ابغى صور سيارة كورفيت و موستنق من موديل 80 الى 2000 واسعارها

واذا ماعليك امر صور سيارات كوبيه من موديل 80 الى 2000 ايضا و اسعارها


علما ان ودي اشتري كورفيت او موستنق واي سياره سبورت قويه بس افضل انها تكون قديييييييمه وش تنصحوني بسيارات قديييمه كويسه واذا كان لها صور حطها هنا الله لا يهينك

وكم اسعار هالنوعيات من السيارات ووش تنصحني اشتريها والا بيكون فيها خرابات وقطع الغيار متوفره والا لا

واذا عندك نصايح زياده لا تبخل علينا الله يعطيك العافيه

....
...
..
.

GooOooL
وعليكم السلام .. حيـاك الله ..

قبل لا اجاوب عليـك هالموضـوع هذا مفتوح للجميـع انه يجاوب عليـه .. لكن لو تلاحـظ الأجـوبة كلها انا اللي اجاوبها ..
وعسـاي ألـحق ..وماله داعي تعصب وانا أخوك اذا تأخرنا اعذرنـا ..

بالنسبة للمبه مادامك تقول مغيـر الزيـت ومولعـه اللمبـة عندك .. أكيد فيه التمـاس بالأسلاك عنـدك .. والحل
تروح لأقرب كهربائي وماتكلف شـيء .. ,.,

----------

أخلاق هلالـي .. فيه خيارات كثيـرة ..

أهمها وأحلاها الأفـالون .. الأوريـون .. جيب لكزس RX موديل 2004
LS 430 موديل 2002 ..

فيه كثير بس هذا اللي بجعبتي ..

--------

^^^^^^^^^^^
ياخوي وش فيك سحبت علينا

مالنا رب يعني!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

على العموووم آاسف ع الازعاج

أخوي My car
تحيتي لك ...

المشكلة برمجية في كومبيوتر السيارة وأعرف أكثر من واحد عندهم نفس المشكلة في نفس السيارة ..
علشان كذا أعذرك وأنا أخوك لأن مستحيل تكون إنت الوحيد إللي تجاوب ... ومستحيل تكون عندك خلفية عن جميع أنواع السيارات ..
وأغلب إللي يدخل منتدى السيارات مايدخلون موضوع الإستفسارات...

فأنا أقترح عليك فتح موضوعي والمواضيع المشابهة ..
وحصر موضوع الإستفسارات في طلبات البيع والشراء مثلا
لأن الأسئلة وخاصة الميكانيكية يبغالها ناس ميكانيكيين واللي يعرف في سيارة يمكن ما يعرف في سيارة ثانية ...

أرجو أن يكون قصدي مفهوم ...
والله يعينك ويوفقك ...

بالنسبة لأخوي اللي سال عن الـE 280

عن المحـرك .. :
القوة القصوى (قدرة حصانية / دورة بالدقيقة) 231 @ 6000
السرعة القصوى (كم / ساعة) 238
العزم الأقصى (نيوتن متر / دورة بالدقيقة) 300 @ 2400-5000
التسارع (من 0 إلى 100 كلم / ساعة) بالثواني 7,9
عدد الاسطوانات V6
السعة (سم مكعب) 2996
سعة خزان الوقود 70/8
استهلاك الوقود ( لتر / 100 كلم) 9,85
الوزن الصافي / الإجمالي للمركبة (كغم) 1785/2360
قياس الإطارات 225/55 R 16
الطول / العرض / الإرتفاع (ملم) 4850/1822/1495

طبعا السيارة يتوفر فيها نظام ملاحـة .. وتبريد للمقاعـد .. وتلفـون أنوار زيـنون ...

هذا اللي قدرت أعرفه عن السيارة وللأسفـ بالقصيم ماعندنا وكالـة للجفـالي وإلا كان رحت سألت عليه وجبت لك
تقرير

---------

الرعد الهلالي ..

الله يسامحك ويهديك على هالكـلام .. صبرك علينا شـوي .. جايك الدور .. ,.,

بالنسبة لسؤالـك .. الجيب اللكزس مايقدر يطلع على الماكسيما ..

-----------


اخوي الزعيم تفضل هذي صور للكورفيت

موديل 2000



موديل 99



موديل 95



------------

GOOOL ..

طيب دامك عارف اخوي ان المشكلة في برمجية السيارة ليش ماتضبطـه .. فيه ورشات متخصصة للفـورد اذا كنت ماتبي الوكالة ..
بالنسبة لموضوع الإستفسارات .. الموضوع هذا جدا ضروري .. لأنه لو ألغيت هذا الموضـوع بيكـون أغلب المواضيـع استفسارات
وهذ بيشـوه جدا منتدى السيارات .. وهذا الموضـوع ينظم منتدى السيارات بشكل كبير .. عموما شكرا على رايك .. ,

-------

أخوكم
M y Car

السلام عليكم اخوي my car

بغيت اسألك عن اسعار الجاكوار s-type

بغيت سعر الفل كامل والنص فل

وهل لها قسط؟ وكم قسطها؟

وياليت ترفق لي صور الله لا يهينك

اخوي ركـود .. للأسف مالقيت معلومات عن سعر السيـارة بحث في أكثر من موقع .. ودخلت موقع الشركة
ولا لقيت اسعار .. ولا عندنا وكيل جاكوار ( السيف ) في القصيم وإلا كان رحت لعنـدهم وسألت ..

اعذرنـا ..

مشكور اخوي my car على الجهد اللي تبذله

معذور..

الاخ ماي كار

اولا ثقتنا فيك كبيره

ولهذا نكثر الاسئله

اخوي ابي رايك بصراحه

اليكون الدنيلي الفل سعره مايقارب 190 الف

هل الامكانات توازي السعر ومن فضلك معلومات عامه عن السياره

وماذا يكون البديل بسعر مقارب للسعر المذكور

بشرط ان تكون عائليه

ولك جزيل الشكر

اخوي ماي كار كيفك ومشكور على الجهد الكبير اللي تسويه وبصراحه ماقصرت يالذيب

عندي كم سؤال وياريت تفيدني

اليوكون الشكل الجديد كم اسعار المستعمل النظيف وهل يجي انواع وفئات وش رايك فيه

كم اسعار جيب هدد2005 -والباثفندر الاسود فل كامل 2005

واذا خبرت لي شي نظيف من اللي سألتك عنهن تراي جاد وناوي اشتري لأني تعبت ادور ومالقيت بمعارض بريده

ولك مني جزيل الشكر والتقدير

MY Car
مشكور على جهودك صراحه
وانا اشوفك بس مكروف كرف مو طبيعي

لكن انا سؤالي بسيط
النترا 2007 او 2008 اللي اعرفه ان مافيه فرق بينهم
طيب النترا فل كامل فيها فتحة ؟؟ وبكم الفل كامل
وبكل الفل اوبيشن
طبعا قير اوتوماتيك

إقتباس الرسالة الأصلية كتبت بواسطة هلهول الزعيم MY Car مشكور على جهودك صراحه وانا اشوفك بس مكروف كرف مو طبيعي لكن انا سؤالي بسيط النترا 2007 او 2008 اللي اعرفه ان مافيه فرق بينهم طيب النترا فل كامل فيها فتحة ؟؟ وبكم الفل كامل وبكل الفل اوبيشن طبعا قير اوتوماتيك

my car
خلاص اخوي شيل الالنترا من راسك
بس بغيت استفسر عن اسعار الكوابرس في الوكالة 2006 الرويال والاس اس والاس
واذا قدرت اللومينا برضو تكون احسن واحد بالعالم
اوتوماتيك بجلد و بدون فتحة

ركـود ركـود .. جنا حاضرين للطيبيـن .

---

فاضي مسوي قاضـي ..
بصراحة اخوي اشوفـه غالـي .. ومايستاهـل ..

الموتـر حلـو وممتـاز جدا .. لكن بهالسعر هذا أقـدر أفكـر بـأشياء ثانيـة أفضـل بكثيـر ..

عندك جيب لكزس LX 470 موديل 2006 مستعمـل خفيـف .

وبرضـوا تقـدر تاخـذ كايين اس موديل 2005 أو 2006 .

وفيه الإسكاليـد روعـــة موتر بطـــل رهيـب .. بس سعره مايقارب الـ270 ألف

فيه الانفنيتي QX56 سعره بـ185 ألـف

فيه الأكسبديشن حلـو

أتمنى أكون جاوبت على سؤالـك .. واذا عندك أسئلـة انا حاضر وبالشـوفه ..

------------

زيـزو الهلال .. حياك الله .. وتعبـكم راحـة ..

بالنسبة لسؤالـك ..

اليوكـن فيه له عدة أنـواع وفئـات .. ويتوفر بثلاث فئات الأولى SL وهي أقل المواصفات والثانية SLE وهي بمواصفات متوسطة والنوع الأفخم هو SLT
وفيه الدينـالي ..

انت علمـن وش اللي تبـي من هالفئـات وأعطيك الأسعار ..

بالنسبة للهـدد أسعارهن على حسب مواصفـاته بونش وإلا بدون .. بفتحة وإلا لا .. قير عادي أو لا ..

لكن بالغالب يتراوح مابيـن الـ100 إلى 110 .. خصوصا اذا كان اللون ذهبـي يمكن تلقـى أرفع من هالسعـر ..

عنـد اخوي هدد 2006 فل كامل لون ذهـبي ماشي 85 ألف مسيوم 130 ألـف ... اذا جازم ارسلي رسالـة خاصـة

وبالنسبة للباتفندر .. اسعار الـ2005 فل كامل مابيـن 60 إلى 70 ألـف .. واعرف لك واحـد معه باتفـندر فل كامل

لون أسـود حادة بـ70 ألف ..

-----------



-----------

السلام عليكم
1- أريد سعر (التقصيد)الكامري 2008 فل قير عايدي وهل نزلت الأن أملا ومتى بنزل
2- سعر الأكورد 2008 فل كامل وهل نزلت أم لا ومتى بتنزل
......................................
ملاحظه :
بعد أذنكم اريد الأسعار أليو لاني في العسكريه
ودمتم بود

اخوي ماي كار ابزعجك ابي اسعار كل فئات اليوكون الشكل الجديد بس مستعمل

بالنسبه للهدد اهم شي توماتيك والباقي مو مهم

وانتظر ردك يالغالي