28/01/2002, 11:55 PM
|
زعيــم متواصــل | | تاريخ التسجيل: 15/12/2000 المكان: جدة
مشاركات: 163
| |
شف وجه معجب واحلب ...... نعرف ان الهلال محارب على جميع الاصعدة ، لا تقولوا لأنك هلالي تقول هالكلام والا الواقع ان فريقك مدلل من رعاية النصر والهكام والسخافة (الصحافة) . الواقع ان ما يفعل بالهلال جريمة لا تغتفر بحقه ، لولا الهلال كان وش يصير منتخبكم ياسلطان ونواف ، لولا الله ثم لاعبي الهلال كان ما شرفوكم مدعين الوطنية ، والله لو ان الهلال في غير هالبلد ان يمنح كأس الدوري بدون مبارايات رغماً عن جحا وأشكاله لكن المصيبة اللي واقعة على روسهم ان هالفريق كل ما يندق يزداد لمعان ، وبضؤه يعمي عيون حساده وهم كثر ولله الحمد على هالحال ، مرد هذا الكلام اني هاتفت صديق لي شاهد مباراة الهلال والنجمة ، وقال لي على فعايل معجب بالفريق ، يعني اذا ما كانت المباراة منقولة تليفزيونياً فأفعل ما تشاء ، لا بارك الله فيك لا أنت ولا تحكيمك ولا من رشحك لتحكيم هالمباراة ، ماهوب كافي انكم سودتوا وجيهنا مثل سواد ملابسكم بدورة الخليج وبانت فضايحكم ، وتطردون شر طردة من تحكيم مبارايات كأس العالم ، استحوا على وجيهكم الناس تطورت وانتم احد حكامكم يحسب تسلل من آوت ، ما أقول الا الشكوى لله ، واحمدوا ربكم ان الفيفا متحمل بلاويكم وخاصة من فريق الشكاوى العالمي ، الامر الثاني يقول ان مافيه الا شباكين للتذاكر ، جعلها تضيق فيكم يا بلدا ، الناس خارج المملكة توزع التذاكر في عدة أماكن ، لتمكين الجماهير من الحصول عليها قبل المباراة بوقت كافي ، وانتم وثوارتكم يا بلدا هذي هي حدود قدراتكم . الامر الثالث يقول أن عساكر أسعد عبدالكريم منعوهم بالبداية من الصعود لأعلى مدرجات الدرجة الثانية ، ويوم ضاقت بهم سمحوا لهم . ويسألون بكل قلة حيا وين الجماهير ، هل من المعقول اني ابحث عن شيء يرفع ضغطي ، لا وألف لا خاصة وان وزارة الصحة لا يمكن لهاان تشخصك وتصرف لك دواء الضغط ، والادهى والأمر أن الحمامات اكرمكم الله في الملعب غالبيتها مقفلة ، هذا وش يعني ... يعني ادفع وكل ت.... ختاماً اقول الشكوى لله ، ولا الومكم لأنه هذا هو مستوى تفكيركم واستراتجيتكم اللي تتشدقون بها كيف تقضون على الناجحين ( وللعلم ترى هالموضوع تحت الدراسة عند الباندا) |