سلام عليكم

انا بس حبيت اتسال عن الاعضاء اعضاء الاتحاد السعودي لكرة القدم
وش وضيفتهم
وش دورهم
وش هم يسوون على اي اساس اختيرو للاتحاد وعلى اي شهاده او خبره كرويه
هل لانهم نصراويين بس يكفي لان يختارو اعضاء في اتحاد كره القدم وصلت الى كاس العالم كم من مره وحصلت على كاس اسيا من عشرين سنه وعلى بطولات ماتعد ولا تحصى هل تركي بن خالد كفو للمنصب اللي هو فيه الحين
هل التركي هذا رئيس لجنة الاحتراف (اللي يوزع ابتسامات الظاهر مستانس بالاعلام)
وماجد الحكير اللي خبرته في الصحن الدوار اكبر من خبرته في الكوره اللهم انه راس الرياض بطل وسلمه مديون
وحافظ المدلج اللي دكتور في جامعة الملك سعود قسم اقتصاد وش دخل الكوره في الاقتصاد ولو انه افضل الموجودين
ولا الربيطه جمعان الغامدي اللي كان بواب استاد جده ثم سبحان الله صار امين عام لاحول ولاقوة الا بالله يقولون الهلال ارسل للاتحاد الكازاخستاني (مدري وش اسمه طاجيكي مدري اوزبك الوكاد انه استان) ويرسل الطلب للاتحاد الاسيوي وسواقه فليبان البقره هذا بالله امين عام ثم يعتذر ولو عارف شغله مااعتذر لا كن ربيطه والبقره رايح يصدق على كلام النصر بان عندهم 71 بطوله والله انه ماقراها بس من ذل سلم
هذي الاشكال هي اللي تبي تدمر الهلال والفرق الناجحه وتبي تطلع الفرق الفضايح يمثلونا خارجيا على شان نصير مثل الفرق الفيتناميه والنيباليه والهلال اللي مشرفهم في كل المحافل والبطولات يحاربونه بالله قط شفتو احد يرفض النجاح مثلنا هذولا اللي يبون يخططون لنا على الاقل لخمس سنوات
اخر شي اقول الله يرحم فيصل بن فهد اللي ماحط الاشكال هذي جاب له ناس فاهمه شغلها عدل مثل الامير نواف بن محمد وشف وش لون منظم الاتحاد اللي هو يراسه وخالد بن سعد وشف الشباب وش لون قال مع خالد
والرياجيل اللي عليهم العلم

لكن والله مافي هالاتحاد الا سلطان بن فهد وليته يعزلهم كلهم ويتخذ قراراته هو بنفسه ولله لتشوف الاتحاد ازين منه الحين مع اعضاء الفلس

مانقول الا حسبي الله ونعم الوكيل حسبي الله على كل من حاربنا لشي في نفسه والله على الظالم