هلالي مدريدي 10

سلمت وصح لسانك .. وشكل مجلسك ما ينمل

*يووووووووووووووه وش ذا كلني البرد من اللي زارف فروتي قوموا تكفون خن ندخل الخيمه عظيماتي تكسرت من ذا البرد...
*وين فنجالي الله يقلعكم من اللي كبه
*حشا وش ذا الحطب تكفووووووون وخروه عني غدت عيوني حمر وقامت تقوطر منه..
*كنها باديتني الزكمه والله من ذا البرد
>>والله خششتني جو بقوووووووه بس هذا بعضا من حتسيي كلامي* في البر
بس والله أخوي البرفيسور حمستني على البر والتخييم والحركات والتكويم عند ذالحطب
أما عن السواليف والله ماعندي ما عند جدتي وأنا أختك
بس ياليتني داريه يوم أروح لجدتي الجمعه ان سان قلت لها وشلحت منها ثنتين وسدحتها فيذا
بس ان شاء الله الأسبوع الجاي كودني اذكر وأجيب لي كم وحده
موضوع رائع فقد أشعلت في داخلي حماسا على الشتاء والبر...
دمت بخير أخي العزيز...

قالوا كذا مبسم هيا .. قلت لا لا
بين البروق وبين مبسم هيا " فرق "

كان الشاعر محسن بن عثمان الهزاني وهو شاعر الحريق وهي ديره( وهي بلده تبعد عن جنوب الرياض 30 كيلو متر )

كان مولع ببنت اسمها( هيا) وكان جمالها وحسنها باهر.

ولحرص والدها عليها اسكنها في (روشن)

والروشن : هو غرفه تكون في أعلى البيت خوفا عليها من أن ترى الشاعر محسن

أو يراها فيقعا في الغرام حيث اشتهر هو أيضا بوسامة وشجاعة نادرتين

وشهرة واسعة بين النساء، وعين لهيا خادمة ومشاطه ،تزورها على فترات للعناية بها وتمشيط شعرها ، فعلم محسن بجمالها وعرف مكانها

فقرر إن يصعد إليها في روشنها العالي الذي يصعب الوصول إليه وقام يراقب البيت لكي يجد له مصعدا لروشن هيا.

وجد محسن أن الروشن له منفذ صغير يدخل منه الماء

عن طريق ساقية القصر من بئر قريبه

فلم يجد طريقه غير النزول إلى البئر وصار يتعلق بحبال الغروب اللي تسحبها السواني حتى دخل إلى القصر .

وكان له ما أراد وجلس هـناك ثلاث أيام ولم يعلم احد بوجوده ..

وفي رابع يوم سمع صوت أقدام المشاطه قادمة

لكي تمشط ذوايب هيا. وإثناء تمشيطها لذوايب الحسناء (هيا) قامت تغني وترد هالبيت:

أصفر على اصفر ليت محسن يشوفه

توّه على حد الغرض ما بعد لمس

وعند سماع محسن الهزاني لبيت المشاطه

طلع وقال:

أربع ليالي مرقدي وسط جوفه

البارحة واليوم وأمس وقبل أمس

وهرب وكان رفاقه قد افتقدوه ، ولما أتاهم حاولوا يعرفون منه أين هو طول هذه المده لكنه لم يجيبهم وكان احدهم ،ذكياً ولما لمح البرق قال هذا البرق يشبه مبسم هيا. فانشد محسن الهزاني قائلاً :

@@@@@@@@@@@@@@@@@@@@@@@@

................طافح ربابه .. مثل شرد المها الزرق



لا جا على البكرين بنا الحلالا


................و لا عاد لا يفصل .. رعدها عن البرق


يسقي غروسٍ .. عقب ماهي همالا


................و حط الحريق ديار الاجداد .. له طرق



يسقي نعامٍ .. ثم يملا الهيالا


................و يصبح حمامه ساجعٍ .. يلعب الورق



جريت أنا صوت الهوى .. باحتمالا


................في وسط بستانٍ .. سقاه أربع فرق



طبّيت مع فرعٍ .. جديد الحبالا


................و ظهرت مع فرعٍ .. تناوح به الورق



روشن هيا .. له فرجتينٍ شمالا


................و بابٍ مع القبله .. وبابٍ على الشرق



مبسم هيا .. له بالظلام اشتعالا


................بين البروق .. وبين مبسم هيا فرق



برقٍ تلالا .. بأمر عز الجلالا


................وأثره جبين صويحبي .. واحسبه برق

................طويلة السمحوق .. تنزح عن الدرق



له ريق .. أحلى من حليب الجزالا


................و أحلى من السكر .. إلى جا من الشرق



حنّيت إنا .. حنّة هزيل الجمالا


................ينقض ردِيّ الخيل .. قد حسّه الفرق



ويا قلتته .. في عاليات الجبالا


................ماها قراح ٍ.. مير من دونها غرق



ماعاد للصبيان .. فيها احتمالا


................من كود مرقاها يديهم .. غدن طرق



قالوا تتوب من الهوى .. قلت لا لا


................إلا إن تتوب .. رماح علوى عن الزرق



قالوا تتوب من الهوى .. قلت لا لا


................إلا إن يتوبون .. الحناشل عن السرق



قالوا تتوب من الهوى .. قلت لا لا


................إلا إن تتوب الشمس .. عن مطلع الشرق



ما سمعت ولا راح اسمع مثل هـ القصيدة وهـ الوصف


مع العلم اني حافظ القصيدة والقصه لكن بـ الاسلوب هذا والسرد الجميل ما اقدر اقولها




يعني ان سرد القصه بـ التفصيل منقول للامانه واما القصه والقصيدة فـ اعرفها

[color="Purple"]

إقتباس الرسالة الأصلية كتبت بواسطة جرح يشكي [indent] قالوا كذا مبسم هيا .. قلت لا لا بين البروق وبين مبسم هيا " فرق " كان الشاعر محسن بن عثمان الهزاني وهو شاعر الحريق وهي ديره( وهي بلده تبعد عن جنوب الرياض 30 كيلو متر )

سوري عالمداخله بروفيسورنا
لكن تصحيح لمعلومة جابها ابو حميد ..

صحيح الهزاني شاعر معروف من الحريق .
لكن الحريق تبعد 200 كم تقريباً جنوب الرياض .. (قلب)

والف شكر لك جرح على القصه ..
وثانكس بروفيسورنا << اسم طويل بختصره بـ بروفي ..

دمتم بخير

هلا اخوي سوري تاخرت في العوده كل مادخلت اصير مستعجله وموضوعك يبيله ترويق ومخمخه ^ـ^

المهم جا البراد واحسن شي في فصل الربيع او الشتاء اننا نطلع البر كل يوم جمعه ياخي وناسه من جد

وخاصه اذا كانت مباراة الهلال يوم الخميس وفاز عاد رح للثمامه مدري الي يطعسون تشوفهم لابسين

شالات الهلال وهبال ومدري ايش وهمر ^ـ^ <<تموت في شي اسمه همر وتشوف الي يطعسون

<<عاد انا مأحب التطعيس بس احب اشوف ^ــ^ اما اني انا اركب بالسياره وهي تطعس عز الله راح

عقلي<<<كنايه عن الخوف ^ــ^ ياخي من جد فلع ولا نروح للعاذريه واو وناسه وش اكيد لازم

اشوف همر سودا هي نفسها دايم اشوفها ^ــ^<<اعذرني بس شي اسمه همر اموووت عليه

سوووري ع الاطاله ودي اقوول ميرسي يمرسك بس اخاف ينحذف الرد ^ــ^

8
8
8

سهل .. التعامل معك شفهي وليس تحريري

المهم اني جايب لكم قصه للشاعر بندر بن سرور .. اكيد الاغلبية تعرفه

بندر بن سرور العتيبي دارت عليه دواليب الدهر وتقلبت به الأحوال فلجأ إلى بيت الشيخ المعروف تركي بن ربيعان من شيوخ عتيبة الغنيين عن التعريف وأخذ يطرق الباب بقوة وبسرعة فخرجت له احدى بنات الشيخ تركي واهتالت من ارتباكه الشديد وهي لا تعرفه فعادت لأبيها وقالت له بأن هناك شخصا يريدك ويبدو أنه (مرجوج) أي غير طبيعي وقد سمع بندر ما قالت الفتاة فأردف قائلا :

يا صخيّف الذرعان مانيب مرجـوج* رجّتنـي الأيـام بـغـدرٍ وحيـلـه
والله يا لولا اللي على تاسع الفـوج *لتـرك نجـد وعزوتـي والقبيـلـه
لاشك حاديني علـى نجـد هـادوج *مسقي الفيافي ليـن يـدرج مسيلـه
تركي ليامن الليالـي غـدت عـوج *حملـه عتيبـة كلهـا مـا تشيلـه
يرسي كما ترسي البواخر على الموج *ومنين مـا صـك البحـر يرتكيلـه
مادام تركـي حـيٍ مـا ودي أدوج *وإن غاب غبت من الرجوم الطويلـه

وقد قام الشيخ تركي بحل قضية بندر بن سرور وقضاء حاجته التي أتى من أجلها

اللهـ اللهـ ..

يازين طلعــة البر .

يازين بيت الشعـر ومعـهـ قصـيد بدويـ ٍ ماعرف غير المراجـل .. ودلهـ وفنجال

شوقتنــا .. اللهـ يلحقنا على هالطـعهـ بخير

<< ناويهـ تصـور ^_^

( البــروفسور ) .

موضـــوعكـ تووحفهـ

لاهنت


هلاليهـ

هلا والله بالبرفسور

كيف الحال ان شاء الله طيب

اضافتي ياطويل العمر هالقصه رغم انيناقلها تفضل ..:


كان فيه واحد حضري ( من ابناء المدن ) معطيه الله من الخير الشيء الكثير ويعمل بالتجاره ويتعامل مع البدو ( سكان الباديه الرحل ) وكان يدينهم واحيانا يسافر للباديه يبيع بضاعته ويجمع ماله من ديون عند بعضهم . وفي احد المرات شاف بنت من بنات البدو وعشقها وتعلق قلبه بها . ولانه ابن اصل وعزيز عليهم وصاحب مال وكرم زوجوه عندما خطبها وبذل لها النفس والنفيس واسكنها بقصر جميل واكرمها كرما بالغا . ووفر لها كل ماتحلم به أمرأه من طيب العيش والمسكن . ولكن هيهات أن يطيب العيش بالمدن والقصور لمن ألفت الصحراء وجوها ..

وصارت هالبدويـه تحن لعيشتها قبل ..حيث انها ترى ان حياه الباديه هي الحياه الحقيقيه وان ماسواها ليست بحياه..وماعادت تصبر على هالجدران والابواب المسكره وهي اللي متعوده على بيت الشعر..والشوف على مد النظر...

ومره من المرات هاضت عبايرها وقالت هالقصيـده...




يامن لقلب كن في داخله نار
......................... نار لها بمصلفقات الهبايب
عسى وطنهم ما تسقيه الأمطار
...................... حـــطون فيها والراس شايب
صكو عليه بين ضلعان وجدار مثل
........................... الربيط اللي بعيد القرايب
يامن يدني لي من الزمل مذعار
................... اشقح من القعدان مشيه نهايب
أبا انحر دار شبابة النـــار
..................... عمي وابويه ناطحين النوايب


طبعاً زوجها يومه سمع بالقصيـده والابيات.. أيقن أنها لن تطيق صبرا عن البادية وعن اهلها وربعها فأشترى لها المطية التي تتمناها وكل ماترغب من حلي وكسوه ورحل بها معيدها لأهلها معززة مكرمة











.