#1  
قديم 19/11/2007, 04:03 PM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,935
قصة سابقة حدثت لي ....

السلام عليكم ورحمة الله وبركاته .

هذه قصة قديمة حصلت لي شخصياً .

مو قديمه مررره >>> قبل سنة تقريباً

طرحت هذه القصة في وقتها .

ولكن فيه واحد أزعجني وقال لي وقتها حرام ما تكتبها بمنتدى المجلس

تعرفون وقتها كنت ما أدخل المجلس العام نهائياً

ولكن بعد ما دخلت الآن وأحسب نفسي إن شاء الله إنني واحد من إخوان الصغار منكم .
وإبن من أبناء الكبار ما أقصد أبو طلال ورده .

المهم هذه القصة وللمعلومية فهي حدثت بعد مباراة الهلال والشباب 4/0 واللي كانت مسرحية أكثر من كونها مباراة
إقتباس

السلام عليكم ورحمة الله وبركاته

وشلونكم كلكم عساكم بخير ومرتاحين ,,,

اليوم ما أدري وش فيني براسي إني أكتب موضوع مدري ليش ,,,

مع إن الشباب باللجنة الإعلامية موصيني بشغلة لكن والله براسي إني أكتب موضوع ,,,

المهم مالكم بالطويلة

جاء على بالي إني أكتب موضوع عن قصة جريدة الرياضية تلك الجريدة الوردية اللون

هذا يا طويلين العمر والسلامة أمس الجمعة وفي تمام الساعة حدعش صباحاً أطلقت صافرات الإنذار بالبيت إيذاناً بقرب صلاة الجمعة ....

جميع أساليب الإيقاض من النوم أستخدموها أهلي طبعاً النومة كانت ثقيلة لأني سهران فرحان برباعية الهلال على الشباب .

المهم يوم صحصحت من النوم وتروشت وطلعت للصلاة . وبعد الصلاة بدأت رحلة البحث عن جريدة الرياضية >>>> مو دعاية أبد أبد .

دخلت البقالة الأولى وأخذت عصير وقلت لراعي البقالة صديق واحد رياضية

رد علي مافيه رياضية كلاص .

قلت له ليش سؤال ما أدري وش يبي ؟؟؟

طلعت للبقالة الثانية وكانوا فيه شباب يتسامرون >>> الكلمة مو محلها الظهر ولكن المعنى ببطن الشاعر

قلت فيه رياضية ونفس الجواب الأول . مافيه كلاص

قالي واحد من الشباب : هلالي الأخ.

قلت الحمد لله.

قال الله يخلف عليكم

صدقوني الهندي جلس يضحك لكن تأكدت إن الهندي ما يضحك علي يضحك على هالمتخلف

طلعت للبقالة الثالثة واللي يبيع فيها يماني .

قلت صديق فيه رياضية .

قال لا الرياضية خلصت من بدري .

تفاجأت من اللهجة وجلست أتأسف له قلت معليش فكرت إنك هندي.

قال لا عادي >>>>>>> شكله متعود أبو الشباب

جلست أدردش معه : من متى خلصت الرياضية

صدقوني قال : إذا فاز الهلال وبمباراة كبيرة وبإجازة الأسبوع نحرص نفتح البقالة بدري

ونحط الرياضية برى تعرف يجي الواحد يبغى الرياضية ويشتري معها كم حاجة ونستفيد من فوز الهلال .

المهم قلت له وش رايك بالهلال؟

قال أهم شي الفلوس

شكل أبو يمن البقالة له وحنا ياغافل لك الله .

قبل ما امشي قال ما تشتري حاجة

قلت بس متقهوي الله يسلمك

طلعت للبقالة اللي بعدها وأخيراً قلت أنتهت المشكلة

شاهدت واحد واقف ويقرأ الرياضية الأخيرة

جلست أنتظره يخلص والرجال منهمك بالقرائة .

تصدقون أتوقع حتى اعلانات المفقودات قراها كلها

وأنا جالس أنتظر وشريت عصير وأتأكد من عباراة ممنوع القرائة هي موجودة والا لا

وسويت ذكي رحت عند الجرايد وأخذت جريدة الاقتصادية وأول ما فتحتها قلت للهندي صديق فيه مشكلة أنا يقرأ هذا جريدة

قال ما في مشكل

قلت طيب ليش أنت فيه يحط ممنوع قراءة >>> أبغى الدلخ اللي جنبي يفهم

قال الهندي هذا كفيل ما في مخ

شكله ما استلم الراتب وخربها الهندي

المهم أتت ساعة الصفر وسكر الجريدة اخونا في الله ويصفطها ويا خذها معه ويحاسب عليها

لعنبوك والله لو أنها 200 صفحة كا امداك تخلصها بس شكله عرف أني ناوي على الوردية

قلت والله ما خليها له طلع من البقالة وأدار سلف سيارته ومشى في أمان الله

وأمشي وراه وأحده على الرصيف علشان علشان يشرب من نفس الكأس التي ارتويت منها

رحت للبقالة اللي بعدها وأسئل السؤال الصعب فيه رياضية قال لا .

وألمح شي وردي قلت هذي مو الرياضية

قال مهجوز يابو هنود حرام عليك صار مثل اللي يدخلون الملعب العصر ويحجزون ألف مكان

قلت أنا فيه يشتري خمسة ريال >>>>>>>> أبوك يالمطنوخ

قال مهجوز

قلت عشرة ريال

قال مهجوز

قلت : 15 ريال

قال مهجوز

انقهرت من هالهندي وقلت هذي خمسة بس علمني من اللي حاجزها والولاء اللي عندك له

قال هذا حق بيبي حق كفيل ط

قلت معذور يالهندي الشرهة علي اللي وصلت قيمتها 15 وهي ما تسوى

المهم قلت بلاش من الرياضية أصلاً شبكة الزعيم تنزلها لا ولهم موقع >>>> جالس أعزي نفسي

أتصلت على أهلي قلت تبغون شي من برى

قالوا ما شاء الله عليك كل هذا خشوع بالمسجد أو نمت بالمسجد

قلت لا يكثر تبغون شي

قالوا جب لك غدا لأن الغدا خلص

رحت للرومانسية وطلبت مدفون لحم >>> أبكافأ نفسي على التعب اللي تعبته

وبعد ما خلصت شفت الجلسة اللي جنبي وفيه ثلاثة واحد منهم يقرأ الرياضية

عاد أنا ما أنعطى وجه قلت ما عليش يالشيخ ممكن الرياضية إذا خلصت

قال تراها لي مو للمطعم

قلت أدري والا متى الرومانسية يحطون الرياضية

ماكدونالدز ما حطوها تحطها الرومانسية

قال آسف أخوي مقدر أبخذها للبيت أبخلي أخوي يقراها

جلست أترجأ فيه وهو يعتذر بإبتسامة

والله لو اني أطلبك الجنة

المهم رحت للبيت وكرهت الرياضية وكرهت اللون الوردي

وقلت كله منك يالهلال وكله منك يا جمهور الهلال.

عاد أبشركم في الليل طالع أشتري خبز للبيت وأدخل البقالة الوحيدة اللي ما دخلتها وحصلت الرياضية

لكن آثرت على نفسي وحفظت كرامتي ولم آخذها ولم أقراها نهائياً

اضافة رد مع اقتباس
  #2  
قديم 19/11/2007, 04:07 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
لا لا ..
انت مشكلتك مهيب مشكلة اجازة ..
انت مشكلتك عويصة ..
متعب تبي نصيحتي .. ارم اللي بقي من الحبوب الحين ..
والا تراها بتنهي حياتك ..

باقي ما قريت القصة ..
واذا قريتها ستكون لي عودة ..
واذا ما رجعت فقشر بصل .. ويكفيك الردود السابقة ..

.. ورده .. ورده ..

****************************************
عودة ..
بصراحة ما كنت ابي ارجع ..
بس وش اسوي عجبتني القصة ..

معاناة وعذاب لما تبي جريدة يا متعب ..
اجل كيف لما تبي حبة والمباحث شادين حيلهم

يا كثر ما صارت مثل هالمطارادات ورى الجرايد زمان ..
اما الحين ..
ولله الحمد ما لي عهد بالجرايد ككل ..
اول شيء اخبار بايتة .. والجديد منها تلقى له نفي اليوم الثاني ..
والرياضية بالذات كنت ابي اشتريها باللي هي به ..
بس من اول ما امسكها احس ان الريالين خسارة ..
واليوم الثاني مثله ..
الين تركنا ادمان الرياضية وصرنا مدمنين انواع احسن ..
اقصد شبكة الزعيم ياللي تفكيرهم ما يروح الا للأشياء اللي مهيب حلوة <<< يااااي ..

بعدين اتوقع ان مصدرك يا متعب ..
هو نفس مصدر الشباب اللي يتسامرون بالظهر ..

قصة رائعة ..
كانت نهايتها كنهاية قصة اي شاب سعودي كان يدوج بالشوارع ..
اكيد لازم تنتهي بنفر لحم ( بأي طريقة ) واثنين بيبسي ..

فيه ردود اثارت حفيظتي
<<< اقسم بالله متعوب عليها هالجملة .. حطها بتوقيعك يا متعب ..

ماجد مقبل ..
إقتباس
والقى جريدة الوطن امام عيني بأم عينها



هنا عندما يلتقي الادب بالعربجة ..
يا لبى قلبك يا " قلم اديب بالمجلس العام " ..
(( )) ..

خالي من الهم ..
إقتباس
من جهة المشاكس أنا أشك انه المصدر



افى عليك يا عبد الوهاب ..
هالحين وين اودي وجهي من باقي المهربين ..
انا المهرب راشد تشك فيني اني المصدر ..
يا حييييييف ..
وشلون تبيني ارجع هيبتي كما كانت ..
انتظر منك اعتذار خطي . مرفق معه مبلغ مادي لا يقل عن 3000 يورو ..
واذا ما حصل الاعتذار .. مهوب لازم ..
اهم شيء المبلغ ..
<<< ما يفوت اي فرصة للكسب ..


.

اخر تعديل كان بواسطة » المـشـاكـس في يوم » 20/11/2007 عند الساعة » 04:43 PM
اضافة رد مع اقتباس
  #3  
قديم 19/11/2007, 04:29 PM
زعيــم فعــال
تاريخ التسجيل: 27/12/2006
المكان: ..... حيث الحريه
مشاركات: 367
هههههههههههههههههههههههههههههههههههههه

تعال عندنا تلقاها مخلصه قبل لاتنزل
بس دايم وحده مهجوز للبرنسس !

بصراحه اهنئك على روحك العاليه ولا بالظهريه وتحت اشعه الشمس الدافئه <<
وتدور الرياضيه

مولع
ماشاء الله صرت من اهل المجلس
24 ساعه بالمجلس
طيب اعزم هلالي موت و الاوربيين
خل المواضيع كذا حماس
وبفكر اجنبي احترافي
اضافة رد مع اقتباس
  #4  
قديم 19/11/2007, 04:31 PM
زعيــم جديــد
تاريخ التسجيل: 28/01/2007
المكان: بور سعيد :)
مشاركات: 46
ـهههههههههههههههههههههههههههههههـ

<<< يضحك بصوت عالي

الله يرج ابليسك

<<<

والله اني حسيت بهالمعآنآه معك ..

قسمن انك يوم قلت واروح للبقاله الثاثله .. اقول بنفسي يارب يلقآهآ

بس للاسف انك مالقيتها

ويوم انك طلبت ابو الشباب الجريده اللي كان معك بالمطعم >> جآلس ادعي لك واقول يآرب يعطيك آيآهآ

بس طلع اخوه يبغآهآ

حظك مزفت

<<<

إقتباس
عاد أبشركم في الليل طالع أشتري خبز للبيت وأدخل البقالة الوحيدة اللي ما دخلتها وحصلت الرياضية

لكن آثرت على نفسي وحفظت كرامتي ولم آخذها ولم أقراها نهائياً

إقتباس

والله اني فرحت لك من كل قلبي

بس عجبني السطر الاخير ـههههههههههههههههههههههـ

آجل حفآظا علىا كرآمتك

عوآفي اخوي علىا الموضوع .. وان شآء الله تقرآ الجريده مره ثانيهـ

اعذرنا علىا ردآئة الرد وسرعة الرد وهذا نظرا للقهقهه اللي انآ عايشها حيآل معآنتك الاليمه

.

.

ارق التحآيآ لكـ
اضافة رد مع اقتباس
  #5  
قديم 19/11/2007, 04:50 PM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,935
إقتباس
الرسالة الأصلية كتبت بواسطة المـشـاكـس
لا لا ..
انت مشكلتك مهيب مشكلة اجازة ..
انت مشكلتك عويصة ..
متعب تبي نصيحتي .. ارم اللي بقي من الحبوب الحين ..
والا تراها بتنهي حياتك ..

باقي ما قريت القصة ..
واذا قريتها ستكون لي عودة ..
واذا ما رجعت فقشر بصل .. ويكفيك الردود السابقة ..

.. ورده .. ورده ..

تصدق أقتبس ردك وأشوف ورده >>> ور ده ما ينفع إلا كذا .
أشوفك مكررها مرتين قلت وش يبي الهندي هذا .
على العموم المشكلة ما أقدر أرمي اللي معي >> دافع دم قلبي فيهم

وإذا إنقطعت عن الكتابة
تأكد إن المشاكس إنقطع عن الترويج أو إنه أعلنوا أسمه بالأخبار ووزارة الداخلية
شفت وشلون دخلتنا بالداخهلية وكل القصة رياضية

إقتباس
الرسالة الأصلية كتبت بواسطة البرنسيسه الزرقاء
هههههههههههههههههههههههههههههههههههههه

تعال عندنا تلقاها مخلصه قبل لاتنزل
بس دايم وحده مهجوز للبرنسس !

بصراحه اهنئك على روحك العاليه ولا بالظهريه وتحت اشعه الشمس الدافئه <<
وتدور الرياضيه

مولع
ماشاء الله صرت من اهل المجلس
24 ساعه بالمجلس
طيب اعزم هلالي موت و الاوربيين
خل المواضيع كذا حماس
وبفكر اجنبي احترافي

منهو هلالي موت

بصراحة أنتم بالمجلس تنشرون وما يحتاج عزيمة .
من جاء من كيفه الله يحيه .
واللي مو جاي بكيفه

إقتباس
الرسالة الأصلية كتبت بواسطة لاهدت نفسي
ـهههههههههههههههههههههههههههههههـ

<<< يضحك بصوت عالي

الله يرج ابليسك

<<<

والله اني حسيت بهالمعآنآه معك ..

قسمن انك يوم قلت واروح للبقاله الثاثله .. اقول بنفسي يارب يلقآهآ

بس للاسف انك مالقيتها

ويوم انك طلبت ابو الشباب الجريده اللي كان معك بالمطعم >> جآلس ادعي لك واقول يآرب يعطيك آيآهآ

بس طلع اخوه يبغآهآ

حظك مزفت

<<<

[SIZE=5][COLOR=#000080]

والله اني فرحت لك من كل قلبي

بس عجبني السطر الاخير ـههههههههههههههههههههههـ

آجل حفآظا علىا كرآمتك

عوآفي اخوي علىا الموضوع .. وان شآء الله تقرآ الجريده مره ثانيهـ

اعذرنا علىا ردآئة الرد وسرعة الرد وهذا نظرا للقهقهه اللي انآ عايشها حيآل معآنتك الاليمه

.

.

ارق التحآيآ لكـ

أشكرك على تفاعلك معي .
تصدق وأنا أقرأ ردك رحمتك قلت ياليتني لقيت الرياضية
اضافة رد مع اقتباس
  #6  
قديم 19/11/2007, 05:28 PM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,534
ههههههههههههههههههههههههههه

تراني نفس حالتك أحياناً أدور على البقالات ولا أحصلها
لكني كرهتها وصرت ما أشتريها
الله يخلي النت

إلا تعال ألحن أنت مشرف ولا تعرف إن الأخبار تنزل يومياً في منتدى الجمهور


عوافي على الموضوع
ونصيحة لاتشتري الرياضية اشتر الرياضي أحسن
اضافة رد مع اقتباس
  #7  
قديم 19/11/2007, 05:41 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,930
مولع بالله وش هالنوعية اللي تخليك تنزل كل يوم موضوع .

نرجع للقصة

بعد ماقريت القصه أشتغل عندي الخيال

أتخيل شكلك طاق النظاره الشمسيه بعد صلاة الجمعة وواقف عند باب البقاله وتقرا الجريده

ولا داخل البقاله وفارش الجريدة على ثلاجة الايسكريم واذا حسيت بحر تمد يدك للثلاجة

مولع كأنك نزلت هالقصة قبل كذا ولا انا غلطان ؟


ثانكيو مستر مولع
اضافة رد مع اقتباس
  #8  
قديم 19/11/2007, 05:44 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
ـههههههههههههههههههههههـ

اه يا بطني اه يانفوخي اه يا سنوني

من جد معاناة اخوي مولع

عاد لو انك طلعت وقلت في نفسك ما ابي الرياضيه كان تلقاه في كل حته

عاد مرتن صار لي حول سالفتك مع الوطن

الصدز اني ما عمري شريتها بس جاء فيها خبر يهمني وكلمني عنه واحد من العيال

ورحت ادور وادو وادور وادور ويوم يئيست قلت خلني اشتري سنكرس ( قلب )

واطلب سنكرس والقى جريدة الوطن امام عيني بأم عينها

مشكور اخوي متعب على الموضوع وياليت تقسط لنا مواضيعك بالتقسيط المريح

ك . ج . كن بالجوار
اضافة رد مع اقتباس
  #9  
قديم 19/11/2007, 06:36 PM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
هلا والله أخوي مولع
ماشالله عليك مدهر مواضيع وغيرك يتمنى موضوع يطلع ولا يطلع
بس والله رحمتك
اذكر يوم جا ياسر للهلال كان اخوي مسافر وانا خلاص ابي اشتري الجريده علشان اخذ صورة ياسر مع ابو سلطان
واحطها مع الصور اللي عندي
وكل مادقيت بقاله قالوا خلصت
وخلاص كنت منقهره ابي اشوف ياسر بملابس الهلال
بالنهايه طلعتها من الزعيم قلت بلا الرياضيه بلا قلق
بس بجد رحمتك وانت بهالظهريه من بقاله لما بقاله تدور الجريده
اما ذاك اللي تنتظره يخلص قرايه واخذهاا والله نذل
يالله فدوة للهلال

الله يعطيك العافيه
وحياك الله بالمجلس ورده
اضافة رد مع اقتباس
  #10  
قديم 19/11/2007, 08:04 PM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
هلابك اخوي مولع

وعليكم السلام ورحمة الله وبركاته

تصدق اني قايل لـ عامل البقاله اللي عندنا ، اول ما توصل الجرايد يخبي لي عنده الرياض والرياضيه دايم ،

بس تبي الجد الاشتراك في الجريده افضل من اننا نلاحقها من بقاله لـ بقاله ، ويمكن اوفر بعد

بس صدق مقوله " السعودي مخ ما فيه " ، اول في العطله الصيفيه كانت الجرايد ما توصل الا الساعه 10 الصباح [ وجه معصب ] عاد الله لطف بحالتي وشاء ان ولد عمي يسافر <<< بخيل الاخ

ولد عمي مشترك في الرياض والجزيره وفليتها فله هههههههههههههههههههههههههههههههه


:.:

اخوي متعب

تواجدك في المجلس يزيدنا شرفاً

.:.

اخوك محمد

الموضوعك سبق ونزلته قبل .؟
اضافة رد مع اقتباس
  #11  
قديم 19/11/2007, 08:20 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
يؤ يؤ يؤ يؤ

ما بقى إلا تروح مطبعتهم

لكن يومك تذب وجهك على اللي في الرومنسية

ولا عطاك

حسيت إنه إنسان حقير ( هو موب أنت )


طيب كان شريت الرياضي
اضافة رد مع اقتباس
  #12  
قديم 19/11/2007, 08:26 PM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,580
.
يا ليييييييييييييييييييييل
.
ياخي خاف من العين طيب ..
بالله كم موضوع منزله ..!!
.
ياخي غصب خليتني أرد ..
.
والله حالتك حالة كل هالمشاوير وفي عز الحر عشان جريدة ..!!
الله يخلي الشبكة بس
بس الحمدلله انك نزلت الموضوع مرة ثانية خليتنا نضحك ونفرح !
.
.
.
:: فتكـ بـ ع ـافيــــــة :: ورده و
اضافة رد مع اقتباس
  #13  
قديم 19/11/2007, 09:43 PM
زعيــم مميــز
تاريخ التسجيل: 05/08/2005
المكان: الرياض
مشاركات: 5,886
اذكر الصه هاذي ويمكن أني راد عليها بعد ..

والله لو انا منك لا اطب في حوض الهندي لا اخليها ببلاش ..

مابقا ألا هذا يتشرط (الهندي ) ..

اهم شي .. نها بايــخع الجررديه غير الشبكه لاتدور ..

أقالك مشرف مجله .. ^_*


تقبـل مروري ملك الـ&ـلال
اضافة رد مع اقتباس
  #14  
قديم 19/11/2007, 10:54 PM
الصورة الرمزية الخاصة بـ أبو ميار
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 11/10/2003
المكان: العاصمة معقل فريق القرن
مشاركات: 15,935
إقتباس
طرحت هذه القصة في وقتها .

ولكن فيه واحد أزعجني وقال لي وقتها حرام ما تكتبها بمنتدى المجلس

تعرفون وقتها كنت ما أدخل المجلس العام نهائياً

ولكن بعد ما دخلت الآن وأحسب نفسي إن شاء الله إنني واحد من إخوان الصغار منكم .
وإبن من أبناء الكبار ما أقصد أبو طلال ورده .

المهم هذه القصة وللمعلومية فهي حدثت بعد مباراة الهلال والشباب 4/0 واللي كانت مسرحية أكثر من كونها مباراة

الظاهر إني أتكلم عربي
اضافة رد مع اقتباس
  #15  
قديم 20/11/2007, 01:49 PM
الصورة الرمزية الخاصة بـ هلالي متيم20
زعيــم مميــز
تاريخ التسجيل: 04/04/2007
المكان: وادي الـدواسـر
مشاركات: 1,969
Unhappy

مولع باالهلال




والله أنك تستاهل هاليوزر الأخضر .















واحـــــد حــســــــود .



والله أنـهـا معـانـاهـ .


لـكـــن حـركــة الـهـنـدي . والحـجـز حــــــلـوهـ .



والله بـعـــد ين وجـهـــــك قـــــوي يـالـشـيـن .






جـالـس تـشـحــد هالـبـخـيـل الرياضيه .




لــكــــن كـــــــرامــــتــــــك مـعها في النـهـايـه .


على أبـو هـنـود مــو عـلـي وأنــــا أبـــو فـيـــصـل .












بسروس .

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:57 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube