بربسة ,, مابعد مباراة نجران - نادي الهلال السعودي - شبكة الزعيم

زعيمنا الغالي · #1 01/10/2007, 04:51 AM

السسسسسسسسسسسسسسسسسسسسسسسسسلام عليكم ..

وش صار ياجماعة ؟ .. وش صار بالمنتدى ؟؟ ..

وراكم كذا .. تقل نمل قبل الشتاء ههههههههههههههههههههههههههه

كلن يراكض ويكتب .. من لاعب للاعب .. وتقطيع وحش ..

انا قلتها بكذا رد وكتبت موضوع ..

وقلت ياجماعة الخير السبب الرئيسي والاول لضياع الهلال ومستواه ..

هو الجمهور ... الجمهور ياجماعة اللي حضر مباراة الوحدة ...

لو اني لاعب وكل مامسكت كورة اشوف جمهور فريقي يقول ووووو ويامدري وياللي بك ومابك

وقسم بالله لأترك الكورة واصيح هههههههههههههههههههههههههههه

ياجماعة .. انتم السبب باهتزاز اللاعبين وفقدانهم الثقة ...

مافيه سبب ثاني غير الي يطلع لي كل يوم بلاعب ويشرشح به ..

صح المفرج ضيع الهلال ... كثير بنكباته ..

بس مافيه أحد كويس .. لا مرشدي ولا غيره ... لاحد ينط لي يقول مرشدي

صح الظهير الايمن ضعيف .. بس برضو سبق وقلت العنقري لاعب وسط مهب ظهير ..

المنتدى فيه الحين اشياء تضحك .. تموت من الضحك ..

والله اذا فاتتني طاش ما طاش افتح منتدى الزعيم علطول

.

طبعا مافيه لاعب سلم من الانتقاد والحش .. حتى بعضهم بدا يتشفى باللاعبين ..

واحد حاقد على ياسر .. تلقى ياسر مخرب بينه وبين احد (عزيز عليه )

ثم يبدا يتشفى بياسر ..

واشوف الدعيع وصله حش مهب صاحي .. والموسم اللي راح كان الدعيع نجم الهلال ..

يعني مافيه منطقية ...

اذا بعد كل هزيمة نبي نحمل لاعب المسؤولية وكأن اللاعب ملاك مايغلط ابد ..

وثم نطالب بطرده من النادي ونقعد نحط تواقيع عز الله اللي ماصار عندنا لاعبين ..

وبصراحة ماستبعد الامير بندر بن محمد يصير ظهير ايمن عام 2009

ياجماعة اللي تعرفون ان الهلال نادي مثله مثل غيره .. يفوز مرة ويهزم مرة ..

يجيه موسم جفاف بطولات .. بس يرجع ويروي ضماه ببطولات ..

هو الصبر ... الصبر ياجماعة بس ..

التشكيلة المتوقعة للهلال بعد سنتين ..

الحارس : محمد ناصر محمود

الدفاع : وليد ناصر .. فهد الراشد .. عبدالله متولي .. سالم الناصر

الوسط : احمد حمد .. بشير حمد شنان .. يعيش صالح .. عباس النوري

الهجوم : فهيد منصور .. واحد ماعرفه

فكونا من المواضيع وياليت نصير واقعيين .. ونصبر

وترا هذولا لاعبيننا ... عاد زين شين مانتب شايفين غيرهم

زعيمي للأبد s.f.3 · #2 01/10/2007, 04:59 AM

والله لوووووو تكتب الين بكره محد حولك

الله يعين بس

Sami is legend · #3 01/10/2007, 05:27 AM

اما التشكيله كلام كبير بس وين ابو شهاب

عاشقه الزعيــم · #4 01/10/2007, 05:32 AM

هههههههههههههه ..

ضحكتنـــا ومــاودنــا نضحـــكـ ..؟!

إقتباس


	اذا بعد كل هزيمة نبي نحمل لاعب المسؤولية وكأن اللاعب ملاك مايغلط ابد .. وثم نطالب بطرده من النادي ونقعد نحط تواقيع عز الله اللي ماصار عندنا لاعبين

..

هــذا حــال الجمهــور .. قضــوا مـن المفـــرج بــدّوا بيـــاسر

..؟!

اللــّــه يعينهـــم بــس ..!!

عــوافي

abuanwar · #5 01/10/2007, 05:43 AM

ههههههههههههههههههههه

يعطيك العافية

محب الجوهره · #6 01/10/2007, 05:48 AM

مصيبه والله مصيبه

ذو القلب الأزرق · #7 01/10/2007, 06:04 AM

جبتها على الجرح بس مهوب كنك ما دريت

طلال الحزين · #8 01/10/2007, 06:08 AM

جبتها على الجرح بس مهوب كنك ما دريت

القبه الزرقاء · #9 01/10/2007, 06:11 AM

كلامك حلو بس بدون فايده

الكبيتانو · #10 01/10/2007, 06:31 AM

التشكيلة المتوقعة للهلال بعد سنتين ..

الحارس : محمد ناصر محمود

الدفاع : وليد ناصر .. فهد الراشد .. عبدالله متولي .. سالم الناصر

الوسط : احمد حمد .. بشير حمد شنان .. يعيش صالح .. عباس النوري

الهجوم : فهيد منصور .. واحد ماعرفه

هههههههههههههههههههههههههه تشكيله روعه صراحه وعلى فكره المهاجم الثاني اللي انت ما تعرفه هذا انا واسمي مطفىى حلمي

هههههههههههههههههههههههههههه
ما بعد شفت شي وما زال للحش بقيه

الكبيتانو · #11 01/10/2007, 06:37 AM

^^^^^^^^^^^^^^^^^^^^ مصطفى قصدي هههههههههههههههههههه

الرقيـــب · #12 01/10/2007, 06:54 AM

كلامك صحيح 100%100 بس من الي يفهم
شوف جمهور برشلونه ولا ريأل مدري والانديه هذي أخذ1 خسرو وقفو الجمهور ويصفقون لهم ويحييون لاعبينهم < يدرون ان اللاعبين انفسهم ودهم يفوزون بس قسمه ونصيب
وشوكرن < علىآ الموضوع الحلوٍ

تــوفــي · #13 01/10/2007, 07:16 AM

برافو كتبت كل شيء بشكل مختصر بس غريبه ماني شايف بالتشكيله حمود الفشقه و ابو ركبه

هلالي الطنايا · #14 01/10/2007, 07:36 AM

هههههههههههههههه

تسلم يالغلا فكيت عنا شوي وربي
قهر وبالرياض بعد

زعيمنا الغالي · #15 01/10/2007, 10:49 PM

مشكورين على المرور