نادي الهلال السعودي - شبكة الزعيم - الموقع الرسمي - <><> يوميات الأعضاء في رمضان مع دلع-20<><>

- أرشيف منتدى المجلس العام (http://vb.alhilal.com/f128/)

<><> يوميات الأعضاء في رمضان مع دلع-20<><>

http://upload.alhilal.com/img/008/fasel-yum-rm-mj.jpg

http://vb.alhilal.com/news/bac-4.gif

http://upload.alhilal.com/img/008/bn-yum-rm-mj.jpg

إعداد : المنتدى الاستشاري
تصميم : عاشق بو يعقوب

http://vb.alhilal.com/news/1div.gif

مرحباً بكم احبتي مع ضيفتنا الخامسة عشر في يوميات الأعضاء في رمضان
وضيفتنا هي دلع-20 متميزة في مجلسنا :) ,

http://upload.alhilal.com/img/008/fasel-yum-rm-mj.jpg

السلام عليكم ورحمة الله وبركاته

كل عــام وأنتم بخير وإلى الله أقرب ,,

بداية اسأل الله كما بلغنا أول رمضان أن يبلغنا آخره ونكون من المغفور لهم بإذن الله

http://vb.alhilal.com/news/1div.gif

وقدر الله وماشاء فعل لخروج الزعيم من الآسيويه ,, قدموا مباراة قويه وحماسيه من الجميع ولكن لم تكتب لنا والحمدلله على كل حال.

http://vb.alhilal.com/news/1div.gif

تفاصيل يوم الخميس 15-9-1428هـ

بعد يوم شاق واضع خطين تحت شاق .. كنت في قمة التعب والانهاك ..وفي قرابة الساعه 4 فجراً اُردد كثيراً ( أرحنا بالصلاة )تمت الصلاة الله يتقبلها وبعدها قريت أذكار الصباح مااقدرت أقرا أي شي من القرآن خايفه أحوس الدنيا.

http://vb.alhilal.com/news/1div.gif

يوم الخميس بالنسبة لي مختلف تماما عن بقية أيام الاسبوع من عدة امور مافيه قومة الصباح والفطور في بيتنا ومافيه نادي يعني مختلف من جميع النواحي

http://vb.alhilal.com/news/1div.gif

نمت تقريبا الساعة 5 ونص ,," صحيت الساعة 9 ولما شفت الساعة قمت مرتاعه الجاااامعه فاتتني المحاضره لأن الطريق يأخذ حوالي الساعه برمضان وبعد ماركزت بالوضع استوعبت انه الخميس
يازين النووم بعد هالصدمه :rolleyes:",, صحيت الساعه 3 صليت الظهر وجلست اقرا قرآن الى أذان العصر وبعد صلاة العصر أذكار المساء .

الساعه 4 دخلت النت قريت الجرايد وبعض أخبار الهلال, ومريت على موقع الجامعه وشفت اذا منزل واجبات والا محاضرات والا اجازات بس مالقيت شي

http://vb.alhilal.com/news/1div.gif

بعد ربع ساعه نزلت تحت علشان أمر على المطبخ كالعاده مرور الكرام :rolleyes: ولقيت الوضع تمام مايحتاجوني في شيء بس تكرما مني حطيت السكر على القيمات
وطلبت مني اختي اقطع بقدونس وقطعت لاتسألوني وش كانت تطبخ لاني مافكرت اعرف:d.

طلعت من المطبخ ورحت أسوي رياضه لمدة نص ساعه عبارة عن مشي خلصت منها وكانت الساعه 5 وربع وذهبت للإستحمام .

قبل أذان المغرب تم الجلوس على المائده وأفطرنا ورحت اصلي واتجهز لانه لازم الساعه 7 الكل جاهز للذهاب للإستراحة

* لماذا الساعه 7 بالذات .؟ الساعه 7 تكون مافيه الا سيارتنا بالشارع والطريق اللي ناخذه بنص ساعه نوصل بربع ساعه وأمي تكون بأعلي درجات الفرحه لآنها تكره الجلوس طويلا بالسياره والإنتظار*

الساعه 7 البيت يكون حوسه امي الله يخليها اول الجاهزين وكعادتها لازم تدق علينا كلنا ترانا تأخرنا مع أن الساعه 7 وخمسين ثانيه بس :whacko:..

نزلت تحت وطبعا أخواتي لازم يطولون لانه يتم تجهيز أكثر من نفر الله يخلي لهم عيالهم

" بوقت الإنتظار تم الجلوس مع الوالد وقام بتحليل مباراة الأمس نظراً لخبرته العريقه بالأمور الكرويه الهلاليه ,, من عرفت أبوي ماقد شفته محتر ومنقهر لخروج الهلال من بطولة مثل أمس:cry: "

http://vb.alhilal.com/news/1div.gif

** خارج اليوميات: تم سرقة الإستراحه قبل اسبوعين من قبل لصوص مجهولين لم يتم التعرف عليهم حتى الآن بينما الحارس كان يغط في نوم عمــيق ,,
سرقوا كل مايتم سرقته من الكترونيات وزجاجيات ومفروشات,, بس أنا أقول الله يجزاهم بالخير دارين أن العيد عندنا وحبوا يساعدونا بتنظيف الإستراحه الله لا يخلينا:d:rolleyes: **

http://vb.alhilal.com/news/1div.gif

تم الوصول للاستراحه .. من الساعه 8 الى 1

تخللهاصلاة التراويح و وجبة العشاء وبعض المخططات للعيد ولعب كور مع خوالي وطبعا سجلت هدفين عالميه والمفروض وأقترح أنها تدرس في المدارس:rolleyes:

http://vb.alhilal.com/news/1div.gif

الساعه 2 بالمنزل الكل بغرفته وأنا أكتب يومياتي لكم:) ..

** أهم أحداث اليوم

تم رجوع المياه إلى مجاريها بعد خلاف دام اسبوعين مع رفيقة العمر بسبب أمر أقل مايقال عنه تافه ولكن عندما يعود تفكير صاحبك الى تفكير خامس جيم تحس بقمة القهر والحمدلله على كل حال:d

تم إنهاء المشكله مع المعهد ووصول الشهاده بعد جهد جهيد :stoned:

http://vb.alhilal.com/news/1div.gif

في النهايه أشكر القائمين على الرقي بالمجلس العام وعلى الجهود البمذوله لذلك من مشرفين واستشاريين واعضاء

تحياتي لكم في حفظ الله

http://upload.alhilal.com/img/008/fasel-yum-rm-mj.jpg

كل الشكر للمتميزة دلع-20 وانتظرونا غداَ مع ضيف آخر :) .

أرق التحايا وأطيبها من
مشرفي واستشاري
المجلس العام

http://vb.alhilal.com/news/1div.gif

<><>أرشيف يوميات الأعضاء في رمضان لعام 1428 هـ <><>

http://upload.alhilal.com/img/008/fasel-yum-rm-mj.jpg

ماشاء الله ..

دلع ضيفة رائعة على اليوميات , ويومياتك حلوة ولو انها طوييييلة مرة ! ورى ما قصرتيها اكثر..

بعدين شلون انسرقت استراحتكم ؟ بعد يوم الخميس يعني ؟!!

ابروح اكتب فيها موضوع <<< عجبتها السالفة

شاكرين للمنتدى الإستشاري وبإنتظار الضيف القادم :)

صراحة يوميات حلوة بالحيييييييل

دلع ...

حمستيني أطلع أتمشى اليوم (^_^)

عازمتك إنتي وبنات المنتدى على تمشية كايدة بشوارع وحواري الرياض

هااه ... وش رأيك ؟

مشكوووورين يا إدارة المنتدى على الجهود

يعطيك العافيه اختي دلع على هاليوميات اللي ما شاء الله طويله مره ...
شكلك مالك نفس يوم تكتبينها<< امزح:d

والله ما الوم الوالد اذا ما انقهر الا على ذي البطوله ...:cry:

تقبلي مروري البسيط....:)

يومية جميلة يعطيك العافية

هلا والله دلع :thumbup:

وراه يومك قصير <<<<<< ملقووفه :d:d

ماله حيله ابووك يزعل هاذي اغلى بطوله وراحت :(

يعطيك العافيه :wink:

مشرفي واستشاري
المجلس العام

كل الشكر لكم :)

هلا وغلا بدلع :)

احس شي مرور الكرام على المطبخ :thumbup:
والخميس يوم بطل ورهيب :thumbup:

سلميني على امكـ :stoned:

والحمد لله رجعت المياه مجاريها معاك انتي وصديقتك :dسلميني على صديقتك

ابوك منقهر ماينلام انا شويه منقهره تعديت هالمرحله :cry:
ايه صح سلميني على ابوك

>>>>كل الناس سلميني عليهم :d

عوافي على هاليوميات s13s

الهنوووف

كانت

هنا

ورحلت

البرنسيسة الزرقاء

هلا بك
خير الكلام ماقل ودل وعطيتكم زبدة اليوم :rolleyes:
واستراحتنا منسرقة قبل اسبوعين , واكتبي فيها اللي تبين ولو تبين أدله صور اجيب لك

الليدي الزرقاء

هلا بك

كل يوم أنا اتحمس اطلع أتمشى :d

وموافقه على العزيمه وش زودنا عن الشباب

badori999

هلا بك

بالعكس كان مزاجي عال العال بس ليه أطول السالفة وهي قصيره :rolleyes:

شكرا لك

بنت عز ماتنهز

تعرفين رمضان نعيش نس يوم,,

مره شكرا لمرورك الحلو:stoned:

الهنوووف

ترا أمي تسلم على أمك وتقول حياكم

وابوي يسلم عليك ويقول خيرها بغيرها والدنيا فانيه يابنيتي وسعي صدرك:rolleyes:

يوميات جميلة

وبعدين الاستراحة اذا بغيتوا متحري

عندكم مواصل من عام الفيل ترى يفيدكم

يطلع الحارامية من تحت الارض واذا بغيتي تسئلينة

عن باب االحارة ترى يجيبلكَ اخر الاخبار

مواصل امزح يا غالي

تقبلي مروري

يعطيك ألف عافيه على اليوميات :wink:

كان سويتي أكشن ، وتطاقيتي مع وحده من أخواتك ، علشان يضبط الموضوع :d
:d <=== يحب الطقاق

دمتي دلع s13s

إقتباس:

وقدر الله وماشاء فعل لخروج الزعيم من الآسيويه ,, قدموا مباراة قويه وحماسيه من الجميع ولكن لم تكتب لنا والحمدلله على كل حال.

لا تقلبين المواجع واللي يعافيك:cry:
ما شالله يوم جميل:dوصحي بعد:d

إقتباس:

طلعت من المطبخ ورحت أسوي رياضه لمدة نص ساعه عبارة عن مشي خلصت منها وكانت الساعه 5 وربع وذهبت للإستحمام .

باين عليك سنعه حيل مريتي عـ المطبخ:d
بس حظك حلو ما نشبولك:d
مطبخنا لو تنوين بس نيه انك تمرين من عنده بس ما تدخلينه:d تنشبين وما تطلعين الا بعد الفطور:d

يعطيك العافيه:wink:

:dخلاص بطلنا حجز امس سحبت على محبوبه مامداني
ارجع:d

يومك مرتب :thumbup: أجل وش رايكـ تخلين يوزرك دلع 9 بعد ماسجلتي الهدفين :d

شـكرا على المجهود يا الإستشاريين والإشراف :)

إقتباس:

السلام عليكم ورحمة الله وبركاته

وعليكم السلام ورحمة الله وبركاته

إقتباس:

بعد ربع ساعه نزلت تحت علشان أمر على المطبخ كالعاده مرور الكرام

لقيت احد مثلي اخيرا:thumbup:

إقتباس:

ولعب كور مع خوالي وطبعا سجلت هدفين عالميه والمفروض وأقترح أنها تدرس في المدارس

اجل شاطرة هاااا ماشاء الله عليك انا اشطر منك بكثييير >>> بكش :d:d

يوميات حلوة مررة استمتعت بقرائتها:wink:

الف شكر لك قلبووووو

تحياتيـ
عاشقة الزعيم15

يوياتك حلوه والله خير الكلام ماقل ودل

ودي مره العب مع بنات كوره دايم العب مع خالي ودايم تجيني على وجهي كف وجهي عاد شوفي

يصير احمر ولا دايم اسطح الكور مأدري ليش حظي كذا!!

مشكوره دلع عاليوميه الرائعه