لازم تحبو ...


مقال كتبته لحاجة(ن) في نفس يعقوب ....




انا عارفة اغلبكم راح يقول : لحظه اتأكد من اللي كاتب دلووشي ولا مين؟؟

ولكن لا تتسرعو اقرو وراح تعرفو ..



يجب علينا ن ان نحب ما نعمل حتى نعمل ما نحب

اذا حب الشخص عمله فأنه راح يبدع فيه وراح يوصل لمكان أعلى من اللي

كان يطمح له , هذا مختصر شديد لكلامي اللي راح اقوله.



فلنكن واقعيين اغلبنا لا يحب ما يعمل او حتى لا يحب ما يدرس

لهذا السبب تعتبر شعوبنا من اقل شعوب العالم انتاجا ...



اذا احب مراسل شركه شغله فأنه من الممكن جداً انه يصير شي كبير

في الشركه اللي يشتغل فيها وهذا بسبب العلاقات اللي اكتسبها

من خلال عمله كمراسل يحب عمله ف راح يكون يبي يروح يوصل الشي اللي معه

وهو مبســــوط و بيستغرب منه اللي بيستقبل منه الشي المرسول

ومن الطبيعي انه ينتقل لشركه ثانيه في اي منصب اكبر من هذا ..



اذا احب الموظف الحكومي شغله فأنه ماراح يكتفي بوظيفته فأنه راح يصير يساعد

الناس في شغلهم و صدقوني انه راح يصير موظف مثالي ف يترقى بكل سهوله,

وبيصير اسمه من اشهر الأسماء في مكان عملة... و امرهُ مُجاب ..



اذا احب الدكتور عمله ..ماراح يكتفي بدراسته اللي درسها في الجامعه , بيصير

يدرس شي ثاني لأنه ما يعرفه!! وهذا وارد في دكاترتنا الكرام امثال الدكتور الربيعه..



اذا حب الحاكم بلده فأنه يبدع فيها مثل

الأمير خالد الفيصل ..انا اشوف انه ابدع في ابها فتخيلو ان في ابها

اي شخص يبني عماره ما يوافقو له امر بناء من البلديه الا اذا كانت ملونه

يعني اذا شفت ابهى من الأعلى يكون شكلها مرا حلو ..لدرجة اني شفت في ابها

عماره مخططه بخطوط ماركة بيربري!!!

ان شاء الله يحب خالد الفيصل جدة خلنا نشوف وش بيسوي فيها



خلاصة الكلام



اذا احب الشخص عملة فأنه يبدأفي الابتكار ليعطي المكان اللي احبه

اجمل الافكار اللي تساعد المكان وتساعده بشكل كبير في تحقيق هدف جديد



(بما انى افكر اذن انا اعيش
وطول ما فى تفكير اذن هناك مجال للابتكار)



انا اقصد بحب العمل , هو انك تحبه بعزة نفسك

مو ان يجي شخص يقول انا احب عملي فأنا عبد مأمور ..لازم يكون لكل شخص

لمستة وافكاره التي تميزه عن الآخرين .



اذا كنت تحب عملك ف عارض و بقوه على كل ما تراه خطأ ...

اذا كنت تحب وطنك فدافع بكل ما اعطيت من قوه...


فالمحب لا يرى اخطاء اللذي يحب وبالأصح فأنه يغفر له بكل سهوله

ويتعذر له

فتعذرو لكل شيء حولكم



احب كل ما حولك حتى تحبك دنياك ...

اخلص لكل شخص مبدع حتى يعطيك اكثر....



في النهاية



دمتــم وهذي بعض الاشياء اللي كانت تقرقع في فكري

وابت يدي الا انها تنــقشها لكم ...


اختكم

دلوووشي