#1  
قديم 27/10/2007, 04:12 PM
زعيــم متواصــل
تاريخ التسجيل: 06/05/2007
مشاركات: 97
اول موضوع اكتبه ضروري تدخل

السلام عليكم ورحمه الله وبركاته
اخواني واخواتي الزعماء......
الله يسعد ايامكم ولياليكم

بصراحه انا من طبعي ما انتقد لاعب لان كل مباراه بضروفها
ولكن الموسم اللي راح حصل كبوات للهلال لاتعد ولاتحصى
وماقلنا شي
وحصل ان الالقاب اللي كانت في خزينه النادي ذهبت ادراج الرياح
وماقلنا شي
وحصل ان التشكيله الهلاليه رغم عدم فائده عدد من اللاعبين الا ان التشكيله هي هي من ثلاث او اربع مواسم ماعدا تغير بسبط
وما قلنا شي
وبعد كل نكبه يطلع ابو سلطان الله يحفظه ويقول القادم اجمل وماشفنا شي
وماقلنا شي
اما اليوم فلابد من الوقفه من جميع الجماهير ببعض الاقتراحات المفيده وانا با ابدا واقول وجهة نضري .....
1..الهلال من يوم عرفته والخصوم تهابه وهو سبب لرحيل كثير من مدربين الانديه الاخرى واليوم صار اكثر من يغير المدربين الهلال

2..الهلال معروف بروح لاعبيه واخلاصه واليوم لاشي برود وضعف لياقه ومهاره
3..من متى والهلال يلعب يقفل على مرمامه طوال الشوط او المباراه ويصبح كالحمل الوديع بين انياب الذياب
4..الهلال معروف انه اذا قابل انديه مقفله العمق عنده الاطراف تحل المشكله مانفعت الاطراف التسديد من بعيد واليوم لا ارى اي شي
5,,احتياط الهلال ايام سامي ويوسف كلهم نجوم والمدرب يحتار من يلعب لان الاحتياط مستواهم مثل مستوى الاساسي ويمكن احسن واليوم معروف الاحتياطيا الصويلح او الشلهوب او التمياط او طيب الذكر العنبر وياليت في مستوى يجمل مع تقديري للصويلح لانه والحق يقال لو ان مروح لعيبة الهلال وحماسهم مثل احمد كان وينك يا العالميه لكن اللاعب اذادخل الملعب ماتحس ان مجرى اللعب تغير
6...المدربين اللذي يتعاقد معهم الهلال ليسوا مثل مدربين العصر الماضي فالهلال معروف انه هجومي وهذا ما خلاه زعيم اندية آسيا ولايستقطب الا مدربين يجيدون الطريقه الهجوميه وليسوا جبناء
طولت عليكم والله العضيم اني لو اكتب من هنا الى نهايه الدوري ماوفيت اللي في خاطري
لكن في كم نقطه بودي ان اصحاب الراي في الهلال يسمعونها فقط
@@نريد مدرب هجومي شجاع مثل البطل بلاتشي الروماني
@@ نريد لعيبه في مستوي ياسر او احسن مثل صلاح الدين بصير
@@ تغيير اللعيبه اللذين اكل عليهم الزمن وشرب وابعاد الوسايط والمجاملات عن التشكيله
@@ نريد اضهره دفاع باختصار خط الدفاع يبيله تغيير كامل الله المستعان
@@ الاعتناء بمدرسه الهلال وتصعيد لعيبه درجه الشباب واعطائهم الفرصه ومانبي لعيه انديه اخرى عوجيز او دون المستوى فالثنيان وسامي والنعيمه والتيماوي والاساطير الهلاليه الاخرى من ابناء النادي ولازال باقي مثلهم ولكن اين الاعتناء



والسلام عليكم ورحمة الله وبركاته

وانتظر ردوودكم يازعماء
اضافة رد مع اقتباس
  #2  
قديم 27/10/2007, 04:37 PM
زعيــم فعــال
تاريخ التسجيل: 06/06/2007
المكان: الرياض
مشاركات: 284
انا عن نفسي اوافقك في كل شي
وخاصه ان الاحتياط مستواه ضعيف
والدفاع يبي له فلتره

انا مدري المدرب الى الان وش يسوي
معقوله ما قدر يبرز لاعبين او ثلاثه من الشباب
اااااه بس يا انغوس ويا نيبوشاااااااااااا
ياناااااااااااااس نبي الشباب يلعب
عطوهم فرصه
اضافة رد مع اقتباس
  #3  
قديم 27/10/2007, 04:50 PM
زعيــم متواصــل
تاريخ التسجيل: 12/04/2007
مشاركات: 59
كلام في الصميم
الله ياذيك الايام أيام التخيفي وسعد مبارك والبيشي والحبشي التيماوي وابوثنين وخالد الرشيد ومحمد لطف ومنصور الموينع وابويعقوب وسامي والحيائي
والله كانت ذيك الايام الخصم يحسب لنا الف حساب ومن اول ماتبدأ المباراة والهجوم ضاغط.

اسف على الاطالة بس ذكرتنا بأيام لالالالالالالالا
تنــــــــــــــــــــــــــــــسى.
اضافة رد مع اقتباس
  #4  
قديم 27/10/2007, 05:06 PM
الصورة الرمزية الخاصة بـ الهـ الفيصل ـلالي
مشرف سابق في منتدى الجمهور الهلالي
تاريخ التسجيل: 01/05/2006
المكان: مكة المكرمة
مشاركات: 18,950
هذا كلام كــــــويس بابا ..!!!

الله يعطيك العافيــــــــه
وكــــــــــلامــــــك 100%
وفعــــــــلا الهـــــــــــــلال
بحاجــــــــــــــة لترميــــــــــم بعض المراكـــــــــــز بلاعبيين مميزين يفيدون الزعيم
مو تكملة عدد..!!!!!!
أما من جهة المدرب فالمدرب كويس
عدا لعبه بطريقة 4-5-1
التي أصبحت عقيمـــــــــــــــــــــــه هالطريقــــــه

الله يكتب اللي فيه خير لزعيمناااااااا



عوووووووافي
على هالموضوع
وننتـــــــــــطـــــــــر منــــــك المـــــــزيــــد
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:57 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube