لدي مشكله كبيره .. الرجاء من حكماء القسم مساعدتي في حلها ! - صفحة رقم 2 - نادي الهلال السعودي - شبكة الزعيم

!!هلالي الرس!! · #16 18/11/2007, 02:40 PM

حي الله أخوي

شف أنا بأعطيك حلول

راعي الأكسنت هذا خلاص أسحب على أمه هذي قاضين منها

اما الي نقل الكلام حبذا لو قبل ماتسحب عليه تحجره وتقوله ليش نقلت الكلام أذا بدا يصرف قله الوجه من الوجه أبيض

أما خويك الثالث الي ماسوى شي يكون أحسن لو ظميته لصالحك

تحياتل لك

!!هلالي الرس!!

اليزابيث هيرلي · #17 18/11/2007, 02:40 PM

مرحبا أخوي فزاع ...

قبل حل المشكلة لازم تحدد أيش اللي تبغاه من فيصل و ابراهيم ؟؟

بمعنى أنه لو تكن لهم محبة وعزيزين عليك لكن تصرفاتهم هي اللي تزعجك .. فالمفروض تصارح فيصل في اللي بخاطرك وبأسلوب , مو حلوة تكتمها في صدرك أبد ونفس الشي بالنسبة لإبراهيم عاتبه على تصرفه الغير لائق نهائي .. مابقولك أتركهم دام مافيهم غير هالعيوب اللي مع الوقت ومع التنبيه بيقدرون يحسنونها ..
أما إذا طايب خاطرك منهم .. فبرضوا واجههم و صارحهم باللي في خاطرك وكل واحد يروح في حال سبيله ..

أما الإنسحاب بدون مواجهة فأنا أعتبره ضعف في شخصية الواحد ...

أتمنى أن أفدتك بشي ...

أبو ميار · #18 18/11/2007, 02:54 PM

هلا ياسر .

أسحب عليهم يا رجل .

ما في شيء بالدنيا تتحسف عليه .

وصدقني واحد رجل يكفي ويسوى بعيونك قبايل >>> شرواي

وبالنسبة للمشاغب والمشاكس

>>> وش رايكم أطلع معكم للشرقيه علشان أطلّح فضايحكم بالمجلس

A.K.N 505 · #19 18/11/2007, 03:48 PM

إذا كانوا فيصل و ابراهيم كما تقول وليس لهم عذر ((مقبول)) فلا تقطع العلاقة معهم مباشرة
ولكن خفف من اجتماعاتك معهم وا ثقل شوي عليهم واذا لقيت منهم نفس الشي اقطع علاقتك معهم
اما اذا بدوا يتصلون عليك او يعتذرون وتعرف ان معدنهم طيب خل كل شئ يرجع طبيعي مع التنبيه على حركتهم

ثانيا ً : دائما حاول انه ما يكون عندك اصدقاء معينين , تعرف على غيرهم و كون علاقات مع ناس يقدرون معنى الصديق

القيصر رهيب · #20 18/11/2007, 04:02 PM

رجاء فهمني

الحين الامارات مملكة ؟

خبرتها دولة

بعدين الامارات عندهم شرقية مثلنا

لا وعندكم الرياض بعد

الهلالي دائماً · #21 18/11/2007, 05:47 PM

هلا وغلا اخوي فزاع الاجيال

وقبل ما ابدا بالرد ودي اقول للمشاكس خلك برا السالفه

الله يرج ابليسه لحس مخي وخلاني ارجع ملفك كامل

والحمد لله طلعت فزاع الاجيال الاصلي ورده

حياك وبياك اخوي فزاع الاجيال ومنور المجلس العام بعد فترة غياب طويله

وفي نقطة ثانية وهي انك طلبت حكماء القسم يردون

والمشاغب رد

ليه انا مادري

>>> امزح ورده ورده ورده

بصراحة الاسفار تختبر اخلاق الرجال ...

وهذا خويك الله يهديه طلع مضروب مع الاسف الشديد ..

وبصراحة انا اشوف هذا شي عادي لان النسان اللي يسافر لا زم يلقى يصادف عينات غريبة وصفات عجيبة من احد زملاءه !!!

اذكر قبل 5 سنوات سافرنا ثلاثة للغربيه وراعي السيارة الله يصلحه بدا بحركات النذالة ...

المهم كنا نقوله نطلع يقوم بنام

ونقوله بنام يقول بنطلع

وبصراحة ارتفع ضغطي وبان ان السفره نكد واتفقنا نرجع الرياض ورده

عاد انا قررت بهدوء اني اشيل الانسان ذاك من القائمة

وانسحبت بهدوء عاد كان يتصل ويقول نسافر وكنت اعتذر ولا قابلته من بعد رجعتنا ...

وكان اخر اتصال منه انه عزمني على زواجه ورده

ومن قرادة الحظ اني حتى في زواجه ما شفته لاني وصلت متاخر بعد ما طلع

اخوي فزاع احس اني قروشتك بسالفتي ...

بس اشوف مثل هذا الواحد يبعد عنه او يقلقل شوفته

هذا رايي القابل للتغير

مشكور يالغالي ع الطرح والله يعطيك العافية ,,,

asim 9 · #22 18/11/2007, 06:19 PM

اسحب ع ابراهيم وفيصل لانهم مايستاهلون الصداقة وترى الدنيا ماتستاهل عشان توقف على ناس انذال.

مون الفتى الذهبي · #23 18/11/2007, 06:19 PM

وانا أخوكـ مايبي لها مشاور

طلقهم بالثلاث وش بتنتظر بعد منهم !!!

والدنيا تجارب اعتبرها تجربه وعدت

ولاتحاول تكررها معهم...

الـمـشـاغـب · #24 18/11/2007, 06:58 PM

المشاكس راشد ورده

صدق أنك عبيط .. وشف ماجد هو اللي يعرف فزاع زين .. حتى أنه عزمه على الفطور على شكشوكة وبيض عيون ذاك اليوم ورده

بس عشان ثاني مرة تسمع كلام اللي أكبر منك وتصدق

بعدين أنا حكيم << حكيم ولا شعبان عبدالرحيم؟ << يا مصلك << احلف؟ << والله << طيب شكراً << عفواً << احم << لا تقول احم لا أفقع

وجهك فاهم؟ << ايه فاهم << لا لا تقول فاهم << طيب ما بقول فاهم << يعني أنت ثور ما تفهم؟ << ايه ثور << أجل تقرب لمحمد نور

<< لا تكفى أنا ثور بس لا تقربني لمحمد نور << إلا غصبن عليك << ايه خلاص << لا تقول خلاص << خلاص مو خلاص << ما لك شغل

^
^
مسكت خط امسكوووني تكفووون قبل لا يردني منفذ القريات

---------------------

ماجد

آي هيت يو

<<< بكرهك بكرهك بكرهك مش حعيش معاك في البيت ده تاني

وش قاعد أقول أنا؟

آسف للرد الثالث أخوي فزاع .. بس باقي رد رابع عشان يصير لكل واحد من شلتكم رد من باب العدل

أبوشلاخ الهلالي · #25 18/11/2007, 07:33 PM

,,.. الباب الي يجك منه الريح سدهـ واستريح ,,..
وقل لخويكـ ,
,,.. اذا صاحبكـ عسل لايلحسه كله ,,..

الحالمة · #26 18/11/2007, 07:42 PM

إقتباس

الرسالة الأصلية كتبت بواسطة القيصر رهيب


	رجاء فهمني الحين الامارات مملكة ؟ خبرتها دولة بعدين الامارات عندهم شرقية مثلنا لا وعندكم الرياض بعد

ههههههههههههههههههههههههههههههههه

الله يقطع بليسك .. صدق أنك رهيب

من جد وشلون كاتب في التوقيع إماراتي ..

وتقول كنا ندور في مملكتنا وفي الشرقية بعد ..

خخخخخخخخخخخخخخخخخخخخخخخخ

الله يهدي الجميع ..

والله يهدي اصدقائك ..

ملـــــ الهلال ــــك · #27 18/11/2007, 08:48 PM

وأنسحب أنت وخيكـ شوي شوي عن (الحثـاله) وكل مادقو عليكـ صرفهمـ.. وبس وكذا بيفهمنها وكل واحد بطريقه ..

تقل مروري

ملك الهلال

"هلاليه أنا " · #28 18/11/2007, 08:50 PM

مثل ما قال مون الفتى الذهبي طلقهم بالثلاث

مافيه شي يستاهل نتحسف عليه

اللي جابهم يجيب غيرهم

بريماكس · #29 19/11/2007, 02:13 PM

هلا والله بياسر (سالم)

اخبارك يابعدي

..

اول شئ الحمدلله على سلامتك يالغالي .. اما هالرحله ماصارت رحله صارت نقمه

وبعدين مالقيت الا تحط اسم ابراهيم على خويك الزلابه هذا

..
ياخي ابراهيم لما تضعه لابد ان تختار له شخص مناسب لتميز هذا الاسم

وصراحه اعجبتني على عدم الرد عليهم وكتمت الشئ بصدرك .. فلنا بحبيبنا محمد صلى
الله عليه وسلم قدوه(ليس الشديد بالصرعة، وإنما الشديد الذي يملك نفسه عند الغضب )

إقتباس


	واخينا في الله ابراهيم خر كل شي لـ فيصل .. وان سالم يقول انك مسوي كذا .... الخ

تدري وش تسويبه هذا ؟

تيله مع الرقبه وعلقه بمخرج 15 خل كل الخلق تشوفه هالرخمه

من جد ياكثر اللي مثل هالشكليه ؟ ماتدري هو وده يزرع الفتنه ؟ ولا مريض

والله شف يياسر .. يقولك اللي ماكسبت محبته لاتخسره

بمعنى فيصل خل العلاقه عاديه

بس ماهي مثل اول او بمعنى على فرغات

.. تصدق ياكثر من احطهم على فرغات لانهم

مسويين اذكياء وزي كذا وهم بالاصح رخم ومصلحجين وسبايك

إقتباس


	وودي اعرف وش اسوي الحين .. مع فيصل وابراهيم الي نقل كل الكلام لفيصل

شف ياياسر تبي الصراحه .. فيصل من حقه لو قال اي شئ بعد كلام الزلابه ( ابراهيم )

له .. يعني فيصل قله الصراحه كذا وكذا لايكون الزلابه ناقله كلام عكس او مزودها !

شف ابراهيم هذا اغسل ايدك منه مع اني ماودي بالتفرقه لكن افعال بعض الناس تجبرك

عليه

وقبل كذا ممكن تستفسر منه ليش ناقل الكلام لفيصل ؟!! ان جاوبك .. فخله سلام
وبس .. وان بدا يمين ويسار فاغسل ايدك منه

..

اهم شئ تطلع بنتيجه .. يعني خله يفهم فيصل اللي في بالك واللي قلته لابراهيم وبعدها

ان تفهم الامر فالحمدلله وان طاول بسلامته ؟!! .. بس اهم شئ انت وضح كل شئ لفيصل

وللجميع .. وياسر صدقني قسم بالله ياما وياما ناس تظن انهم رجال وثقه بس بالسفر

تطلع الخفايا .. يعني ممكن تعذره فيصل الى حد ما .. ترى بعض االاوقات تقفل مع الواحد
ويتصرف باشياء غريبه .. لكن بعده يتحسف وزي كذا !!

اتمنى ان تعود المياه الى مجاريها .. ياسر اتمنى اني افدتك بشئ بسيط وان شاء الله

الزكرت يفيدونك ومايقصرون فهم اصحاب سوابق وخاصه ابومساعد

تراه خبره

مع الاسف اشوف ردوده كلها استهبال ماهي على خبري .!!

فزاع ورده ..

AHMED477 · #30 19/11/2007, 11:29 PM

اهلييييين اول شى لى تعليق على السالفة بخصوص القطة اللى صلح فيها مكيف سيارتة لو

انكم شارين اكسنت من الدمام وراجعين علية انتم الثلاثة كان احسن

بخصوص سالفك شف يالذيب نصيحة من لوجة الله اسحب عليهم واذا اسالوا عنك قل لهم انى مشغول مع اهلى ومن هالكلام لاتقول لهم انى مع ناس ثانين عشان مايقولون ليش وكيف ومن متى
لانك ماتدرى عن الدنيا يمكن يجى يووم تحتاجهم .........

وهاذى حكمة من لك خصوصي (هالشباب ذولا حطهم بالرف وانساهم واذا جت حاجتهم طلعهم من الرف وانفخ الغبار عنهم وأستخدمهم )