أخوي ياليت تقرون عليه هذا الدعاء + بعض الآيات القرآنيه ....

اعوذ بالله من الشيطان الرجيم ( مرة ) باسم الله الرحمن الرحيم ( ثلاث مرات ) نستعيذ بك ونستعيذ بعزة اللة وقدرته القوية وأسمائك الحسنى المباركات و كلماتك التامات كلها من شر ما نخاف ونحذر ومن شر ما نواجه ونقابل ومن شر ما نجد ونحاذر ومن شر ما نعلم ومن شر ما لا نعلم من شر ما انت يا رب الكل به اعلم ومن شرهمزات الشياطين ونعوذ بك ربى ان يحضرون ومن شر كل شيطان ومارد وهامه ومن شر كل عين لامه ومن شر الحمى و الأوجاع كلها واعوذ باللة العظيم من شر كل عرق نعار ومن شر حر النار ومن شر ما خلق ومن شر غاسق اذا وقب ومن شر النفاثات فى العقد ومن شر حاسد اذا حسد ومن شر الوسواس الخناس الذى يوسوس فى صدور الناس من الجنة والناس باسم الله أرقيك والله يشفيك من كل داء يأتيك بسر الشافية ...


أسأل الله العظيم رب العرش العظيم أن يشفيه شفاء لا يغادر سقما ...

ونسال الله الشفاء لأبنك ..

وعليك بقراءة القرآن عليه ..

اللهم يارحمن يامنان فرّج ضيقه ولد فارس الزمن واحفظه من كل سوء
وارفعه بالعافيه اللي تطمن أهله عليه

اللهم رب الناس اذهب الباس اشفه أنت الشافي شفاء لا يغادر سقما

الله آمين اللهم آمين اللهم آمين

لاحول ولاقوة إلا بالله

أسأل الله العظيم رب العرش العظيم أن يشفي ابنك ويرفع عنه ..

أخوي فارس الزمن المر أبشر بالدعوة الصادقة

وأحتسب الاجر فقد يبتلى المرء على قدر دينه

والله يكتب لكم الأجر والفرحة بشفاءه ورفع بلاءه

ودعوة الوالد لولده مستجابه بأذن الله ونحن بواجبنا كذلك

لن ننساه من صالح دعائنا ..


ومن الأفضل اخوي إنك ترقي ابنك يومياً وتحرص كل الحرص

على تشغيل الآيات القرآنيه في المنزل سواء من شريط كاسيت

وإلا عبر التلفزيون حتى يرتاح بال ابنك شفاه الله وعافاه ..


ولاتنسى ياخوك الطبيب النفسي مثل ماذكرت الخت فرصه ضايعه

ممكن تكون مشكلة ابنك نفسيه لكن هذا مايمنع إنك ماتذهب لراقي ..

سؤال أخوي



هل تباحثت الأمر مع المدرسة؟؟

هل فكرت في تغيير المدرسة و لو كان فقط عامل نفسي

أدري إن الولد عانى من هالمشكلة في الروضة بس يمكن التغيير يأثر فيه

تباحث الموضوع مع المدرسة اذا لم تفعل ذلك من قبل

و الإخوة ما قصروا في النصح

أسأل الله العظيم رب العرش العظيم أن يشفيه شفاء لا يغادر سقما ...

ونسال الله الشفاء لأبنك ..

وعليك بقراءة القرآن عليه ..

إقتباس لو انني اعلم الغيب وان السنة القادمة سيستمر بوضع افضل لسحبته ولكن اخاف ان تتكرر معه كل عام

لا لاتسحبه من المدرسه مارح تستفيد اذا ماعرفت اش السبب
يمكن لو انحلت مشكلته لما كان في الروضه يعني في البدايه كان احسن

بس مومشكله الحين لو يغيب يوم يومين الى ماتعرف اش فيه بالضبط
لاتغصبه على الروحه
خليه يروح وهوا مبسوط

اجلس معاه وحاول خليه يقولك اش الي يضايقه في المدرسه؟
يمكن صارله موقف وصار مايحب يروح
يمكن احد من الطلاب الي اكبر منه ضايقه خاصه اذا كان في مرحله غير الابتدائي
او يخاف من المعلم انه يصرخ عليه او شي

مشكله المعلمين الي يحطونهم في هالمراحل ويكون تعاملهم مع الاطفال زفت!
يعقدون الصغار من البدايه الله يهديهم

استأذن من عملك يوم وروح معاه المدرسه اليوم كامل

اسال اساتذته عن سلوكه مع اصحابه يتفاعل معاهم ولا منطوي؟

وفي البيت
خلوه يشرب موية زمزم مقري فيها
حط مسجل سورة البقره في غرفته وهو نايم
لايطلع من البيت قبل ماتقرون عليه المعوذات والفاتحه واية الكرسي..

والدعوات الي حطوها الاعضاء



ان شاء الله فتره وتعدي وماترجعله ويصير احسن يارب
طمنا عنو

اسأل الله ان يعافيه مما ابتلي وأن يقر أعينكم به

ابحث له عن مدرسه بديله من المدارس الاهليه التي تهتم بالطالب في المراحل الأولى من ناحيه الترفيه
لانه قد تكون المشكله من المدرسه الحاليه
أو قد يكون ابنكم اصابته العين لا قدر الله واحرص على القراءه عليه

لا أملك له سوى الدعاء وتفضل هذا الموقع واطرح مشكلتك فيه حيث يوجد مشايخ وخبراء اسأل الله ان ينفعوك

إضغط هنا

الله يشفية ان شاء الله

انا اخوي مر بنفس المرحله وقعد سنتين ما يدرس

لكن نقلناه لمدرسه ثانيه وصار يطلع من الاوائل

انت حاول تنقله لمدرسه ثانيه وحاول تقرا عليه حتى ترتاح نفسيته


والله يشفيه ويرفع عنه

الغالي صدقني وانا متفائل جدا وكثير بالولد انشاء الله راح يكون في المستقبل انسان ناجح صدقني اخوي لا تشيل هم
بحكم خبرتي وهذي صارت مع ناااس كثير انا اعرفهم شخصياً.
تغيير المدرسه مو حل ولا تركه للمدرسه حل ايضاً الحل انه يواصل دراسته حتى لو ضغطة عليه وتحط في باله انه لازم يدرس حتى لو كان وش كااان

والله ما ادري وش اقولك
لكن
مالكـ الا الدعاااء
والله يفرج همك ياربـ

يا اخ فارس
لا نملك الا ان نقول نسأل الله الكريم رب العرش العظيم ان يذهب البأس عن ولدك
اللهم يارب الناس اذهب البأس عن ابن اخونا فارس واشف انت الشافي لا شفاء الا شفائك الذي الا يغادر سقم

عليك اخي الكريم برقيا الولد انت بنفسك او والدته والأخوان ما قصرو ذكرو بعض الأذكار اللتي تستخدم في الرقيا وكذلك قراءت سوره البقره عليه اذاء امكن وقرائت الفاتحه والمعوذات وايت الكرسي بأستمرار لعل الله يفك ما به من باس

الشي الثاني لا تقلق وان شاء الله انها ازمه وتمر بحول الله وقوته
واذا استمر الولد على ما هو عليه انصحك ان تبقى بجانبه في الفتره الحاليه انت ووالدته وتخرجوه من جو المدرسه شوي وياليت لو تقوم بأخراجه من البيت في هاذي الأيام والتنزه به وشراء بعض الألعاب والهدايا ومو شرط انه يروح المدرسه حتى ولو لمده اسبوع
بس ودي في خلال اخراجه من الجو اللي هو فيه اما بالذهاب الى الملاهي او بشراء الألعاب له ان تحاول ان تكلمه بهدوء وبأستدراج وتقول له خلاص انا باطلعك من المدرسه بس تحاول ان تأخذ منه وعد انه بعد ما تسويله كل شي انه يسمع كلامك ويروح المدرسه ولا تضغط عليه بل تكون بأسلوب جذاب ومغري

بعدين اؤيد راي الأخ اللي ذكر انك تغير المدرسه ليه ؟ لكي يتولد لدى الطفل فكره ان هاذي سنه جديده وان المدرسه ليست تلك اللتي رسم لها في مخيلته صوره غير حسنه ( يعني تغيير نفس للطفل وهو مهم جداً له)

وحاول خلال هاذى المده ان تقوم بتهيئته نفسياً للدراسه وتحاول ان تضرب له امثل بمن يروحو للمدرسه من اقرانه من اقاربه اللي في نفس سنه

اذاء لم يستجيب وبعد استنفاذ جميع الطرق فما عليك الأ ان تلغي فكره الدراسه هاذي السنه
ولا اعتقد ان الحاله سوف تستمر معه للسنه القادمه ان شاء الله

واسأل الله اللعظيم ان يأتينا خبره من قبلك بأنها مرحله وعدت على خير

وعلى فكره حصلت نفس المشكله لولد اخوي العام الماضي وكان ولده يبكي ويدعي المرض ويدعي اشياء اخرى حتى لا يذهب المدرسه مما اضطر ابوه ان يسحبه من المدرسه والسنه هاذي ما شاء الله اول من يقوم في اخوانه للمدرسه

ملاحظه ....
لا اعتقد ان هناك سبب من قبل المدرسين كان السبب في ذلك
اتقد ان السبب هو من موقف حصل للولد نفسه مع احدى الطلاب من اقرانه يعني موقف عادي بس ولدك كره هاذا الموقف او من شي شاهده وهو غير مألوف وغير مستساغ ولما انت تحاول تقول له او تصحيه للمدرسه يروح ذهنه على طول لذالك الموقف ومن هنا يبدا التهرب حتى لكن حاول ان تبحث عن السبب بطريقتك يعني تسأله وهو في وضع يسمح لك بسأله يعني وانت تلاعبه او وانت تضحك معاه او تجلب له هديه وتساومه بها بأن يقول لك ليه ما يحب المدرسه مقابل الهديه وزي كذا يعني

واذا عرفت السبب بأمكانك معالجة الوضع

آسف على الأطاله وان شاء الله تبشرنا قريباً بعوده المحروس الى المدرسه