#1  
قديم 28/09/2007, 10:38 PM
زعيــم متواصــل
تاريخ التسجيل: 30/10/2006
مشاركات: 127
هلاليون ولكن ما نقدر!!

انتهت المباراة,,ضاعت البطوله,,تلاشت العالميه,, طيب وش صار؟؟
الاعبين وسبيتوهم,الرئيس وطالبتوه بالاستقاله وكل شي تبونه على كيفكم !!
أنا عندي لكم حل:
250,000 يمسكون النادي هذا اذا حسبنا هلاليين المنتدى بس فما بالكم بكل الشعب الهلالي,وقتها بتقوم الحرب نرضي مين ونزعل مين؟؟أتحدى لو 5% يتفقون على رأي.
يا ناس الاداره أدرى بمصلحة الهلال يدرون وش لهم وش عليهم ترى المسأله مو نمسح على فانوس ويطلعلنا محمد بن فيصل ويقول شبيك لبيك آمروا وأنفذ!!
تراها كوره يعني لعبه لازم فيها فايز وفيها خاسر يوم لك ويوم عليك والا ليه حطوا بطولات و مباريات و أنديه تتنافس ؟؟
والله ماصارت و لاراح تصير في أي نادي في العالم انه يفوز بكل مبارياته ويحتكر كل بطوله يشارك فيها,,باجيو و ديفد بيكهام ترى ياسر ماهو أحسن منكم لما ضيع البلنتي,والله عيب اللي تسوونه اذا فاز الهلال تمدحون وتمجدون واذا خسر قومتوا الدنيا ولاقعدتوها ما بقى من الاعبين الا يمسكون الكوره بيدينهم ويحطونها في المرمى,ياما فريق لا يقهر يسيطر عالمباراة من أولها لآخرها وفي غمضة عين تروح النتيجه للفريق الاضعف.
يا هلاليين هلالكم يمرض و لكن لايموت وعشان يشفى يحتاج العلاج و علاجه وقفة الشعب الهلالي معاه عشان يرجع هلالنا الذي لايقهر.
كلنا ماننقهر ونتظايق الا من عشقنا للهلال ولأننا شعب الهلال اللي ما يشبع غروره الا الفوز و البطولات و لكن تذكروا:
هلالنا جعل الناس يهابوننا لأننا زعماء آسيا,هلالنا يخلينا نقول أنا هلالي و روسنا مرفوعه,هلالنا أجبر الخصوم انهم يكونون يد وحده هدفها الخلاص من الكابوس الهلالي اللي بيفتحلهم أسهل الطرق للبطولات,هلالنا يخلي البطوله تقول من قدي الهلال أخذني,هلالنا هو نادي الشعب هو نادي ال10,000000 مليون مشجع أجبرهم على عشق كل ما هو أزرق وأبيض,هلالنا حارق دم كل الاهلاليين,هلالنا صار مقياس لمستوى ذوق المشجع.
الحمدالله على نعمة الهلال,غيرنا يتمنى ريحة بطوله وحنا بكل غرور نقول ما نبي بطولات بعد آسيا صرنا نحقر البطولات المحليه ونشوفها تكملة عدد و لسا قدامنا 5 منها,,غيرنا يتمنى التعادل ويفرحون فيه يلقى فرحة الفوز واحنا التعادل و الخساره عندنا نفس المعنى بس اختلاف في الكتابه.
1-الدعيع
2-الخثران
3-تيفا
4-المرشدي
5-الغامدي
6-عزيز
7-الشلهوب
8-التايب
9-التمياط
10-ياسر
11-الصويلح
يكفي أنكم نجوم تخلي الخصم يعملكم 1000 حساب ولكننا شعب الهلال نطمع بالمزيد:
1-هوساوي
2-كامل الموسى
3-حسن معاذ
4-أحمد الموسى
5-الطريدي
6-لاعب أجنبي بدل برونو
نحن شعب الهلال اللي متعود نحط يدينا في مويه بارده قبل كل مباراة,نحن شعب الهلال الذي نطمح أول ما تعلن تشكيلة الهلال:
1-الدعيع
2-كامل الموسى
3-تيفا
4-الهوساوي
5-الغامدي
6-التايب
7-الشلهوب
8-أحمد الموسى
9-ياسر
10-حسن معاذ
11-الصويلح
وقتها نعرف اننا بنشاهد ابداع هلالي يلعب بالخصم لعب.
وأنا على يقين الاداره بتراجع حساباتها وبيرجع هلال 2005 وما عليكم الا الدعاء و الوقوف مع النادي اداره و لاعبين.
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube