ليش ما يكون الطريدي..... المنقذ ؟؟؟ - نادي الهلال السعودي - شبكة الزعيم

ميشو الهلال · #1 21/10/2007, 11:04 PM

بسم الله الرحمن الرحيم

اعزائي الزعماء لماذا لا يكون هو المنقذ من وجهة نظري انه الابرز بالباك الايمن على قولة طيب الذكر عبدالله الحربي

والله انه فلته لا بانطلاقاته ولا باوفراته ولا بتغطيته الدفاعيه والله راح يكون جبهه يمنى نارررررررررر مع التايب خصوصا ان الاعب يتمنى الانتقال الى الزعيم

والله اني مكلمه شخصيا عن الانتقال وقالي بالحرف الواحد

( مجنون انت من ما يبغى الزعيم وقال انه يحب ياسر والتايب ووعد بان يكون ثلاثي ناري معهم )

وبعدين هو اللي قالي قبل اربع سنوات بان ياسر راح يوقع للزعيم بعد النهائي اللي اخذه الزعيم من امامهم وتمنى في اقرب وقت ارتداء الفانيله الزرقاء

وعد بالمزيد للزعيم حرام لاعب يريدنا واحنا مو داريين عنه البلوي طلبه بس الياقوت رفض بداية الموسم ولو يطلبه الان سوف يعطيه

والله انه الابرز بالباك اليمين

اللهم انصر الزعيم الهلالي
اللهم انصر الزعيم الهلالي
اللهم انصر الزعيم الهلالي

الصاعقة الهلالية · #2 21/10/2007, 11:08 PM

المفاوضات جاريه معاه حاليا

وراح يصير خير انشاء الله

مزاجي الزعيم · #3 21/10/2007, 11:10 PM

الطريدي فلته بجد

ظهير ايمن صانع العاب مهااجم شايل القادسية

و االله ليته يجي هو والسهلاوي

لان السهلاوي عمره 20 وبدايته زي بداية ياسر بالظبط وهلالي حتى الموت نتمنى هالاعبين في الهال والله كباار جدا على القادسية

حُبي للتايب · #4 21/10/2007, 11:13 PM

عندي احساس انه بيجي بعد انتقال التايب يعني بعد سنتين او اكثر

..

وهذا لا اتمناه , خصوصاً ان طارق يلعب لوحده دون مساعده الباك الايمن

..

ومن تابع طاارق قبل مجيئه للهلال يعرف كلامي

..

ويارب يسمع منك ويجي الطريدي ويكّون ثنائي مع التايب ما أتوقع أحد يقف امامهم

..

الفكر نفسه + السرعه عندي الطريدي + المهاره واللمسه عند طارق .

الصخره 16 · #5 21/10/2007, 11:15 PM

والله نتمنى ان الطريدى ينتقل للهلال بس عندك اداره هلاليه تدور لاعب رخيص الثمن

بقيمه العنقرى والياس والعصفور كان مجددين للدوخى ومريحين انفسهم ومريحين الجمهور الهلالى معاهم

الكبيتانو · #6 21/10/2007, 11:44 PM

والله ذالادارة ترفع الظغط المفروض ان الطريدي جاي من بداية الموسم ...
والحين الياقوووووووووووووت يلمح يبينا نشتريه والظاهر ان الادارة راقده ما تدري وش السالفه ..
الله يعينا ويصبرنا على الكديش الياس والعنقري واالباقين ...!!

n..a..i..f · #7 22/10/2007, 12:09 AM

فعلا لاعب فلته

ولد الزعيم البار · #8 22/10/2007, 12:59 AM

يالبا قلبه ياشيخ

نتمنى ارتدائه للقميص الازرق

منن ولارا والزعيم · #9 22/10/2007, 01:17 AM

إقتباس

الرسالة الأصلية كتبت بواسطة الصخره 16


	والله نتمنى ان الطريدى ينتقل للهلال بس عندك اداره هلاليه تدور لاعب رخيص الثمن بقيمه العنقرى والياس والعصفور كان مجددين للدوخى ومريحين انفسهم ومريحين الجمهور الهلالى معاهم

الله يهدينا وياك شوف كم دفع الرئيس هو وابوه وتعرف انه رئيس فلته
ولايهون اعضاء الشرف الباقين
والدوخي هو من نفسه ماوده يجلس والله يساعده ويسعده قدم لنا كثير وراح
بعدين مشكلة الظهير الايمن الوقت ذا صاروا قله المميزين
وشكرا لك

ARB191 · #10 22/10/2007, 02:41 AM

اللي سمعناه
ان الياقوت مشكلته مشكله
اذا الهلال جاء يفاوضه على اي لاعب عنده يقوم يتصل على البلوي ويقوله الهلال يبي فلان تبي تزود او اعطيه اياهم
و هذا اللي مخلي الهلال يدخل ويرمي بمبلغ ويطلع بدون مزايدات
تبي هذا المبلغ يالياقوت وقعنا ماتبيه سلام

مراوغ هلالي77 · #11 22/10/2007, 02:51 AM

ياخوي الأداره الهلاليه فاوضت القادسيه واعطتها سعر مناسب للأعب بس القادسية تماطل ودخلت الأتحاد في السالفة تبي ترفع عقد الاعب

والادارة انسحبت من حقها لانها تماطل ولا تبي مصلحه الاعب ولا مصلحتها......؟؟؟

عجزت انساك يازرق · #12 22/10/2007, 06:44 AM

بسم الله الرحمن الرحيم انا اضم صوتي لك واقول ان الطريدي والله بينسينا الدوخي وخاصه انه لاعب سريع وعنده نزعه هجوميه ومشاء الله عليه عنده لياقه غير طبيعيه والله بيقدم الكثير مع الهلال وبيصير احسن ظهير في المملكه بس ماعنده احد في القادسيه ويارب يجي للهلال وبالتوفيق للزعيم يارب

asim 9 · #13 22/10/2007, 06:54 AM

الطريدي وربي بطل لو جاء وربي الزعيم بيصير نار ياحبيبي نار

sir.blue · #14 22/10/2007, 07:05 AM

ترى مشكلة الباك اليمين مشكلة اغلب الفرق عموما حنا النواحي الدفاعية ضعيفة عندنا في الدوري

اعتقد الطريدي يستحق انه يلبس شعار الزعيم والظاهر انه في مفاوضات حاليا

والله يكتب اللي فيه الخير

هلالي...حتى المووووت · #15 22/10/2007, 09:05 AM

لاعب عادي ولا هو كفو !

نبي لاعب صاحي بدل هالترقيع اللي صاير !

من الياس للعنقري ونجي الحين للطريدي بعد !