عُــدنــــــــــــــــــــــــــــــــــــــــــا
اللي وده ...أقول اللي وده يعني مهوب غصب اللي يبغى
يشوف الجزئين اللي راحن يرررررررعص تحت ..
المقدمة الأولــى ارررررعص عاشق السبـــــورة برضه ارعص رعصة
ـــــــــــــــــــــــــــــــــــــــــــــــــــــــــــــــــــــــــــــــــ
وحانت ساعة الصفر وهاهو الإكتشاف الخطير
عن بنات اليوم وواقعهن المرير كمرارة القهوة
وانا متاكد انكم متحمسين ودكم تعرفون وش هالاكتشاف
عقب هالمقدمة الطويلة العريضة .
تبغون الصراحة مافيه إكتشاف ولاشيء ====> لعبت عليكم
.
:p
:p
:p
:p
:p
.
.
.
.
.
.
.
.
.
.
.
.
.
لالالا امزح
يالله ابغى كل واحد منكم ينطق كلمة بنــــــــــــات ويرددهــــا اكثر من مرة
هاه وش صار معكم ؟؟ وش إكتشفتوا ؟؟؟
أعتقد ما كتشفتوا شي
عيدوها مرة ثانية ..... برضة ماطلع معكم شي
طيب انا ابقولهــــــا ..
واحد اثنين ثلاثة
بنات
بنات
بنات
بن ات
بن آت شفتوا وش طلع معي !!!! ايه والله طلعت كلمة { بن آت }
طلعت كلمة بنات مركبة من جزئين :
الأول { بن } والثاني { آت }
طيب هل لها معنى ؟؟؟!!!!!!;) ;)
امممممممممممممممممممممم
أكيد لها معنى يعني لو اخذنا كلمة { بن }
البن هو مادة القهوة الخام وكلمة { آت } يعني جاي أو قادم
لو أخذنا الكلمتين مع بعض { بن آت } يعني قهوة جاية
طيب خلونا نحلل وش تعني قهوة جاية ؟؟ :
confused:
معروف أن القهوة مشروب منبه من الدرجة الاولى يعني أنواع السهر
انسى تنام وانت شارب قهوة أو انسى تنام والقهوة جاية
أو ممكن نقول أنس تنام والبنات جاية .
طيب حنا عرفنا انه مافيه أمل ننام والسبب القهوة .
طيب وش دخل البنات بالموضوع ؟
البنات لهن دخل طبعا
لان البنات يحملن نفس صفات القهوة وشلون ؟؟؟
انا اقولكم ...
مهوب القهوة تنبه وتصحي ولا تخليك تنام وتسهر طول الليل
كني أشوف بعضكم بدأ يفهم وش ابغى اتوصل اليه ..
طيب البنات نفس الشيء نفس القهوة سبحان الله
الحين الواحد إذا حب وحدة من البنات مهوب يبدأ يفكر فيها
يعني مخه صاحي والسبب البنات .
ومهوب بعد يسهر الليل ويفكر وقلقان
وتلقاه اما يكتب شعر والا رسائل غرام
والسبب برضه البنات .;) ;)
يعني الواحد يسهر وينتبه بالليل والسبب
يأما شارب له قهوة
والا يحب له وحدة من البنات .
أوكي حنا متفقين ان القهوة منبهه قوية
وطبعا وانت تشربها تدري أنه تبي تصحيك وتنبهك مدة معينة
بس أنت شربتها وانت مبسوط ولا احد غصبك عليها بس تخاف بعدين
انه تسهرك بالليل .
البنات نفس الشيء إذا حسيت انك حبيت بنت ماتدري هالحب يبي
يجلس مدة معينة وينتهي
والا يبي يطول وبعدها تبي تسهر بسبة هالحب .
طبعا كل هالمقارنة كانت عن المشاعر والأحاسيس
وكيف تخلي الواحد منتبه وسهران يعني شيء زين مع انه في وقتها
تحس انه شين . .
طيب نجي للشين ===> هو مهوب شين شين مرة بس صراحة شين
برضه متفقين ان القهوة شيء منبه
نفس الشيء البنات مثلا :
تطلب منك كزوجها انه توصلها لزواج
وانت والله براسك هذاك اليوم تنام مبكر لانه عندك شغل الصباح بدري .
وهي تبغاك تمرها الساعة وحدة من الليل والا 2 الفجر
حتى لو خليتها ترجع مع أحد أخوانها برضه تبي تجيك بالبيت
هي وبزارينها وتقلق ابو جدك ....
في الحالتين مهوب ذا اسمه سهر ..
يعني لو شارب لك قهوة مهوب أصرف لك .
والأمثلة كثيرة على سهر الأزواج بسبب الزوجات ===> عصبوا البنات
المهم لاتفهموني غلط
لاتحسبوني حاط كل هالهالة الاعلامية على موضوعي هذا علشان هالإكتشاف
البايخ ...........لا والله
على كل حال ياأخوتي وأخواتي ليس هذا هدفي من هذا الموضوع أن أبين لكم اني فعلا إكتشفت شيء عن البنات.
وإنما كل هذا للوصول بكم الى أحد أمثلة المشاكل والخلافات الدنيوية الزائلة
وطبعا هذي سنة الحياة ..
والذي يحدث بين الزوج والزوجة من مشاكل
ماهي الا دليل على أن الدنيا هذي هي دار ممر وليست مقر
أي أن هذه الدنيا حياة مؤقتة وسوف تنتهي
ولكن لاننسى نصينا من الدنيا
كما امرنا الله عزوجل حيث قال: { ولاتنس نصيبك من الدنيا }
وفي جميع الأحوال سنخرج من هذه الدنيا بشيء واحد وهو العمل
الذي كنا نعمله فيها ونرجو من الله ان تكون كل اعمالنا صالحة
وخالصة لوجة الكريم .
أما المشاكل والخلافات التي تحدث لنا في هذه الدنيا
بغض النظر من هم الاطراف فيها
أن كانت مشاكل أسرية كما طرحت مثلا في هذا الموضوع
أو مشاكل أخوية
أو مشاكل أصدقاء
أو مشاكل جيران ...ألخ
فيجب علينا ان نجد حل لهذه المشاكل
ويجب علينا أن نضحي في سبيل إرضاء الغير .
وان نتنازل عن بعض حقوقنا .
ولاندع المشاكل أن تشوه جمال حياتنا الدنيوية وتعكر صفوها
فلابد أن يأتي يوم و تنتهي هذه الحياة المؤقتة
وتبدأ الحياة الحقيقية الأبدية حياة الاخرة اما جنة واما نار .
فنسأل الله سبحانه وتعالى أن يجمعنا وإياكم في دار كرامته وسلعته الغالية
الجنة.
ونسأل الله عزوجل أن ينجينا من عذاب القبر وعذاب النار .
وفي الختام أحب ان أبين لكل من قرأ موضوعي هذا
وماحمل من أجزاءسابقة .
أحب أن ابين له ان أسباب طرحي لهذا الموضوع بأسلوبه المشوق
والنكتة الساخرة والنقد المبالغ فيه ...
وهي حبنا وتقبلنا لهذا الأسلوب
في طرح القضايا
وهناك سبب آخر أيضا ً ورئيس ..
وهو تشبيه حياتنا الدنيوية بما جاء في سيناريو هذا الموضوع
من مواقف وأحداث وتعليقات وتلميحات
فهكذا هي حياتنا كلها أحداث زائلة
فالايام تجري والشهور تمضي والسنين تنتهي ...
ونحن في هذه الدنيا :
نذهب ونأتي
و نضحك ونمرح
وننقد ونحقد
ونزعل ونرضى
ونحب ونكره
ونقرأ ونكتب
وفي الأخير كل هذا زائل الا ما إحتسبناه عند الله عزوجل
ويبقى العمل الصالح الخالص لوجه الله تبارك وتعالى .
وأعتذر منكم اخوتي وأخواتي الأعضاء إذا بدر مني شيء أغضبكم ,,
تقبلوا تحياتي ...
أخوكــــم في الله جمجمة الهلال
===================================
جميـــع الحقوق مدفونـــة للــجمـــجمــــة
===================================