▓ خدامتنـــــــــــا مسوية لي سحــــــــــــــر ▓ - صفحة رقم 4 - نادي الهلال السعودي - شبكة الزعيم

المـشـاكـس · #46 14/11/2007, 02:43 AM

مواصل من عام 1400 م

..
بصراحة اول ما قرأت العنوان .. قلت " الله يشفيه يارب "

..
بس يوم قريت اسم الكاتب .. قلت " ما قلت شيء الا تبيني اغلط يعني "

..
موضوع جميل والحمراني

..
وبغيت اقول انك اثرت نقطة " جميلة " لكن يوم قريت رد عبدول ما بغيت اقلب مواجعك

..

ياخي والله ان الخدامات مظلومات ..
وانا معك ..
بس يا اخي المشكلة انك احيانا لو تكون طيب معهم ..
تظن هي انه نتيجة للسحر اللي طبقته معك .. واللي علمتها عليه خدامة كانت قبلها بالسعودية ..
والسحر هو انها تقضي حاجتها في الاكل والمشروبات ..
والله انها قصة حقيقية صارت لشخص ..
ما بيني وبينه في رواية القصة الا شخص واحد ..
ويا كثر هالقصص ..

اما بالنسبة للاساءة لهم ..
فلو بغينا نعدد .. بيصبح الصبح ما خلصنا

..
من الضرب .. الى التحرش .. الى تركها تطارد الاطفال في الاماكن العامة و كأنها ليست امرأة .. الى التفنن في ازعاجها واغضابها .. الى ... الى ... الى ...

شخصيا .. لست مقتنع بوجود الخدامة الدائم مطلقا مهما كانت الظروف ..

عبدالله ..
دائما ما تكون مواضيعك ثرّية ومفيدة ورائعة ..
استمر بارك الله فيك ..
وبلاش يبدو لك وما يبدو لك

بلا نهاية بلا هم

..
<<< لو اللي فهمته من توقيعك صح

..

قبل ان اضيف الرد ..
رأيت في الموضوع والردود بعض صور النساء

..
وكأنكم لا تعلمون ان الشبكة تمنع مثل هذه التصرفات

..
ولمن لم يبلغه العلم بذلك ..
ارجو ان يقرأ الشرطين التاليين من شروط المشاركة في المجلس ..

إقتباس


	5- التعرض بالكلام أو النكت التي ترمز لقبيلة أو جنسية بعينها سيتم حذفه وهو من الأمورالمحرمة شرعاً... كما ستحذف المواضيع التي من شأنها ان تثير الرأي العام سلبيّاً . 6- العناوين المبهمة للمواضيع وكذلك العناوين الغير لائقة سيتم تعديلها دون إشعار كاتبها.

ما شفت بحياتي شيء اوضح من كذا ..
بس انتوا ما تبون تفهمون

..
<<<

.

اليزابيث هيرلي · #47 14/11/2007, 01:30 PM

هلا مواصل ...

والله الحديث عن الخادمات ذو شجون ...

أكيد الرأفة والرحمه بهن واجبه .. ياخي الإسلام أمرنا بالرأفة بالحيوان فما بالك الإنسان ..

وأنا أوافقك الرأي بأن الأغلبيه يحمل الخادمة شغل البيت كله ..

أعرف ناس كل شي يبغونه ينادون الخادمه تجيبه .. لا و بناتهم أول ما يجون من المدرسة يرمون الشناط والعبيات ويرقون فوق وتجي الخادمة وتضفهم .. لا ومرايل المدرسة يفصخونهن ويتركونهن لحد ما تجي هي و تعلقهن تخيل !!!!!

بالنسبة لي ما أطيق شي اسمه خدامة كل الخدامات اللي جونا قبل أنا طيرتهن .. عجزت أرتاح .. تتعب نفسيتي لا صار البيت فيه خدامة وأمي كذا بس كنا نجيبها لأن الأسرة كلها عاملة لكن راحتنا النفسية فوق كل إعتبار ..

الله لايحوجنا لهن ..

تصدق عاد أنهن باديات يتفرعنن و متبطرات على النعمه ما عادن مثل أول يدورن الفلس باللي هو به ...هاللحين أغلبهن هدفهن الرجل خابرات انه ينهبل على أي شي وخابرات فلوسه فتلاقيهن يحاولن يأثرن عليه بأي شكل بس عشان الفلوس وياكثر القصص اللي كذا ..

الله لا يجيب ذاك اليوم اللي تدخل فيه الشغاله لبيتي ..

والله يستر من بلاويهن ..

موضوع جميل أخوي مواصل ...

لاعدمتك ...

!!هلالي الرس!! · #48 14/11/2007, 02:15 PM

والله روعتـ((ن)) يامال الصلاح

عاد بيني وبينك

قلت لنفسي من زينه تسويله سحر والله لو أنه أنا

>>واثق

اي والله وانا اخوك وانت صادق بعض الشغالات ياحول ترثي حالهن

والله يعطيك العافيه على موضوعك

بنت فهد · #49 14/11/2007, 03:18 PM

الله يقطع بليسك خوفتني قلت وش فيه الولد

بس في نقطه مهمه

مو كل شغاله تسوي سحر عشان الاهل مضايقينها

بعض الشغالات تحسدك على العز اللي انت فييه ويكون فيها نوع من الغيره

بس يمدحون البيت من دون شغاله والله راحه اكثر واسال مجربه >>>البنت ماعندهم شغاله

مشكور مواصل من عام الفيل على مايقولون الاعضاء

"حكيم الزعيم" · #50 14/11/2007, 05:02 PM

يا زين شغل أمي بس

بلا خدامات بلا شغالات دام أمك فيه لا تهتم لأن أمورك كلها مزبوووطه

ملـــــ الهلال ــــك · #51 14/11/2007, 10:19 PM

هلا والله بمواصل ..

الناس أقليات ..

بعض الناس تحترم ..

وبعضها الله يستر منهم...

والاصل وشوله الخادمه...

مشكورع موضوعك الرائع

الهنوووف · #52 15/11/2007, 06:00 PM

وعليكم السلام ورحمه الله وبركاته

خلنا ندخل بالمووضوع عاد متاخرة

انا
لاني كتبت رد وطفى جهااازي وانقهرت لعده اياام

الخدامه هاجوس يهدد كل منزل
بالرغم من ايجابيتها الا ان سلبياتها قد تكون اكثر في حاله عدم التعامل المثالي من قبل الاسره

للاسف البعض يعتبر الخدامه اله الكترونيه تعمل بلا كلل وملل
اتعجب من بعض تصرفات البعض وعندما تقدم النصيحه وتخبرهم بانها كائن حي يحس يتعب يمرض
يبادركـ بقول ..600 ريال تاخذ

كنت في منزل احد الاقارب
وكان المطبخ بالدور العلوي وكانو محتاجين لاسطوانه غاز
طبعا الخدامه نزلت بتشيله ووهالبيت فيه شباب طبعاا
قلت لبنتهم ورى ماتخلين اخوانك يشيلونه حرام ثقيل
قالت لي 600 راتبهاا على ووشوو

بعض الاسر صغارهم وكبارهم
جيمع طلباتهم تقدمها الخادمه
حتى البعض يعجز عن كاس موية يجيبه

تلومونهم ااذا سحروو وتسلطوو عليكم من المعامله السنعه ماشاء الله
الام تصارخ والعيال يضربووون

وبعض الناس مايخليها تطلع برى البيت محبوسه سنتين بالبيت

الله يهدي الجميع

مواصل اطلاله متميزة
شكرا لكـ

ود يليق بقلمكـ

الهنوووف

كانت

هنا

ورحلت

صفرة الحكم · #53 15/11/2007, 07:08 PM

عوافي على الموضوع الرئع

الشقرديه · #54 15/11/2007, 07:39 PM

وييييييييه ياخوفي منهم بس

مع اني دايم اتهاوش ويا خدامتنا............... احب اتحرش .........ملقوفة

بارك الله فيك............

للعالمية واصلين · #55 15/11/2007, 07:50 PM

الله يستر !

Hictar · #56 16/11/2007, 10:54 PM

إقتباس

الرسالة الأصلية كتبت بواسطة ماجد مقبل


	هلا وغلا اخوي مواصل من عام الفيل روعتني الله يصلحك ظنيت ان بك شي بس الحمد لله كلوا تمام ياشباب الحقيقة موضوع الخادمات تكلم عنه الكثير وتطرق اليه العلماء .. وقبل ذلك اوصانا الله عز وجل بالرحمه واوصانا الرسول عليه الصلاة والسلام بالرفق بالانسان وحسن المعاملة ... ورغم ذلك نرى من البعض التجاوزات الكثيرة ولا حول ولا قوة الا بالله ... الخادمة انسانة لها طاقة محددة ينبغى ان نثقل عليها بدون مراعاة .. لان ذلك هو ما سيولد فيه العدوانية والانتقام ... اما اذا كان تعاملنا معها طيب فبالتاكيد سوف تكوت مخلصة وامينة ... لا انكر ان هناك شواذ .. لكن من شذ لا حكم له !! شكرا اخوي عبد الله قائد رابطة جماهير الزعيم في المجلس العام

هلا فيك اخوي ماجد
لا تخاف ما سحرتني الشغالة

وش تسحر فيني أنا وخشتي

أنا أشين واحد بالعالم

بس قويه أنا قائد رابطة جماهير الزعيم بالمجلس

يالبى قلبك بس يا ماجد وربي إني أحبك في الله

شاكر لك مرورك

إقتباس

الرسالة الأصلية كتبت بواسطة هلال الفن زعيم القرن


	الله يستر منهـم

إقتباس

الرسالة الأصلية كتبت بواسطة f*y*d


	ماجد وصل خلاص اعقل * مـا تشوف شر ..!! ^ ^ هذي قلتها لا شعورياً بعد عنوانك المشؤومـ ..!! الله يجازيك على قد نيتك يا أبو عابد . لا يختلف اثنان فـ حق العمالــة أنهم بشر مثلنــا ويجب الرأفة بهمــ كما أوصانا ديننا الحنيف ..!! لكن كثير ما يتبعون الوصيّة ... ويتعذّب العامل أو الشغّالـة . لا أزيد على كلامكـ و كلام ماجد شيء ..!! . ويا رجل لا تفوّل على عمركـ <<=== واحد حاقد ع العنوان ..!! . . :: فتّكـ بـ ع ـافيـة ::

لا تحقد ولا شئ فياض

أنا أجيب المرض وش تسحر فيني الشغالة
شاكر لك مرورك وتعاطفك مع الشغالات

إقتباس

الرسالة الأصلية كتبت بواسطة روح 10الشلهوب


	والله اني شاك فيك !! اخاف انت اللي مسوي لها سحر !! سحرتك سمار وعيون السيلانيه !! قلت خلني اسحرها وتجلس عندنا اطول فتره ممكنه !! انا اخبر انك مدمن الشكشوكه وهي تضبطها !! عالعموم من اللي بايعها نفسها وتسحر مواصل من زمان مانام !!

أما أنا مسوي سحر

على قولتك من اللي بايعها نفسها وتسحرني

شاكر لك مرورك

إقتباس

الرسالة الأصلية كتبت بواسطة Hilali88


	وعليكم السلام ورحمة الله وبركاته معظم مشاكل الخادمات التي تحدث عندنا هي بسبب سوء العاملة وأنا أعرف أشخاص هربت أكثر من خادمة لديهم بسبب سوء المعاملة وتحميلها فوق طاقتها ولكن هناك حالات كثيرة لم يكن السبب منها سوء المعاملة إنما سبب آخر أعرف أشخاص هربت خادمتهم بعد أن اكتشفوا أنها تقوم بالسحر لهدف معين مع العلم أنهم يعاملونها معاملة حسنة أعمال السحر التي تقوم بها بعض الخادمات ليس بالضرورة أن تكون بسبب سوء المعاملة في الختام أتمنى أن تتم معاملة الخادمة كما يحثنا عليه الدين الإسلامي وأتمنى من الإعلام أن يزيد الحملات التثقيفية لزيادة الوعي لدى المجتمع وأحذر من جعل الخادمة تهتم بالأطفال يعطيك العافية يامواصل وماتشوف شر

الشر ما يجيك أخوي هلالي

وشاكر لك مرورك الكريم

إقتباس

الرسالة الأصلية كتبت بواسطة dal3_uae


	حووووووووووووه انتم اللي فوق """ هلالي ... وفياض ... وماجد """ ... ليش ما نشوفكم في مواضيع ثانية ؟؟؟!!!!! وله بس مواضيع ربعكم تدخلون ... وتردون ...>>>وله مواضيعنا ما تهمكم ؟؟؟!!!!>>> غارت البنت اسمحلي مواصل ... هلا أخويه ... موضوعك روعه ... كقراءه >>> اللي هي أنا >>> براااا الخادمه ... وما ادراك مالخادمه ... فديتها خدامتنا ... طيبة ... ما تعرف هالسوالف ... شكلها فقيرة ... >>> هذا السحر بعينه موضوعك له أهمية ... في المجتمع ... ومتعودين منك ما تكتب الا شي يهم المجتمع ... فواصل ... يا مواصل ... هذا الابداع ... واسمحلي ع المرور البسيط

شاكر لك مرورك أختي دلع

ومرورك الأروع أختي

إقتباس

الرسالة الأصلية كتبت بواسطة وليد القحطاني


	هذي شغالتكم .. تعرف تسوي شاي وفول ..... نرجع للموضوع . الخادمات امرهم خطير بصراحة وبصراحة الثقة معدومة لانهم خبيثات بصراحة .. وأرجو من كل أبو و أم الحذر من الشغالات وخاصة الأطفال الصغار .. مشكور مواصل تحياتي

هلا فيك أخوي وليد

شاكر لك مرورك الكريم

إقتباس

الرسالة الأصلية كتبت بواسطة هلالية حرة


	اللي يحد المستخدمات على السحر وغيره معاملة الناس لهم كلن يأمرها من جهه الصغير والكبير ولو أحسن الناس معاملتها هي بتحسن المعامله لهم وبتحبهم وتعتبرهم أهلها

أحسنتي هلالية حرة
كلامك عين العقل
وياليت البنات كلهم مثلك
شاكر لك مرورك

إقتباس

الرسالة الأصلية كتبت بواسطة هلاليه من الرياض


	واللـهـ فيه اسر أعرفهم شايلين الخدامات فوق روسهم ومعاملينهم زي بناتهم الجوالات مسلمينها إياهم والطلعة والدخلة على كيفها ومع ذلكـ ماسلموا منهم ... غير عدم أمانتها وإتقانها للشغل يعني مستحييييل تنظف الشيء تنظيف كامل وصح إلا إذا صار الواحد فوق راسها يعني بالعربي الأمانة ميييح وتحب تلف وتدوور... وغالبية الخادمات فيهم حقد على لاشيء وحدة من قرايبنا _الله يغفر لها ويرحمها_ كان عندها بالبيت شغالة ومافيه إلا هي وياها بس ,تنام معها وتسولف عليها ويتقهوون مع بعض وماشين صح وفي يوم جو عيال الحرمة ولقوا أمهم مذبوحة بـ "سكين" ومرمية والفلوس كلها اللي عندها مسروقة والخدامة منحاشة وبعد التبليغ صارت اللي مسوية الجريمة الشغالة وبتواطؤ مع السواق !!! والقصص كثيييرة وتطووول مع إنهم يكونون معاملين أحسن معاملة,, وماننكر إن فيه فئة تضطهد الخدم ولكنهم قلوا في السنوات الأخيرة واقتصرت التصرفات هذي على الجهلة... شكرا مواصل وكفانا اللهـ جميعا الشرور

أتفق معك إن الحقد موجود
لكن الأغلبية ينولد الحقد عندهم من المعاملة السيئة
شاكر لك مرورك هلالية

إقتباس

الرسالة الأصلية كتبت بواسطة هلا 10 لي


	الله يستر منهم

شاكر لك مرورك هلالي

إقتباس

الرسالة الأصلية كتبت بواسطة (((أخلاق سامي)))


	حيا الله استاذي اخوي والله الخادمات ارحمهم رحمه مهب طبيعيه ! بعض المرات نكون جالسين ودانا والعائله واذا قدمت فرضا العشاء ولا العصير ولا اي شي احس اذا شافتنا تقول : حظهم قاعدين مع عيالهم وانا عيال بعيدين عني والله دايم افكر كذا بعدين مهب كلش على الخادمات حتى المبزره بعض المرات ودك تنحاش منهم بس الله يكون بعونهم ويوفقهم شكرا مواصل من عام الفيل على الموضوع الرائع فمان الله

شاكر لك مرورك مشعل

إقتباس

الرسالة الأصلية كتبت بواسطة بني حارث


	مساء الخير مواصل موضوع رائع بالنسبة لي أنا من يوم ما عرفت أهلي^^ وأنا أعرف إن شغالتنا باربي ما فيه غيرها صار لها تشتغل عندنا 12 سنة ما شاء الله عليها ولو إنها صارت عجوز بس يالله تقبل مروري

إسم شغالتكم باربي

عامليها كويس أجل علشان ما تقلب عليكم

شاكر لك مرورك

إقتباس

الرسالة الأصلية كتبت بواسطة هامور البورصه


	هلا والله مواصل الله حيه يااخي انا كلنا نتفق معك بكل كلمة قلتها لكن لين جاء وقت الجد ماقداامك الا هي وش تسوي لازم تامرها وشوي تهاوشها بس انا عن نفسي ناادر اكلم الخداامه .. اهلي يقولون لي خدامتنا بترووح فيه احد يعرف خدامات بالايجاار الي يعرف يرسلي رقم الخداامه خااص والله الايام الجاايه يا بتصير بلاوي في البيت من غير خداامه واكثر شي بينرفزني هو الكوي بتجي ثياابي كاويتها الوالده انوااع التسفطات الله يخلي المغسله موااصل مهوب كني شطحت

يالبى قلبك طارق إنت وشطحاتك

مرورك بس يكفيني

إقتباس

الرسالة الأصلية كتبت بواسطة G o L d E s T


	الخدامات بشر يتأثرون بمعاملة الناس لهم أستغرب من بعض العوائل اللي تحط كل شي بيد الخادمة !!! حتى لو كانت أمينة وطيبة ما يصلح يصير كل شي بيدها يعني غسيل ملابس جلي صحون ترتيب الغرف ممكن لكن طبخ واهتمام بالأطفال أشوف أنه من مسؤولية الأم يعطيك العافية يا بو عابد

الله يعافيك أخوي إبراهيم
وشاكر لك مرورك

آسف للجميع على ردي السريع وعلى إنقطاعي عن النت
وبعود إن شاء الله للجميع
بإذن الله

الـساقي · #57 17/11/2007, 05:03 PM

هلا وغلا أخوي مواصـل ..,,

كـ العـادة تأتي بشيء متمـيز , وبموضوع واقـعي يحدث في المجتمـع .

تطرقـت أخي مواصـل عن وتـر حساس يلامـس المجتمــع الحــالي جملة وتفصيـلاً , فـ الحوادث

الي تحـصل لدى الأسر من سحر أو أمراض كلهـا لم تمـر من دون أســباب و ولكل أمر خـلِق له سـبب معـين .

أعـتقد أن المجتمـع السعـودي بالأخـص لم يحـترم الخـادمات بالأمـر الإيجـابي , وأنـا موب ضـد المجتمـع ولا مع الخـادمات

ولكن , لو نظـرنـا للأسبـاب التي تـؤدي إلى ذلك لعـرفنـا من المخطـيء ..!

معـاملة بعـض الأسـر تحتـاج إلى تـوعيـة ضـروريـة ولازمـة , لأنه كـل شـوي ونـسمـع خبر عن خادمة وأسـرة ,

والمشـاكل بـإزديـاد , وبسـوء معـاملتنـا للخـادمات نـعكـس صـورة سيئـة عن الأســلام , والعكـس صحيح .

ويمــكن ما تنــتهي المشـاكل إلا بـ وعي المجتمــع , ومعــاملة الخـادمات معـاملة حسـنة ..!

مــواصــل

موضوع رائــع كـ روعــة حضـوركـ , ودائمــاً تتحـفنـا بـ تمـيزكـ

وعـذراً علـى التــأخـير , دمــت بخـير ..,,

جنـــ الزعيم ـــى · #58 17/11/2007, 08:14 PM

وعليكم السلام ورحمة الله وبركاته
قال الله تعالى
( فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ)
قال الرسول صلى الله عليه وسلم
( إن الرفق لا يكون في شيء إلا زانه ولا ينزع من شيء إلا شانه )

**********
رقت القلوب للاسلام وانتشر بالمعاملة الحسنة
واغلب الخادمات لايعرفن من الاسلام إلا الاسم
فلابد من إيصال الصورة الحقيقية للاسلام
والتي يدخل في ايطارها المعاملة الحسنة هذا من جانب

من جانب اخر لابد من الرحمة بها والشفقه فهذه بشر
والاسلام حث على الرأفة بالحيوان فما بالكـ بهذه الانسانه
التي تركت ابنائها واهلها وعاشة مرارة الغربه

بغض النظر عما تقوم به بعض الخادمات من اساليب سحر وغيره
فأمرهن الى الله هو الذي يحاسبها وكل انسان يحمل وزره
وما عرف عنهن ليس مبرر للمعاملة السيئة
لاعلينا تجاههن إلا اخذ الحيطه والحذر
ومعاملتهن كما املته علينا شريعتنا الاسلامية
في هذا الموضوع انبه واشدد على التحصين قرأة اذكار الصباح والمساء
من اجل ان نضمن سلامة انفسنا من الخادمات وغيرهن
احفظ الله يحفظكـ
يعطيكـ العافية اخي مواصل على هذا الموضوع القيم
والله يكثر من امثال امكـ
وحفظكـ الله وإياها والمسلمين من كل مكروه

مَاهِينُورْ · #59 18/11/2007, 02:42 AM

*
*
وعليكم السلام ورحمة الله وبركاته ..
*
*
مواصل من عام 1413 هـ
***
مبدع كعادتك ماشاء الله

..
الله يجزاك خير موضوع في غاية الأهمية

..
أحمد لله باني لم اتعامل مع خادمة منذ الصغر وباذن الله لن نحتاج اليها ..
رائعة والدتك حفظها الله في تعاملها مع الخادمة

..
أسأل الله ان لايحرمها أجر حسن معاملتها لها ..

***
ليس عندي تعليق أكثر فقد ابدعت في كتابتك للموضوع ومن سبقوني كفو ووفو

..
بارك الله فيك عبد الله وشكر الله لك ورده ورده ورده ..

*
*

في امان الله ..

صمت الرمــاد · #60 18/11/2007, 03:41 PM

للأسف جئتُ متأخرًا ..

" الخادمة " تأتي إلينا للعمل كخادمة منزلية .

غير أن الأغلبية يحملونها حتى مسألة التربية !!!

العاملة المنزلية في تعاملنا معها تطورات متلاحقة ..

بدءا من تغير المفهوم في أنها للحاجة إلى كونها ضرورة لايمكن الاستغناء عنها للأسف ..

(خرجت عن النص ّ

لكن لم أذهب بعيدًا )