السلام عليكم....

في البدايه احب ابارك للجميع هذا الفوز الكبير...ولو انه حبس انفاسنا لكن الحمدلله الي جت على كذا والف مبروك لكل سعودي وطني يهمه فوز المنتخب ولا عزاء للذين يتمنون عكس ماحصل واقولهم خيرها في غيرها والجاي مثل كذا واحلى انشألله وتعيشون وتاكلون غيرها......

الصراحه ياخوان انا بعد مباراة قطر عمان توقعت ان البطوله متجه لهم وكتبت موضوع في ذلك وتمنيت ان توقعاتي تكون غلط وهذا الي صار والحمدلله...

لكن بعدمبارة المنتخب مع عمان والله ثم والله ان احساس داخلي جاني يقول ان المتخب راح يفوز ثلاثه واحد يعني من يوم الاحد وانا اقول كذا وكنت اقول لبعض الزملاء كذا وكانوا يتهزون فيني ويقلون عساه يفوز بفرق واحد بس هذا خلاني اشكك بتوقعاتي ولا احط توقعاتي في المنتدى وصرت ما اصرح لاحد بكذا لكن داخليا كنت شبه متيقن بكذا وبعد ماسجلت قطر الهدف بداء الياس يدب فيني حتى جت الدقيقه 20 من الشوط الثاني وهو واصل ذروه الياس وبعد ماجا البلنتي رجع لي الامل بكل مااوتي من قوه وقلت للي معاي انتظروا باقي الاهداف والحمدلله ماخيبو الامل الشباب والحمدلله وجت الاهداف الباقيه الشباب الي ماصدقوني هم اول من اتصل يباركون ويقلون عز الله انك صدقت...

والشي هذا مو اول مره يصير معي اكثر من مره وانا اتوقع في مباريات الهلال ويصير كذا خصوصا في النهايات

والله ثم والله ان هذا الشي الي صار وان هذا هو شعوري قبل المباراه.......


عاد وش رايكم في الي صار؟؟


تحياتي للجمع.........اخوكم الوردي

اخوووووي اجل مبرووك عليك الفووووز وتوقعك الصائب .

اقوووول وش رايك ترسل لي توقعك لمباريات الهلال علشان اتفائل بك يالغالي .

تصدق عاد انا كمان توقعتها 3/1 بس انا حطيتها بالمنتدى .

مبروك عليك التوقع .. ومبروك الكاس للمنتخب السعودي ,, والله انا توقعتها 2-1 للسعوديه ,,

ولكن الحمدلله زاد هدف .. ما يخالف

وبالتوفيق في كأس العالم 2002

مبرووووووووووووووك للجميع