إقتباس الرسالة الأصلية كتبت بواسطة ماجد مقبل هلا وغلا اخوي مواصل من عام الفيل روعتني الله يصلحك ظنيت ان بك شي بس الحمد لله كلوا تمام ياشباب الحقيقة موضوع الخادمات تكلم عنه الكثير وتطرق اليه العلماء .. وقبل ذلك اوصانا الله عز وجل بالرحمه واوصانا الرسول عليه الصلاة والسلام بالرفق بالانسان وحسن المعاملة ... ورغم ذلك نرى من البعض التجاوزات الكثيرة ولا حول ولا قوة الا بالله ... الخادمة انسانة لها طاقة محددة ينبغى ان نثقل عليها بدون مراعاة .. لان ذلك هو ما سيولد فيه العدوانية والانتقام ... اما اذا كان تعاملنا معها طيب فبالتاكيد سوف تكوت مخلصة وامينة ... لا انكر ان هناك شواذ .. لكن من شذ لا حكم له !! شكرا اخوي عبد الله قائد رابطة جماهير الزعيم في المجلس العام

هلا فيك اخوي ماجد
لا تخاف ما سحرتني الشغالة
وش تسحر فيني أنا وخشتي
أنا أشين واحد بالعالم
بس قويه أنا قائد رابطة جماهير الزعيم بالمجلس
يالبى قلبك بس يا ماجد وربي إني أحبك في الله
شاكر لك مرورك

إقتباس الرسالة الأصلية كتبت بواسطة هلال الفن زعيم القرن الله يستر منهـم

إقتباس الرسالة الأصلية كتبت بواسطة f*y*d ماجد وصل خلاص اعقل * مـا تشوف شر ..!! ^ ^ هذي قلتها لا شعورياً بعد عنوانك المشؤومـ ..!! الله يجازيك على قد نيتك يا أبو عابد . لا يختلف اثنان فـ حق العمالــة أنهم بشر مثلنــا ويجب الرأفة بهمــ كما أوصانا ديننا الحنيف ..!! لكن كثير ما يتبعون الوصيّة ... ويتعذّب العامل أو الشغّالـة . لا أزيد على كلامكـ و كلام ماجد شيء ..!! . ويا رجل لا تفوّل على عمركـ <<=== واحد حاقد ع العنوان ..!! . . :: فتّكـ بـ ع ـافيـة ::

لا تحقد ولا شئ فياض
أنا أجيب المرض وش تسحر فيني الشغالة
شاكر لك مرورك وتعاطفك مع الشغالات

إقتباس الرسالة الأصلية كتبت بواسطة روح 10الشلهوب والله اني شاك فيك !! اخاف انت اللي مسوي لها سحر !! سحرتك سمار وعيون السيلانيه !! قلت خلني اسحرها وتجلس عندنا اطول فتره ممكنه !! انا اخبر انك مدمن الشكشوكه وهي تضبطها !! عالعموم من اللي بايعها نفسها وتسحر مواصل من زمان مانام !!

أما أنا مسوي سحر
على قولتك من اللي بايعها نفسها وتسحرني
شاكر لك مرورك

إقتباس الرسالة الأصلية كتبت بواسطة Hilali88 وعليكم السلام ورحمة الله وبركاته معظم مشاكل الخادمات التي تحدث عندنا هي بسبب سوء العاملة وأنا أعرف أشخاص هربت أكثر من خادمة لديهم بسبب سوء المعاملة وتحميلها فوق طاقتها ولكن هناك حالات كثيرة لم يكن السبب منها سوء المعاملة إنما سبب آخر أعرف أشخاص هربت خادمتهم بعد أن اكتشفوا أنها تقوم بالسحر لهدف معين مع العلم أنهم يعاملونها معاملة حسنة أعمال السحر التي تقوم بها بعض الخادمات ليس بالضرورة أن تكون بسبب سوء المعاملة في الختام أتمنى أن تتم معاملة الخادمة كما يحثنا عليه الدين الإسلامي وأتمنى من الإعلام أن يزيد الحملات التثقيفية لزيادة الوعي لدى المجتمع وأحذر من جعل الخادمة تهتم بالأطفال يعطيك العافية يامواصل وماتشوف شر

الشر ما يجيك أخوي هلالي
وشاكر لك مرورك الكريم

إقتباس الرسالة الأصلية كتبت بواسطة dal3_uae حووووووووووووه انتم اللي فوق """ هلالي ... وفياض ... وماجد """ ... ليش ما نشوفكم في مواضيع ثانية ؟؟؟!!!!! وله بس مواضيع ربعكم تدخلون ... وتردون ...>>>وله مواضيعنا ما تهمكم ؟؟؟!!!!>>> غارت البنت اسمحلي مواصل ... هلا أخويه ... موضوعك روعه ... كقراءه >>> اللي هي أنا >>> براااا الخادمه ... وما ادراك مالخادمه ... فديتها خدامتنا ... طيبة ... ما تعرف هالسوالف ... شكلها فقيرة ... >>> هذا السحر بعينه موضوعك له أهمية ... في المجتمع ... ومتعودين منك ما تكتب الا شي يهم المجتمع ... فواصل ... يا مواصل ... هذا الابداع ... واسمحلي ع المرور البسيط

شاكر لك مرورك أختي دلع
ومرورك الأروع أختي

إقتباس الرسالة الأصلية كتبت بواسطة وليد القحطاني هذي شغالتكم .. تعرف تسوي شاي وفول ..... نرجع للموضوع . الخادمات امرهم خطير بصراحة وبصراحة الثقة معدومة لانهم خبيثات بصراحة .. وأرجو من كل أبو و أم الحذر من الشغالات وخاصة الأطفال الصغار .. مشكور مواصل تحياتي

هلا فيك أخوي وليد
شاكر لك مرورك الكريم

إقتباس الرسالة الأصلية كتبت بواسطة هلالية حرة اللي يحد المستخدمات على السحر وغيره معاملة الناس لهم كلن يأمرها من جهه الصغير والكبير ولو أحسن الناس معاملتها هي بتحسن المعامله لهم وبتحبهم وتعتبرهم أهلها

أحسنتي هلالية حرة
كلامك عين العقل
وياليت البنات كلهم مثلك
شاكر لك مرورك

إقتباس الرسالة الأصلية كتبت بواسطة هلاليه من الرياض واللـهـ فيه اسر أعرفهم شايلين الخدامات فوق روسهم ومعاملينهم زي بناتهم الجوالات مسلمينها إياهم والطلعة والدخلة على كيفها ومع ذلكـ ماسلموا منهم ... غير عدم أمانتها وإتقانها للشغل يعني مستحييييل تنظف الشيء تنظيف كامل وصح إلا إذا صار الواحد فوق راسها يعني بالعربي الأمانة ميييح وتحب تلف وتدوور... وغالبية الخادمات فيهم حقد على لاشيء وحدة من قرايبنا _الله يغفر لها ويرحمها_ كان عندها بالبيت شغالة ومافيه إلا هي وياها بس ,تنام معها وتسولف عليها ويتقهوون مع بعض وماشين صح وفي يوم جو عيال الحرمة ولقوا أمهم مذبوحة بـ "سكين" ومرمية والفلوس كلها اللي عندها مسروقة والخدامة منحاشة وبعد التبليغ صارت اللي مسوية الجريمة الشغالة وبتواطؤ مع السواق !!! والقصص كثيييرة وتطووول مع إنهم يكونون معاملين أحسن معاملة,, وماننكر إن فيه فئة تضطهد الخدم ولكنهم قلوا في السنوات الأخيرة واقتصرت التصرفات هذي على الجهلة... شكرا مواصل وكفانا اللهـ جميعا الشرور

السلام عليكم ورحمة الله وبركاته . .


بصراحة هذا موضوع مهم جدا جدا
لانه ببساطة خطير !

ان الخدم ليسوا اجهزة الكترونية او رجل آلي
فهو / او هي .. انسان .. له مشاعر وحواس
يشعر بما نشعر ويفرح لما نفرح له ويتعب ويمل ويتضايق
لذا فالاسلام امرنا بالرفق بهم بل ومساعدتهم واعانتهم

ان من يتابع البيوت يلاحظ
بان الخدم لا يحسن معاملتهم الا من رحم الله
فالخادمة اذا اتت الينا :

* نعطيها اوضع الامكنة لتنام فيها طبعا في الارض
* نعطيها الملابس المرقعة والرديئة والممزقة
* نعطيها ادوات طعام رديئة وربما مكسرة
* نعطيها سجادة صلاة ممزقة وقديمة
* نحرمها من النوم المبكر ونوقضها في وقت مبكر
* نحرمها من الاطعمة الشهية والمشروبات الشهية
* نحرمها من الخروج والزيارات والتفسح
* نحرمها من الابتسامة والضحك

كيف نتوقع رد فعلها ؟

مآسي ومصائب وبلاوي .. الخ

اذا ..

لابد ان نعامل الخدم كما امرنا الاسلام
ان نعطي الخادم حقه " كانسان " وكبشر يشعر ويحس وله قلب ينبض
وهذا لا يعني فتح الباب على مصراعيه لهم
لا.. وانما المسئلة تحتاج الى خبرة وذكاء وحكمة وتدبير
وكل بيت ادرى بالطرق المناسبة ..

ولنتقي الله فيهم فان الله سيسئلنا عنهم يوم القيامة
كلكم راع .. وكلكم مسؤل عن رعيته .

السموحه على الرد المتأخر اخوي مواصل ..

تحياتي

للرقع والرفع

الله يكفيناشرهم اهم شي نعاملهم بالاحسان ومايصير الاالخير

الله يعطينا خيرهم ويكفينا شرهم

والله ذا الخدامات ذا الايام يخوفون

سواء كانوا مسلمين ولا لا

ماتدري مين اللي طيب وعلى نياته

الله يكافينا شرهم واذاهم

وش عندك منزل موضوع عن الشغالات <<<لايصير الي افكر فيه بس ^ــ^

لا بس تبي الجد انت تطرقت لموضوع حساس وهو عن الشغالات

الواحد بس يفكر انه هو الي جايبها وخسران عليها وفي الاخير ماتسويله كل طلباته

واذا قلتيله شي يقول انا وشوله جايبها ... واصلا هي جايه وش تسوي عارفه انها بتشتغل

ومأاقول الا الله يكون في عونهم والله يرزقهم <<لاحظ ومأقول ..كل شي قاله وتقول ومأقول

<<احنس حست راسك مدري ليه تقبل مروري المتواضع

قسم بالله انك صادق ونلدرا تلقى شغاله تنحاش وهي تشتغل عند ناس افرادهم قليله . .

مواصل .. اهلا بك ........... الخدامات والسائقين ؟!!!! مدري لي متى وحنا نترك اشغالنا .. واعمالنا .. ويترفع ضغطنا علشان .. خدامه المفروض انها جايه من بلدها تعمل !! تعمل خادمه .... مشكلتنا يالسعوديين .. خربنا على بعض .. وخلاص خبزوونا وعرفوا طبعنا كل شعوب الارض .. والعماله صاروا يعرفون من اين تؤكل الكتف .. لاشرطة بتجيب حقك .. ولا نظام راح يردعهم ... ولاسفاراه هناك تحترمك ...

انت سعودي اخسر ( فلوس كتير ) لكن لو تشغله زود ساعه قالولك وش هالاجرام حرام عليكم ؟؟؟ ماعندكم انسانيه ولارحمه وين حقوق الانسان ؟؟!! يعني انت يالسعودي تدفع راتبه وانت ساكت .... تقول كلمه تعارض .. نقلب عليك وتكون انت الغلطان ؟؟؟

عصابات الان للخدامات .. وللسائقين ........ شي معروف ... بعد ثلاث شهور من استقدام الخدامه او السائق .. بيوم واحد بعد هالثلاث شهور يطلع على حقيقته ويرفض العمل ويدور على كفيل ثاني ...

طيب بدال مانرحم هالخدامات .. ونشوف اسباب اجرامهن ... ليه مانشوف اسباب ضعف حمايه المواطن .. خسائر المواطن ... اعمال الخدامات الاجراميه في البيت خصوصا مع الاطفال ... ومع الازواج .. وحركات الهشك بشك ...

اسمح لي عبد الله ......... انا والله اكتب لك واخر عرق في راسي بينفجر ...... اليوم جاي من مكتب الاستقدام .. صرت اروح لهم اكثر من دوامي !!

عماله تدلع علينا ...... خدامات في بيوتنا على مستوى كبير من الشعوذه والاجرام !!

شرطه ولااروع .. الله لايضرهم مير ....

جوازات .. ( ياصبر الارض ) صاروا يتفننون في تعقيد السعودي وبس .. الاجنبي يمشي وتمشي اموره

مكاتب استقدام جشعه ومحتاله .... ومرات تكون ضحيه مثل المواطن بالضبط .....

هيبتنا راحت ........ الكويت ماعندها ولا بنقالي الحين ..... الامارات رحلت 6000 عامل اسيوي وشكلهم من الجنسيه البنغاليه والهنديه .. بسبب اظراب ...

قطر ....... سفرت كل فلسطيني بسبب ازمه ماللشعب العربي اي ذنب ...

السعوديه رحلت العمال من اليمن في السابق ........ وش تنتظر السعوديه الحين اتشووت اي شي يسيء لنا .. ويضحك علينا .. ويزايد علينا

صاروا يمنون علينا حتى بالقدوم للعمل !! حلوه والله

شكرا لك عبد الله واسف على الااطاله .. من حر مااوجس ... وتقبل ارق التحايا مني انا ولد عمك ابو طلال

هلا وغلا باخوي عبدالله

شف اذا بترد على ردي ....بارد

إقتباس الرسالة الأصلية كتبت بواسطة abo_nasser هلا وغلا باخوي عبدالله شف اذا بترد على ردي ....بارد

بقعات جيك استنيت تعطيني وجه لكنك سحبت علي
وانا صراحه يدي تحكني وابي ارد

المهم الخادمات موضوعهم كبير ومتفرع
فيه اللي تجي وتتعضب وتنضرب وتغتصب<----الاخيره تصير كثير
وفيه اللي يتم معاملتهم بشكل جميل ومحترم
وفيه اللي ينتهي بها الامر بالزواج من الكفيل


وفي الثلاث انواع ممكن تكون ردة فعلها سلبيه<---مالهم امان

احنا كانت عندنا خدامه اندونيسيه الجنسيه جابها الوالد عشان تساعد
الوالده مع ان الوالده ما طلبتها
المهم
اللي صار ان الوالده ما ترتاح الا وهي اللي تغسل وتطبخ
فصارت الخدامه تجلس على التلفزيون وامي في المطبخ

الى ان قررنا نسفرها

قال اخوي الكبير للوالده فتشي اغراضها قبل ما تسافر ممكن
سرقت شيء
الوالده رفضت تخاف لا تظلم الخدامه<---طيبه وعلى نياتها
جاء اخوي قوي الوجه وفتش اغراضها وحصل صورنا وصور اولاد اعمامنا
وصور اخويانا اللي كانت معنا

اخذناها منها ...ولما وصلت المطار فتشوها وحصلو معها حزام اسود <----مو في الكارتيه
حزام تستخدمه في السحر ...اعطوا اخوي الحزام وقاله واحد من الامن
خذه واحرقه ...ولا تبلغون عنها وخلوها تسافر لانكم بتتعبون معها


فتحنا الحزام حصلنا طلاسم ولعبه الكلمه المفقوده اللي في الجرايد

حرقناها وانتهت الهرجه

ما يستفاد من الهرجه

ان الخدامه وهي مرتاحه برضوا كانت تنوي تسحرنا
اني حلو والا وشله اخذت صورتي


يعطيك العافيه اخوي عبدالله ولا تثقل علي يازووووووول




سلااااااااااااااااااااااام