السلام عليكم .....
الحلقة الاولى ارعص هنـــــا الحلقــــة الثانيـــة أرعص هنــــا بعد الحلقــــة الثــــــالثــــة هنــــــــــــــــا الحلقـــة الرابعـــة هنا ===============================
الحلقـــة الخامســـة
وصلنا بالحلقة اللي راحت أن عدنان مصوب من علام
وكان عبسي ولينا وأميرة مودينه لمستشفى خاص .
ووقفنا عند أميرة وهي تبي تقول لعبسي من اللي بخق عين الدختور رامي جد لينا .
قالت أميرة : أنا أقولك من اللي بخق عين رامي .
قال عبسي لحظة : قبل ماتقولين لي من هو . أنتي وش تشجعين ؟
أميرة : أنا اتحادية .
عبسي : هههههههههههه مالقيتي الا هالفريق .
أميرة : ضربتن تضربك وش فيك تضحك ؟
عبسي : أضحك عليتس أنتي وفريقك جزارين الغضاريف والمفاصل
. بعدين ليه ماتشجعين الهلال زيي وزي عدنان يابعد عمري .
أميرة : تبين اقولك من بخق عين رامي
عبسي : ايه صح من هو ؟
أميره : شايبكم اللي بخق عينه كله بسبته
عبسي : شايبنا من هو ؟
أميرة : الثنيان
عبسي : وجعععععع يوجعك ونفرتن تبزخك قولي آمين .
أميرة : وش فيك ؟
عبسي : لا عمري أسمعك تقولين عن النمر حبيب قلبي الشايب .
هو صح أنه كبير بس ابويعقوب مثل الذهب كل ما زاد عمره كل مازاد لمعان وبريق
وبعدين أتحدى لاعب بالعالم يجي نصف مهاراته .
لعنبو دارك ابويعقوب جامعة وأكادمية بالمهارات وكل فره أو جرجرة تعتبر كتاب يدرس لأي لاعب
بس مع الأسف كل اللي درس مهاراته سقطوا سقوط مريع .
لأنه صعبه عليهم فلسفة الفييلسوف و عميد جامعة المهارات والفن
وهالفن مايتقنه الا هو ...اسكتي بس الله يرحم والديك .
أميرة : طيب طيب ماقلت شيء ابو يعقوب مايختلف عليه اثنين .
عبسي : دامك تدرين وشوله أجل الكلام الفاضي . بعدين وشلون ابو يعقوب بخق عين رامي .
أميرة : تذكر مباراة الهلال والنصر مادري اي عام بس اتوقع انها 1409 هـ .
عبسي : ايييييييييييييييييه يازين هذاك العام أخذنا الدوري وفي آخر مباراة صكينا النصر .
وكان ابويعقوب على عزه كان يجرجر الأظهره ويخليهم يقرون اللوحات
اللي ورا الباب من جرجرتهم على وجيهم وأسألي لوحة عطر السبيكة
كان حسن حمران مغيبها من كثر ماقراها وأسأليه بعد .
أميرة : ياليت الدختور رامي مثل حسن حمران .
الدختور رامي انبخقت عينه من كثر ماقرا لوحة عطر السبيكة اللي ورا الباب .
عبسي : هههههههههههههههههههههههههههههههه ياحبيله بعد هاالنمر .
وبينما عبسي ميت من الضحك على أميرة كان ا راعي الددسن يمر من عند نادي الهلال .
قال عبسي : ياروحي يالازرق أشهد أنك أنت النادي يالازرق وبس والباقي خس .
وفجأة وقف راعي الددسن عند بوابة نادي الهلال ..
قال عبسي : وش فيك يا اصطا وقفت أنت ماتدري أنه معنا مصاب
ونبي نوديه إسعاف .
قال راعي الددسن : أنت ماتشوف من يأشر لي ؟
عبسي : ايه والله هذولا .....في الحلقة الجاية نكمل
===========================
شوفوا عدنان يسلم عليكم مافيه الا العافيه
ــــــــــــــــــــــــــــــــــــــــــــــــــــــــــــــــــــــــــ
جميع الحقوق مدفونــــة للجمجمـــة
عدنـــان ولينــــا آخر أخبارهــم الحلقة الخــامـــ 5 ــسة 
الوضع الشجري
