يا جماهير الرياض .. تراكم والله فشلتونا .. !!

وينكم في دورة الخليج ( بإستثناء الأفتتاح ) ... !!

إلى هالدرجة ما يهمكم منتخبكم .. ؟؟

والله الدولة مدلعتكم في حطتها للمباريات عندكم .. ؟؟

إيش رايكم لو كانت في جدة وإلا الدمام ...

يا ناس والله حرام عليكم المباريات عندكم وكلش عندكم ومع ذلك .. ( الحضور ؟؟؟؟؟؟ )

أنتم شفتوا البطولات الماضية .. في عمان ، الأمارات .. كيف كان الحضور .. ؟؟

والله مالكم عذر .. ؟؟

الجو ( حلو ) على الأقل أحسن من الشموس .. !! والمنتخب يقدم مستويات ممتازة .. !!

والتذكرة بسعر عادي .. ؟؟ والوقت مناسب .. ( لا إختبارات ولا غيره .. )

إذا لم تحضروا وتؤازروا منتخبكم الآن فمتى ستؤازرونه ... ؟؟

منتخبكم في أمس الحاجة إليكم .. فبطولة الخليج هذه لن تقام مرة أخرى في أرض المملكة

إلا بعد ستة عشر عاماً ( إن الله أحيانا ) ... !!

المشكلة الأخرى أن ( جماهير الرياض ) قد ضرب بها المثل بأنها ( الجماهير الصامته ) ..

فحينما تراها في الملعب تحس أنها مو قاعدة تتفرج على منتخب يلعب كورة ..

تحس إنها جايه تقدم عزاء أو تواسي أحد مسوي مصيبة ... ؟؟

إلى متى يا جماهير الرياض .. ؟؟

يعني الواحد منكم مستكثر ( تصفيق ) وإلا ( تشجيع ) على فريق بلده ...

الله يرحم أيام زمان الواحد ( يقعد ) ثلاث أيام بعد المباراة مايقدر يتكلم من ( تشقق ) الحلق

واليدين تلقاها ( وارمات ) من التصفيق ... !!

إحنا والله ما قلنا لكم .. ( نبغى أمواج مكسيكية و إلا أهازيج نابولية ) .. ؟؟

إحنا ما نبغى منكم إلا ( التواجد والتشجيع ) في الملعب ... ؟؟

واذا استمريتوا على الحاله هذي شكلنا بنجيب طلاب الكليات العسكرية ونصير زي

مصر والإمارات علشان يشيلون هم التشجيع عنكم ...

( أتمنى ألا تفهموني غلط ، وأن تسامحوني على القسوة ) ..

ياليت البطولة عندنا هنيا في القصيم كان نوريكم الجمهور السنع ....

هذه الزيادة أضفتها بعد أن قرأت بعض الردود

وهي لماذا لا يقوم بعض رجال الأعمال المقتدرين بشراء تذاكر المباريات . وتوزيعها مجاناً

على الجماهير الرياضية ..

كما فعل رجل الأعمال ( الفدا ) مع جماهير الهلال العام الماضي ..

كلامك صحيح ..

وشي الصراحة غريب..

جماهير الرياض وش تبغى أكثر من كذا .

المبارة عندكم .. وين الحضور...

اشكرك اخوي على غيرتك هذي لاكن اصلا المسؤلين مايبغون الحضور الجماهيري.............
والا بالله عليك سعر التذكره عادي ورا الباب 25 (طبعا لو ان
عقلي بيدي ماحضرت ورا الباب الدرجه الاولى اللي( كانت الثانيه)
35 ريال اضربها في 6 مباريات منتخبنا بس........يعني 210 ريال
هذا اذا كنت بالحالي طبعا ماحد بيروح لحاله اما مع خواياه وتعرف عاداتنا اللي يحاسب واحد (سلوم البدو) هذي ماهي مشكله نقول كل مباراه على واحد طيب اذا كانو اخوانك بيروحون معك حلها عاد .........
وش رايك مباراه وحده حضرتها 140 ريال يعني ربع المكافأه معي 3 من اخواني ......اللي على الشرهه صحيح المسؤلين اللي أقدر أقول نائمـــــــــــــين.....ها توافقوني الراي ان هذا هو السبب؟؟؟؟؟؟؟؟؟؟

أخوي المنضار .. صحيح أنا أوافقك الرأي..

التذاكر سعرها عالي جداً

بعد السلام والتحية يسرني ان تكون هذه المشاركة الاولى لي في هذا المنتدى الافضل رياضيا فجماهير الرياض جماهير ذواقة والدليل بطولة القارات 97 حيث كان الحضور الجماهيري في الادوار النها ئية مايزيد على السبعين الفففففففففففف متفرج وهناك فرق بين نجوم تلك البطولة وهذه البطولة ودمتم

هم من اسباب العزوف فكيف لطالب الحضور ودفع 35 ريال
غير قيمة البنزين والوقت المستغرق الى الملعب وقيمة الوجبة
بعد المبارات واثنائها علامات كثيره تحتاج الى اجوبة هل هم
يستخفون بهم لشفط مامعاهم؟!؟!؟!؟!؟!؟!؟!؟!؟!؟؟

الأخوة ...
المنضار ، الزير فيصل ، هلالي جداً ، الممنوع ...

ومع هذا أقولكم هذا مو عذر الـ ( 35 ) ريال الواحد منكم يدفعها في شريط أو عشاء

أو في سوق أو فاتورة جوال ... وهذا مو عذر ...

يجب على رجال الأعمال شراء التذاكر وتوزيعها مجاناً على الجمهور ...

للرفع

لو كانت التذاكر بأسعار رمزية لرأيت الجماهير
ولكن غلاء ثمنها أحد الأسباب التي أدت إلى عزوف
الجماهير السعودية عن الحضور وهم إذا أرادوا
جماهير ليش ما يقولون مجانا
على الأقل المباراتين الأخيرتين عندها سترى الجمهور
35 ريال أظنها كثيييييييرة مرررررررة وليعلموا أن المسألة
رياضة وليست نهب واستنزاف لأموال الآخرين ..

اقول ليت المباريات بالشرقيه والابجده
ااااااااااااه والف اه
واللي يبي الصلاه ماتفوته
ويفهمونها اهل الرياض

انا معاكم في هالنقطة
لكن لازم تراعون نقطة مهمة وهي ان استاد الملك فهد كبييييييير جدا يعني عشان يبان انه فيه جمهور متوسط لازم يكون ملياااااااان ... اما في جدة او الدمام او حتى ملعب الملز في الرياض تعتبر ملاعب صغيرة الى حد ما يعني شوية جمهور تبين الملعب ملياااااان !!!!!

انا مع الاخ مانشستر الملعب كبيييييييييير بقوه يعني الجماهير اللي حاضره لو هي في الملز ولا في ملعب رعاية الشباب في جده كان عرفتوا انهم كثــــير .......

وبصراحه برد من جد وهذا السبب اللي مخليني ما أحضر المباريات

والله جمهور يفشل
آه لو اني في الرياض كان خليت 100 غيري يحضرون

والله انا ضد اللي ينتقد الجمهور لعدة اسباب :
1- التذاكر غاليه .... ممكن انا وانت والثاني والثالث يقدر يدفع 35 لكن غيرنا لا ( ليه بالسعر هذا ؟ ليه ما اسمترت على 20 ) .
2- الملعب جدا بعيد عن مناطق عديده في الرياض .
3- درجه الحراره في الرياض جدا منخفظه 10 درجات في الليل .
4- المستوى رايح فيها والجمهور يبي فوز ومستوى .
5- الملعب جدا كبير ولا يوضح فيه كثافة الجمهور لو شلنا هالجمهور ووديناه لملعب جده والا الشرقيه كان ملا ملعبين مو واحد منهم .
6- لا تنسون جمهور مباراة الكويت .
7- لا ننسى انها في وسط الاسبوع .


الوعد يوم الاربعاء وبتشوفون

اخواني الاعزاء
عدم حضور الجماهير غريب جدا لكن ممكن يكون معاهم حق اذا نضرنا الى :


1- النقل الفضائي المغري بوجد الاخراج والتعليق والتحليل

2- الاداء الباهت من جميع الفرق وبدون استثناء

3- بعد الاستاذ عن بعض المناطق المجاوره

4- وقيمة التذاكر


ولكم تحياتي