انا وانتم ونجوم الوطن العربي..>>بنت ابو مشعان وياسمين بنت الحج متولي<<!!
بسم الله الرحمن الرحيم
هذا اول موضوع لي بينكم بعد كمن شهر من متابعتكم والله هي طقطقات كيبورد.. لكن مدري اذا لهالطقطقة مكان بينكم الله يحفظكم ويخليكم لأهلكم ولذريتكم الى يوم تبعثون .. <<< بدأ الهياط وزي ما حضراتكم تشوفون ( كنه) موضوع طويل .. مدري يمكن بعضكم متعود على المواضيع الي تذكرك (بالمعاريض) !! بس صدقوني اني كتبتها في خلال نصف ساعة تماماً . يعني ماهيب ماخذة منكم الا ساعة بالقراءة <<ما قصرتي لكن الموضوع بتلاقون فيه قصص حلوة .. (حصة بنت ابو مشعان ) و (ياسمين بنت الحق متولي ) و (فرح ) ... يعني كوكبة من نجوم الوطن العربي ولكل بنت سالفة وقصة واتمنى لكم الفائدة والمتعة و انكم ما تطفشون وانتم تقرون فيذا !!!<< هذا ان قراه احد
########################## ############ #####
مدخل :::
طبعاً أنا بنت من اول ما وعيت على جهاز الكمبيوتر والنت (موجود بوه) , ولما تعرفت على طبيعة الانترنت اكيد استعملته بالبداية بشكل (خاطئ) لكن بعدين تغير الوضع ولقيت (منتديات تضفني) بعضها ماتزال مستمرة حتى الآن من اول عهدي بها وهي ما تزال على استمرارها وتطورها , لكن في ناس ( الله يهديهم ) اول ما دخلوا النت لقوه (لعبة) وتساهلوا فيها .! وفعلاً استخدموه بالطريقة الخاطئة .! وحتى الآن ( لا توجد علاجات طبية للأخطاء التي وقعت لهم ) , يعني من جد وقعوا في ورطات مالها اول ولا تالي مثل ياسمين بنت الحق متولي .. وفي قصتي اليوم الكثير منها .... * نصيحة مني .. ( اللي اول مرة يجرب شيء لا يصير "شَرِه" ..... يعني خله طبيعي شوي عشان ما يزودها همن يطيح بورطة ) ,,
######################################### يوم الاربعاء الصراحة كان مميز ولأنه كان مميز حييييييييل , قررت اني اول ما ارجع البيت اروح على طول واكتب اللي سمعته واللي شفته !! الصراحة كل هالسنين وانا تقل (بنت خبلة ) ما اعرف شيء! الا بعض الأشياء اللي واضحة مثل الشمس في رابعة النهار . رجعت البيت وحبيت راس الوالدة الله يحفظها , وشيكت على الوضع في البيت والربع والدنيا والحوسة .. حتى الشغالات سلمت عليهم بعد من زود السنع و( صلة الرحم )اللي اسمع فيها . عاد والله مدري انا واصلة صدق ولا بس كذا !! المشكلة الواحد لا راح لأحد احياناً (ما ينوي انها صلة رحم) يعني يروح كذا وبس,,, لا واحياناً ما يطب عليهم الا اذا انعزم !! مالكم بالطويلة والحوارات الجانبية تقل اني الطنطاوي لا تكلم الله يرحمه ويذكره بالخير . دخلت غرفتي و من العجلة نسيت ابدل ملابسي ! (كالعادة) عجز مو طبيعي .. !! انا ادري اصلاً البنات الله يقطع ابليسهم (حسودات ) يغارون من نشاطي وحيوتي بالكلية !! لا ويحلمون يوصلون للي أنا وصلت له ! اقول وخرن بس يا راعيات الحسد . محد ياصل اللي انا وصلت له ..انا بنت ****** ! <<< (غرور بنات ) اصلا لو شافوني البنات قاعدة بلبس الدوام بالبيت تدرون وش بيقولون ؟! مارح يقولون كسلانة متعيجزة تغير ملابسها .. بيقولون ( يا حبها للدفارة هالشينة حتى بالبيت ملابس الكلية !! ) خخخخ المهم .. قعدت على جهازي وبديت اكتب ,, بس اول شيء خطر ببالي اكتبه أن البنات ما حكوا قدامي بهالسوالف الا عشان (يخربوني )!! على الأقل على الأقل لا شافني احد مع هالشلل بيقول اني (وحدة منهم لكني ابين شيء واخفي شي .. يعني "تحت السواهي دواهي ") لكن انا بريئة من فرط البراءة اللي فيني قاعدتن مع هالشلل اللي تجيب المرض , انا غسلت يدي منهم بعد هالعقدة وهالسوالف !!
#######################################
المايك كان مع "حصة بنت ابو مشعان " <<< للحين تتذكر مواهب وافكار !! عاد الأخت حصة , مسوية قمة في البروتوكول والاتيكيت , وياما صجتنا بهالباريس اللي راحت لها !! تحسب ان محد راح لها غيرها ! المهم ان البنت قامت تتكلم ولا هامها شيء لا والغريب انها تعدت الخطوط الحمراء كثيييييير ومع هذا ماهمها ان الكلام ينقل عنها وان احد يقول ان حصة قايلتن هالكلام الوسخ !!!! يعني قمة اللامبالاة ! يا ناس ليه البنات ما (عاد يهتمون بسمعتهم !!) وين الحياء اللي هو (شعبة من شعب الإيمان )؟؟!! بالعكس انا اشوف ان البنت تسولف عن (قصص خروجها الشبه اسبوعية ) بكل سهولة !! لا وتحث اللي حولها على هالشيء!! وفوق كل هذا تنصحهم وش يسوون لا جوا يطلعون !! نصائح ( جمالية + ( طبية)+ واكيد شلون تتفادى اكتشاف احد من اهلها بسالفة طلعتها المشينة !)) يعني شيء مو طبيعي من القرف وقلة الحياء والدين والأخلاق.!
المهم اني كنت احاول استوعب وش هالمجتمع الوسخ اللي تقل ماله (مبدأ ولا دين ولا عقيدة )!! تقل عايشين كنهم ( بهائم ) !! أو كن ربي معلمهم من بد خلق الله انه غافر لهم وراحمهم , وان على راسهم ريشة !!! اظن لو عائشة - ام المؤمنين رضي الله عنها - شافت حال بناتنا ولا استمعت لكلامهم ولهوهم ودعتهم وش كان قالت ؟؟!! احس انها بتقول شيء واحد بس ! "الحمدلله يا ربي انك رحمتني ولم اكن من هذا العصر ولا هذا الجيل !!" لكن احنا لازم نقول "الحمدلله يا ربي على كل حال وكل قدر وكل ماهو مكتوب ولكن لا تجعل فتنتنا في ديننا ولا الدنيا اكبر همنا" . هذيك حصة وسوالف الخروج والإستمتاع الباطل المحرم !!!
######################################
انتقل المايك بعد الحماس الشديد الى خوية حصيصة بنت ابو مشعان !! و اسمها ياسمين بنت الحج متولي ! طبعاً اكيد ابوها سوى ضجة و مشاكل ذاك الوقت ايام مسلسله , لكن البنت ماهيب مختلفة عن ابوها , هو الله يهديه تزوج له فوق الاربع وكل وحدة جابت له عيال .. بس ترى بالمسلسل ما قدروا يقولون كذا !!! خافوا الناس تحسب القصة خيالية لكنها (صدقية) ولا تصدقون بعد ..!! المهم الحج متولي بتاعنا هذا اللي هو ابو ياسمين .. متزوج له فوق اربع حريم وهذي شغلته يتزوج ويطلق .. يتزوج .. ويطلق ..! وطبعاً نتيجة (اهماله لشؤون بيوته واسره ) الكثيرة والمتفرقة . تشتت العائلة !! وبدأت المشاكل ( تطيح فوق روس الامهات ) !! والمشكلة نصهن مطلقات !! و3000 ريال بالشهر تجيهم وتخب عليهم !! وهذا هو الأب لاهي وساهي ماعليه منهم ولا يدري (ان فوقه رب يحاسبه ) . ياسمين صارت وحدة من الضحايا , ولقت حصة الحيوانة هذي (منفى ) لها .. !! طبعاً حصة ما تقدر تقولها ( السجاير تريحك !) ولاهيب تقدر تقول لها ( شوفي لك بوي فرند !) او (ابد الشاتات مليانة وناسة )!! حصة بنت متمرسة بهالأعمال الإجرامية تقدرون تقولون (******) استغفر الله !! كل اللي سوته انها كانت تسوي هالاشياء قدام ياسمين وهذي الضعيفة تناظر لها !! . وفي النهاية ...!! تعرفت ياسمين على ولد بالنت وعلقها الولد من راسها لأقصى رجولها من الحب يعني ..!!! وتعذبت البنت , وصارت تدخل كل يوم عشان تشوفه بالمسنجر , وتقعد معه بالساعات .. ونست دراستها واهلها وبيتها !! صار هو كل همها وحتى بالنوم تحلم فيه ! المهم الولد بعد ما علقها بهالحب المزيف , قالها : والله انا عندي ظروف صعبة تجبرني اترك النت هالفترة ! يمكن شهر !! شهرين والله مدري .. بس ان شاءالله لنا لقاء بإذن الله و انتي انتبهي على نفسك حبيبتي و ..... الخ ! البنت عاد ما يحتاج قامت تصيح وتبكي ! ولا تتركني يا حبيبي وانا من لي غيرك ! النت ماعاد له داعي اذا انت مو موجود ! حبيبي الله يخليك ابي اشوفك لو ساعة باليوم ! ........الخ ! وتطلع ضحكة الشيطان الأخرس ! وهو مُصر على غيابه وان عنده ظروف ! آخر شي ما قدرت البنت تسوي شيء غير انها لقت هالحل وقالت له : خلاص طيب اقدر اكلمك بالجوال ! عاد البنت تعلمت من حركات حصيصة الوسخة ! لكن مهما كان هي كانت خايفة من هالتجربة الجديدة ! واللي عمرها ما تخيلت انها بتوصل لها بهالسهولة . طبعاً الولد ما يحتاج يتردد , وكل حركاته اصلا عشان يوصلها للنقطة ذي. طبعاً هو يقدر يطلب منها الرقم لكنه عمل هالخدعة عشان يجي الطلب منها هي وتكون هي المسئولة عنه بعدين ! بالإضافة لأن هالطريقة سرييييعة المفعول . وبدأت المكالمات .. شهر شهرين ثلاث شهور !! والموضوع صار عادي عادي جداً بالنسبة لياسمين . لكن صار اللي هي ما توقعته , ويمكن حصيصوه نفسها ( بطلة افلام الرومانسية والآكشن) ما كانت تتخيل او تتوقع ان هالشيء ممكن يصير . وش صار ؟؟؟
الولد تهاوش مع ياسمين عشان سالفة صورها وانها ما تبي تعطيه صورة ! وقام يقولها : انتي ما تثقين فيني !! والبنت تبرر وتقول :الا اثق فيك لكن مو هذي الثقة ! الثقة اني كلمتك واعطيتك رقمي ومدري ايش .! طبعاً كل هالحكي تنقلها اياها حصيصة بالتلقين . آخر شيء الولد ما كلف على حاله .. كلها ضغطة زر وهو يطلع ( الآبي حقها ) ويتصل على اخوياه بالإتصالات , ويطلب كل المعلومات عن الآبي هذا . وبكل بساطة وصله رقم التليفون واسم صاحب التليفون وكل الأرقام اللي بإسمه , طبعاً خلاص الولد عرف اسم عائلتها (عائلة الحق متولي ) وعرف كل ارقام بيتهم والفاكسات ومكتب ابوها ! ودق على ياسمين وقالها : كل شيء عنك عندي وماهيب صعبة اوصل لبيتكم ! السالفة سهلة واسهل من اللي تتخيلن . قالت ياسمين : اها .. شف شلون انت ما ينوثق فيك يا ***** ***** ! اصلا انت بس باقي لك صورتي وتكون تقدر تاكل الكتف , لكن صدقني انك ما تقدر ! ولا رح تقدر تسوي اي شيء ! طبعاً كلام ياسمين كان يطلع وهي مقهووورة ومحترررقة من قلب ! ومن يوم ما قفلت منه وهي معصبة بعد هواش وتهديدات منها ومنه . اتصلت على حصوووه , وهذيك طبعاً انفجعت وقامت تخوف البنت ! لكن ياسمين كانت اقوى لسبب بسيط (الإيمان ) اللي كان باقي منه في قلبها . وياسمين كانت متأكدة انه مايقدر يسوي شيء لأنه اصلا وقتها يكون ( يطيح نفسها بمشكلة ماهوب قدها ! ) وهي ادرى بأهلها ( ابوها الحايس ) ما يشوفونه الا من اسبوع لأسبوع ! وامها مشغولة بالبزران والبيت ! وشلون بيقدر يوصلهم ! لكن ياسمين كانت عندها قوة عجيبة (ماشاءالله ) .. قامت واستهدت بالله ودعته من كل قلبها , وغيرت كل هالماضي الأسود الكئيب , واعتبرته تجربة وعبرة سواء لنفسها او لغيرها . اما الولد فحركاته البايخة ما نفعته بشيء , لأن هالقوة هذي هو يستمدها من (شيطانه ) مو من (ايمانه )! ولأن الله سبحانه وتعالى ( لا يمكن يوفق شخص لعمل مثل هذا ) الا اذا فيه حكمة يعلمها هو . ويمكن تتسائلون شلون ياسمين وحصوه قاعدين مع بعض عادي رغم ان ياسمين تركت هالسوالف وتابت عنها ؟ لكن ياسمين كانت (مشاركة عادية بالجسلة ) مثل ما انا كنت مشاركة عادية بينهم . وياسمين غلطت ولكن ( كل ابن آدم خطاء وخير الخاطئين التوابون ) .
بعد سالفة ياسمين استلمت فرح المايك ( اسمها فرح بس ميب اللي بلحظة ضعف ) !! المهم البنت هذي بنت مبدعة بالمنتديات , يعني تقضي فوق العشر ساعات يومياً والمشكلةانها ما تمل ابد ! لكن ما وصل معها الإدمان انها تتواصل مع احد اكثر من المسنجر سواء بنات او اولاد وهذا يرجع لقناعتها الداخلية ان هالشيء (ماله داعي) وهي كانت مميزة من هالناحية تحديداً. لكنها كانت راعية (بالتوك) درجة اولى . ويمكن اغلب الناس يقولون (مو معقولة بنت تدش البالتوك ولا يكون لها اخويا خارج النت ) لكن انا اقولكم .. ان فرح دليل على ان هذا الكلام خالي من الصحة , وكل شيء وارد ومحتمل عموماً. البنت فرح ما خلت روم ما دخلته .. ولا شات صوتي او كتابي بالنت مادخلته ! ولا منتدى ما شافته ! وصارت خبرة بالعلاقات العامة داخل هالشبكة العنكبوتية , حتى انها مستحيل تكتب شي (بالساحات) ولا (القمة ) ومحد يقراه ويعلق عليه هذا اذا ما نقلوه لستين الف منتدى ! يعني كانت بنت راعية صجة ولجة ولانيب قايلة يوزرها الي تكتب فيه . المهم كان اسلوبها ساخر حيل ! وان قراه احد قال هذي فوق الثلاثين ! وللأسف البعض كان يفكر انها اكيد لها علاقات اكثر من حدود النت او المنتدى والمسنجر , بس الحقيقة انها على الرغم من اسلوبها ( المرجوج حييييييل ) لكنها كانت تحط حد لأي علاقة تربطها بأي شخص , وتوقف عند هالحدود اللي هي حاطتها لنفسها بناءاً على دينها وعاداتها وتقاليدها . والشي الشائع الآن .. أن الناس مجرد ما يشوفون البنت حطت ( هههههه) قالوا ابد .. هذي تنصاد بسهولة ! وهم احياناً ما يعرفون اي خلفيات او معلومات عن حقيقة الشخص اللي كتب هـالـ (ههههه) !! وهذا شيء آذى بنات كثير في النت .. خصوصاً اللي يدخلونه على اساس انه مُتسع لإبداء الرأي و وجهات النظر , وممكن اكيد الفرفشة و توسيع الصدر داخل نطاق معين ومحدد . وحتى لو ابدوا رأيهم فكثير من الناس يكتبون بالطريقة الفكاهية وهذا نوع من الإبداع المتميز اللي لُمس في كتابات فرحوه الراقية .
#############################################
والآن ينتقل المايك لكم .. بعد ما انا استمتعت حقيقة بتدوين سوالفنا ذاك اليوم ولكن بطريقتي الخاصة جداً ! لأني ما احب ( قلت ) و(قالت ) المهم اني اوصل الفكرة وبس .. ! وابشركم جلسات مع هالشلل مانيب قاعدة مرة ثانية .. بكرة يقولون البرنسيسه الزرقاء اللي مسوية بنت مؤدبة مخاويتهم!!
وسلامتكم
*تم تعديل بعض النقاط والكلمات بناء على طلب الاخوه هنا..
هلا فيك أختي البرنسيسة ، بالبداية أسجل إعجابي بإسلوبك وأتمنى ، أتمنى أنك تستمرين بالكتابة بمنتدى المجلس العام _______________________________________ بعيدا عن كلمات التميلح مبدعة ، أسلوب رائع ( طبعا الكلمة هذي ما أحد يختلف عليها )
وقفت حائرا ، لا أعلم كيف أبدا الرد ، ما كتبتيه يتحدث عن تأثير الأصدقاء على الفرد ( الشلة ) ، فالجميع لدية أصدقاء منهم الصالح ، ومنهم غير صالح. أنا لا أعلم هل أكتب ما أستفدت أم أرد وأزيد على موضوعك سأكتفي بالفوائد 1- كل إنسان يجلس بمجموعه فاسده ، يقال عنه فاسد ، ربما يكون من الناصحين لهم ، ولكن الأهم أن لايطيل الجلوس معهم ، كما فعلتي. 2- المجاهرة بالمعصية. 3- مهما أخطأ الإنسان ، فهناك مجال للعودة ، وأن يتعلم من هذا الخطأ ، لنصح غيره. 4- عدم إلصاق التهم بالفتيات ، مهما طال بهن الجلوس على الإنترنت ، فلا مجال للتنفيس عنها إلا عن طريق قلمها ، والكتابة بالمنتديات. 5- إنتي دافورة دراسه ( هذي مالها شغل بالموضوع ، بس كتبتها علشان ما يطلع ردي جدي )
أتمنى أختي برنسيسة أن تعودي لكتابة المواضيع بالمجلس العام ، فإسلوبك جميل بالكتابة
هلا فيك أختي البرنسيسة ، بالبداية أسجل إعجابي بإسلوبك وأتمنى ، أتمنى أنك تستمرين بالكتابة بمنتدى المجلس العام _______________________________________ بعيدا عن كلمات التميلح مبدعة ، أسلوب رائع ( طبعا الكلمة هذي ما أحد يختلف عليها )
وقفت حائرا ، لا أعلم كيف أبدا الرد ، ما كتبتيه يتحدث عن تأثير الأصدقاء على الفرد ( الشلة ) ، فالجميع لدية أصدقاء منهم الصالح ، ومنهم غير صالح. أنا لا أعلم هل أكتب ما أستفدت أم أرد وأزيد على موضوعك سأكتفي بالفوائد 1- كل إنسان يجلس بمجموعه فاسده ، يقال عنه فاسد ، ربما يكون من الناصحين لهم ، ولكن الأهم أن لايطيل الجلوس معهم ، كما فعلتي. 2- المجاهرة بالمعصية. 3- مهما أخطأ الإنسان ، فهناك مجال للعودة ، وأن يتعلم من هذا الخطأ ، لنصح غيره. 4- عدم إلصاق التهم بالفتيات ، مهما طال بهن الجلوس على الإنترنت ، فلا مجال للتنفيس عنها إلا عن طريق قلمها ، والكتابة بالمنتديات. 5- إنتي دافورة دراسه ( هذي مالها شغل بالموضوع ، بس كتبتها علشان ما يطلع ردي جدي )
أتمنى أختي برنسيسة أن تعودي لكتابة المواضيع بالمجلس العام ، فإسلوبك جميل بالكتابة
سأعود للتميلح معك من جديد مبدعه
دمتي برنسس
هلا مواصل,, اجل تتميلح انت وخشتك.. اشوا الي استفدت من الموضوع لاني تعبت فيه حييييل,, والله مدري اذا كلكم اذ جيتو تنزلون مواضيع تتعبون هالتعب؟!! فما الومكم انكم ماتنزلون الا نادر,, دمت مواصلل<<ترى مازرفتها من اسلوبك..
وحصة هذي من كلامك مجاهرة " كل أمتي معافى إلا المجاهرون "
الله يكفينا ولا يبتلينا
إقتباس
لكن ياسمين كانت عندها قوة عجيبة (ماشاءالله ) .. قامت واستهدت بالله ودعته من كل قلبها , وغيرت كل هالماضي الأسود الكئيب , واعتبرته تجربة وعبرة سواء لنفسها او لغيرها .
إقتباس
اما الولد فحركاته البايخة ما نفعته بشيء , لأن هالقوة هذي هو يستمدها من (شيطانه ) مو من (ايمانه )! ولأن الله سبحانه وتعالى ( لا يمكن يوفق شخص لعمل مثل هذا ) الا اذا فيه حكمة يعلمها هو . ويمكن تتسائلون شلون ياسمين وحصوه قاعدين مع بعض عادي رغم ان ياسمين تركت هالسوالف وتابت عنها ؟ لكن ياسمين كانت (مشاركة عادية بالجسلة ) مثل ما انا كنت مشاركة عادية بينهم . وياسمين غلطت ولكن ( كلنا خطائون وخير الخطائون التوابون ) .
كل ابن آدم خطاء وخير الخطائين التوابون
جميل هذا المقطع
بعد أن دخلنا في جو كئيب يتعب ختمتي بنهاية أسعدتنا وفرحتنا كثيرا
الله يثبتها
والله يحفظ بناتنا وبنات المسلمين من كل سوء ويبعدهم عن الرذائل
وحصة هذي من كلامك مجاهرة " كل أمتي معافى إلا المجاهرون "
الله يكفينا ولا يبتلينا
كل ابن آدم خطاء وخير الخطائين التوابون
جميل هذا المقطع
بعد أن دخلنا في جو كئيب يتعب ختمتي بنهاية أسعدتنا وفرحتنا كثيرا
الله يثبتها
والله يحفظ بناتنا وبنات المسلمين من كل سوء ويبعدهم عن الرذائل
شكرا لك أختي البرنسيسة وتقبلي تحياتي
هلا اخوي ابوصقر منور,, عن الاسلوب فأنا ياخوك جربت كذا اسلوب في عدة منتديات معروفه في عالم الانترنت بحيث اني اناقش قضايا مثل ذي.. بس للاسف مانجح ولا اسلوب الا هذا الي هو فكاهي وعلى شكل قصه في اغلب الاحيان وبنفس الوقت يتكلم عن قضيه متفشيه في مجتمعنا ## والي ضيق صدرك اليوم ترانا نشوفه كل يوم والعياذ بالله..شي محزن فعلا وماتدري اننا لنشوف العجب العجاب.. وهذا الي انا شفته خلال شهر تقريبا فقط,,ماذا لو درست معهن طول العمر!! ## وامين الله يحفظنا ويحفظ بنات المسلمين من كل سوء شاكره لك حرصك ابو صقر وانتقادك واهلا بالانتقاد مادامه يدفعني للامام دمت بخير ابو صقر,,
حقيقة من النادر وجودي هنا في المجلس والاندر أيضا هي ردودي والذي بالتأكيد ماهو الا تقصير من ليس إلا .. لكني ولحسن حظي أني دخل اليوم لأرى هذه الكلمات الرائعه والأسلوب الأروع منكي اختي الكريمه ..
عافاكي الله اختي واتمنى ألا يكون الموضوع الأخير وان يكون بداية لسلسلة مواضيع مشابهه في التميز ..
الوضع المتطور
