..،" صور .. رحــلة في أمريكا "،.. - نادي الهلال السعودي - شبكة الزعيم

أبـوكـــادي · #1 17/11/2007, 11:18 PM

بسم الله الرحمن الرحيم

مكس .. جديد كان بالأمس .. إلى قديم حيث قدمي لم تستطع
أن تتخطى عتبة بيتي <<< ويش لك بالفلسفه

صور التقطتها خلال شهري نوفمبر وديسمبر 2006 .
من أماكن عدة ، إبتداء من فناء المنزل مرورا بمدينة الشوكولاتة الأمريكيه
( هيرشي) إنتهاءا بجولة سريعة خاطفة
إلى مدينة واشنطن دي سي

هنا كانت البداية ، طرقهم موحشة تجيب الهم
والبوليس شغال على سنع ، إبن أمك تعدى الـ 70 ميل/ساعة (ترحيل)

طبعا ما فيه الا ضرب قهوة عساني أصحصح

هذه صورة لمقدمة مبنى هيرشي ورلد
وما أشوف أحد داخل والا طالع الا وأشوفه " يفغم بالكاكاو

قلت خلني أدخل أفغم معهم

المكان كله كاكاوات ، حتى ملاعقهم الظاهر كاكاو
أخوكم بالله بغى يطب في هالرف .. بس جاني طيب
الذكر مستر " ضرس " وقل أعقل إذا كانك تبي تنام هالليله

عاد انا احترمت نفسي وأخذت قهوة وفطيرة
والله يكرم النعمة بس

هالامريكان ، عندهم فن دارة التسويق
فكي كل مكان أجدها وبأسلوب جذاب ينتفع منه الآخرون
بمعنى آخر انه يكون بشكل مادي ملموس
مب تسويق شركة الإتصالات عندنا اللي مربطين لهم
علم في اعماق البحر الأحمر .. ما أدري يعني الناس راح
يغوصون والا الأسماك راح تشترك

قال ايش قال حط لك عند بيتك شجرة كريسمس
صرتها وابكبرها واعلقها على الباب
طبعا النقاش كان بيني وبين جاري الأمريكي ، فصورتها هدية له
عساه يفكنا من لسانه

هذا الشيء الوحيد اللي ملازمني
طقني الجوع ادور آكل محترم زي الناس
فقلت مالها إلا المطاعم الهندية والا العربية
فدخلت خريطة الياهو ، ويا زينه من عشاء كان

الصور الـ 5 اللي في الأسفل
صور تم التقاطها في مدينة واشنطن دي سي
اللي ما أواطنها ، لزحمتها وشوارعها اللي ما أدري ويش تبي
تحس دوم انك معاكس الشارع ..

----------------

الثلج هالسنة جاء على قولة طارق العلي
" طل ورد "
جاء يومين تقول انك في الإسكيمو ..
وفي يوم كأن مانزل البارح ثلج.

ما أقول الا يازين شبوك الشوي اللي بالعزبة بالرياض
مالنا ومال الإتيكيت

ما بدهاااش ..
يدي بعد الكتابة ... راحت فيها

------------------

الكاميرا

Sony Cyber-Shot W70
7.2 Mega Pixels

تحية عطره ،،

أبو كــادي