعه بفيل واحد إلا أنهم كل واحد حاسبينه بسعر


هذا راس الفيل اللي أنا راكبته



المسار صغير مرة
يميني هويه ويساري زي النهر ...
المشكله أن الفيل كل شوي لاف يبي ياكل وحنا مغير صراخ
طبعا معنا ثلاثه كلهم يمشونه بس ولو
وإذا قابلك فيل عاد أنواع المشاكل
لازم واحد يوقف بوسعه والثاني يمشي



اوروبيين قابلونا
يصارخون لنا ويسلمون

يوم ابعدنا شوي عن أهلي خفت قلت وشلون تركونا أهلي
مع ثلاثه سيرلانكيين بروحنا مب عادتهم يسوونها
يعني لو بيسوون فينا أي شي مادروا أهلي عننا
لأننا نمشي بمسار مسافه نص ساعه رايح ونص ساعه جاي

أنا أكبر وحده وفيلي ماركب معي إلا أختي
اللي أصغر مني وأخوي بسادس
صحيح خالي راكب بفيل قدامنا بس مانشوفهم أبد بعيدين
حنا الحمد لله قايلين الأذكار
بس والله قعدنا نرددها من الخوف




آخر المسار يقولون لك تبيه يدخل وسط النهر
قلنا مايخالف بس لا يسبحنا
لا طلبت يسبحك يشفط بخرطومه مويه ويكبها عليك



طبعا اللي ماسكه خلانا بلحالنا بغى يدخل بنا بوسط النهر
قعدنا نصارخ نقول خلاص ماعاد نبي



من المعالم الرئيسيه بسيريلانكا سياراتهم التوك تاك
ماوفرناها خذنا لنا لفه فيها




خلصنا من دمبولا ومشينا لكاندي

في الطريق وقفنا في مصنع الخشب
الظاهر مايمرهم إلا السياح
لأن أسعارهم مرة مرتفعه مدري وراهم





وبعدها مزرعه توابل وقفنا عندها
وماشاء الله عليها ريحه ترد الروح
كلها دارسين ومسمار وهيل وفانيلا والذي منه .....
تصويري اغلبه كان بالفيديو
بس خذت هاللقطتين اللي مافيهم زيادات مجانيه <<< تقصد أهلها



هذا اللي يشرح لنا ...
مسك خالو يبيه يتزوج بنته
قال خالو من زينك أكيد بنتك زيك قال لا بنتي بيضاء وحلوة



وعقب مايخلص شرح يقعدنا هنا يشرح لنا كريماته
اللي مستخلصهن من المزرعه يبي يهك علينا




وعقب عاد يودونك بعد مايقلبون راسك للمتجر حقهم عشان تشتري
بس والله كلش نار ومع ذلك قشقشوا أهلي












تعبت مرة
أن شاء الله اكمل لكم بالجزء الثاني


اضافة رد مع اقتباس
  #2  
قديم 27/11/2007, 04:17 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
مدري وش جاني من فتحت موضوع جديد وأنا مغير ارجف

الظاهر الصخونه بدت عمايلها


حبيت اقدم اعتذاري ورده لقلة مداخلاتي بالمجلس الأيام القليله الماضيه
وذلك لولادة هالموضوع اللي أن شاء الله يكون أد المئام
ولا وش كثر المواضيع اللي تجوز لي وودي أني أشارك فيها
بس الشكوى لله
وأعرف نفسي أنا ... ماأعرف اكتب رد صغير الله يهديني




الله يعينكم على التحميل ... وانتظرونا الحلقه القادمة



يالله بخلي لكم المايك الحين ورده....
اضافة رد مع اقتباس
  #3  
قديم 27/11/2007, 04:22 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
وااااااااااااااااااو ..!!!


الظاهر أول مرة أدخل لموضوع يكون كاتبته فرصة ضايعة ..


مواضيع اليوم تحمس .. لكن للأسف جات بوقت الغفوة .. ووقت اختبارات ..

أكيد راجع ان شاء الله .. بس حبيت أسجل ترحيب بصاحبة الموضوع ورده


باك ورده

والله يا فرصة يا ضايعة موضوع قسم بالله محتار وش أقتبس فيه ووش أعلق ؟ !!!

ما شاء الله عليك تقرير مصور قمة في الروعة .. والصور كلها ما شاء الله خطيييييرة ..!!

ما شاء الله عليك .. أنتي اللي تصورين ؟ ولا أحد غيرك؟ ووش نوع الكاميرا اللي صورتي بها وكم قيمتها؟

معليش على الأسئلة بس ودي بكاميرا من زمان .. والحين بعد موضوعك تحمست أكثر ..!! ورده


فيه صورة أعجبتني وهي الوحيدة اللي بأحطها وأعلق عليها عشان ما أثقل على أصحاب الدايل أب



يا لبيييييييييييييييييييييييييييييييييه

خلاص الصيف الجاي رايح سيريلانكا رايح الله لا يعوق بشر .. يمكن هي البلد الوحيدة اللي بآمن على نفسي من الفتنة


الله يعطيك العافية أختي فرصة على الموضوع المتميز والجبار اللي يستحق التثبيت عن جدارة واستحقاق .. ويستحق

أن ينقل للمميزة بعد اكتمال الردود ورده


بانتظار الجزء التالي على أحر من الجمر ..!!

أعتذر على المرور السريع .. بعد هزيمة الهلال ما لي نفس أعلق أكثر

تقبلي تحياتي ورده

اخر تعديل كان بواسطة » الـمـشـاغـب في يوم » 27/11/2007 عند الساعة » 10:50 PM السبب: عدنا بعد هزيمة الزعيم وخروجه كالعادة من البطولات .. وعاش أبو سلطان..!!
اضافة رد مع اقتباس
  #4  
قديم 27/11/2007, 04:51 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,850
*
**


وعليكم السلام ورحمة الله وبركاته ..

فرصه ضايعة
ورده ورده ورده ..

ماشاء الله وش هالنشاط عند اعضاء المجلس اللهم زد وبارك ..
حيااك الله يالغالية ومرحبا بعودتك من جديد ..
تسجيل حضور ولي عودة ان شاء الله ورده ورده ..

ــــــــــــــــــــــــــــــــــــــــ
عدنــا
هلا وغلافرصة ضايعه ورده ورده .
ماتشوفين شر ان شاء الله ..
والحمد لله على سلامة الاسفار وسلامة الموضوع ..
ماشاء الله موضوع رائع ..
مادري وش اعلق عليه من الصور او التعليق على كلامك الرائع ماشاء الله ..
كل صورة أحلى من الثانية الا طبعا صورة الي يطبخون ..
استغرب ماشاء الله كيف ركبتي الفيل ..

**

الله يعطيك العافية يالغلا ورده ورده ..
ابدعتِ ماشاء الله
وبانتظار الجزء الثاني


**
اعذريني على المرور السريع ورداءة الرد ..
<< وش جاب هذا هنا ..
**

فمان الله ..


اخر تعديل كان بواسطة » مَاهِينُورْ في يوم » 28/11/2007 عند الساعة » 02:01 AM السبب: عدنـــــــــــــــــــــا ..
اضافة رد مع اقتباس
  #5  
قديم 27/11/2007, 04:52 AM
زعيــم متألــق
تاريخ التسجيل: 12/09/2004
المكان: al riyadh
مشاركات: 1,451
فرصة طالعه برا


لا لا ماشاء الله المووضوع ابدااااااااااااااااااااااااع ينطح ابداااااااااااااااااااااااااع
يكفي تعب الصور وتجميعها ورفعها هذا لحاله يخلينا نشكرك بعنف

ما بغيت احجز لاني اعرف الي يحجز يتعيجز يرد



حرام عليكم تروحون سرلنكا ولا تروحون المالديف جيرانهم
وهـ يالمالديف

بعدين ماشاء الله ديرتهم كلها مزروعه نعناع مايشبعون

لي باك مع رد يوفي الموضوع حقه ان شاء الله لكن بعد اكتمال الاجزاء
ان شاء الله ما تاخذ اكثر من اسبوع
اضافة رد مع اقتباس
  #6  
قديم 27/11/2007, 04:53 AM
عضو استشاري سابق للمجلس العام
تاريخ التسجيل: 25/05/2005
مشاركات: 4,563

وعليكم السلام ورحمة الله ,,

هلا وغلا فرصة ضايعة .. ,,

موضوع رائـع , وصـور أجمل يا فرصـة عن دولة سيريلاتكا والمشهورة

بجمالهـا الطبيعـي والخضرة السـاحرة , وتعامل سكانهـا الراقي ..,,

فيهـا كثير من الأشيـاء العجيبـة , وكثير بالأجـازة البعض سافر لها بعد إرتفاع الحجوزات

والفنادق بمعظم أوربـا .. صـور خيالية صورتيها فرصـة وروعـة ..!

صـور نالت إعجـابي .. وتصوير إبداع ..



/



صـور جميلة وروعة ..

~ ~

وفيه مكان جميل يسمى شاطي كولمبو الهائج ..

إن شاء الله نشوف له صـور بالاجزء القادمة ..!

..

فـرصة ..

موضوع روعـة , وبإنتظار الأجزاء الاخرى عن جمال وصور الطبيعة هناك .

وإن شاء الله ما تشوفين شر , وترجعين بالسلامة ,,

دمتِ بخير ,,
اضافة رد مع اقتباس
  #7  
قديم 27/11/2007, 06:00 AM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
هلا فرصة

ما شاء الله تبارك الله

متفلتين كلكم اليوم مواضيع قوية

مجهود كبير جدا.. ما شاء الله تبارك الله..


الصور صراحة أذهلتني..
ما توقعت ان فيه شي زي كذا في سيريلانكا..



الله يعطيك العافية أختي..
لو تقدرين نزلي كتاب زي كتاب أنيس منصور: حول العالم في 200 يوم
شفت الموضوع على عجالة ولي عودة

______________________________

أولا سلامات وما تشوفين شر..
الله يشفيك ويعافيك..
وطهور إن شاء الله..

..،

إقتباس
الفشيله أننا يوم قربنا نوصل واشوف الخضرة
أقوّم أهلي وأقولهم قوموا شوفوا الخضار اللي مب حنا
فشلتني ذا الشغاله وقالت هذي مب سيريلانكا



هههههههههههههههههههههه

يلا ما صار الا الخير.. الشغالة مننا وفينا

..،


والله هالمنظر ألييييم..
ليتني كتبت فيه شعر.. أحلى من الرياض

..،


وش في معبدهم.. من روعه؟

..،

والله صور الفنادق انهبلت عليها..
ما شاء الله تبارك الله..

ما كنت متوقع ان عندهم مساكن حلوة كذا..


طيب بسألك سؤال:
بصراحة.. هل تصلح سيريلانكا لشباب يسافرونها مع بعض؟
يعني: هل فيها أشياء فلة غير الطبيعة؟




شكرا لك أختي فرصة على هالمجهود الكبير..
وإنرالك الموضوع على الرغم من مرضك..
ما تشوفين شر..




تحياتي لك وتقديري

اخر تعديل كان بواسطة » صقر فيصل في يوم » 27/11/2007 عند الساعة » 08:01 PM
اضافة رد مع اقتباس
  #8  
قديم 27/11/2007, 07:06 AM
زعيــم نشيــط
تاريخ التسجيل: 26/06/2007
المكان: على درب الأمل أرسم خطآوي ضحكتي للحين!!! وأنآ أدري لآ أمل بآقي ولآ لي خلق للضحكة
مشاركات: 909
وش ذا الابداع ...ما شالله


بس ياني وعوعت يوم قلتي سريلانكابس طلعت احلى من ماليزيا


ناظرت الصور وجا على بالي رد مزيون بس يوم شفت البرص بغيت ارجع وراح كل الكلام


بس شلون قدرتي تطلين من الطيارهلو انا كان مت

انا لو رحنا الرياض باليالله اطل



عوافي ع المجهود الجبار
وبانتظار الاجزاء المقبلهوردهورده
اضافة رد مع اقتباس
  #9  
قديم 27/11/2007, 07:16 AM
زعيــم نشيــط
تاريخ التسجيل: 07/07/2006
المكان: الريــــــــــاض
مشاركات: 684
.. حيّ الله فرصـــــــه ضايعـــــة ..

إقتباس
تراني الحين اكتبه لكم وحرارتي مرتفعه وراسي أنواع الصداع
وحلقي ملتهب

الله يشفيكـ ويعــافيكـ .. لابأس طهورا ان شاء الله ..


ماشاء الله الصووور رووووعـــه مدري وش اعلق عليه مدري وش اخلي
ماشاء الله طبيعة وخضـــرة .. الله يرزقنا الجنه اجمعين


الله يحوووووووم تسبده لو بحلف انه ماسح من قاموسه شيء اسمه مويه وصاابون
مع هالصوره وداعا للنظافه


ماشاء الله مطقمــــــات ..شوفي شعورهم تحسين انهم فارقينها بذمة وضميـــــــر ..




هههههههـ شوفيها سنعه بتزين شعر اختها قبل التصوير بس انتي سبقتيها ولقطتي الصورهـ



فرفر موضوووع متعوووووب عليه والله يوسع صدوركم بالعافيــة يارب ..
تسلمين وفي انتظــــار بقيــــة الاجزاء .. ورده

أختــــكـ : متلثمــــــة بشــــــــال الهـــــلال ..
اضافة رد مع اقتباس
  #10  
قديم 27/11/2007, 08:15 AM
زعيــم مميــز
تاريخ التسجيل: 16/07/2007
المكان: حالمـه وأبعاد تفكيري خيال ..
مشاركات: 2,108
ياصباح المطر والبرد والثلج والورد


هلا وغلا فروصه .. وين الناس


سلامات يالغلا ماتشوفين شر ... لا ان شاء الله انتس غزال والشر طار


وش هالزين والموضوع المرتب ...


انا بالبدايه متحمسه توقعتها تايلند ... عاد يوم قريت انها سيرلانكا .. قلت >>> صازه البنت


ماشاء الله عليكم اللي جزمتوا تروحون لها .. تايلند واقول وشلون يروح لها الواحد


يعني سيرلانكا على الهند .. أحس ماش مهب ذاك الزود واهلها الله اعلم بهم


بس الحين يوم شفت صورك تغيرت نظريتي لها شوي .. وجازت لي


مثلها مثل ماليزيا الطبيعه شي .. بس عاد احس ماليزيا اكثر نظافه وتطور منها ...>>باللهي


تصدقين بعد اندونيسيا كنت مااطيقها الا يوم شفت بالتلفزيون تقرير عنها .. دخت عندها


عاد هن كلهن مثل بعض (شرق وجنوب) اسيا ( طبيعه - امطار - مهرجانات وووو)


اقول ماشاء الله عليكم تطيحون على هالزواجات


وراتس مالقطتي صورة العريسه ... خليتينا نشوف المكياج والطرحه


والله مايلعبون مزكرشين سيارة العريس


والله رحمتكم من ناحية الأكل .. تذكرت معاناة وحده يوم تروح لتايلاند .. تقول متنا جوع ناكل من ماكدونالدز

وحنا شاكين انه الذبح مو اسلامي


هو بالمناطق هذي مافيه شي شين الا الأكل وشوية مضايقات للمسلمين وبس والا الباقي


انواع الفله .. >> يقاله تحلل

حامت تسبدي من اللي يطبخون الرز .. وع من شافه مالبس بلوزه خخخخخخخخخ


بس مالتس حق شوفيه وشلون سامح لتس تصورينه ولا ذقتي اكله


ليتس هبلتي فيه >> وقلتي تطبخون ضبان ووريتيه صورة تمساح وبرصي

فروصه وش اعلق وش اخلي ماشاء الله تهبل الرحله وصور روعه

بروح لأهلي واسوي دعايات لسيرلانكا ..


يالله عاد لاتتأخرين علينا بالجزء الثاني واي حاجه بدك اياها انا تحت أمرك بمساعدتك >> وش تبين انتي

اخر تعديل كان بواسطة » كاريزمـا في يوم » 27/11/2007 عند الساعة » 09:55 AM السبب: **********************
اضافة رد مع اقتباس
  #11  
قديم 27/11/2007, 08:42 AM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
رووووووعة يالغااالية ما شاء الله
صور قمممة إلا الله يهديك ذاك المفسخ ,, كان ما حطيتي صورته

معروف عن سيرلانكا جمال الطبيعة فيها ,, لكن مدري عن خدماتهم وفنادقهم ومطاعمهم وأماكن الترفيه ,
إلا كيف النوم ؟ تحسين إنك تنامين مرتاحة !! يعني تحسين الأماكن نظيفة ؟! لأن عندنا ناس موسوسين

في انتظار المزيد من المعلومات عن هذه الدولة
ومليوووون شكر على الموضوع الجميل والمجهود الجبار
اضافة رد مع اقتباس
  #12  
قديم 27/11/2007, 10:00 AM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
فرصة ضايعة الحمدلله على السلامة
موضوع في غاية الروعة وخاصة لمحبي السفر للجزر مثلي ذكرني بموضوع نزلته قبل 5 سنين عن رحلتي لجزيرة موريشيوس وكان اول تقرير لي وفي نفس الوقت اخر واحد رغم ان عندي صور ناوي انزلها عن ماليزيا وتايلند ولاس فيغاس والنمسا والمانيا بس ماهنا وقت خمس سنين مابعد فضيت

نرجع للصور تعرفين اكثر شي اعجبني ؟؟
انزلي تحت
.
.
.
.
.
.
.


مدري ليش احس ان اكله لذيذ ؟؟ لايغرك لبسه!! ياما تحت السواهي دواهي ذكرني بطعم افاد الهندي اللي بالتحلية
الا وش كان يطبخ ؟؟ جريش ولا سليق؟

وش هالكريمات اللي هو يبيع ؟؟ خاصة اللي على اليسار اللي عليه صورة ؟؟
طلع شغل الصيدلة
لاتفهمون غلط تراه كريم يطول الشعر



ولو المديرة اللي على اليمين كاشخة بالأزرق ومخليه الوكيلة على اليسار بالزهر مشخصين للوزير



وبانتظار الجزء الثاني >>> صار باب الحاره
اضافة رد مع اقتباس
  #13  
قديم 27/11/2007, 10:19 AM
زعيــم مميــز
تاريخ التسجيل: 13/04/2007
مشاركات: 2,139
فرصة ضايعة

شفت توقيعك اول مرة بمشاركتك اللي في موضوع الحج
والله توقعت انها سيريلانكا..
عندك وحدة فضولية تحب تكتشف المناطق والتصوير
واذا شفت صور ازعجهم على طريقة التصوير
ليتك مصورة العروس عشان اشوف التقاطك لصورتها..




اعجبني التصوير هنا والشجر عاكس مع نقاء الصورة وناوية اشتري كاميرا جديدة
نوع كاميرتك اذا ماعليك امر..<< ان شاء الله سوني حاطة عيني عليها

يعطيك العافية على الموضوع والصور
حسستينا انا معاك في الرحلة..
وسلامتك ماتشوفين شر
بانتظار الجزء الثاني..ورده

اخر تعديل كان بواسطة » عالم الهلال في يوم » 27/11/2007 عند الساعة » 11:55 AM
اضافة رد مع اقتباس
  #14  
قديم 27/11/2007, 10:29 AM
زعيــم مميــز
تاريخ التسجيل: 29/07/2004
المكان: أرض الله الواسعة !
مشاركات: 2,161
الله يعطيك العافية يا فرصة على الموضوع
الروعة

وسريرلانكا مثل دول جنوب شرق آسيا كلها مناظر طبيعية وخلابة

والصور كلها حلوة بس اكثر ما عجبني الصورة هذه
.
.
.
.
.
.





مشكورة اختي على الموضوع
اضافة رد مع اقتباس
  #15  
قديم 27/11/2007, 10:46 AM
الصورة الرمزية الخاصة بـ leo messi
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
Smile

هلا والله فرصه

بصراحه شيء الصور ماكنت اتوقع سيرلانكا بهالروعه ..!!




ودك من ينط ببرشوت ..!!





.
.
.
والله يافطور هنا انه يفتح النفس ..!!

بس هم عندهم احد ينقذ الواحد اذا جاء بيغرق <--- مايعرف يسبح



تصدقين يافرصه اني حالتي حاله ابي افهم شيء من ذا التوقيع

عجزت افهم شيء لين شفت الموضوع عرفت انه يخص سيرلانكا ..!!

والا قبل كل مابغيت افهم شيء عجزت


عموما موضوع رووووووعه وصور اروووع واعذريني على هالرد

البسيط .. ولي عودة مطوله ان شاء الله بالجزء الثاني ..!!


عوااااااااااااااااافي




.
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:12 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube