السلام عليكم ورحمة الله وبركاته
اما بعد
الأخوة الأعزاء أعضاء وقراء منتدى الزعيم أفيدكم بأن هذا الموضوع هو أول موضوع لي في هذا المنتدى الكبير وإن شاء الله يجعبكم
أولاً أعتذر على كتابة الموضوع باللغة العامية
ثانياً إذا وجد أي خطأ أملائي أرجو من الأعضاء تصحيحه في ردودهم لي
قبل كم يوم رحت عند واحد من معازيبي الله يطول في عمره وجلسنا على السفرة نتعشا وكنا نسولف عن بعض الجرائم السرقات اللي تصير في الرياض وباقي المدن المملكة والعالم
المهم
في واحد من اللي كانو معنا على السفرة قال لنا قصة قسماً بالله تقهر وفي نفس الوقت مضحكه
يقول الاخ والعهده على الراوي
مره من المرات في واحد جا يدخل بيته وشاف دينّة كبيرة (ونيت نقل متوسط الحجم) واقفة عند باب عمارتهم اللي يسكن فيها وكانو في ثلاث اشخاص لابسين فرهول ازرق وفاتحين شقة جارة ويشيلون المكيفات حقت جارة وكان جارة مسافر برا الرياض
المهم سألهم وقال لهم ابوفلان جا من السفر
قالو له ايه جا بس الحين هو راح مشوار وقال لنا طلعو مكيفاتي ونظفوها وسو لها صيانة ورجعوها
وبعدها المسكين طلب من الاشخاص نفسهم بأن ياخذون مكيفات بيته وقال لهم
تكفون انا بعد عندي مكيفين ابيكم تنظفونها لي وتجيبونها مع حقت جاري
وبعدها جلسو يطالعون فيه وقال لو له بصراحه مانقدر السيارة ماتكفي
والمسكين جلس يترجاهم لين خذو مكيفاته
ههههههههههههههههههههههههههههههههههههههه
المهم
بعد يومين جا جار الرجال من السفر وتقابلو عند مدخل العمارة
وقال له
يافلان عمال الصيانه اللي انت ارسلتهم ياخذون مكيفاتك خذو مكيفاتي ولا رجعوها إلى الأن
طالع فيه جاره وهو مقهور وفيه شوي ضحكه وقال له أي عمال وأي بطيخ هذولي حراميه سرقو شقتي وانت يالمخفة خليتهم ياخذون مكيفاتك معهم
بس ما اقول الا حسبي الله ونعم الوكيل
تبون الصراحه والله هذا شي يقهر
لذى نصيحه اخوية لكل واحد ساكن في عمارة او في بيت عادي خل علاقتك بجارك قويه واحرص عليه وانتبه له وشف وش يبي وخله هو يشوف وش تبي عشان ما تصير لكم مثل هذي الحركات اللي مالها داعي
صدق رسول الله لما أوصى بالجار في حديثه وهو
يقول صلى الله عليه وسلم (مازال جبريل يوصيني بالجار حتى ضننت أنه سويرثة ) رواه الترمذي
هذا والسلام عليكم ورحمة الله وبركاته
محبكم في الله وسائق الليموزين / كبرياء إنسان
ffice" />بسم الله الرحمن الرحيم
الوضع العادي
