#1  
قديم 15/10/2007, 12:13 PM
زعيــم مميــز
تاريخ التسجيل: 13/11/2006
المكان: ๑ دآر كسِاهآ بآلعِز قآيدهِآ *
مشاركات: 4,738
Thumbs up ~*¤ô§ô¤*~ يوميــــــات الأعضـــــــاء في العيــــــــــد ~*¤ô§ô¤*~ ‏


يا فرحتي يا نور الأوطان ... يا فرح ممزوج بتغاريد
يعل الفرح بيعيونكم أعياد ... عساكم من عوادة العيد


تحية طيبة ... وأسعد الله أوقاتكم بكل خير ...
وبكل الحب نتواصل معكم ... ومع أعضائنا الأعزاء ...
وهنا نستضيف ... اعز الأعضاء على هذه الشبكة الغالية ...
وبمناسبة عيد الفطر المبارك ... أحببنا أن نستضيف بعض الأعضاء ...
ونعرف بعض يومياتهم ... في هذه الأيام المباركة ...
نبدأ يومياتنا ... بأحد أبرز الاعضاء ... في هذا المنتدى ...





صاحب الحضور الراقي ...
صاحب الحضور المميز في هذه الشبكة ...
وكثير منا استفاد منه ... سواء بمواضيعه أو بردوده العطره ... التي عطرت المنتدى ... برائحة الفل والياسمين ...



والأن نترككم مع يوميات
العضو
◄████▓▒░Hilali88░▒▓████►
ويبدأ كلامه قائلا ...
عيد بأية حال عدت يا عيد ..... بما مضى أم لأمر فيك تجديد


هذا البيت يقوله المتنبي وأنا رديت عليه وقلت :
يالمتنبي لا تخربط ولا تزيد .... بداية عيدي ما فيها جديد
هذا البيت يصف حالتي في بداية كل عيد لازم يصير شي يخرب الجو مرة توصخ ثوبي ومرة راحت علي نومه وماصحيت إلا الظهر وفيه أشياء واجد صارتلي لكن الوقت ما يسمح وإللي صارلي هالعيد إن راعي المغسلة نكبني وهذي النكبة ما راح أنساها ودي أسوي فيه مثل ما سوى أبوبشير في أبوغالب . ليلة العيد طلعت من الحلاق الساعة وحدة في الليل وكنت ناوي أمر المغسلة آخذ ملابسي يوم مريته لقيت الغبي مسكر >>> عادي أسب رمضان خلص
قلت من أصبح أفلح وأقضي وقتي على النت لين صارت الساعة ست إلا ربع تقريباً طلعت من غرفتي إلا أسمع صوت الإمام يصلي صلاة العيد وانقهرت أكثر حتى صلاة العيد نسيتها وفاتتني يوم صارت الساعة ست قلت خلني أروح عند النكبة (راعي المغسلة) وبعد لقيته مسكر قلت بلا شماغ جديد بلا بطيخ خلني ألبس الشماغ القديم
لبست وتطيبت ورحت عند أعمامي وتقهويت (وتذكرت أيام العيادي)
وعند أعمامي لاحظت شي غريب بقوله بعدين
ورحت أعيد على خوالي وأنا دايخ أبي أنام خشيت شفت الشي الغريب مرة ثانية المهم جلست وتقهويت وقمت أسولف مع ولد خالتي عن الهلال وننكت على النصر وأبوبلوتوث طولت عندهم وكنت متواعد مع أخوي علشان نعيد على عمتي ولكني تأخرت عليه وراح وخلاني وأنا ما أدل بيتهم وأخذت الوالدة ورحنا بيت خالي علشان الغدا عنده وبعد شفت الشي الغريب مرة ثاني
بأتكلم عن الشي الغريب أول كنا نعيد الساعة ست وسبع وثمان نلقا المجلس عامر بالضيوف بس ألحين الناس ما صاروا يعيدون إلا قريب الظهر وبعضهم بعد الظهر شي غريب الصراحة
المهم جلست في المجلس وأخوي قال سالفة تظحك
يقول إنه راح يعيد على ناس وولدهم الصغير جا يصب القهوة قام بالغلط صب الشاي في الفنجال عاد أخوي ماتكلم أخذ الفنجال وشربه ولا حب يفشله


المهم جا وقت الغدا وأنا ما صدقت حطوا الغدا علشان أتغدى وأمشي البيت وأنام
تغديت و(كثرت في الأكل) وبعدين قعدت أنتظر الوالدة علشان أرجعها البيت وأنا كنت دايخ وأقاوم النوم بعد ما طولت في القعدة اتصلت عليها وقلتلها يلا نروح قالت أنت روح أنا برجع مع أخوك
أنا انقهرت الصراحة جالس مع وجهي وأنتظر على الفاضي ورجعت البيت و نمت أحلى نومة
وسلامتكم



وننتقل من صاحب الفكر الراقي وصاحب الحضورالمميز ...
إلى من أعطى الكثير من جهد ووقت ولازال ...



ليس حرصا على الموقع فقط ...بل هو أكثر مما هو حرص على راحةالأعضاء ...وجعل من نفسه موقعا يصارع الكبار ...لكي يصبح في القمة ...واستطاع في فترة وجيزة أن يلفت الأنظار ..وهاهوقمة ...
قمة منتدى الزعيم ...ليتحفنا ببعض يومياته في هذا العيد ...
نترككم مع العضو


◄████▓▒░ بــــلد الوليـــــد ░▒▓████►

بسم الله الرحمن الرحيم


اول شي شكرا دلع على الاستضافه -> حياة نت
بالنسبه للعيد السنه هذي كان استعدادي له اي كلام
فصلت 3 ثياب قبل العيد باسبوع .
واحد انشق مخباته كامل
وواحد انكب عليه حبر
وواحد قبل يوم العيد بليلتين وانا شايل الثوب ابي اوديه المغسله ,, وينشب المخباة في الباب وينشق
المهم قلت ما عليك يا فيصل ينخاط ان شاء الله
والله الحمد لله شغالتنا سنعه خاطته زين
طبعا رحت للعيد مواصل مانمت الا اقل من ساعه
احنا نظامنا بعد صلاة العيد على طول يكون العيد على احد الكبار عماني يعني
السنه هذي علينا كان
قلنا نخليه بالبيت ولا استراحه البيت ولا استراحه ..,
قلنا لا استراحه احسن رايقين يجون ذا المبزره البيت ويخربونه بالطراطيع
المهم استاجرنا الاستراحه والله كانت استراحه حلوه مره لو اني داري كان صورت لكم بس الشكوا لله
المهم طول اليوم كرررررف
مع ان فيه صبابين لكن الشياب يقولون ما يصلح لازم عيالنا يشتغلون --> شياب السعوديه دكتاتوريين
وخذ يا صب قهوه وملاحق في العمال عامل رايح عامل جاي
وما تدري تضبط الشخصيه والشماغ ولا تمسك العقال لا يطيح وانت تصب
المهم راحت على خير كلها هذي الحين جا الغدا او الفطور او الي يجي اي شي
كنا ناوين نقلط الساعه 10 ,,
والله وجا المطبخ على الموعد ونزلنا الذبايح والببسي وكل شي
لكن فجأه قبل تقلط لقيناهم ناسين الجريش
وصارت مشاكل وين الجريش هات الجريش رد الجريش
وفي الاخير جابو لنا المطعم الجريش على الساعه يمكن 10 ونص
وقلطو الرجال عاد
الحين تحسبونا زي الناس بيخلونا ناكل بعد الكرف هذا ؟!
لا طبعا انتم صغار الشياب اول ياكلون
تبون الجد انا ابوي زبني قالي تعال عادي
خلصنا اكل الحمد لله
الحين مره ثانيه شاهي وقهوه --> ياذا الشياب خرمانين قهوه
الشايب لو تعطيه بنج في المستشفى مايفيد معه من قوة ادمان القهوه
والله اعرف شايب يشرب دلتين ثلاث كل يوم
عاد مره راح المستشفى وما قدرو يبنجونه
يقولون لان جسمه متعود على المنبهات
بعدها راحو الضيوف وخذنا راحه شوي ,,
ونقعد نحش في العالم انا وعيال عماني الي معي
بعدها بشوي خلاص كل الناس عزلت خذنا الاغراض الباقيه في الاستراحه بما ان العيد علينا فاحنا المسؤولين
رحت البيت على نية اني بدخل النت وبعدها انام شوي واروح لاخوالي اتعيد بالليل عندهم
والله وانااااااااااااام من الساعه 4 لما الساعه 2 الفجر
وهذا انا اكتب لكم التقرير الساعه 5 الفجر ايضا
طبعا بعد ما قمت الساعه 2 دق علي واحد قال فاضي ؟َََََ
قلت كالعاده وش رايك اكيد فاضي
مر علي واخذنا لفتين بالشوارع ورحنا د.كيف
واخذت ريلاكسي
واليوم الماصل انتهى بحمد لله واسف على القصور
وكل عام وانتم بخير



وننتقل الآن إلى عضو قديم في هذا المنتدى >>>2004
وغالبا ما تكون مواضيعه نقاشيةحاده... استطاع الحصول على التميز ...وهو عضو متحمس في مواضيعه ...
نترككم مع العضو

◄████▓▒░G o L d E s T ░▒▓████►ا
ابتدأ يومي بعد صلاة الفجر قعدت أتجهز لصلاة العيد
رحت صليت وبعدين رحت أسلم على بعض الأقارب رجعت للبيت
وكملت الفلم اللي اللي بديت فيه قبل صلاة الفجر خلص الفلم الساعة 9
بعدها نوووووم إلى المغرب قمت صليت وأكلت أشياء خفيفة
وقعدت أشوف التلفزيون بعد صلاة العشاء تعشيت وشفت باب الحارة
الساعة 11 طلعت مع أخوياي نشوف وش فيه بالرياض من فعاليات و مسرحيات
وقعدنا نتمشى الى الساعة 2 بعدها رجعنا للبيت وانتهى يومي









وننتقل من العضو G o L d E s T الى العضوة ذات


الشخصية المرحة والهادئة ...ردودها بسيطة ...لكن تحمل معاني وحكم جميلة ...وهي ذات طلة جميلة ...وهادئة

نترككم مع العضوة :


◄████▓▒░ ريــــــري هكتـــور ░▒▓████►


السلام عليكم ورحمة الله وبركاته

كل عام وأنتم بخير ينعاد عليكم بالصحه والعافيه يارب


بداية صباح العيد تجهزنا عشان نروح صلاة العيد لكن كعادتنا السنويه ماناصل الا إذا خلصوا الصلاة ولا كاشخات متشرطات نبي مسجد معين يوم رحنا عنده أثره مو من ضمن مساجد العيد يوم شفناه فاضي قلنا دوروا لنا اقرب مسجد ووصلنا والناس يطلعون عاد يوم جانا تهزيئ من الماما الله يحفظها >> قلنا ياأمي أهم شي النيه ...

ورحنا مكان عيدنا السنوي وتعيدنا وكلمت ليوز وماردت علي ودقيت على أمها قالت تعبانه وراح العيد عليها بحكم أن الأخت نايمه عند المكيف وشعرها مويه على اساس تسوي كيرلي >> جتها صفقه من المكيف مريت عليها وعايدتها وحشينا مع بعض قصدي سولفنا واتفقنا الوعد باليل وجيت الظهر ولأننا مواصلين حطيناها نومه الى المغرب

وجاء المغرب وانواع القلق من ليزه شبعانه نوم وخذ ياازعاج لحد ما صحيت


المهم طلعنا حنا وأهلي ومرينا ليز وأمها ورحنا للأستراحه وحنا بالطريق عاد ياهو طويل وظلمى وحنا سواليف وتعليق ومن سوء الحظ ليز هي اللي تبي تدلنا على الاستراحه بحكم أنها أخذه الوصف من أخوها الكريم >> نصيحه أي أحد يبي توصيف يسأل ليز (( ماعندها ما عند جدتي ))

ونمشي سيدا على اساس اذا جتنا لوحة أبو رياض نلف من عندها المشكله أنتهى الخط ووصلنا المحطه ماحصلنا لا ابو رياض ولا لوحته وحسنا بالطريق رايحين وراجعين كل مامرينا من عند استراحه قالت هذي هي

وحنا ماشين واللي ينط قدامنا كنه غزال أثرها سلقه بغت تصدمنا >> سلقه تصدمنا قولي حنا نصدمها

وصلنا الاستراحه وسلمنا ويوم دخلنا جونا البنات قالوا لا تطلعون فيه العجوز النقاده قالوا اجلسوا جوا لا احد يطلع نجيب لكم كل شي (( شاهي – قهوه ))

وحنا يالبنات ياعمري جوا قامت تسلم على الرجال قلنا فرجت نطلع للحوش نشم هواء

لا ومن زين الحظ يوم ولدها دق عليها بيأخذها حلفت عليها صاحبة العزيمه ماتطلع الا متعشيه

وحنا نأكل راعية العزيمه أكل نقولها كيف تبيننا نتعشى حنا وياها تقابلنا على العشاء وهي بأخر الصاله وحنا عند الباب أول مادخلنا جلسنا من الخوف هههه

ويوم تعشت طلعت بنت الحلال وخذ أنواع الفله لدرجة الملعب الصابوني والنطيطه ماخليناهن

وبعدين بدينا مهرجان القذائف الناريه >> والله ياهن حركه خاصه اللون الموف ولا ياليز ..

بعد كذا طلعنا من الاستراحه بعد شد وجذب ومد وجزر لأن السياره ماتكفي البنات كلنا بسم الله علينا كثيرات وزود على كذا البزران معنا بحكم أننا مع السواق قلنا لزوم سهرة الفجريه نمر على بنده وطول الطريق خناق على مين ينزل مانبي كلنا ننزل بس 2 والبزران ولا واحد ينزل عاد مأدبتهم قايله لهم ينادوني ((خاله ريما))

عاد اهوشهم وأأدبهم على راحتي لأنهم كل هالمبزره تبع ليز..

وصلنا بنده وعلى كثر توعدنا وتهديدنا لهم لدرجة بنت عمي معها العصا تجلد اللي ينزل >> مير ماطقوا لها خبر فتحوا الباب اللي وراء ودردب على البوابه وحنا ماغير ضحك على أم عصا

وتنزل معهم ليز ووحده من بنات عمي .. >> كني اسمع حوستهم وصجتهم جوا بنده أشوى أنها كانت فاضيه من خلق الله

عاد تقضوا وطلعوا ورحنا البيت وسهره صباحيه وبعدها نوم

وهذا أول يوم عيد لي بالتفصيل انا وليز ... >> عسى ماطولنا عليكم

ونلتقي بأذن الله بعيد الأ ضحى >> وانسة البنت ..




وإلى عضو آخر ...
صاحب قلم جميل جدا ... يعطرنا بكتاباته ...ويبهج صدورنابمواضيعه ...حينما يظهر ...يظهر يطلة جميله جدا ...استفاد منه الصغير قبل الكبير ...له حضور مميز وراقي ...

اترككم مع العضو

◄████▓▒░M e T o O o ░▒▓████►



نبدأ بـ ليله العيد :
كـ عاادتي في كل عيد ليله العيد ما اعرف النوم فيها .. عاادة اطلع اجهز نفسي حلاااقه واطلع الثوب ووو الخ من تجهيزات العيد , السنه هذي ولأول مرهـ العيد قضيته في المدينه المنورهـ مو في الرياض عشاان كذا ليله العيد

هالسنة ما اختلفت عن اي ليله أخرى .. جاالس ع اللاب اقراّ الجزء السابع من رواية هاري بوتر << يا جماعه ذي الروايه اكوس روايه قريتها فيها تشويق موب صاااحي الى قبل صلاه الفجر تقريباً بسااعه بديت اتجهز للعيد ,

العيد :

العيد في الريااض كاان دايم برنامجه واحد بعد الصلاه نسلم ع الاهل , الاجتماع عند عم ابوي كبير الجمااعه .. الفطور عنده .. بعدين نسلم على خوالي , وبعدين نومه الى المغرب , ويبدا عيدنا انّا يالشباب ..

في المدينه .. طبعاً اختلف كل شئ يعني العيد مثله مثل غيره اللهم صلاة عيد والجلسه اللي بعدها ,,

بس صلاه العيد في الحرم النبوي لها طعم غيييير , يحسسك غصب انه عيد .

منظر الالاف او الملايين من الناس من مختلف الجنسيات بحلل جديده ووجوه باااسمه لها طعم غير , من الامور اللي لاحظتها وجود بعض الاطفال اللي يوزعون الحلى والتمر ع المصلين < < فكرة حلووه وجزاهم الله خير !

اللاعب حمزه ادريس كاان من المصلين وبعد الصلاه وقف اخر الشارع وانكبوا عليه الاتحااديه يعايدونه بس صرااحه كان على خلق وكان متبسم طول الوقت .

بعد الصلاه جلست مع الاهل في الفندق < < ما لك الا هم أصلاً , الى الفطور بعدين كملت رواية هاري بوتر . نمت عقبها الى صلاه العصر تقريباً .

بعد العصر ( شدينا ) من الفندق اللي كنا فيه لواحد أقرب للحرم .

جلست ع النت الى المغرب , ودردشة مع ولد خالتي اللي في بريطانيا " الله يردهـ سالم وغانم " .

بعد العشاء طلعت اتمشى في الاسواق حول الحرم , ويا قلب لا تحزن < < المشكله انّا في الحرم

رجعت وجلست ع اللاب امّا اكمل هاري بوتر ولا بريزون بريك << برضو << ,

وهذا عيدي الباايخ للأسف , بس السنه هذي بيبدأ العيد عندي من يوم الاحد ان شااء الله

شاكر لكم حسن الاستضاافه والاستماع ( القراءهـ بالاصح )

وكل عاام وأنتم بخير والله يعيدهـ علينا وعليكم والامه الاسلامية في عز ورفعه وأمان ,

والسلام عليكم ورحمة الله وبركاته .






عضونا تألق في سماء المنتدى ... بمواضيعه المثيرة ... وردوده المميزة ... واحترامه للجميع ... وروحه المرحه

يحب الإثارة ... فتارة تجده هادئ ... وتارة تجده في قمة الإثارة ...

ونترككم مع العضو

◄████▓▒░abo-nasser ░▒▓████►

اولا كل عـام واعضاء شبكتنا بخير...يوم العيد كان يوم خنفشاري غريب عجيب...صلينا الفجر ولبست الثوب والشماغ ..وعايدت على الوالد والوالده والاخوان ...واخذت كم صوره غبيه لاخواني...من ثم توجهنا لمصلى العيد ...واحنا في الطريق حصل شيء غير متوقع اللي هو ضباب وفي ينبع...السياره اللي امامك ما تشوف منها الا الفليشر حق السياره ...وزحمه وقلق ....وصلنا والامام يختطب ..يعني ما صلينا... واخذنا اول لفه ورجعنا في الزحمه والقلق ....وصلنا البيت افطرنا واخذنا كم صوره مره ثانيه...بعدها قالي اخوي الكبير ابوناصر معي على جده ..وانا رديت بكلمة مواصل الشهيره (قدام)سبب روحتنا جده ...نجيب العاب ناريه ونرجع على طول ...واحنا في الطريق كلمنا عمي وجدتي وخالي نعايد عليهم ...وصلنا جده واتجهنا على باب شريف ...واتصلنا على الرجال ...ورحنا معه المستودع التحيف...ولكن فيه حاجه نبيها ما حصلناها في المستودع ..بعدها رحنا لمستودعين اخرين الى ان حصلنا اللي نبيه ... ولا اكذب عليكم لا خفت ولا شيء..ورجعنا ينبع الصناعيه الساعه اربعه عصرا.. طبعا طريق العوده كامل كنت نايمواخوي يسولف مع نفسه بعدها تجهت للسرير ونومه الى الساعه تسعه ليلاً وبعدها طلعت مع الاهل البحر وتعشينا ..ورجعنا حدود الساعه 2 من ثم دخلت النت الى الساعه 10 صباحاً

وهذا هو يومي بالتفصيل ...واعذروني على الاطاله





وننتقل الآن الى العضوة ... ما بغت أي مقدمات



◄████▓▒░الخـــطوة ملكيــــــة░▒▓████►


في البدايه : كل عام وانتو بخير
وعساكم من العواده

في أول يوم العيد ...

البيت ازعاج فوق ما تتصورون اختيه اتصيح وامي تنادي ع البشكارة غسلي هذا , حطي الفاله , نظفي الميلس من اول ويديد , والبشكاره اتقول ماما انا امس ينظف هذا ميلس , وامي ترد لا ما عليه بعد نظفيه , >>> هذا حال بيتنا الصبح

أما عن يومي ما خليت شي ما سويته , صح انه ممل شوي لكن

حلو بالنسبه لي

الصبح يا ابويه ويقومني حق صلاة الفجر ., وانا معصبه اقوله خلني شويه بس برقد وخلاف بنش يقولي لااااااااااااااا>>> صار بوخماس وامايه أم خماس بسم الله عليهم

يقولي قومي العيد الحين اقوله ابويه بعده الحين الفجر بعدين بنش من الرقاد , سكر المكيف وراح >>> بعد ما شاف انه ما في أمل

المهم نشيت اصلي , ورديت ارقد مرة ثانية

>>> يالله حلات الرقاد وما ادراك ما الرقاد

نشيت ع الساعه 7ونص

تلبست وتكشخت آخر كشخه لدرجه انه اخواني قالولي

وين رايحه عرس ع الصبح

قلتلهم انتو ما يخصكم >>> خليتهم يقلبون ويوهم

بدال ما اقوللهم : عيدكم مبارك , كل عام وانتو بخير , عطوني عيديه , لا هزبتهم

المهم انا في كل هالسالفه اتريا ابويه , عشان اسلم عليه , واتريا العيديه , واقفة عند الباب , عشان العيديه

ودخل ابويه , خشمته وسلمت عليه , سألني على طول صليتي

قلتله هي صليت

قلتله خل السالفه هاي لا تتهرب وين عيديتي >>> قال تريي شويه انزين خليني اتنفس قلتله بعدين ,

عطاني النوط الازرق بو 500>>> جان استانس

وبعدين توجهت ع التيلفزون على طول

عشان الحق اشوف شيوخنا , لكن للأسف كانو مخلصين <<< جان اصيح

وحطيت ع السعودية شفت ملكم يصلي ,

وخلاف شفت اللعيبه السعوديين ياسر رايح يزور المرضى >>> My Heart

المهم , ين خواتي ع الصبح

وكل اهليه من صغيرهم لين كبيرهم ,

ويلسنا لين في الليل سوالف <<< وانا ما عندي شغله غير عطوني عيديتي

وهذا المطلوب من العيد عيديه

وبعد جيه اتصلت في ربيعاتي اهنيهم , واباركلهم , وعاتبوني شويه يقولون تو الناس

وبس هذا اول يوم العيد

وثاني يوم العيد طلعنا الشمال , رحنا الشاليهات , ويلسنا يومين , وردينا العين >>> دار الزين

والحين

Game Over <<< تتحسب انه بلاي استيشن

وكل الشكر لج يا DaL3_UaE

ع الاستضافه .

وهذا يومي بسيط , لكن بالنسبه لي كان يوم حلو

وكل عام وانتو بخير وعساكم من العواده

والسلام عليكم ورحمة الله وبركاته







كنت انتظر يوميات كل الفن هلالي بس الى الحين ماشفتها!!
كل الشكر لج يا
البرنسيسه الزرقاء

تحياتي :

@@ DaL3_UaE @@



اخر تعديل كان بواسطة » dal3_uae في يوم » 15/10/2007 عند الساعة » 02:05 PM
اضافة رد مع اقتباس
  #2  
قديم 15/10/2007, 12:25 PM
الصورة الرمزية الخاصة بـ شـــذى
استشاري سابق بالمجلس العام
تاريخ التسجيل: 26/11/2005
المكان: تحت غيم مثخن .!
مشاركات: 5,776

يعطيك ألف عافية دلع

موضوع رائع للأمانة وصلت ليوميات ريري

بعد الصلاة لي عودة مع بقية اليوميات

دمتِ بكل الخير .



اخر تعديل كان بواسطة » شـــذى في يوم » 15/10/2007 عند الساعة » 01:04 PM
اضافة رد مع اقتباس
  #3  
قديم 15/10/2007, 12:30 PM
الصورة الرمزية الخاصة بـ أول العنقود
زعيــم مميــز
تاريخ التسجيل: 29/04/2005
المكان: ســـــواح ...!!
مشاركات: 2,869
يعطيك العافية أختي دلع و الأخت البرنسيسة الزرقاء

و اللي صاجتني بالرسائل الخاصة كأن الموضوع موضوعها و هي اللي تعبانة فيه
وحداية إماراتية


إقتباس
الرسالة الأصلية كتبت بواسطة dal3_uae

◄████▓▒░ بــــلد الوليـــــد ░▒▓████►


بسم الله الرحمن الرحيم

اول شي شكرا دلع على الاستضافه -> حياة نت

بالنسبه للعيد السنه هذي كان استعدادي له اي كلام
فصلت 3 ثياب قبل العيد باسبوع .
واحد انشق مخباته كامل
وواحد انكب عليه حبر
وواحد قبل يوم العيد بليلتين وانا شايل الثوب ابي اوديه المغسله ,, وينشب المخباة في الباب وينشق
المهم قلت ما عليك يا فيصل ينخاط ان شاء الله
والله الحمد لله شغالتنا سنعه خاطته زين
طبعا رحت للعيد مواصل مانمت الا اقل من ساعه
احنا نظامنا بعد صلاة العيد على طول يكون العيد على احد الكبار عماني يعني
السنه هذي علينا كان
قلنا نخليه بالبيت ولا استراحه البيت ولا استراحه ..,
قلنا لا استراحه احسن رايقين يجون ذا المبزره البيت ويخربونه بالطراطيع
المهم استاجرنا الاستراحه والله كانت استراحه حلوه مره لو اني داري كان صورت لكم بس الشكوا لله
المهم طول اليوم كرررررف
مع ان فيه صبابين لكن الشياب يقولون ما يصلح لازم عيالنا يشتغلون --> شياب السعوديه دكتاتوريين
وخذ يا صب قهوه وملاحق في العمال عامل رايح عامل جاي
وما تدري تضبط الشخصيه والشماغ ولا تمسك العقال لا يطيح وانت تصب
المهم راحت على خير كلها هذي الحين جا الغدا او الفطور او الي يجي اي شي
كنا ناوين نقلط الساعه 10 ,,
والله وجا المطبخ على الموعد ونزلنا الذبايح والببسي وكل شي
لكن فجأه قبل تقلط لقيناهم ناسين الجريش
وصارت مشاكل وين الجريش هات الجريش رد الجريش
وفي الاخير جابو لنا المطعم الجريش على الساعه يمكن 10 ونص
وقلطو الرجال عاد
الحين تحسبونا زي الناس بيخلونا ناكل بعد الكرف هذا ؟!
لا طبعا انتم صغار الشياب اول ياكلون
تبون الجد انا ابوي زبني قالي تعال عادي
خلصنا اكل الحمد لله
الحين مره ثانيه شاهي وقهوه --> ياذا الشياب خرمانين قهوه
الشايب لو تعطيه بنج في المستشفى مايفيد معه من قوة ادمان القهوه
والله اعرف شايب يشرب دلتين ثلاث كل يوم
عاد مره راح المستشفى وما قدرو يبنجونه
يقولون لان جسمه متعود على المنبهات
بعدها راحو الضيوف وخذنا راحه شوي ,,
ونقعد نحش في العالم انا وعيال عماني الي معي
بعدها بشوي خلاص كل الناس عزلت خذنا الاغراض الباقيه في الاستراحه بما ان العيد علينا فاحنا المسؤولين
رحت البيت على نية اني بدخل النت وبعدها انام شوي واروح لاخوالي اتعيد بالليل عندهم
والله وانااااااااااااام من الساعه 4 لما الساعه 2 الفجر
وهذا انا اكتب لكم التقرير الساعه 5 الفجر ايضا
طبعا بعد ما قمت الساعه 2 دق علي واحد قال فاضي ؟َََََ
قلت كالعاده وش رايك اكيد فاضي
مر علي واخذنا لفتين بالشوارع ورحنا د.كيف
واخذت ريلاكسي
واليوم الماصل انتهى بحمد لله واسف على القصور
وكل عام وانتم بخير




◄████▓▒░M e T o O o ░▒▓████►




نبدأ بـ ليله العيد :
كـ عاادتي في كل عيد ليله العيد ما اعرف النوم فيها .. عاادة اطلع اجهز نفسي حلاااقه واطلع الثوب ووو الخ من تجهيزات العيد , السنه هذي ولأول مرهـ العيد قضيته في المدينه المنورهـ مو في الرياض عشاان كذا ليله العيد

هالسنة ما اختلفت عن اي ليله أخرى .. جاالس ع اللاب اقراّ الجزء السابع من رواية هاري بوتر << يا جماعه ذي الروايه اكوس روايه قريتها فيها تشويق موب صاااحي الى قبل صلاه الفجر تقريباً بسااعه بديت اتجهز للعيد ,

العيد :

العيد في الريااض كاان دايم برنامجه واحد بعد الصلاه نسلم ع الاهل , الاجتماع عند عم ابوي كبير الجمااعه .. الفطور عنده .. بعدين نسلم على خوالي , وبعدين نومه الى المغرب , ويبدا عيدنا انّا يالشباب ..

في المدينه .. طبعاً اختلف كل شئ يعني العيد مثله مثل غيره اللهم صلاة عيد والجلسه اللي بعدها ,,

بس صلاه العيد في الحرم النبوي لها طعم غيييير , يحسسك غصب انه عيد .

منظر الالاف او الملايين من الناس من مختلف الجنسيات بحلل جديده ووجوه باااسمه لها طعم غير , من الامور اللي لاحظتها وجود بعض الاطفال اللي يوزعون الحلى والتمر ع المصلين < < فكرة حلووه وجزاهم الله خير !

اللاعب حمزه ادريس كاان من المصلين وبعد الصلاه وقف اخر الشارع وانكبوا عليه الاتحااديه يعايدونه بس صرااحه كان على خلق وكان متبسم طول الوقت .

بعد الصلاه جلست مع الاهل في الفندق < < ما لك الا هم أصلاً , الى الفطور بعدين كملت رواية هاري بوتر . نمت عقبها الى صلاه العصر تقريباً .

بعد العصر ( شدينا ) من الفندق اللي كنا فيه لواحد أقرب للحرم .

جلست ع النت الى المغرب , ودردشة مع ولد خالتي اللي في بريطانيا " الله يردهـ سالم وغانم " .

بعد العشاء طلعت اتمشى في الاسواق حول الحرم , ويا قلب لا تحزن < < المشكله انّا في الحرم

رجعت وجلست ع اللاب امّا اكمل هاري بوتر ولا بريزون بريك << برضو << ,

وهذا عيدي الباايخ للأسف , بس السنه هذي بيبدأ العيد عندي من يوم الاحد ان شااء الله

شاكر لكم حسن الاستضاافه والاستماع ( القراءهـ بالاصح )

وكل عاام وأنتم بخير والله يعيدهـ علينا وعليكم والامه الاسلامية في عز ورفعه وأمان ,

والسلام عليكم ورحمة الله وبركاته .




تحياتي :

@@ DaL3_UaE @@






يا حبي لكم يا فيصل و نايف


كل عام و أنتم بخير و يوميات رائعة و قهوجي ممتاز أنت يا فيصل بـ شهادة شيبانكم


أما نايف المدني فـ عيدك مبارك و عمرة مقبولة و لا في المدينة مافي عمرة صح

نايف , أمس كنت في الظهران و مليااااانة شباب من الرياض و المشكلة مغبرين الكوامري و يكتبون عليها الرياض .. يعني لا تشره إذا سمعت إزعاج

اخر تعديل كان بواسطة » أول العنقود في يوم » 16/10/2007 عند الساعة » 08:45 AM
اضافة رد مع اقتباس
  #4  
قديم 15/10/2007, 12:35 PM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,850
وعليكم السلام ورحمة الله وبركاته ..
*
*
دلع الامارات
الله يعطيك العافيةصراحة مجهود تشكرين عليه والله الموضوع يستاهل كل التعب ما شاء الله
وللي شاركوا معك باليوميات الله يجزاهم خير
هلالي 88 & ابو ناصر & ميتو & كل الفن هلالي & بلد الوليد &قولديست &
الخطوة الملكية & ريري هكتور
مشكورين يومياتكم رائعة اجدتم في الكاتبة
والله استمتعت بقراءتعا ..
*
*
عادي ارجع مرة ثانيه لان بي نوم
في امان الله

اخر تعديل كان بواسطة » مَاهِينُورْ في يوم » 15/10/2007 عند الساعة » 01:35 PM
اضافة رد مع اقتباس
  #5  
قديم 15/10/2007, 12:38 PM
الصورة الرمزية الخاصة بـ LBa your heart
عضو سابق بلجنة الفيديو والصوتيات
تاريخ التسجيل: 13/09/2005
المكان: تعبت أدور بالوجيه انساان يفهم لا حكيت
مشاركات: 4,928
قرييت النص والباقي بعدين

الله يعطيك العافيه يادلع على هالجهد ..نبي مثل هالمواضيع ..مانبي المواضيع اللي أنتي خابرتها

اخر تعديل كان بواسطة » LBa your heart في يوم » 15/10/2007 عند الساعة » 01:05 PM
اضافة رد مع اقتباس
  #6  
قديم 15/10/2007, 12:39 PM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
موضوع رائع

ويوميات جميلة للأعضاء

لي عودة للرد عليها

وتقبلوا تحياتي

يعطيكي العافية دلع
اضافة رد مع اقتباس
  #7  
قديم 15/10/2007, 12:52 PM
زعيــم متألــق
تاريخ التسجيل: 13/04/2006
المكان: . : % Saudi Arabia % : .
مشاركات: 1,076
أخيراً يادلع

..................

بصراحة موضوع يستاهل التعب

ويعطيك الف عافية على المقابلات الرائعه للأعضاء

وكل واحد صار له مواقف بالعيد كانت أما رائعه او طريفة اومخجلة

وكل عام وانتم بخير

تحياتي لك

اضافة رد مع اقتباس
  #8  
قديم 15/10/2007, 12:58 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224


^^^^^^
الحبايب اللي فوق ..
حرروا ردودكم بالله لو سمحتوا ..
الموضوع نزل ..
دلع ارجوك لا تشكريني على اني حليت لك مشكلة التنسيق ..
<<< نصاب ..

دلع ..
يعطيك العافية ..
مجهود تنسيق الموضوع لحاله كبير ..
فكيف بالموضوع كامل ..

الاعضاء والعضوات اللي ذكروا تفاصيل يوم العيد ..
مدري اشوفكم متضايقين من العيد ..
اصلا حلاة العيد ..
اذا قفلت جوالك وسدحتها نومة ..
تعوضك عن سهر رمضان كله وكم يوم من شعبان بعد ..
ودائما اسمع الكبار يقولون ..
" العيد العافية " ..




اضافة رد مع اقتباس
  #9  
قديم 15/10/2007, 01:03 PM
الصورة الرمزية الخاصة بـ زعيم فعال
زعيــم نشيــط
تاريخ التسجيل: 02/08/2005
مشاركات: 797
مشكوره موضوع روعـــه..
تــــــــحيـــــــاتـــــــــــــي‘‘
اضافة رد مع اقتباس
  #10  
قديم 15/10/2007, 01:13 PM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,535
الله يعطيك العافية على المجهود
فكرة حلوة
بس ليش ما كتبتي يومياتك ليش التواضع

شكراً للأعضاء إللي ذكروا تفاصيل يومهم
بلد الوليد كسر خاطري يوم انشقوا ثيابه
وأبوناصر يومه تحيف
وباقي الأعضاء كان يومهم رائع
وكل عام والجميع بخير

ملاحظة : إلى ألحين ما طلعت شماغي من المغسلة من زود القهر
اضافة رد مع اقتباس
  #11  
قديم 15/10/2007, 01:45 PM
زعيــم نشيــط
تاريخ التسجيل: 18/02/2007
مشاركات: 825
يـوهـ دلع الصـراحه موضوع عيدي متعوب عليه < - عيدي


الصراحه انا جالس اقرا عيد بلد الوليد بغيت اصيح وانا جالس بمكاني ثلاث ثياب ولا واحد سلم < - شكل الثياب بعين الخياط ههههـ

بس الصراحه موضوع يستاهل التعب ويستاهل انك تسوينله دعايه وكنت ( اترياهـ ) من يومين

الا اقول طال عمرك مجرجره الاعضاء على وجيههم وكل واحد قالك قصة حياته ليه ماقلتيلنا وش سويتي بالعيد

بانتظار عيدك ووش سويتي به وعساكـ من عوادهـ .
اضافة رد مع اقتباس
  #12  
قديم 15/10/2007, 01:59 PM
زعيــم مميــز
تاريخ التسجيل: 09/04/2007
المكان: , , , , ,
مشاركات: 1,902

ماشاء الله عليك أختي دلع
حقيقة عملٌ جبار وموضوع أعلم أنه كلف الكثير من الوقت والجهد فبارك الله فيك وفي ماقدمت ,,
كل موقف من الأعضاء يقول الحلا والروعة عندي ماشاء الله أسأل الله أن تكون أيامكم كلها أعياد وفرح وسعادة دون مواقف تعكر جمالها أو تنغص فرحتها
000
اضافة رد مع اقتباس
  #13  
قديم 15/10/2007, 02:10 PM
زعيــم فعــال
تاريخ التسجيل: 27/12/2006
المكان: ..... حيث الحريه
مشاركات: 367
هلا دلوعه
قريت مقتطفات لاني برقد الحين ولاقمت اكمل الباقي ان شاءالله

الله يعطيك الف عافيه
موضوع روعه

إقتباس
كل الشكر لج يا
البرنسيسه الزرقاء

ماقدمت غير الواجب ياقلبي
اضافة رد مع اقتباس
  #14  
قديم 15/10/2007, 03:00 PM
زعيــم متألــق
تاريخ التسجيل: 12/09/2004
المكان: al riyadh
مشاركات: 1,451
إقتباس
بلد الوليد كسر خاطري يوم انشقوا ثيابه


إقتباس
الصراحه انا جالس اقرا عيد بلد الوليد بغيت اصيح وانا جالس بمكاني ثلاث ثياب ولا واحد سلم


لا ونسيت اقولكم بعد واحنا راجعين من العيد في السياره اختي الصغيره كتبت على ثوبي بقلم حبر

سلام من الله عليكم ورحمة وبركات --> محد يحس اني ابو صقر


إقتباس
إلى من أعطى الكثير من جهد ووقت ولازال ...ليس حرصا على الموقع فقط ...بل هو أكثر مما هو حرص على راحةالأعضاء ...وجعل من نفسه موقعا يصارع الكبار ...لكي يصبح في القمة ...واستطاع في فترة وجيزة أن يلفت الأنظار ..وهاهوقمة ...

قمة منتدى الزعيم ...ليتحفنا ببعض يومياته في هذا العيد ...
نترككم مع العضو



◄████▓▒░ بــــلد الوليـــــد ░▒▓████►



يؤ يؤ كل هذا انا
اجل خلاص مسكوني اشراف
دلع تسلمين على الكلام الي ما استاهله
قولديست انت ووجهك هذا عيد !؟
توكل على وتعيد زي الناس لا تخليني ازعل

كل الفن هلالي,,, كيف السحبه

الخطوه ملكيه قعدت اقرا يومياتك ومعي قاموس

متى ما زانت الظروف نحاول نرد زين ان شاء الله
اضافة رد مع اقتباس
  #15  
قديم 15/10/2007, 04:18 PM
كاتب مفكر بالمجلس العام
تاريخ التسجيل: 22/11/2005
المكان: في زمنٍ حياديّ
مشاركات: 1,848
إقتباس
الرسالة الأصلية كتبت بواسطة بلد الوليد
سلام من الله عليكم ورحمة وبركات --> محد يحس اني ابو صقر

خخخخخخخخ
ياخوي لا جيت تسرق.. اسرق زي الناس

أما ثيابك.. تحزن القصة..
شف وجهي >>

وعليك نومة ما شاء الله تبارك الله


ما ادري ليش كل ما كتبت اتخيل واحد يشبه رابح صقر يكتب
و والله كنت ابي اكتب شي هنا بس ناسي وشو
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:11 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube