[c]السلام عليكم ورحمة الله وبركاته

إخواني ............ أعزائي

أسعد الله أوقاتكم بكل خير .. موعدكم مع قصة جديدة لمثل جديد [/c]

[c][gl] (( حمير إبن غـيـثــار )) [/gl] [/c]

&& هذا مثل طريف جدا .. وقصة أيضا طريفة ..

&& أما قصة هذا المثل فهو..

ابن غيثار هذا رجل من أهل " السر " (( بين الدوادمي والمذنب ))..وهذه القصة قديمة ..

وابن غيثار هذا يقال أنه حكيم .. يعني عنده حكمة

المهم .. كان عنده حمارين ( كرمتم ) ويربطهما في مزرعته ..وكانت هذه المزرعة ملاصقة لمزرعة أخرى يسكن فيها جارا له ..

وكان هناك مشكلة وهي أن للحماران عادة سيئة جدا.. وهي أنهما ينطلقان من رباطهما إلى مزرعة الجار.. كلاهما أو أحدهما ..

عاد الله لا يوريكم إذا انطلقوا الحمير .. تلقاهم يفسدون في مزرعة الجار .. ويخربون كل شيء ..

وفي مرة من المرات جاء الجار وإذا أحد الحمير منطلق من رباطه .. عاد وين رايح ..؟؟؟؟
أكيد لمزرعة الجار ..يسرح ويمرح ( حمار ) ومثل العادة حايس الدنيا ..

تأبط شر الجار .. وزعل وراح ومسك الحمار.. وجابه لابن غيثار ..

عاد ابن غيثار شاف الجار جاي ومعه الحمار ..

على طول بادره ابن غيثار وقال له : أمسك الحمار ..!!!

ثم ذهب وجاء بعصا غليظة .. وأخذ يضرب الحمار المربوط..

الجار يصيح : يا ابن غيثار هذا الحمار اللي أكل الزرع .. هذا الحمار المطلق (( المنطلق )) .. أما هالحمار فماله ذنب فهو مربوط وش حليلة.. وما سوى شيء..

أما ابن غيثار ( ما جاب خبر ) يضرب في الحمار المربوط بقوة ..

وهو يقول : انا أعرف ( حمير ابن غيثار المربوط أخبث من المطلق ) ..

ولما خلص من ضرب الحمار المربوط .. رجع للحمار اللي مع الجار ( المطلق ) وكمل عليه.. والله لا يوريكم يوم هالحمارين .. والله يا جاهم ضرب ..

ثم ربطه وهو يقول ( المربوط أخبث من المطلق ) .. يعني أن المربوط هو اللي تسبب في إطلاق الحمار فهو خبيث ولو إنه مربوط وما راح للمزرعة..

يعني أن هذا المثل يضرب في خبث بعض الناس حتى ولو لم يظهر عليهم علامات الخبث .. أو أنهم ساكتين..

أو أنهم يتظاهرون بالطيبة والمسكنة وما يبين شيء من الحقد او أي عمل خبيث..

بس تلاقيهم أخبث من اللي يظهرون الخبث.. فالساكت قد يكون أخبث من المتكلم ..وهكذا..


[c]أرجو أن تكونوا استمتعتم مع هذه القصة الطريفة ..وإن شاء الله يكون فيها فوائد

واعذرونا على القصور ..

وآسف على التأخير .. [/c]


[gl]تحياتي المعطرة للجميع ،،،

أخوكم / البــارق;)[/gl]

تسلم يالبارق

قصة رائعه لهذا المثل


لاعاد تتاخر علينا

يوووووووووء تلقاء الحمار تلزخ تلزيخ ...!!

* وفي هالزمـن نوعية حمير بن غيثار واجد الله يكفينا شرهم... !!

تحياتي بارق... .

بس جب لنا المثل اللي يقول ( يامن شراله من حله علاله ) ..!!

بي بااااااي .. .

تسلم اخوي البارق على هالمثل ..
والله القصة حلوة مثل ما تعودنا دائما ..
مشكووووووور..

تسلم تسلم يالغالي....


يعطيك ألـــــ1000ـــف عافيه

مثل حلو مره , على اهتمامي بالامثال بس أول مره يمر علي هالمثل , والبركه فيك...

والله اننا نحتاج نستخدم هالمثل كثير..

والله يكفينا شر حمير ابن غيثار..

تحياتي لك ,,,

تسلم حبيبي على هالمثال العجيب ..

كثر لنا من هالنمونه واجد

تحياتي لك

مشكور ياالبارق ونحن بنتظار المزيد من معاليكم.

يعطيك العافية وشكرا لك

وصراحة اول مرة اسمع المثل ،،، والقصة الطريفة


ننتظر المزيد ....


شكرا لك

إقتباس وكان هناك مشكلة وهي أن للحماران عادة سيئة جدا

والصحيح .........
للحمارين :

اللام : حرف جر يجر ديرة ماهوب بس حمارين

الحمارين : اسم مجرور وعلامة جره الياء لأنه مثنى .

لاومكرمينك بعد ؟!!!

الله يسلم الشاهي اللي أنت تضبط

بالنسبة للمثل فهو ماله داعي والشباب يجاملونك مستحين وإلا لو أبحلف إنهم ودهم يقولون لك لاعاد تجيب أمثال

قفلة ,,,,,

والله إني أحبك وأنا ماشفتك

$$ عديلي أبو سليمان .............
الله يسلمك يا غالي ..
وأبشر ما عاد أعودها..


$$ الغالي : نايف............
هههههههه يا حبك للمواقف المؤلمة..:]
بس قلعتهم خلهم يتلزخون..
أما المثل اللي قلت.. ..والله إنه رهيب بس وين أبلقى قصته .. عطني جوال عدنان..
شك شك شكرااااان ===> عناد للغريب


$$ الغالي : إتش كريزي.........
تسلم والله على كلامك الحلو.. وداء من زوءك..
تحياتي لك ..


$$ الغالي : الهاوي11 ..............
هلا وغلا بك اخوي..
عساه جاز لك بس ..
وعلى قولتك الله يكفينا شرهم.
شكرا لك..
وين الـking اليوم..


$$ الغالي : جمجمة الهلال.........
هلاااااا صديقي..
إن شاء الله بشوف منه واجد ..
شكرا لك ..


$$ الغالي : مخاوي القوايل.............
هههههههههه العفو أخوي ..
وتراني أضحك على قولتك معاليكم..
شكرا لك ..


$$ الغالية : نجمة الإبداع ..........
العفو اختي .. والله يعافيك..
أهم شيء الفائدة من المثل..
شكرا ..


$$ الغالي : غريب البين ..........
هذا اللي أنت فالح فيه .. وإلا الباقي الله يخلف..
المهم .. والله إنها لآخر لحظة الحمارين .. بس عدلتها .. لأني أبي الموضوع مخلط ..
وإلا تراني أنقلها من كتاب بس أغير في الصياغة ..
يعني لو أبيها (( لغة عربية بحته )) كان ما تعبت أبد ..
فهمت..
على العموم .. يا حليلك .. ودك تلقى شيء ..
تحياتي لأبو سليمان==> ماهوب المشرف واحد ثاني يعرفه الغريب..



وتحياتي للجميع،،،

أخوكم / البارق;)

هههههههههه حلو تعليقك يا الغريب........مركز ما شاء الله عليك......ليكون بس هاللي فالح به حروف الجر

ههههههههههههه


ودمتم

هههههه الله يعطيك العافية قصة حلوة وما قصرت

$$ الغالية : عالية / قطر ...................
شكرا لك على التواصل ..وصدقتي هذا اللي فالح فيه الغريب..
تحياتي لك..


$$ الغالي :الهلاليAMJ ...............
الله يعافيك أخوي الغالي ..
وألف شكر لك..



وتحياتي للجميع ،،،

أخوكم / البارق