هل يصل صوت أعضاء المنتدى لإدارة ولاعبين الهلال ؟؟ - نادي الهلال السعودي - شبكة الزعيم

ابو طـــــلال · #1 01/10/2007, 04:41 AM

بسم الله الرحمن الرحيم

السلام عليكم ورحمة الله وبركاته
اعضاء منتدى الزعيم تحية طيبه وبعد :

سؤالي هل تصل اصوتنا في المنتدى إلى اللاعبين .. وإلى الإداره ..

هل اصوات الأعضاء في مجلس الجمهور الهلال مسموع ذوو فائده مرجوه

او مجرد مواضيع تكتبها اليوم تجدها في الصفحه الثانيه من بكرا .. ومرات تلقا موضوعك بالصفحه الثانيه بعد خمس دقايق اذا كان وقت كتابة الموضوع بعد مباراة مهمه !!

الهلال مو هلالنا اللى نعرف والله ..

إذا الإدارة تتكرم وتتصفح موقع شبكة الزعيم .. الموقع الرسمي لنادي الهلال .. فياليتها تحس في معاناتنا .. معاناة جمهور عاشق .. يرى كيانه ليس هو الكيان اللذي يعرف .. مو هذا الهلال اللى نبي ونتمنى ونطمح يكون نادينا عليه .. المسأله مو مسألة فوز او خسارة .. ياما خسرنا لكن كنا ندافع عن نادينا بظراوه وبحماس .. الان في هالوقت الهلال يفوز ولانلقى له اي احقيه بالفوز ...

الهلال متغير .. في لعبه .. في تكتيكه .. في روحه ( روحه احط تحتها اربع خطوط )
إدارة الامير محمد بن فيصل في البداية كانت إدارة رائعه وناجحه ولن اقيس نجاح الرئاسه في احتكار البطولات المحليه في الموسم الأول مع النادي .. لكن تفرغ الرئيس في أول سنة للنادي وحصل الهلال على البطولات ..

الان وللأسف الامير محمد تفرغ للتصاريح ومنافسة رئساء اندية اخرى على التصاريح الناريه واللى لاتخدم الفريق ابدا

الهلال يفقد الكثير والكثير من مميزاته .. ومن هالمميزات عدم ذكر الحكام وتعليق الفشل والهزيمه على الحكام رغم مانتعرض له في الحقيقه من الحكام وغيرهم .. ولكن لانحب ذكر هالأمور الصغيره .. لأن الهلال كبير وسيظل كبير رغم حقد والحاقدين ....

هذا رئيس يصرح .. وهذا إداري ينفي .. وهذا لاعب يشكى .. وهناك جمهور ينتظر .. وبعض الجمهور حط حيله في ( فهد المفرج ) وترك كل هالمشاكل الأخرى

اعزائي جماهير نادي الهلال ... اسأل نفسك سؤال بسيط .. ( وين الهلال )؟ الوحده عجزنا عنها ... العين قبلها وقفت في طريقنا .. قبلها الشارقه بالخمسه !!

لاأعلم اين تكمن المشكله في الهلال .......... أعلم ومتاكد منه بأن هنالك مشكله كبيره في الهلال
واتمنى من الغيورين في الهلال من جمهور .. وإداره ولاعبين .( وأعضاء شرف ) تدارك الوضع .. احس ان الوضع بيكون اخطر واصعب كثير اذا لم تكن هناك وقفة جاده من الجميع

اعضاء منتدى الزعيم . رجاء الارتقاء بالمواضيع لخدمة الهلال خصوصا في هاالوقت .. المواضيع السطحيه لها اقسام اخرى .. او مواقع اخرى

تقبلوا تحياتي
ابو طلال

الكبيتانو · #2 01/10/2007, 05:12 AM

والله كنت ابي اكتب نفس موضوعك من جد هل الاداره والاعبين يدخلون؟! هل هم يحسون فينا؟
والله حرام اللي يصير بالهلال........
مشكور اخوي ابو طلال..........

&هلالي حايلي& · #3 01/10/2007, 05:27 AM

والله مدري..لاكن أتوقع بعض الاعبين.

ابو طـــــلال · #4 01/10/2007, 05:26 PM

إقتباس

الرسالة الأصلية كتبت بواسطة الكبيتانو


	والله كنت ابي اكتب نفس موضوعك من جد هل الاداره والاعبين يدخلون؟! هل هم يحسون فينا؟ والله حرام اللي يصير بالهلال........ مشكور اخوي ابو طلال..........

اتمنى يدخلون ويشوفون كلامنا ... ليتهم يشوفون معاناة الجمهور

هلا15لي · #5 01/10/2007, 05:31 PM

اكيد يدرون

والا شلون ستبعدو المفرج والعنقري !!

وتصريح العتيبي !!

Faisl - 5 · #6 01/10/2007, 05:33 PM

مو سامعينكم

لو

تموتون

بس

على الاقل
يدخلون

ويطلعون

بس

هذا

الي

نبيه

الذيـــــ9ـــــب · #7 01/10/2007, 05:37 PM

عوافي على الكلام الرائع

:::::::::::::::::::::::::::::::
:::::::::::::::::::::::::::::::

ـيا ـها ـجري · #8 01/10/2007, 05:40 PM

الهلال متغير .. في لعبه .. في تكتيكه .. في روحه ( روحه احط تحتها اربع خطوط )

اذا تبوونه يرجع ادعوا الله وانتم صايمين...وعند الفطور

ابو طـــــلال · #9 01/10/2007, 06:38 PM

إقتباس

الرسالة الأصلية كتبت بواسطة هلا15لي


	اكيد يدرون والا شلون ستبعدو المفرج والعنقري !! وتصريح العتيبي !!

تتوقع شالوهم علشان مطالبة اعضاء منتدى الزعيم ؟؟ مااعتقد بصراحه

شاكر لك حضورك ومرورك .. وشكرا للجميع

وننتظر تفاعل المزيد من الاعضاء الكرام

غازي الروقي · #10 01/10/2007, 06:52 PM

يمكن

بس رأيي أن الادارة ما تسمع صوت الاعضاء <<<< ليش؟؟؟ <<< لا تنسوون المنسين الذين يحاولون تفرقت الاعضاء والجمهووور الهلالي

M A Z I N · #11 01/10/2007, 06:56 PM

يا شباب اوصيك بالصبر شوي
وبإذن الله تشوفون هلال شوال غير هلال رمضان

ابو طـــــلال · #12 01/10/2007, 10:46 PM

إقتباس


	يمكن بس رأيي أن الادارة ما تسمع صوت الاعضاء <<<< ليش؟؟؟ <<< لا تنسوون المنسين الذين يحاولون تفرقت الاعضاء والجمهووور الهلالي

قصدك المندسين ؟!

ترى الحين كلن بلشان بنفسه ... عندنا وعندهم خير اخوي

ولايصير وسواس المندسين يسيطر على مواضيعنا ونقاشنا الدائم في المنتدى

شكرا لك اخوي

وفي انتظار المزيد من تفاعل الزعمااء

الهلالي دائماً · #13 01/10/2007, 10:51 PM

اخوي الغالي ابو طلال ...

الله يعطيك العافية ..

كلام في الصميم لافض الله فاك

نتمنى ان تكون هناك اذا صاغية تسمع وتفرق وتفرق بين ما ينفع وما لا ينفع

دمت بخير صديقي

ابو طـــــلال · #14 02/10/2007, 02:27 AM

إقتباس

الرسالة الأصلية كتبت بواسطة ماجد مقبل


	اخوي الغالي ابو طلال ... الله يعطيك العافية .. كلام في الصميم لافض الله فاك نتمنى ان تكون هناك اذا صاغية تسمع وتفرق وتفرق بين ما ينفع وما لا ينفع دمت بخير صديقي

هلا اخوي مايد ( ماجد )

حضورك يسجل لصالحي

وشاكر لك هالحضور

وبانتظار المزيد من التفاعل

ابو طـــــلال · #15 02/10/2007, 02:55 AM

إقتباس

الرسالة الأصلية كتبت بواسطة Faisl - 5


	مو سامعينكم لو تموتون بس على الاقل يدخلون ويطلعون بس هذا الي نبيه

وش نبي فيهم يدخلون ويطلعون ؟؟

نبي حلول لمشاكل النادي .. او اللى يدخل يوصل كلام الاعضاء للإدارة