#1  
قديم 06/02/2002, 11:20 PM
زعيــم مميــز
تاريخ التسجيل: 04/04/2001
المكان: الرياض
مشاركات: 1,692
< قصيـــــــــدة>...من اروع ما قرأت....&&

احبتي الغاليين.................عشاق الزعيم ومحبيه.....:


& ...الحقيقه اليوم حبيت...ارتاح شوى وترتاحون...من المواضيع الادبيه...الانشائيه..
ومن باب التغيير.....فقلت مافيه افضل من الشعر...
والحقيقه اخترت لكم هذه القصيدة الرائعه جدااااا....املا ان تنال على استحسانكم..:


....................................بعض العرب........................................

بعض العرب ما ينعطي وجه بالحيل *** وليا عطيته وجه صار لك علة

وبعض العرب ماله سنع لكنه حليل *** بالضبط كانك لا تمعنت ظله

وبعض العرب شقرا و شقرا مع الخيل **** ما ينفعك لولا الرموش المظله

و بعض العرب لا يعجبك ثرثرة ليل **** و باكر ترى ما قالك شي لـلـه

وبعض العرب مرسال مادري مريسيل *** يساير العالم و هو حاصل له

وبعض العرب يصلخ و ينفخ و هو ريل *** و في زعمه انه يفهم الكون كله

وبعض العرب ما غير بندق و دربيل **** و منين ما هب الهوا جايز له

وبعض العرب يطلع كما طلعة سهيل **** و يغيب نجمه قبل دربه تدلـه

وبعض العرب يوذيك بالقال والقيل **** تجلس معه ساعة ولاخرى تمله

نذل و خسيس يفصل الهرج تفصيل **** و ليا لقا له طيب يستغله

وبعض العرب منظر و كشخة وتحليل *** شبح بحال و حاله اخرى كرله

لا شفت زوله من خيار الرجاجيل *** و ليا عرفته ما تجيه بمحله

و بعض العرب ماضيه ليل على ليل *** كذ بصموه وصوروه الادله

وبعض العرب لا والله الا تهاويل **** مهما عقدت الحبل لازم يحله

كذ دربوه و لكعـوه الرجاجيل **** من قبل لا يصير الحدث جاهز له

وكانك شجاع صحيح حارب اسرائيل **** قبل اليهود القدس لا تستحله

وكلش يهون الا الثلاث الغرابيـل *** المهزلة والمسكنه والمذله

&&&&&&&&&&&&&&&&&&&&&&&&&&&&&&&&
القصيدة...رائعه بالفعل................وتستاهل الوقوف عندها كثيرا.....وهي قصيده قديمه جدا...ولكن للاسف لايحظرني شاعرها...املا من لديه فكرة عن شاعرها..ان يمدنا ببعض المعلومات عنه.
دمتم بخير والله الموفق.
اضافة رد مع اقتباس
  #2  
قديم 06/02/2002, 11:38 PM
زعيــم مميــز
تاريخ التسجيل: 15/03/2001
مشاركات: 4,718
وكلش يهون الا الثلاث الغرابيـل *** المهزلة والمسكنه والمذله

رائعه يالغالي محترف

قصيدة اجتماعية جميله تحكي معانات الشاعر مع رفاق الرخاء
اضافة رد مع اقتباس
  #3  
قديم 06/02/2002, 11:49 PM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
إقتباس
وكانك شجاع صحيح حارب اسرائيل **** قبل اليهود القدس لا تستحله

إي والله هذي الشجاعة ..

ولكن وينهم الآن ..!!!!

ألف شكر لك اخوي محترف توقعات والله يخليك ..

قصيدة أكثر من رائعة من شخص أروع ..

تحياتي لك،،،

أخوك / البارق
اضافة رد مع اقتباس
  #4  
قديم 06/02/2002, 11:56 PM
زعيــم مميــز
تاريخ التسجيل: 15/01/2002
المكان: al-khobar
مشاركات: 3,013
مشكور
اضافة رد مع اقتباس
  #5  
قديم 07/02/2002, 02:43 AM
زعيــم نشيــط
تاريخ التسجيل: 05/06/2001
مشاركات: 996
مشكور اخوي على هالقصيدة



فعلا جميلة .. ويعطيك العافية
اضافة رد مع اقتباس
  #6  
قديم 07/02/2002, 07:41 AM
زعيــم متألــق
تاريخ التسجيل: 02/04/2001
مشاركات: 1,205
Thumbs up Re: < قصيـــــــــدة>...من اروع ما قرأت....&&

إقتباس

بعض العرب ما ينعطي وجه بالحيل *** وليا عطيته وجه صار لك علة

أنا أشهد ..

وأزيدكم من الشعر بيت من تأليفي ..;) ;)

وبعض العرب إذا سيرعليك بنص الليل *** بالبوري يزعج وينادي مشينا للشلة


وسلامتكم ..

شكرا أخوي محترف توقعات على هالقصيدة الرائعة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:41 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube