29/09/2007, 12:35 PM
|
| المجلس العام | | تاريخ التسجيل: 28/04/2003 المكان: المجلس العام
مشاركات: 2,104
| |
|
<><> يوميات الأعضاء في رمضان مع دلع-20<><>
   - إعداد : المنتدى الاستشاري
- تصميم : عاشق بو يعقوب
 مرحباً بكم احبتي مع ضيفتنا الخامسة عشر في يوميات الأعضاء في رمضان
وضيفتنا هي دلع-20 متميزة في مجلسنا  ,
السلام عليكم ورحمة الله وبركاته
كل عــام وأنتم بخير وإلى الله أقرب ,,
بداية اسأل الله كما بلغنا أول رمضان أن يبلغنا آخره ونكون من المغفور لهم بإذن الله وقدر الله وماشاء فعل لخروج الزعيم من الآسيويه ,, قدموا مباراة قويه وحماسيه من الجميع ولكن لم تكتب لنا والحمدلله على كل حال. تفاصيل يوم الخميس 15-9-1428هـ بعد يوم شاق واضع خطين تحت شاق .. كنت في قمة التعب والانهاك ..وفي قرابة الساعه 4 فجراً اُردد كثيراً ( أرحنا بالصلاة )تمت الصلاة الله يتقبلها وبعدها قريت أذكار الصباح مااقدرت أقرا أي شي من القرآن خايفه أحوس الدنيا.
يوم الخميس بالنسبة لي مختلف تماما عن بقية أيام الاسبوع من عدة امور مافيه قومة الصباح والفطور في بيتنا ومافيه نادي يعني مختلف من جميع النواحي
نمت تقريبا الساعة 5 ونص ,," صحيت الساعة 9 ولما شفت الساعة قمت مرتاعه الجاااامعه فاتتني المحاضره لأن الطريق يأخذ حوالي الساعه برمضان وبعد ماركزت بالوضع استوعبت انه الخميس
يازين النووم بعد هالصدمه  ",, صحيت الساعه 3 صليت الظهر وجلست اقرا قرآن الى أذان العصر وبعد صلاة العصر أذكار المساء . الساعه 4 دخلت النت قريت الجرايد وبعض أخبار الهلال, ومريت على موقع الجامعه وشفت اذا منزل واجبات والا محاضرات والا اجازات بس مالقيت شي
بعد ربع ساعه نزلت تحت علشان أمر على المطبخ كالعاده مرور الكرام ولقيت الوضع تمام مايحتاجوني في شيء بس تكرما مني حطيت السكر على القيمات
وطلبت مني اختي اقطع بقدونس وقطعت لاتسألوني وش كانت تطبخ لاني مافكرت اعرف . طلعت من المطبخ ورحت أسوي رياضه لمدة نص ساعه عبارة عن مشي خلصت منها وكانت الساعه 5 وربع وذهبت للإستحمام . قبل أذان المغرب تم الجلوس على المائده وأفطرنا ورحت اصلي واتجهز لانه لازم الساعه 7 الكل جاهز للذهاب للإستراحة * لماذا الساعه 7 بالذات .؟ الساعه 7 تكون مافيه الا سيارتنا بالشارع والطريق اللي ناخذه بنص ساعه نوصل بربع ساعه وأمي تكون بأعلي درجات الفرحه لآنها تكره الجلوس طويلا بالسياره والإنتظار* الساعه 7 البيت يكون حوسه امي الله يخليها اول الجاهزين وكعادتها لازم تدق علينا كلنا ترانا تأخرنا مع أن الساعه 7 وخمسين ثانيه بس  .. نزلت تحت وطبعا أخواتي لازم يطولون لانه يتم تجهيز أكثر من نفر الله يخلي لهم عيالهم " بوقت الإنتظار تم الجلوس مع الوالد وقام بتحليل مباراة الأمس نظراً لخبرته العريقه بالأمور الكرويه الهلاليه ,, من عرفت أبوي ماقد شفته محتر ومنقهر لخروج الهلال من بطولة مثل أمس " ** خارج اليوميات: تم سرقة الإستراحه قبل اسبوعين من قبل لصوص مجهولين لم يتم التعرف عليهم حتى الآن بينما الحارس كان يغط في نوم عمــيق ,, سرقوا كل مايتم سرقته من الكترونيات وزجاجيات ومفروشات,, بس أنا أقول الله يجزاهم بالخير دارين أن العيد عندنا وحبوا يساعدونا بتنظيف الإستراحه الله لا يخلينا ** تم الوصول للاستراحه .. من الساعه 8 الى 1 تخللهاصلاة التراويح و وجبة العشاء وبعض المخططات للعيد ولعب كور مع خوالي وطبعا سجلت هدفين عالميه والمفروض وأقترح أنها تدرس في المدارس الساعه 2 بالمنزل الكل بغرفته وأنا أكتب يومياتي لكم .. ** أهم أحداث اليوم تم رجوع المياه إلى مجاريها بعد خلاف دام اسبوعين مع رفيقة العمر بسبب أمر أقل مايقال عنه تافه ولكن عندما يعود تفكير صاحبك الى تفكير خامس جيم تحس بقمة القهر والحمدلله على كل حال تم إنهاء المشكله مع المعهد ووصول الشهاده بعد جهد جهيد  في النهايه أشكر القائمين على الرقي بالمجلس العام وعلى الجهود البمذوله لذلك من مشرفين واستشاريين واعضاء
تحياتي لكم في حفظ الله كل الشكر للمتميزة دلع-20 وانتظرونا غداَ مع ضيف آخر . أرق التحايا وأطيبها من مشرفي واستشاري المجلس العام
|
الوضع العادي
