تحدث الي زميل وقال قررت اتزوج فقلت له وفقك الله وترانا نعين ونعاون .

فذكر لي بان اهلي سألوني ماهي مواصفات الزوجه التي تريدها هل تريدها بيضاء ام شقراء طويله ام قصيره نحيفه ام بدينه فتشتت تركيزي ..
فذكرت لهم باني اريدها ذات دين وخلق ومتعلمه .

السؤال الذي هو محل نقاش الان :

هل المواصفات اللي ذكروها اهل زميلي مهمه كي يختار زوجه المستقبل ؟ مع اخذ في الاعتبار بان هذا زواج وليس سلعه .

وفي الاخير :

اهم شي الاخلاق

اهم نقطه الاخلاق لان هذا بينعكس على الابناء
والجمال ضروري لكن بعد الاخلاق
ومحظوظ من كانت شريكة حياته تجمع الصفتين

مثل سارهـ اللي في مسلسل " بريزون بريك " .. !!

انا بصراحة نفسي اتزوج لكن جالس اقول لنفسي ابنتظر سنتين

ليش مستعجل؟؟؟؟؟وش رايكم؟؟؟؟؟

أكيد المواصفات مطلوبة


ومب اذا طلب الشاب مواصفات معينة نقول انه كأنه يطلب سلعة !!!


كل شاب له ذوق ويبي يختار شريكة حياته اللي تناسبه

إقتباس الرسالة الأصلية كتبت بواسطة ««× هلاليــــه ×»» اهم شي الاخلاق

وحب الوطن

...
أهم شي تكون ذات دين وخلق وابيها مثل مايبيها الشاعر ناصر القحطاني


خويت درب عمري ماخذاني دونهـا النسيـان=
وأنا ياهل الملامه مارغبـت العيـش وحدانـي

ابيها مهرة ماعسفت صغيـره وبنـت حصـان=
أبوها اللـي يفـك المشكلـه ويزبـن الجانـي

أخوها لاتعزوى باسمهـا فـزوا لـه العربـان=
يحق الها الفخر فـي قولـة آل فـلان جدانـي

ابيها فـي بحـر عشريـن لازود ولا نقصـان=
أبيها اقصر طويله والوصوف اشكال و الوانـي

أبي الجبهه كما الصبح وكما القوس أسود الحجان=
وابيها ناعسـات ونرجسيـه سـود الأعيانـي

ابي رمش كما ريش يغطي الثلج في الأوجـان=
وابي جفن يشيل الرمـش طربـان و كسلانـي

وابي خد كما ورد تنمى فـي طـرف بستـان=
وابي خشم صغير ومثل حد السيـف شامانـي

ابي البسمه كما البرق وثناياها كمـا المرجـان=
وشفاهـا جمرتيـن وفمهـا خاتـم سليمـانـي

ابي شعر كما ذيـل الفـرس لا طبـت الميـدان=
او الشلال لامـن بـات ليلـه بيـن الامتانـي

ابي جيد سـواة ابريـق فضـه ناتـق مليـان=
وصـدر كنـه مرايـه عليهـا طلـع رمانـي

ابي ظهر كما الجدول وقدن مثل غصن البـان=
وخصر مثل مجدول العنـان وجسـم رويانـي

ابيهـا نابيـة ردف وبطـن ضامـر جوعـان=
ابيها مدمجـة سـاق وقدمهـا لسـان ثعبانـي

ابيها بنت عـز مـن رغدهـا ينعـم الفستـان=
ابي الرقه وابي الدقـه لهـا باطرافهـا شانـي

ابي المشيه كما اللي طالع من المعركه كسبـان=
وابيها ترش مع خطواتهـا مسـك وريحانـي

ابي صوت إلى مني سمعته كـن فيـه الحـان=
يدغدغ مسمعي ويثير كل السحر ف.. اشجانـي

ابيها حب واخلاص وهواجيس وفرح واحـزان=
ابيها مثـل دكتـور اهالـي العشـق وصانـي

ابيهـا لوحـة ماصورتهـا ريشـة الفـنـان=
ابيهـا جوهـرة ماجابهـا قاصـي ولادانـي

ابيها تنتصر لي مـن زمـان حطنـي نيشـان=
وتبشـر بالغـلا اللـي مالفابـه واحـد ثانـي

مهرها قلب وشعـر يهـز القلـب و الوجـدان=
والبسها القصيـد وتصيـح اوزانـي وقيفانـي

ابي اللي فات واللي فات صعب ومن لقى العنوان=
يرد العلم وإلا افضـل ابقـى اعيـش وحدانـي


نسيت اضيف شي أبيها مثل وضحى لاقالت ياعييين أبوي
مثلاً:
ياعين أبوي تبي أحط لك الزاد الحين؟ زاد =أكل

ياعين أبوي تبي شي بارد؟

ياعين أبوي عطني حوووبه <-قويه صح ..متأثر بمسلسل نمر بن عدوان

بالنسبة لي

الاخلاق
الجمال <<<مهم جدا بس مو اهم من الاخلاق
مممممممم تكون صغيرة مو عجوز
متعلمة ماتكون جاهلة

واذا جا وقت الزواج اكيد بيكون في تفاصيل مملة


ثانكس على الموزوع الحلو

هلا وغلا اخوي

لازم تكون تحيفه ..تحيفه ..تحيفه

والاهم تكون دينه ...فاذا كانت دينه فاخلاقها بتكون تمام


لكن اقولكم شيء ...كل شيء قسمه ونصيب

عندي اثنين من اخواني تزوجوا ....يعني عندي خبره في مثل هذي الامور

واحد منهم قال للوالده الله يحفظها

لازم تكون طويله ...وشعرها طويل يوصل الى اسفل ظهرها ...وشروط اخرى ما لها داعي

في الاخير تزوج وحده الطول في وادي وهي في وادي ...وشعرها ما فيه من الطول شيء...لكن شافها وراحت علومه معها



فاقولكم كل شيء قسمه ونصيب








سلاااااااااااااااااااااام

أهم شيء الدين ثم الطيبة ثم الأخلاق ثم العلم

و لا الجمال بيروح مع الزمن

و الجمال جمال الروح

و الله يووفقنا جميعا في اختيار المرأة الصالحة

شوري عليك رح أمكن خويك وقل له لا تعرس


وان كانه ملزم يعرس فقله أهم شي التوفيق ولاّ ياكثر المواصفات اللي يحتسى عنه


فمااان الكريم،،

بحكم لى تجربه في هذا الموضوع احب ان تكون
نحيفه
شعر طويل
جميله
اخلاق
العمر لايتجاوز18
اللون حبشى او ابيض
شكلى اتحلم والظاهر مافيه امل تجربه ثانيه وخلني اطلع قبل ماتجى ام العيال وتكسر الجهازعلى راسى