05/02/2002, 01:45 AM
|
| زعيــم متواصــل | | تاريخ التسجيل: 28/01/2001
مشاركات: 77
| |
|
يا اصحاب الضمائر الحيه...وينكم عن الاسطوره
تنكر له الاتحاد الاسيوي و اوقفه
ظلما....واتحادنا لم يحرك ساكنا وكان الاعب
الموقوف لم يقدم للكره السعوديه من خلال
المنتخب او النادي اي شي يذكر ...
اه اه اه اه يا ايوسف اسطوره ستبقى رغم انف
الحاقدين..وبعد الرجاء من خلال المكالمات اللي
انهالت على قناه الام بي سي تتطالب من الامير
سلطان محاوله رفع الايقاف الظالم عن متعه كره
القدم الاول دون جدال!!
الحمدلله اللي قدروا يرفعون الوقف عنه داخليا
ودوليا ...وبالنسبه اسيويا باذن الله يبي يصير
ابن همام رئيس للاتحاد الاسيوي ويرفع ظلم
الماليزي سي الذكر بيتر فيليبمان(اول مره اسمع
واحد ماليزي اسمه بيتر)
المهم شاهدنا المباريات الاخيره للفريق
الهلالي ...او بالاحرى سمعنا عنها...او
حضرناها....
الشاهد..يوسف الثنيان يقدم مستوى عالي جدا
جدا!!ماشاء الله عليه عيني عليه بارده ذكرني
بايام شبابه يحرث الملعب حرث.
اسالكم كلكم ياللي تقرون الموضوع..اليس من
الظلم ان يترك يوسف هكذا!!ياناس خافوا ربكم
والله حرام!!
اليس من المفروض ان يضم ابو يعقوب للمنتخب؟؟وش
ناقصه؟؟مستوى ومهاره وخبره وحسن قياده...مسدد
جيد..ويكفي انه المعشوق الاول في السعوديه اذا
ما كان في اسيا كل ابوها!!
##نجامل اللي نبي واللي يستاهل نشوته!!##
نجي نذكر ماجد عام 94...اسالكم بربكم الم تكن
مشاركته مجامله؟؟
شارك ولم يقدم اي شي يذكر سواء مع النصر او
المنتخب!!
شارك محباه من الاتحاد السعودي وماجد خدم
الكوره ولازم يلعب حتى لو كان كالمحنط اللي لا
يقدم ولا يوخر!!ما اذكر انه سوى اي شي سوى
تضييع الفرص...
ماجد...لم يقدم شي في موسم 94..ويوسف ابرز لاعب
هلالي حاليا..ولا ادري ليه ناصر مكابر في
ضمه..هل هو خوف من الصحافه ام انها اوامر
عليا..ام انه مهو مقتنع فيه لكبر سنه..فاذا
كان ناصر يفكر ان يوسف انتهى فاحب اقوله شكل
الكوره ما راح تنسم يا شايبنا!!
اتمنى من الاتحاد السعودي ان يبذل قصارى جهده
لخدمه الاعب الاول جماهيريا في هالبلد..ويحاول
يرفع ظلم الاتحاد (الماساوي)
عن يوسف خصوصا وان الهلال مقبله للمشاركه في
بطوله اسيويه للانديه واللي اتمنى باذن الله ان
ابو يعقوب يرفعها..قولوا امين يالقارئين...
##عبره##
فيصل عيسى معلق في قناه دبي الرياضيه..والله
ادمع عيني!!
كان فيه فاول للسعوديه امام عمان(منيب متاكد
من المنتخب) وقال الثنيان يبي يشووت...قال آه
وين الثنيان انا معجب بها الاعب اعجاب
شديد..اسطوره كره القدم السعوديه والاسيويه
وينه الحين عن هالكوره!!والله يا جماعه الخير ما
اقدر اوصف شعوري او شعور اي واحد سمع هالعباره
وخاصه اذا كان من عشاق النمر!!اللي جذبني في
الموضوع عشق هالمعلق الاماراتي له وعندنا اللاسف
لا وطنين يبونه ينتهي!!
##ونه ضمير##
في تصريح يوسف الاخير تحس من نبره ابو ناصر
الحزن الشديد وعدم الرضى عن مستوى الاعبين او
الحكم..واستغربنا كلنا الاخطاء التحكيميه من جلال
(هههههه الله يرجك يا يوسف يقول منه ذا اول مره
نسمع عنه!!)
*خالد عزيز..ماديسو...النزهان...شوي عليم كلمه
عاله على الفريق..اعتقد لو انه الهلال لاعب
بدونهم كان ازين
##ذكرى##
اشتقت لمباره الهلال مع الترجي وشغلت المباره
وقعدت اشوفها من جديد..كان الهجوم الثنيان
والغشيان وسامي(مثلث رعب)..وكان الثنيان فاتح
شوارع في التوانسه وشق اكبر شارع في ابن رخيصه
رحمه الله عليهالشاهد ان هذاك الهدف من اغلى
اهداف يوسف وهو الهدف اللي بكى من اجله يوسف
وهوالهدف اللي فقع طبله اذن الرمز وهو جالس
بالمنصه من قوه تفاعل الجماهير..
للمعلوميه نادي النصر استفاد من هذيك البطوله
بشكل مادي غير مسبوق والسبب المباره النهائيه
وجماهير الهلال اللي ملات الملعب تماما..مبروك
للنصر على هالقرنقش!!
##تغيير جو##
واحد من الشباب ارسل لي رساله يقول فيها راح
جيل العمالقه..قلت له لا يا بابا يوسف
موجود....قال لو اساله 1+1 كم ما عرف
يجاوب ..وقلت له لو قلت للك اطرب اللي حوللك
بالفن الكروي ما في راسك!!
زعل الرجال وقال جب فريق وانا بجيب
فريق...والوعد الملعب..ههههه....على فكره هو
هلالي ويموت في يوسف بعد!!
##خاتمه##
اتمنى اني ما اثقلت عليكم..مقطع في اغنيه
لخالد عبدالرحمن احب اهديه للعبقري يوسف...
رعش قلبي سحر عينك وانا ماقدر على الكتمان
ذكرت الله على زينك يحفظك من حسد الاعيان
|
الوضع العادي
