حبايب البي ..
اخواني الهلاليين....الهلاليين وبس..
بالأمس عيت تغيب الشمس..وانكشف الليل..الليل ابو الأسرار
وهذا بحد ذاته كشف لنا كيف وضع الفريق الهلالي..والذي ارعد
وازبد مسؤليه بداية الموسم بانه سيدمر كل من يقف في وجهه
مهما كان مستواه او مهما كانت قوته.
وصدقنا كـ العاده وتم التعاقد مع مدرب (النهائيات) او مدرب
(العناد)وسار بالفريق بمستوى متقلب من مباراه الى اخرى
دون معرفة استراتيجية اداءه. الا اننا اتفقنا على خطة( البركه)
والتي ذكرتنا بـ (شدوحيلكم ياشباب) ونادينا ولكن كما ذكرت
بان المسأله – مسألة عناد- ليس الاوبدءنا بتوفير اقصى درجات
التخدير بوهم قلما يذكرومن يوم نعود ادراجنا لنبكي على ماضاع
وهانحن اليوم نجني ثاني بطوله بعد بطولة (كأس الإتحاد) والتي
على إثرها حصلنا على جوائز عده منها(احسن فريق.واحسن رئيس
واحسن إداري.واحسن .....) بالإضافه الى كأس البطوله وغيره
ذلك من نجوم صاعدين والصفقات(البايته)..ولكن اذا عرف
السبب بطل العجب.فبدءت إدارتنا بتوجيه الريموت..لمهاجمة
التحكيم لتوجيه دفة الغضب الجماهيري باننا نادي مستهدف
وبأننا مظلومين..وهذه العبارات (الوضيعه) يعتبرها الجمهور
الواعي بأنها قديمه.ولاتنطلي الا على من هم دون السن الرياضي
فنحن نعلم ان اتحادنا يحيك المؤامرات ضدنا فهذا ليس بجديد
وهذا ماعرفناه منذبداية الإنجازات الهلاليه إبان قيادة المرحوم
(وجه السعد) ولكن ضللنا نسير بخطى (تجهيز العصابه قبل الفلقه)
وهانحن نجني تفاهات دكتاتوريتنا..
ندعي باننا مظلومون وبأن ابوجسيم يفكر بإسقاطنا..وفاروق بوظو
لاينام بسب التفكير في (الزعيم) وبيتر فلمبان لايكن العداء الا
لكل ماهو ازرق..سعودي
وكل هذه اوهام اسقيناها لأنفسنابإنفسنا..متناسين او متجاهلين
عمدا حالة الفريق المترديه..نملك الإعلام السلبي..والذي يكيل
المديح للفوز..ويكيل السأم للتحكيم اذا خسرنا..
الغريب بـ مسؤلينا بأنهم يطبقون مبدأ (اسدا علي...)والتي من
خلالها يتسابقون الى الفلاشات –اذا فزنا-اما اذا نٌكبنا فلاتجد
الا (لاالنافيه) يفند لك كم وصل سعر متر الأراضي بشمال الرياض
اما غيره فلا..
ذهب الهلالييون بعيدا او الى جده بمعنى اصح..لجلب لاعب الحواري
وتم تسجيله خوفا من خطفه من قبل نادي آخر(من مبدأالعناد)
ولعب هذا اللاعب وقدم مستوى راقي الا انه لايتجاوز امكانيات

بذلنا كثيرا لتجاوز اكثر من ازمه..واكثر من نكبه..وتعاهدنا على
ايجاد جو صحي يبدع فيه اللاعبون بعيدا عن لغة التفاهات..التي
نطبقها حاليا ولكن دون جدوى..فمن شب على شيء شاب عليه
وماينطبق على حال فريقنا(المظلوم) هو:
إن الغصون إذا عدلتها إعتدلت..ولاتلين إذاكانت من الخشب.
فمهما صعدنا بفريقنا الى المجد..فإننا نعود الى نكوصنا..
متناسين حالة الجماهيروالتي بدءت تتممل من الوضع العاصي
والمحبط لنا..
إذا كان هناك تخطيط سليم ومقنع..فانت بذلت اقصى ماأوتيت من إماكنيات
وتبقى مسألة القدر والحظ..
ولكن ان تبرر ماتقوم به مسبقا فهذا هوالإجحاف بحق الفريق
سيلعب الفريق..ببطولات قادمه ولكن للآسف لن نحصل على أي
منها ..ولوانسحب الفريق المقابل..



إنـــــــــــــبراشــــــــــات
• ستبدي لك الأيام...عباره ضحكنا عليها كثيرا ولم نستوعبها الا الآن..
• خل عنك التعالي واتركك منه....مايفيد الغرور اللي معك منه..
• فارق بسيط جدا بين الثقه والغرور..ولكن اللي متأكد منه انك ماتفرق بين هذي وذيك....
• تغير..يخرج يوسف الثنيان وينزل (الصاعد) النزهان لتغير النتيجه..
• ضاري..كل هذا اللي يصير لك وانت (ساكت)..وش راح يصير لو (تكلمت)
• يبقى بالإحتياط العامودي والمطرف...وفي الميدان المسعري والنزهان..
• سم طال عمرك...الشور شورك ياإستاذ......هذي شروط اللعب اساسي..
• يقولون انه ظهير ايمن..ووضع ظهير ايسر نكايتاً بـ..والآن صانع العاب..
• والله راح يحتار أي مدرب بوجود لاعبين في صناعة اللعب امثال نواف والثنيان وسامي والنزهان...؟؟
• تواصلا مع الصفقات (العالميه) هاهو(نتانيال) يعتذر عن مشاركة منتخب
بلاده لعيون الهلاليين..
• ابدى منتخب البرازيل تذمره من قرار(نتانيال) من التخلي عن اللعب مع المنتخب لعيون الهلال...والنزهان
• مشعل مبارك..ظهير ايسر منتخب قطر(19سنه) اوقف الدوخي نهائياً..ولم يتحرك الدوخي الا بخروجه..تدرب لمدة عام ضمن ناشئين (أي سي ميلان) وكاد ان يوقع لولاانه تراجع عن التوقيع..للمعلوميه ..
• ياترى هل يفاجئنا رئيسنا بهذا اللاعب ضمن مفاجئاته (العالميه)!!!
• ودي اسأل النزهان قبل نزوله لأي مباراه..واقوله وش عندك هنا..وش تتوقعون راح يرد؟.....انا اتوقع يقول..يقول...والله ماادري انا توني جاي..
• يالله ياابن الحلال (توكل عاد وافهمها)......خلاص مصختها
• تقديرا للوقت اللي بذلته بالكتابه .....آمل ان الموضوع ماينحذف
• يخليكم ربي حبايب البي.....

هلا حبيب الألب أبو رشا ..

يبدو انك تتحدث عن خسارة الهلال في لقاء غير الذي شاهدناه بالامس !!

العامودي اساسي والمطرف اساسي في لقاء الطائي والشاعر النيجيري يقول ( الجود من الموجود ) ..

كنت اعتقد انك آخر من سيستغل الخسارة من أجل تردد كلام لا يفيد .. ولكن خاب الظن وكنت أولهم !!

الموضوع ملئ بالانبراشات العشوائية التي لا تختلف عن أنبراشات ابو ميمون .. والوقت لا يسمح بالرد عليها .. ولكن قد نعود لان مباراة الطائي ستبقى حديث المنتدى لفترة على ما اعتقد ..

تحياتي حبيب ألبي ;)

أبو رشا الهلال متعبنا وانت أتعبتنا أكثر وأكثر بها الموضوع .

البطولة الثانية باي باي عقبى الثالثة .

أبو رشا...

كأني بك ولسان حالك يقول :

" أما آًن لهذا الفارس ان يترجل "

تحياتي ..

حبـــيـــــــب الألـــــب والهـــــــملايــا @@ أبو رشا ،،،،

نعــــــــم آرثـر عليه ملاحـــظات جمــــــــه .... !!

نعــــــــــم الإدارة لديها هفــــــــــوات عــــــــدة .... !!



لـــكـــــــــــــــــن !!



نـــعـــــــــــــم أكـبر ، الأتحاد السعودي يكافيء الممون الرئيسي للمنتخب بحرمانه للاعبيه الذي تكفل بهم إدارة كتلك في بروزهم وبقائهم في التوهج من أجل مباراة (( وديـــــــــــــــــــة )) ...!!


نـــعــــــــــــــــم ،، لجنــة التحكيــم مازالت تبحث بإنتقاء وفي مباريات عدم التعويض عن حكام سبق تربصهم ونوايــــــاهم للأزرق ..!!

نـــعـــــــــــــــــــــــم ،، النــقــص من إيقافات (( المفرج والصويلح )) وإصابات أدميلسون (( هــــــداف )) الدوري حتى الآن كمــل على الناقــــــــــــــص ...!!


أليســــــــت تلك العوامل الأساسية لو زال أحدها لكـــان للمباراة من كلمــة أخــــــــرى ... !!


نحــــن لا نــدس رؤوســنا في التراب لنواري عن أخطــائنا .... ولــكن لكــل أمـــر وظـــرف مترتبــات وأولويــــــــــــــــات في التعـــلــيق والــحــكـــم ...!!

واقبـــــــــــل مني أشواقي الحـارة لقلمـك الثـــري ...

اتحداك يابورشا ان تكتب موضوع دون التطرق للنزهان !!!!!!!!!!!!
ياخي وش بينك وبينه؟؟؟؟ تقول مايعرف يلعب, مهوب ذنبه ان اللي يلعبه اساسي
لا يعترف بشي غير الواسطة.

حبيب الــــبي ويــن الغيبات

وحشتنا أوي..

بصراحة ما كنت اتمنى تكون هذي عودتك

ياخي فعلا الاتحاد السعودي وجميع من ذكرت لهم مواقف ثابته من العداء
للزعيم... وليس مجرد وهم كما تقول

بالنسبه لآرثر فهو مدرب كبير كبير ويقود الفريق باقتدار

اتفق معك فقط بخصوص الصفقات العالميه للرئيس...

وعموما welcome back

تسلم لي حبيب البي
ابو رشا
وش تبي من اداره ساكته على الامانه العامه عشان كذا حطت كل اللوم على لجنة التحكيم اعتقد لو كان الحكم عبدالله الناصر وانت ناوي تفوز راح تفوز باذن الله لكن ان يضحك علينا الرئيس وعلى هالجمهور بالتحكيم فهذا اللي كان متوقع لان الفريق ناقص ظهير ايسر وراح وجاب مهاجم اجل ادميلسون وحسين العلي ومحمد العنزي هذولا وش خانتهم بالفريق والا يمكن كان وده يعوض نقص الجمعان والجابر ومسويين فيها فاهمين موقعين معه مع اخر يوم للتسجيل عشان مااحد ياخذ لوبيسكي اقول الله المستعان ويصبرنا الله باقي لنا ثلاث سنوات الا شوي ويمكن تتغير النظره اذا تغيرت الاداره

السلام عليكم:
شكرا اخوي ابورشامع انتي اتفق معك باشياء واختلف باشياء
المهم اني حبيت اعقب على الاخ :
كورلافة اخي والله العظيم لاعب مثل النزهان اف حرام حراااااام
يلعب بالزعيم لاعب كسيح ولا يوجد لديه اى فكر رياضي
يعني بالهندي مخ ما فيه يا اخي قليل من الواقعية
الهلال ليس جمعيةخيرية وكفى وشكرا

اخي العزيز الماهر
احترم رأيك ورأي أخونا العزيز ابورشا وأحترم اراء كل الاعضاء لكن
ليش نلوم اللاعب لانه يلعب اساسي او حتى احتياطي مع ان مستواه مايؤهله؟؟؟؟
الا تعتقد ان الشخص اللي من المفروض نلومه هو المدرب ؟؟؟(او اللي يتوسط له)؟

اي لاعب في العالم مستحيل يرفض المشاركة لان هناك من هو افضل منه والعكس صحيح................ تحياتي للجميع.

حبيب البي..
هلا بالغالي ياقاهرهم..
اعرف ان اللي رافع ضغطك بالموضوع ( ...............)
ولكن وش تبينا نسوي..هذا اللي كل يدلفع عنه..
وعلى العموم ترى كلامي ماتغير من اول الموسم ..وعمري ماكتبت موضوع يخص مباراه وحده..ودائما مااتكلم عن الوضع العام..اذا تعدل تركته اما اذا استمر مالنا الا ننتقده..
والشكوى لله مالنا الا الكتابه من باب لعل وعسى...
وانا والحمد لله مااستغل اي ظرف ولم يتعود علي اعضاء المنتدى باني (اصطاد بالمويه العكره)..
ولكن انتقد دائما الغلط...والإستمرار عليه من باب التعنت والتفرد بالراي..
واذا انت تعتقد اني اتكلم بمواضيع هامشيه مثل الإداره والرئيس والمدرب ...فلااعلم ماهواهم من الرئيس والإداره والمدرب (والعالميين)...
كنت اعتقد........لكن
ويخليك ربي ومشكور على مشاركتك الحلوه

حبيب البي..
الغالي ابوريمان..
مشكور على مشاركتك اما من ناحية البطولات فالقادم مذهل..
يخليك ربي حبيب البي;) إلك


حبيب البي..
اخوي بلوبيج..
مشكور على مداخلتك اللطيفه جدا..
وماجبت الا عين الصواب..بس مين يفهم..
ومشكور على مشاركتك وذوقك يالغالي;) إلك

حبيب البي ..
فاهـــــــم جدا..
استاذي ..
اعرف ان كل الظروف والتي تطرقت لها موجوده ولكن سؤالي لك هل هي جديده..
هل هي اول حادثه للتحكيم بالنسبه لمباريات الهلال..
لم ننسى الناصر والشقير والمهنا والشريف واخيرا معجب..
ولكن نحن نحملهم الخطأ كاملا دون التطرق الى الجوانب المهيءه لمثل هذه الظروف..
يوجد فراغات بجوانب عده لم تراعى بالشكل الصحيح مما فتح على الإداره اكثر من جبهه..
ممادعانى الى انتقادهم وبشده..
لم تتبقى من البطولات الا (الزبده)..ولكن ماذا سنفعل..
مشكور على مداخلتك اللطيفه والشيقه..
ويخليك ربي حبيب البي;) إلك

الله لايحرمنا
من مواضيعك اللي كلها صراحه
وليتك اداري في النادي

حبيب البي..
الغالي سيف الزعيم..
اذا الإتحاد السعودي تمادى جدا في نصب العقبات امام الهلال وهذا شيء مسلم به..
ماادري وش تفسيرك للخضوع الكامل من قبل رئيسنا واعضاء شرفنا..
وين المستندات اللي كان يهدد فيها رئيسنا....حتى الآن لم تحسم صفقة ماطر..والسبب في ذلك لإعطاء مهله لتجميع المبلغ من قبل ادارة النصر..ورغم هذا ساكتين..
يااخي حنا اللي عودنا الإتحاد السعودي على هضم حقوقنا امام اعيننا..ونصمت..
انا ماانكر مواقف اتحادنا الشرسه ضد نادينا سواءعلى المستوى المحلي او الخارجي..
ولكن انا اقول...لازال هناك خلل فاضح في ادارة دفة الفريق..
ويخليك ربي حبيب البي..;) إلك



حبيب البي..
الغالي كور لآفه..
مشكور على مداخلتك الطيبه..
ويجي منك اكثر..
يخليك ربي حبيب البي;) إلك