السلام عليكم

اول شي ياشباب يمكن بعضكم يزعل مني اذا قرا هذا الكلام لاكني ابقول رايي ورأي الكثيرين واتمنى انكم ماتحطون احد اللاعبين فوق النقد:

كثير منكم ياشباب لاحظ مستوى سامي في مبارات اليوم امام البرازيل وانه تقريبا في كل المباراه ملمس الا كورتين وحتى يوم طلع ودخل محله طلال المشعل تحرك الهجوم شوي
لاكن العيب موب في سامي العيب في المركز فسامي اقولها وبكل صراحه فشل في مركز راس الحربه
ومع ذلك يصر انه يلعب في هذا المركز اذا وجد الفرصه وكلنا كنا نتذكر قبل كم موسم كيف كان غائب تماما عن التهديف والسبب هذا المركز ومبارات امس مع البرازيل ذكرتني بمستويات سامي السابقه
فأتمنى من كل قلبي ان يتفرغ سامي لصناعة اللعب ولعبه خلف المهاجمين فبعد اكتشاف الجوهر لهذا المركز له في تصفيات كاس العالم الكل شاهد ابداعات سامي وتمريراته القاته وحتى تسجيله للأهداف
لاكن اللى مااتمنى اشوفه ان الجوهر يرجع سامي لقلب الهجوم وهو بصراحه وبكل اسف فشل في هذا المركز ومبارات امس اكبر دليل...

وشكرا

أخوي كانافارو مابي أكذب عليك أنا تراني زعلت منك..
ليس تعاطفآ مع سامي أو تعصب له أبدآ لكن أبي أقولك معلومات تحطها براسك وما تنساها أبد وهي:

سامي ظهر على الساحة الرياضية من خلال نادي الهلال وبرز تحديدآ في دوري عام(89-90م) عندما حاز على لقب هداف ذلك الدوري وكان مهاجمآ ومن أروع المهاجمين وأستمر مهاجمآ إلى عام(99-2000م) بعدها تحول إلى لاعب وسط صانع للألعاب يعني تقريبآ له من سنتين إلى ثلاث سنوات أصبح لاعب وسط..

ودي أسألك سؤال منذ عام 89 م إلى 99 م يعني بالضبط عشر سنوات الفترة اللي كان سامي فيها لاعب مهاجم هل أعتبرته أخوي كانافارو فاشل طول هالسنوات العشر وما أعترفت بسامي إلا آخر سنتين لاأظنك كذلك لأني أعرف مدى حبك للهلال وسامي ..

أخوي كانافارو نحن أحببنا سامي منذ أن ظهر مهاجمآ وكان سامي مبدعآ كلاعب رأس حربة فهو من أتى بكأس خادم الحرمين الشريفين للهلال من أمام الشباب عندما سجل هدفين وهو من أتى بكأس السوبر من أمام بوهانج الكوري وسجل أيضآ هدفين وهو من أتى بكأس خادم الحرمين أيضآ من أمام الأهلي وسجل هدفين وهو من وصل مع المنتخب إلى كأس العالم 94 م وسجل في التصفيات أجمل الأهداف أمام إيران وسجل في النهائيات أمام المغرب وهو وهو وهو................ إلخ

والآن وبعد كل هالإنجازات سواء مع المنتخب أو الهلال اللي ما ذكرتلك إلا بعضها في عشر سنوات جاي يا أخي الكريم تقولي أثبت فشله في هالمركز ...

سامي مهاجم من طراز نادر وأحببناه في هالصورة وهاهو الآن يخدم منتخب بلادة من موقع آخر..

فكيف نحكم على عشر سنوات مرصعة بالذهب بأنها فاشلة

اخوي الصوت الهلالي اول شي اشكرك على تجاوبك السريع مع الموضوع لاكني احب ماقلت ان سامي من طلع في هاالمركز وهو فاشل لاكن في اخر موسمين له غاااااب عن التهديف تماما وانت تستشهد ببطولة دوري خادم الحرمين الشريفين اللى جاب فيها التعادل للهال امام الشباب لاكني على مااظن انه هدفه الوحيد هذاك الموسم
واحب اقول لك اني مانيب ضد سامي بالعكس انا من اكثر المعجبين فيه وحتا شف مواضيعي وردودي لاكني معجب فيه صانع العاب فقط اما مهاجم فاسمح لي انا معاك ان بدايته كانت قويه وانه من اخطر المهاجمين اللى مروا على الدوري السعودي الا انه مع الوقت وفي اخر المواسم له غاب عن التهديف باستثناء مباراه او مباراتين
لاكني ابغا رايك وش اكثر مركز يتقنه سامي راس الحربه او صناعة الالعاب

ومشكور اخوي والاختلاف في الرأي لايفسد للود قضيه

لو تحطه حارس بدع
في اي مكان يبدع

والله إنك صادق ياm_shlhoob

واحب أن أقول لأخوي كانافارو إن سامي بدع لما كان مهاجم وصانع ألعاب في نفس الوقت.
واللاعب مايقاس مستواه في مباراة أومباراتين والدليل أن اللاعب عبد الله الجمعان لم يلعب بمستواه المطلوب في كل مباراة.
وسامي الجابر أحسن مكان له هو الهجوم.

(لكل حصان كبوه)

افا هذا وانت درعاوي عز الله انك تجنية عليه
تحياتي لك ولكل الزعماء
سلام

عموما اخوي ترى سامي صانع العاب ومهاجم في نفس الوقت والدليل هدفه

قدام الكويت والبحرين ............

والله يوفقه انشاء الله وانت لاتقيس المنتخب امام فريق مثل البرازيل لأن

الهجمات قد تكون محدوده وثانيا ترى المباراه وديه واهم شي نطبق فيها

الخطط مو مهم الأهداف والقادم احسن انشاء الله .........

الصوت الهلالي شكرا على كلامك ,,,

وايضا ترى الأختلاف في الرأي لايفسد في الود قضيه .......

وشكرا .........

أخي الكريم كانافارو ردآ على كلامك ودي أقولك:
سامي لم يغب عن التهديف إلا في آخر سنتين على حسب كلامك والسبب في ذلك الضغط الذي أستخدمتة الصحافة من قبل أصحاب النفوس الظعيفة في تحطيم سامي ..
ياخي لدرجة والله ثم والله أني أتذكر الصحافة أيام غياب سامي عن التهديف كانو يكتبون مقالات يقولون سامي له كم أسبوع لم يسجل وكم يوم وكم ساعة لدرجة أنهم يحسبون الإجازات لعدم تسجيلة أهداف فيها ..

أنا ودي أسألك سؤال :
من الذي يثبت النجاح أوالفشل الذي أثبت موهبتة الهجومية في عشر سنوات أو الذي يصوم عن التهديف سنة أو سنتين..
أخوي كانافارو كل المهاجمين في جميع أنحاء العالم تكون عندهم فترات يهبط فيها مستوى التهديف بعد أن أثبتوا مدى قدرتهم الهجومية ولايسمون هذا فشل ..

وبودي أقولك بعد إن سامي آخر مشاركة له كمهاجم مع المنتخب في تصفيات كأس العالم الأولية المؤهله لتصفيات النهائيه المؤهله لنهائيات كاس العالم اللي كانت في الشرقية عام 2001 م وسجل 6 أهداف في تلك التصفيات .. ولعلمك الخاص سامي هداف المنتخب في تصفيات ونهائيات كاس العالم وبفارق كبير عن طلال المشعل وعبيد وماجد..

وردآ على سؤالك أين أجد سامي أفضل مهاجم أم صانع العاب أقولك:
سامي ليس لاعب وسط بل مهاجم مساعد يعني يصنع ويسجل ويفتح الهجوم من الأطراف بالتحديد الشوط الأول من الجناح اليمين والثاني من اليسار .
لأنه في فرق ين رأس حربة ثابت ومهاجم يلعب على أطراف الملعب بكل ذكاء ودهاء..

وشكرآ أخوي كانافارو..
أخوك: الصوت الهلالي

m_shlhoob
التعصب شين

الكابوس:
بالعكس انت تأكد كلامي فلو تركز في الموضوع زين راح تشوف اني قلت ان سامي مايبدع الا اذا كان صانع العاب وطبعا طبيعة صانع الالعاب انه يساند الهجوم وانا ماقست مستوى سامي في مباراه او مباراتين لاكن مستواه في مبارات البرازيل امتداد لمستواه المتواضع لماكان يلعب راس حربه في اخر المواسم وليس في بدايته

thamir15:
ماجبت جديد انا قلت في الرد الى قبل كذا صانع الالعاب بطبيعته مهاجم والدليل شف نواف وهو صانع العاب يسجل اكثر من سامي وهو راس حربه

الصوت الهلالي:
اول شي سامي لاعب كبير ومااظنه يلتفت لكلام الصحافه ثاني شي اتمنى انك ماتقيم مستوى سامي في التصفيات الأوليه امام متخبات مثل منغوليا وسيرلنكا

يا ناس سامي اذا لعب هجوم كل الدفاع يراقبونه ويتعرض لجميع انواع الرفس والضرب خلوه في الوسط ازين له فهو فنان في هذا المركز

ماأدري هذي الردود النارية على ايش .هل من المعقول ان تختلفون على مستوى سامي في اي مركز يلعب فيه . سامي كبير و تظل شهادة ناصر ان سامي مدرب داخل الملعب مثل ماكان يقول الزياني عن صالح خليفة .مستواه في بعض المباريات يكون سيء نعم و منها مباراة البرازيل و هذا حال كل لاعب و لكن مستواه في كل مباريات التصفيات و كأس الخليج كان مستواه عالي . مباراة واحدة و ابتدأالتنضير

شباب ترى الإعتراف بالحق فضيلة والحقيقة وش سوى سامي امس

درعاوي: معليش عديت اسمك ومشكور على ردك ويكفيني انك درعاوي


الرهيب : هذا اللى انا اقوله يعني لو يحول صانع العاب احسن له


الزعيم الابن: ماادري انت تكحم على مستوى سامي في الهجوم على اي اساس من قبل عشر مواسم ولا من اخر موسمين


ابو سعود الهلالي: كلامك سليم لاكن فيه بعض المتعصبين يبغون يحطون سامي فوق اي نقد يجيه
وليت كل الهلاليين مثلك

انابصراحه ما زعلت ابدا الي تقوله كله صح فا سامي في بعض المباريات ما يدبرها

يا إخوان أولاً المباراة ودية

ثانياً سامي لعب رأس حربة ولكن من صانع الألعاب خلفه عسى ما تقولون

ماطر اللي يركض بالكورة وكعوب لين تنقطع !!!!!!!!!!!!!!

وبعدين يا زينكم ساكتين بس

تدورون لسامي خلال عشرين مباراة واحدة أو ثنتين لم يبرز فيها كغالبية اللاعبين وجهزتوا

الحش ومدخلكم ( معليش يا شباب بلاش تعصب كلنا نحب سامي )

على بالكم محايدين وكل منكم شتالي زمانه !!!!!!!!!!!!!!!!!!!

سامي أبرز النجوم وسيدهم وقاهرهم وهو المتميز في أي موقع يلعب فيه

ومسألة التهديف ما مر موسم رياضي لم يسجل سامي وإن لم يكثر من

التسجيل فهو يسجل أهداف نهائية حاسمة عن مجموع أهداف كل هدافي

الغفلة وأوقات السعة !!!!!!!!

وبعدين سامي من عينة اللاعبين النوادر اللي يعرفون مصلحتهم ويتداركون

مستوياتهم دون اللجوء لسماع شتالي المدرجات !!!!!!!!!!!

وهو وأكررها وأصر عليها ويؤيدني عليها الكثير وصل لمرحلة عالية

تصل لمستويات النجوم النوادر في العالم اللي فوق النقد وفوق النقد

وفوق النقد وفوق النقد رضي من رضي وأبى من أبى !!!!!!!!!

ولا تحسبون هذا تعصب بل هي الحقيقة فسامي يعرف متى يخرس

الحاقدين ويفرح أنصاره لما لا ( الذيب ما يهرول عبث )